vivianfu's Profile

Openrice這裡標示為$801以上的餐廳，以為佢係好高級的食府，本來就諗住提前一個月就book母親節當日同家人食飯慶祝，所以就問佢地有無母親節套餐，佢地答話menu準備中，然後我就再問可否訂位先，佢地就話暫時未接受預訂，因為當日會以套餐和分段用餐為主。人地其他真正嘅高級食府，唔會一個月前連節日套餐menu都未有準備，亦唔會分幾輪用餐，亦唔會唔接受提前預訂枱，分明就係想趕客。其實只係普通餐廳嘅，就唔好係度扮到自己係高級食府啦!…Read More

蛇年年初二開年飯，我用Openrice訂咗同家人去銅鑼灣世貿南海二號。我地下午一點去到，已經好多人，場面熱鬧，有過年氣氛。本來想吃點心，但家人希望食套餐，所以就另外加了兩個點心。首先上嘅係套餐的蘿蔔絲酥和脆炸椒鹽魷魚，碟魷魚係$128，但分量比我預期中少。然後就上蟹肉花膠粟米羹，其實我覺得係湯羹食到嘅係魚肚而唔係花膠薑蔥花雕燜斑頭腩，魚塊係新鮮的。唯一美中不足嘅係，侍應上菜時，佢唔小心隻手掂到我個匙羹，又倒瀉我杯茶，搞到成枱水...地下都濕咗。然後就到野菌腐皮時菜，煮得很清淡，沒有油，家人滿意。脆皮燒乳鴿，肉質細嫩，燒得剛剛好。食到依家先上番套餐嘅蝦餃和另加嘅牛柏葉。而牛柏葉最搞笑嘅地方係，當你以為有好多件...點知原來下面係放咗四件蘿蔔係底墊高啲牛柏葉最後，就係美極和牛崧炒飯，炒飯亁身，水準之作。農曆新年佢地應該請咗唔少炒散，埋單同侍應講，過咗10分鐘到無人理，要對住經理講埋單先埋到。後記：最痴線嘅係，一個有大陸口音嘅職員，可能唔識用Openrice個app，第二日(年初三)打黎問我，點解佢地會見到我訂咗年初二午餐，我話係你地唔記得confirm我昨日已經到咗，個系統提你地確認番。新年流流，少少嘢都搞錯，唔睇清楚就打俾個客問，搞到我要寫番出黎。唉，其實啲食物好食，但服務唔得，都係會趕客架！…Read More

早前係會展出席大型會議，分別享用了一次早餐和兩次午餐，因為之前幾次黎都係食晚宴，所以特此分享一下。第一餐係午餐，由於有大量賓客，所以沙律和甜品一早已經放係枱面。本身不太喜歡食用花，所以無食，同埋下面面嘅薯蓉味道怪怪地。另外，個甜品亦唔好味，類似啫哩裝嘅物體，我食咗兩啖就已經放棄，只係食咗旁邊伴碟啲水果。個主菜係魚，普普通通，有少少灘凍咗，都可以入口，但旁邊嘅汁又係唔識形容嘅怪味...到第二日嘅早餐，麵包、水果和沙律都係一早放咗係度，我食咗個牛角包 (Croissant) 同丹麥酥(Danish Pastry)，味道唔錯，水果都新鮮，但沙律我就唔敢食，驚肚痛。然後無耐侍應就上個早餐，就係腸仔薯餅奄列，因為仲熱嘅，所以好好味，比昨日嘅lunch好好多，而且賣相都唔錯！之後就到午餐啦，首先就係沙律，唔知係咪又放咗好耐，所以啲綠色蓉嘅旁邊竟然出水，同埋又係放咗啲好討厭嘅食用花...主菜係牛扒，但塊扒好厚，又煎得比較熟，同埋分量細咗啲，我食完覺得唔係好飽，好在早餐時我食多咗，先頂得住。最後就係甜品，朱古力摩絲蛋糕，呢個比昨日個唔知咩嘅甜品好好多，我有食完，味道不錯。其實，我究竟係黎參加會議，定係黎試食？！🤣🤣🤣…Read More

早前在堅尼地城嘅呢間小店和友人吃午餐，發現原來水準很高，所以要寫番食評贊下👍當日點咗個是日餐湯，係南瓜湯，南瓜和cream比例合適，味道濃郁。主菜點了煙熏安格斯肉眼，我叫咗medium，煎得剛剛好，沒有overcook，保持肉質鮮嫩，以呢個價錢，比高級餐廳還要做得好！除了叫咗杯凍檸茶，我地另外叫咗個雪糕Brownie，都係好好味。slow house係性價比好高的餐廳，當附近幾間西餐廳都已經做唔住而執咗嘅情況下，呢間餐廳仲可以做得住，就當然有佢嘅理由，大家多多支持下啦！…Read More

Jimmy's Kitchen搬到新地址後，第一次去試，想不到和以前的感覺有很大落差。印象中的Jimmy's Kitchen係以吃西餐和牛扒為主。想不到現在卻變成了主要吃印度菜？！和友人約了在此吃午餐，但午餐套餐並不太吸引。所以改為要散叫的lunch menu...點完菜後，除了給我們麵包，第一個上的菜居然是這個印度薄餅拼盤，我們見到每一枱都有一盤，但感覺很疑惑，因為我不吃辣，早知道餐廳已變成主打印度菜，我是不會來的。另外，因為不知道如何食用，而其他客人亦沒有人在吃，我們問了兩次侍應點樣食，佢地都唔知，就求其答我地應付一下就算。後來，我點了的French Onion Soup來了，中規中矩，沒有特別。友人則叫了Borscht羅宋湯，但忘了影相。然後，主菜我點了Pork Chop, 配菜放了炸豬皮，食落感覺很油膩。友人則叫了Chicken Madras，但等了很耐先上菜，差點令我們誤以為個盤薄餅係佢嘅主菜，所以亦係無影相。因為我揀了坐大廳，而啲枱編排得好密，所以好嘈，另外食物味道亦不合我們口味(真心講：好難食)，所以吃完主菜後，連甜品、咖啡和茶都無叫就埋單匆匆離開。試過呢一次，以後都不會再去啦！…Read More

2025年的第一天，想有一個新開始，所以帶家人去了高級粵菜館棽粵吃點心。估唔到下午一點去到，餐廳已經滿座，係呢度，你完全感受唔到因港人北上，而令餐廳生意收到影響，而且好多係一家大細和老人家一起聚餐，仲有一枱係慶祝生日。我地點了“中午點心套餐”：第一個係百花釀魚肚，足料而且魚肚沒有腥味。菜苗帶子餃，帶子很新鮮，好味!相比之下，蜜汁叉燒腸啲叉燒就應該係隔夜，已經發黑，口感比較差。因為係新年想食好啲，所以叫了魚翅灌湯餃，味道不錯，湯亦鮮甜。鍋燒和牛生煎包令人很驚喜，熱辣辣的上枱，火候控制得好好，保留到包裡面的肉汁，和牛亦沒有煮到好老，好食!海鮮酥就因為啲海鮮唔係咁新鮮，所以味道稍遜。黑松露蛋白炒飯，黑松露味道突出，炒飯亦沒有太多油，剛剛恰到好處。最後甜品係清香竹葉角及新疆紅棗糕，因為已經吃得好飽，所以飯和甜品都要打包。整體黎講，食物係好食，餐廳樓面職員都很落力，招呼亦周到，如果廚房可以再留意番啲食材水準，應該可以再做多啲生意。…Read More

早前見到網上推銷這間麵家，標榜用本地麵廠生產嘅麵，剛好路過銅鑼灣便入去試下。當日係星期六接近下午一點，麵家依然有許多座位，只有我一人，店員便示意我坐吧台位置。掃了QR code後，因為我想揀三個食材配料，但要搵了一陣，好不容易先搵到三拼麵嘅選項(注意：枱上嘅餐牌係無三拼麵呢個選擇)，然後就揀咗秘制慢煮牛腩、牛筋、墨魚丸和幼麵，湯底就揀大地魚雞白湯。坦白說，係有點失望，秘制慢煮牛腩嘅肉係好韌而且無味，亦根本無法咬爛，要整塊吞入口，差D梗親，其實餐廳本身識唔識煮牛腩？另外，餐廳係孤寒到連一杯茶或水都無俾客人，就係想你幫儭佢買汽水和豆漿，但啲豆漿唔係新鮮整，亦無熱豆漿供應，因為係膠樽裝。以呢個價錢、食物質素和選擇，我寧願去番附近麥奀記食正宗嘅雲吞麵和牛腩麵，起碼人地啲牛腩係入味啲和易食，同埋有新鮮豆漿飲。…Read More

早前很想吃拉麵，朋友推薦，便去了這間位於旺角的人氣拉麵店。我們點了以下食物：鳳尾蝦餃配炙燒豚肉拉麵，略嫌豚肉炙得有點over咗，燒燶到變咗黑色，而鳳尾蝦餃味道偏淡。香煎虎蝦拉麵，當日虎蝦不是很新鮮，但味道維持水準。日式餃子，味道尚可。希望下次光臨，食材可以有所提升啦!…Read More

第二次再黎呢間餐廳吃晚餐，雖然香港餐飲業蕭條，但發現呢間位處觀塘嘅樓上餐廳似乎無受影響，係星期五晚上依然有多枱客人，氣氛熱鬧。本來安排坐係大廳角落，但由於我怕嘈，所以最後都係去咗VIP room入面坐。因為想吃多啲唔同嘅菜式，所以揀咗 Set dinner + A la Carte，並冒險試咗由老闆親自點嘅菜式...首先係餐牌上有嘅前菜，分別有老闆點嘅「法式慢煮鵪鶉脾配山楂汁」，以及我點嘅「法式香草焗田螺配多士」。兩者都好味，但我偏愛田螺多啲，上菜時個紅色鍋係熱到可以燙傷手，香草味濃兼帶出田螺嘅鮮味。湯我就點咗摯愛嘅「龍蝦濃湯」，味道濃郁，比係馬會Hong Kong Kitchen嘅酥皮龍蝦湯更勝一籌。跟住到主菜，我地係食“隱藏菜式”，包括有「櫻花蝦虎蝦配番茄意大利粉」...(老闆話成日對住已經好悶，但為咗陪我食，勉強地自己叫咗呢個意粉)同埋「阿根廷21日熟成西冷牛扒」，真心推介呢個牛扒，肉質鮮嫩入味，廚師更細心切開，比美國牛扒更為好食由於當晚客人較多，我地又太遲先開始食，到吃完主菜後，餐牌上有嘅甜品都沽清。老闆就特別幫我點咗個「迷你窩夫配意大利雲尼拿雪糕」，但廚房焗個窩夫太耐，變成「石頭waffle」，本來個甜品係用匙羹同叉食，結果出動埋刀都切唔開!😅🤣最後，因為我好失望食唔到個甜品，所以老闆就求其叫多個朱古力泡芙俾我，我先少少開心番。希望你地繼續努力，下次有機會我再黎試其他菜式啦！😋😋後記1：後來我發現，有啲菜式係要週末先有，但當晚係星期五，所以餐牌上無老闆所叫嘅菜式。後記2：今餐係老闆自己撳荷包碌卡請我食，因為我係港島得登搭咗二百蚊的士過黎觀塘，所以嚴格黎講都唔算係試食，不過為免誤導，我都會照openrice規矩declare係接受用餐款待或試食啦。…Read More

提早一個月前book了這間餐廳慶祝母親節，四人共花了三千元食午餐，但服務與價錢完全不成正比：1. 本人於4月13日係網上訂枱後，餐廳等到於4月29日先告知原來要俾訂金，點解要係人地訂位過咗兩個禮拜後先告知原來要俾訂金？係咪餐廳故意拖延？因為如果一早告知，我可以有時間改去book其他餐廳。2. 餐廳通知訂金需要係5月5日前支付，問可否俾payme，卻被告知不接受payme，反而接受支付寶和wechat pay，完全對本地顧客唔friendly。然後由於我仲同餐廳用whatsapp交涉緊食咩餐(見下文#3)，所以我遲遲都未支付訂金，但餐廳卻係5月4日就已打黎。結果我被逼係未confirm到menu嘅情況下，就要先俾訂金。3. 話說餐廳send咗個特價母親節menu係每位$600，但由於家人們不吃鵝掌，問可否轉其他，餐廳居然同我講只可以轉北菇，但因為家人亦無唔食得北菇，所以要轉其他menu。其他餐廳嘅set lunch去到 $600 per head ，客人話有一樣食材唔食得，都可以將成個餸菜改為其他嘢，但呢間餐廳只可以用較平嘅食材代替兼唔可以轉第二個菜，搞到我要自己諗menu。4. 到了母親節，我地準時下午1點去到餐廳，職員問我個手機號碼，輸入系統後，然後話搵唔到我個booking，我心諗我俾咗訂金，你地無我個booking，個網站同WhatsApp係咪造假騙案？然後佢地發現無係system輸入我個手機號碼，所以搵唔到，Fullerton話嗮都係一間五星級酒店，其實我唔係第一次黎呢間酒店食嘢，但點解你地做嘢咁求其，mark booking可以唔入我電話號碼？5. 然後入到去餐廳，我地明明訂咗四位，佢地就求其俾咗張係出菜位旁角落位嘅三人枱，我話我地book咗四位，點解又搞錯？然後佢地先開聲話會加番一位，我地四個人企係都等佢地慢慢加番一位，當時餐廳並未滿座，但佢地加位又係求其擺，唔記得放茶杯，請問這是五星級酒店嘅服務及待客之道嗎？6. 因為餐廳位置偏遠，唔想家人星期日太早起身，所以我地book咗下午1點，及上文#3提過我已寫咗菜單，希望慳咗叫餐嘅時間，但我地坐底後，經理1)無問我地飲咩茶，2)完全無提我地已經訂咗餐，3)無問係咪上得，反而仲遞上menu要我地點菜，然後要我提番經理我地已經點咗，可以直接上菜。轉頭經理又再遞上menu，呢個時候先開聲話係茶嘅menu，問我地要點咩茶。我問番佢有咩茶，佢就話有24款，叫我地自己睇，我話我地唔睇menu啦，你話我知，然後佢好似機械人咁又重覆話有24款，跟住我要再重覆話唔睇，佢先肯講有咩茶。要知道佢地嘅茶錢唔係求其收$10位，而係收每位$45，收得咁貴嘅茶錢，但就連有咩茶都要問兩次先肯講，我真係未見過咁低能嘅五星級酒店服務。7. 小插曲：呢度嘅片皮鴨係$838一隻，但就唔係由廚師負責片皮，而是由侍應用餐巾包住黎片，可能呢間酒店嘅餐巾洗得比正常“乾淨”，但我真係第一次見人咁樣用餐巾包住黎片鴨，另外舉高黎片，好易揸唔實跌咗隻鴨落地。8. 我地係點咗6個菜嘅set lunch，自己再另加兩個菜，但佢地足足用咗2小時先上得到全部菜，仲要最尾個飯同甜品係我前後催咗佢地四次先上到，搞到我地唔可以搭3點嘅shuttle走，結果3點半嘅shuttle爆滿，差啲搞到我地無位坐。9. 整體黎講，如果你有四個鐘食個lunch，要山長水遠搭shuttle入去，又唔怕用高價換來好求其嘅服務，兼上菜速度極慢的話，歡迎閣下去親身體驗下。當日除了套餐，預先額外加了“法式焗釀響螺”，但食嘅時候先發現原來係用咗咖哩，而且係辣嘅，但俾我之前睇餐牌就無寫明係辣，明明就係“辣咖哩焗釀響螺”，又得登唔寫明係辣，我本身唔食得辣，如果知道係咖哩，就唔會點呢個菜。另外，食落感覺食材並唔新鮮，所以先要用咖哩嘅辣味來掩飾。餐廳不但服務差，連寫菜名都係求其咁寫!…Read More

近日發現之前嘅川菜館，已經變身成為"上海小籠皇" , 星期六晚更有不少本地和旅客黎食 我地一行三位女士唔食得辣，終於可以黎試下！餐廳環境很乾淨企理 , 座位寬敞舒適。前菜叫咗海蜇和魷魚鬚 , 但略嫌魷魚鬚味道有點淡。清炒蝦仁炒得清爽，不會有油膩感，而賽旁蟹則加咗乾瑤柱和扁豆一齊炒，有新鮮感。紅燒豆腐嘅口感有啲似烤麩，上海炒年糕就加咗肉絲，同平時嘅做法有點唔同，有啲特色。侍應姐姐介紹我地食油麥菜,師傅火候控制得好, 不會炒得太老,味道清脆爽甜。侍應姐姐很貼心地將松子魚等我地食咗其他菜，最後先上松子魚，所以係熱辣辣，而且甜酸醬味道調得剛好，好好味附近其他食肆都係冰室或茶餐廳，想食好啲同坐得舒服啲，推介你地黎試下。由於前身係川菜館，佢地都仲有保留番一啲川辣菜式，俾鍾意食辣嘅客人添!…Read More

近日發現之前嘅川菜館，已經變身成為“上海小籠皇”，星期六晚更有不少本地和旅客黎食，我地一行三位女士唔食得辣，終於可以黎試下! 餐廳環境很乾淨企理，座位寬敞舒適。前菜叫了海蜇和魷魚鬚，但略嫌魷魚鬚味道有點淡。清炒蝦仁炒得清爽，不會有油膩感，賽旁蟹則加入咗乾瑤柱和扁豆一齊煮，有新鮮感。紅燒豆腐嘅口感有啲似烤麩，同平時嘅做法有點唔同，好味侍應姐姐介紹我地食油麥菜，師傅火候控制得好，不會炒得太老，味道清脆爽甜。侍應姐姐很貼心地將松子魚留待我地吃了其他菜，最後先上松子魚，所以係熱辣辣，而且甜酸醬味道調得剛剛好，好味附近其他食肆都係冰室或茶餐廳，想食好啲同坐得舒服啲，推介你地黎試下。由於前身係川菜館，佢地都仲有保留番一啲川辣嘅菜式，俾鍾意食辣嘅客人添!…Read More

之前黎過這間餐廳吃點心和晚飯，當時覺得食物味道不錯。但自從餐廳提供90分鐘任食點心後，已令整體食物質素下降和用餐體驗大不如前。以下係任食嘅餐單：我們叫了壽眉，但由於人客太多，侍應卻做唔切，上錯咗鐵觀音，叫佢再上過，結果俾咗白牡丹，而且完全沒有茶味。我們因為不能食太多嘢，我又想吃煎腸粉，所以選了單點，結果令人失望。首先，點菜後，經理先話我知無腸粉。然後，春卷好似係番炸過，油份較多，咬落去春卷皮並不鬆脆。另外，肉絲炒麵則放了很多肉絲，反而麵嘅分量偏少，變成其實係炒肉絲條。因為要餐廳要滿足大量任食客人叫嘅點心，導致點心不是蒸得很熱，食材也不新鮮，結果本人食完後便肚疴。以下係賬單，以供各位參考。…Read More

最近突然好想食Tiramisu，但由於公司附近沒有太多選擇，所以最後去了Cova睇下...最初被價錢嚇了一跳，因為要$55! 再去Ralph's Coffee望下，雖然係大啲同貴3蚊，但佢地嘅tiramisu 上係Expresso粉，下面全部都係cream，我覺得Cova應該會正宗啲，所以折返去Cova買咗一個試下...結果第一啖入口，就感到絕對值回票價! 因為不會太甜，口感細膩，加上有少少酒味嘅蛋糕底，吃了真的很開心滿足，充滿幸福感!!…Read More

2022年最後的一晚，黎到呢間位於觀塘工廈的隱世法國餐廳，聞說呢度嘅主廚係法國藍帶畢業，果然有意外驚喜！由於小妹喜歡食龍蝦，但兩個除夕menu都分別有唔同龍蝦菜式，真係好開心!頭盤點了龍蝦湯，足料及口感濃郁，大滿足😋主菜我地分別點了焗龍蝦配魚子醬及虎蝦意粉。魚子醬配芝士龍蝦的味道非常合適，魚子醬能帶出龍蝦的鮮味。虎蝦火候控制得宜，意粉入口唔會感到很漏。甜品今次試了French Macorons，味道分別有士多啤梨、檸檬、朱古力和開心果，而且唔係太甜，只係略嫌餅皮有點乾。此外，餐廳環境適合情侶拍拖或與好友相聚談心，侍應服務亦禮貌周到，以平民價享受到fine dining嘅菜式和服務，以後有機會要再黎試下其他菜式！…Read More