or#Tm65283938's Profile

朋友介紹左呢間餐廳。聽咗好幾次，終於去試吓。首先個裝修好靚好特別。中式得來又有西式，好似講咗等於冇講。簡單黎講裝修都好fusion.粉紅皮蝦餃🦐🥟-蝦餃一籠三粒， 每粒上仲有啲玫瑰乾花做裝飾。外觀👍🏻👍🏻👍🏻 蝦餃爽脆，唔會好粉，食落都好新鮮，值得排叫黎試。風乾牛肉-呢個係signature，本身諗緊叫唔叫因為覺得好似唔係好抵，又覺得好似好細份。但最終都叫咗係有驚喜。首先呢個菜真係好似藝術品，一上枱真係話咗聲。第二，風乾牛肉真係唔錯，唔會好乾珍珍。第三其實食落，真係都好多舊。為返個價錢都OK嘅。呢個我都會建議食。熏雞-呢個熏雞我強烈推薦。佢個煙熏味係好出。一食落去，雞肉係好充斥着煙熏味，好香。塊雞皮勁正。再加上佢嘅雞，唔會好肥，令到溜。very goodddd!叉燒-好怕食到啲叉燒係得個甜味，同硬骨。呢個叉燒，咬落去爽中帶林，唔似食緊醬油，肥瘦適中。正呀。建議大家試粉絲蟹子蟹蓋煲-呢個都唔錯，但對比其他我就覺得冇乜特別。如果大家唔食芫荽蔥記得叫佢走。…Read More

今日又專登入元朗食嘢。去咗間叫做豬小姐嘅餐廳，食豬什同出名嘅燒鴨瀨粉。鋪頭內面比較細得三張枱。我估應該做外賣生意多！我哋叫咗個燒鴨瀨粉，同豬什米粉。1）先講燒鴨瀨粉燒鴨確實真係幾好味，老闆將燒鴨起咗骨。所以可以直接一舊咁樣擺落口。對於唔想論骨嘅人實在太好啦。另外燒鴨切得厚度適中👍🏻👍🏻👍🏻不過我覺得燒鴨份量比較少，多返兩塊就好2）豬什米粉先講湯底，湯底好清，唔油膩，跟豬什嘅配搭會令到整體食落去唔會好滯同易膩感覺。讚！大家係想都會見到個湯底好清，但係都係有味嘅，唔會淡茂茂！豬什： 整體豬什都新鮮！ 豬雜粉入面有豬肚，豬粉腸，豬膶，豬肉，豬腰（即豬腎），豬喉嚨。每樣都有一至兩舊。整體味道唔錯，真係清清地，唔油膩。另外叫咗個豬耳小食。價錢有啲貴同埋味道都係一般所以我覺得可以唔使試😅推介豬什米粉👍🏻…Read More

今晚心思思又想去打邊爐。一改習慣,平時去開APM但馬屋。見新開左<美人鍋>，同老公轉左軚去試新野。等左一個鐘，終於可以入去。鋪內環境感覺係幾新鮮。入鋪既左手係drink bar, 同醬料bar。而成間鋪頭主要用左木既傢俬。鋪嘅面積都算大，但係枱與枱之間都比較貼。冇計香港寸金尺土。食物食火鍋嘅，有火鍋套餐$168 包一個鍋底➕一份免治雞肉➕一份肉➕蔬菜一份💢另外可以加$88 任飲 同加錢追加其他嘢食鍋底◦我哋分別叫咗個✓1）骨膠原湯底 同2）辛辣湯底◦湯底味道冇特別。◦◦免治雞肉◦冇特別肉類我哋叫咗雞肉同豚腩肉雞肉🐔雪藏味重，連雞翼位都諧霎霎🤷🏻‍♀豚腩肉🐷得4塊，味道冇特別蔬菜種類多，同新鮮既反而要讚一讚嘅係醬野。椰汁咖喱醬👍🏻👍🏻👍🏻其他係冇特別嘅都係整體，湯底麻麻，肉類唔OK。感覺168 +1呢個價係比左係蔬菜。唔會再拜訪，未搵到吸引點。…Read More

上次喺銅鑼灣三聖食過紅燒牛肉麵覺得唔錯。今日嚟到沙田新城市見到又有三星餐廳。梗係同老公去試吓啦。事關佢好鍾意食牛肉麵。一到去梗係要叫紅燒牛肉麵喇。另外我哋都叫咗鹽酥雞，炸大腸同生菜。再加多杯綠妍芝士蓋茶。但今次係有啲失望。因為對上果次喺銅鑼灣三星，食嘅紅燒牛肉麵係好好味。份量都多好多。銅鑼灣嘅牛肉麵係葉得好琳。但沙田係有啲硬。連蔥花都浸到黃左。我估因為新城市呢間鋪係喺地下，人流比較多，所以食物質素控制比較難（流轉量快，所以要整得快）而係銅鑼灣係喺樓上鋪。不過鹽酥雞係keep到嘅，好香口， 不過有啲鹹。炸大腸都OK。可能因為係肥腸。夠香。至於杯特飲，都係不及喜茶（深圳）如果唔怕遠我係建議食銅鑼灣嗰間🤣🤣🤣環境同食物都優勝好多。…Read More

自從屋企人帶我去過呢間食醉雞米。食過返尋味。連老公食完都成日念念不忘。入親元朗都會去食。醉雞米係即叫即煮，所以每次都要等10至15分鐘。但每次我都覺得值得等嘅。本身個醉雞係一個湯，跟米粉或者米線🍜，飯要加$5。我每次都叫醉雞米好老土要講一句，雞有雞味，醉雞有酒味。同埋啲雞係唔會鞋颯颯。食到有雞味，同酒香味。PS. 係雞件上，有骨個隻。感覺好真材實料另外，本身個湯係跟咗啲配菜，木耳，冬瓜，紅棗，薑絲，芫茜。除咗紅棗，其他都係我杯茶。唔會成碗齋肉又有啲伴菜。正呀。個湯底都好正，次次我都飲哂佢d 湯。最重要嘅係，食完係唔會口渴嘅。冇記錯好似係$58一碗，我覺得好抵。原因係個雞滑，個湯底好夠味， 而唔似係用味精粉開。誠意推介…Read More

人少少。叫咗兩個飯🍛一個菜🥦六個小食🌮。先來個結論係食唔晒嘅😝 真係眼闊肚窄。不過食唔晒我哋有打包唔會嘥野👌分別叫咗-滷肉雞扒-滷肉排骨飯-蒜泥白肉-鹽酥雞-炸豆腐-炸大腸-台灣腸@滷肉雞扒同滷肉排骨飯都好味。滷肉好入味，雞扒同排骨都炸得好脆。同埋見到本身醃過先炸。本身跟個半粒蛋係糖心蛋👍🏻👍🏻@鹽酥雞唔會炸到好乾身👍🏻好味，值得叫👍🏻@炸豆腐呢個質感好特別，食落去好似炸魚腐。@炸大腸我覺得有啲乾，炸過左少少。@台灣腸正正常常@蒜泥白肉譚仔好食好多🤣 總括我都覺得值得去食價錢都好實惠。必叫鹽酥雞。特飲都唔錯。…Read More

Lunch 唔知食咩好？走咗去食韓國菜。一行三人，分別叫咗#11石鍋雜景拌飯，#16牛肋骨湯（我）#19海鮮豆腐湯煲3人共有6碟前菜（但無得refill, 只得一轉）Ref: 前菜冇驚喜，所以冇得refill 係唔緊要既🤪主食黎到。-賣相唔係咁ok🙄我講返自己叫既牛肋骨湯。<牛肋骨湯>-@牛肉分量：多嘅，可以話比平時一般牛肋骨湯多好多。-@配菜分量： 同樣一啲都唔吝嗇，多到食唔晒-@味道 ： 我覺得係偏鹹嘅。重口味嘅人可能啱。 但我都再次覺得係好鹹。鹹都琴左牛肋骨既味。其他兩份，同事係都係冇乜特別。食完佢會送三粒維記雪糕🍦總括由賣相同食物味道味道，可以話完全冇驚喜。-回頭率係0。-對比同樣都係灣仔嘅韓國餐廳，我會覺得之前去過既「純子餐廳」好好多，但當然價錢係貴返少少。但我覺得係值嘅。不過呢間成日full, 好多時去到都等唔到位要轉場。…Read More

平時打邊爐，通常都會去APM但馬屋。但今次同老公去食溫野菜。（事緣係佢未去過）又係啦，避左個食飯人潮。所以我哋5:30就入咗十下十下。湯底我揀咗🐟鰹魚湯底，老公揀咗🐮和牛湯底🐟鰹魚湯底好多鰹魚肉，湯底好濃魚味🐮和牛湯底有一舊牛肉如圖，湯底比較淡冇所謂嘅和牛湯味肉類分別叫左佐賀A5和牛（$199）同丹麥皇家豚肉眼（好似$59）點解我會咁記得和牛要$199？😂😂😂原因係199係有4塊。🗣係4塊，4塊。平均1塊要$50，加埋一唔止🤣🤣🤣覺得係貴嘅。🙆🏻‍♀🙆🏻‍♀🙆🏻‍♀不過耐唔耐一次都可接受，但下次應該唔會叫🤪好喇，講返個牛。🐮切到好薄，熟唔使1秒就熟透。肉質係林嘅，但唔算有牛香味。如果用價格去衡量，我又真係唔覺得係值。可能係我唔識欣賞。到個豬🐷嗯，正正常常。可能本着黎自丹麥，冇激素安心食。另外我哋都叫咗芥蘭，雜菜籃🧺，墨魚餅，淮山卷，明太子豬肉滑，面，玉子雜炊。特別嘅先講-老公覺得墨魚餅好味，但我覺得普通-反而我覺得淮山卷，唔錯（中間真係有條淮山仔）-明太子豬肉滑，失望😞（可以唔使試）-玉子雜炊，係最後食完哂所有嘢先上。佢係用本身個湯底加返飯着出嚟。之後加埋紫菜同蔥撈埋一齊食。一句：味道係冇特別不過叫做有得撈下玩下。😂2個人食咗五百幾蚊。貴🤭不過呢間鋪頭環境好好（好舒服，可能我地食得早無咩人），佢同牛角係同一間餐廳連接着。不過牛角喺前面，溫野菜喺後面。環境溫野菜好好多👍🏻👍🏻最後讚嘅位係👍🏻，食物同蔬菜係好新鮮既。但係都係果句貴。🤪…Read More

同朋友食飯，朋友揀咗呢間樓上韓國餐廳好似係家庭式經營，聽到佢哋講韓文我諗都係韓國人開。我哋分別叫咗海鮮餅，牛肉，炸雞🍗，海鮮拼盤。前菜一般海鮮餅🦐上面咁多食物我最鍾意食呢一個。佢好香脆，唔算煎到好燶。食完又冇喉嚨痛同埋我食咗好多件都唔會好滯。好好味呀！牛肉普通正常炸雞🍗炸漿做得唔錯，好脆。呢款炸雞係甜味既。但唔算好流。都算大嚿要用鉸剪剪。呢個可以試海鮮拼盤有鮑魚，帶子，蝦，扇貝全部都好新鮮。今餐食得好舒服，全因有個朋友佢全權負責燒嘢食🤭🤣😂😅呢樣都好緊要，因為燒得好唔好都好影響個食物味道。所以下次如果大家去食韓燒，記得叫埋好朋友+有耐性+食燒嘢食🤪…Read More

前排比較忙，冇時間寫食評。一次過寫返晒。🙆🏻‍♀️🙆🏻‍♀️🙆🏻‍♀️聽屋企人講，無印良品嘅慢煮牛好味。專登搵日夜晚六點去試（襯早食冇乜人，唔使排隊）。一入到去到，叫咗一份慢煮牛🐮同慢煮豬🐷。等左差唔多20分鐘，終於有得食。急不及待。原來每分佢都會配配菜。感覺冇咁貴中和返個價錢🤣🤣🤣因為覺得喺無印良品食扒，一份要差唔多$150。有d 貴🤣🤣但原來佢仲有凍食同熱食跟配菜咁叫。價錢相對抵。但我已經直衝走咗去叫慢煮x 2🤦🏻‍♀️好講主角先🐮🐷😚1）慢煮牛🐮整體賣相尚可 🈴肉質：比相象中林牛味：唔算好濃，但都可以接受整體5星我比3星⭐️⭐️⭐️2）慢煮豬🐷豬扒份量明顯比牛扒大肉質：比較硬🙇🏻‍♀️豬味：冇乜味，比較淡。可能唔夠肥，如果多少少肥有啲脂肪可能會香d比2⭐️⭐️(覺得可以唔洗試）…Read More

朋友約食飯，佢哋揀咗呢間卜卜蜆。未試過，但聽到個名都覺得好得意。去到我哋叫咗個原味卜卜蜆鍋。嘩😍😍😍😍🤭成鍋好多蜆。我哋五個人食，一人都食咗三碗。正呀🤩🤩🤩佢個湯有少少辣，因為本身個鍋都落咗小小辣椒同埋蒜蓉。個湯底簡正鮮到一個點，真係好鮮甜呀呀呀！👍🏻我哋都帶咗碟手切肥牛。性價比高，好香牛肉味。韭菜餃係自己包嘅，多汁新鮮👍🏻要特別一提嘅就係我哋叫咗碟水豆腐，淥完成舊豆腐朔晒個湯，好鮮味。好正呀真係。🤭🤭🤭🤭我哋仲有嗌其他打邊爐嘅嘢。都好新鮮。但我覺得，最特別同埋最想推介嘅就係呢個卜卜蜆鍋。真係好鮮，啲蜆又冇沙。真係要encore再嚟。…Read More

今晚諗住食個快嘅。帶老公去食燒鵝。入到去見到餐牌，個價錢可以食西餐。好彩見到個$78套餐五寶飯。諗住呢個抵食，跟嘢飲。所以一人叫咗一個。落完單老公發現原來仲有啲雙併飯係$58。再加上五寶飯係冇燒鵝，錯左重點🙄🙄🙄諗住改單，點知個侍應話落咗單。叫我地下次先來試。嗯，其實前後唔夠一分鐘。廚房未整應該可以改。不過算啦🤣🤣🤣五寶飯嚟到，有啲失望🤦🏻‍♀️🤦🏻‍♀️🤦🏻‍♀️首先五寶飯係有：叉燒、乳豬、白切雞、紅腸、鹹蛋。再加條黃左嘅菜芯咁點解會失望呢？因為覺得燒味係餸頭餸尾。我見隔離嗌雙拼叉燒油雞飯。叉燒同油雞係好靚。我哋嗰份就。。。。。叉燒好硬，白切雞好多肥膏係無肉既。乳豬就好啲，都脆。白飯食落有啲鞋口🤔整體食物味道真係麻麻地！侍應接待又麻麻地！會唔會再試？應該唔會👀👀👀…Read More

今朝做嘢諸事不順，去食好少少要慰勞吓自己。唔打唔撞入咗呢間懷舊日本居酒屋。入到去可能時間尚早冇咩人（12:30）環境裝修都好似日本🇯🇵，侍應係着住日本嘅木屐。睇睇餐牌先。都多嘢選擇。我揀咗個套餐。［三點刺身拼特製牛肉飯］套餐係會跟味增湯，前菜（辣味牛舌）一上菜即時心心眼😍個三點刺身好新鮮。分別有兩塊厚切三文魚🍣， 兩塊魷魚🦑連兩小舊海膽，仲有牡丹蝦添都個特製牛肉飯：牛肉好入味有牛肉香，好林。鍾意多牛肉汁嘅朋友應該會鍾意呢個飯。呢碗飯仲有好多洋蔥。啱晒我何車。本身仲擔心唔夠食會食唔飽，點知食到最後好飽。另外朋友分別叫咗牛肉烏冬拼三點刺身、同雜菜炒豚肉飯。朋友覺得烏冬都好味，但望落去，我覺得食牛肉飯低啲。🤪🤪🤪雜菜炒豚肉飯，雜菜比較多，味道正常。呢間居酒屋環境好舒服，食物質素唔錯。會有想再嚟嘅打算。…Read More

做嘢工作壓力大，放工走去跑步。跑步是好想放棄，唯有一路跑一路諗跑完食乜好。炸雞呀炸雞呀🍗跑完有得食。之前去過呢間觀塘嘅韓式炸雞餐廳。食任食炸雞套餐，炸雞都juicy. 所以今次再嚟。由於都差唔多10點鐘，所以冇叫任食套餐。叫咗散嗌，分別叫咗1）醬油香蒜炸雞半份（有六件）2）牛肋骨湯1）醬油香蒜炸雞半份今次食，覺得冇上次咁好食，炸得唔夠脆比較濕身。唔知係唔係因為廚房趕住收工。都明白既，返左成日工都想早啲收工。但上次食真係好味嘅。2）牛肋骨湯佢唔係原條牛肋骨上而係牛肉粒上，味道都夠濃味但係唔夠淋，同expectation 有啲距離.因為本身我以為係會有原條牛肋骨。再加湯上配菜蘿蔔唔夠淋比較硬。（可能真係廚房剛收工）🤪🤪🤪 食完老闆走來問我地覺得個牛肋骨湯點樣， 夠唔夠味？我話比夠硬，都夠味。 老闆話佢今日賣咗好多會牛助骨湯，所以呢一水可能炆唔切。整體今次食覺得麻麻。可能真係太夜去食。不過我都會再嚟食，但就會簡任食嘅炸雞套餐$138😋…Read More

今日專登嚟到上水，食蠔仔粥。餐廳位置，近民居。喺火車站落車行15分鐘記就到。上水變左多多😥自由行多，藥房多去到餐廳，鋪位唔算大。由2夫婦經營，老公負責煮野，老婆負責門面。我地分別叫左個1）蚝仔粥同2）豬膶粉腸泡飯。1）蠔仔粥 $45好多蚝仔，同芹菜，生菜絲鋪面。唔鍾意食芹菜嘅朋友，記得要先叫走芹菜。-蠔仔好新鮮，粒粒都好飽滿，脹卜卜。-配芹菜，原來好match. 我見老闆係鋪面放左芹菜曬太陽🌞，唔知係唔係因為曬完d 芹菜會乾身d 同香口d。-湯底，鮮味好足，唔太似味精湯。我差唔多成碗飲哂。連埋芹菜同生菜，口感豐富5分我比4分（1分失左係乾炸蒜粒，因為太硬，食粥時食到又咬唔到。2）豬膶粉腸泡飯$40-豬膶薄切左小小，但算煮得岩岩好。唔會好硬身-豬膶粉腸都算新鮮， 粉腸無苦味。呢碗高膽固醇泡飯，味道正常。唔算特別。2碗簡的話，我推介蠔仔粥。…Read More