eyeshield's Profile

真的是人氣店嗎？？味道一般，CP值極低。食物完全不值這個價錢。人氣梳乎厘，哈，真的十分一般，蛋香欠奉，earl grey sauce 也麻麻，細細份，還要等上差不多半小時。不推薦。意粉裡面嘅蟹肉，食落似罐頭，一啲鮮味都冇。擺盤幾靚都冇用。LATTE奶泡不夠綿密，很快就散。不推薦Matcha latte。Mocha還好。提一提，入座起限時90分鐘。如果想和三五知己聚一聚腳，談談心事，享受假期，就要考慮第二間餐廳了。…Read More

買咗盒辣炒年糕，返到屋企打開，盒年糕個樣係好似叮叮飯咁樣嘅包裝，已經有少少失望，感覺好似pack好咗然先翻叮，份量又少，配料又少。撕開透明膠紙，用筷子一篤，啲年糕硬到篤唔入，初初諗 可能未煮夠所以唔淋，雖然啲魚板係好熱，不過都照煮吓睇吓會唔會令啲年糕可能淋返。放落鍋加熱咗勁耐，又煮又加蓋焗，總之點整都煮唔淋，條條咬開都又硬又白芯，最後一條都食唔到。事後同餐廳講返，獲得一句 「可能啲貨有問題」就算。咁其實你幾廿蚊賣啲咩垃圾俾我食？😡…Read More

無意中見到呢間店嘅龍蝦all day breakfast實在太吸引，專程來試吓佢！份all day breakfast好大份，一個女仔未必食得晒。主角 龍蝦：有啲失望。又乾又鞋，不臭也不鮮。Egg Benedict: 淡淡的，因為荷蘭醬唔夠，煙三文魚又唔夠鹹香。煙肉： 唔肥唔乾唔太鹹，又夠香口。牛油果多士：多士夠脆，牛油果沙律調味重手少少就好。大啡菇/腸/粟米粒/茄汁豆：正常。薯餅：唔油又夠脆，好食。沙律菜：唔苦，亦唔好食。Cappuccino: 一般。最後點多個Tiramisu 做結尾。同x心嘅質素差唔多🙄🙄🙄有位職員講嘢語氣，唔可以話冇禮貌，但令我感覺似去咗茶記咁，真係唔係咁想同佢講多一句嘢。…Read More

之前專登入元朗嗰間食，諗住懷念吓泰國banana pancake ，但真係好失望。今次行過見到呢間，都冇乜太大期望，勝在唔係等好耐，點知又幾好食喎，雖然同泰國嗰啲都係差啲，但好食過元朗嗰間。一定要企埋一邊即刻食，仲有脆底嘅口感，外賣就唔知了。…Read More

冷氣勁凍勁大風，吹到咩地步？吹到職員都吹唔到smoke ball 喺杯cocktail 上面，吹咗3-4次先成功。放低就後咪佢轉身走，咪又係吹俾啲風吹爆。唔好話打咭，想hold到影到張相都難。環境一啲都唔舒適。吹到咁，啲食物又快凍，著咗褸，露出黎對手都凍僵，吹到流鼻水。我諗著羽絨都唔會出汗。又有二手煙味，應該係廚房嗰邊傳出黎。食物同cocktail / mock tail 又唔係特別出色，Cp值低。後悔黎咗試呢間野。…Read More

見lunch set $58(未加一）好似好抵就入咗去食。叫咗個冬陰公蜆肉意粉，包杯野飲，份量細到幾啖食晒，係食唔飽架！最憎出街俾錢食個lunch set係食唔飽！豚肉生薑燒丼：唔好幻想係出面丼丼飯嗰隻燒豚肉片，係一舊舊鞋恰恰嘅瘦肉粒！又唔夠汁！見相片，加$38（未加一）嘅小食幾吸引，就叫咗個一碟三舊嘅蟹餅，上到枱，變咗三粒炸魚丸，邊忽係蟹餅呀？好搵笨呀！個感覺好似俾人呃咗咁！真係好嬲！永遠唔會再幫襯！…Read More

之前經過見到呢間野火焰乾炒牛河好似好有鑊氣，仲有斑蘭蛋tart，綠色的好特別。星期日下午去試試佢，大大個下午茶餐牌棟喺門口，入到去餐牌都有乾炒牛河茶餐，到落單嗰陣就話其他炒粉飯都有茶餐，浄係得乾炒牛河 今日 冇茶餐，得正價$52，仲要熱飲都要+$3，吹脹😡 最後都叫咗當食正餐食多啲。見到隔離枱食茶餐炒貴刁嘅份量，我嗰碟正價牛河份量唔多得幾多，又冇鑊氣，味道同份量都對唔住呢個價錢。斑蘭蛋tart食唔出斑蘭味，$10/個。熱奶茶ok。…Read More

一場黎到太古睇戲，順便openrice一吓太古有咩好食。第一位就係呢間？米之蓮一星？間中一餐半餐，貴唔緊要，最緊要好食，就試吓你！前菜：1- 八爪魚（$150）：疑似過熟，冇鮮味，不爽口。附帶三塊極硬麵包。2- 焗千層茄子（$140）：頭兩啖ok，第三啖開始好肥膩，開始唔想食。主菜：1- carbonara ($160) : 麵質鞋到似鞋帶，好難食，食淨一半食唔到落去了。2- M5 sirloin（$340) : 牛扒正常。薯蓉應該加咗大量牛油，好膩，連老公都食唔到。蘆筍又老又有臭青味。索價咁嘅價錢俾啲咁嘅野我食，離譜！不過餐包係幾好食👍🏻外脆內軟，微暖。配黑醋油食唔錯。…Read More

Book枱時已知90分鐘限時，以為好旺場但其實由頭到尾都冇乜人，限時形同虛設可以慢慢坐。一入門口就見到個男人整緊野飲，西口西面趕客咁樣，講個字都唔想，冇禮貌，冇乜客唔係忙，講一句前面同事幫你 真係好高要求咩，行入兩步有位侍應小姐見到我同友人便幫忙帶位，友善的，但有不合理位係begal上枱冇耐，我同友人平分完各自拎起個包，嘅沙律菜都未食就想收碟？最低消費一杯飲品唔計食物，啲飲品閒閒地都over$60，叫咗兩杯cocktail $98/杯，冇乜特別，似果汁冇酒味。帶子黑松露意粉，帶子過熟，意粉太少（如圖），上枱嗰吓真係心裡吓咗聲，$168 未加一你俾啲咁嘅野我？芝士磨菇釀雞翼：應唔應該話夾呢？因為真係食唔出釀咗啲乜入去。Salmon Bagel 真係好伏，個bagel又硬又韌又冇味，認真想撩咗啲三文魚食就算。埋單$572。價錢貴，質素低，食物種類少，食物多伏，飲品沒特別，環境一般，沒氣氛，服務態度差，佢應該快撿笠。…Read More

信錯左啲like！ :(  長話短說！講重點 包：好un，唔係煙un嗰隻，唔好食 忌廉湯：好淡 紅湯：辣辣地幾好飲 瑞士雞翼：鹵水雞翼黎嘅 芝士西蘭花：冇乜味 薯角：唔脆，好油 田螺：正常 香辣蝦墨汁意粉（唔記得正確菜名）：隻大蝦啲肉又梅又冇鮮味，個汁似超級市場樽裝茄汁，失望！ 西冷配意粉：西冷好冧，冇乜牛味，失望！ 熱奶茶：ok, 偏淡 即磨咖啡：好香！驚喜！唔使加錢！本來想試tiramisu 但真係唔想再花錢喺呢間野度 :( …Read More

單才直入, SUSHI D 飯已經又散又唔好食, D 飯粒都唔似珍珠米. 仲要食到啃骨o個o下火滾.辣味三文魚-- 有魚骨, 都唔細條架!鰻魚SUSHI-- 食一舊lur返近十條骨絲出黎(有相為証), 真係咬唔爛吞唔落, 刮喉o既!極上SUSHI(?)-- 中間D魚生蓉又係有野"銀"牙火炙三文魚好細件魚:(個芝士炸蝦卷又細, 成舊飯咁未食飽都唔ORDER喇! 好彩唔係一次過叫晒D野食啫!仲要唔係平喎去元X/板X/爭X仲好…Read More

唔知係咪小儀金剛效應，啲野貴到嚇死我！一碗麵（炸醬麵whatever）接近40蚊，幾舊炒年糕15蚊我叫左個HotDog $18 ，拎出黎嗰陣，細到嚇死我，我以為佢浄係俾條腸我，睇清楚原來唔係，只係隻hotdog真係好細，條腸食指咁粗。炸得幾好，脆o既~ 但食唔到腸味。$18買一條ok嘅炸饅頭，我喊俾你睇　:’(Ps: 同韓國嗰啲差好得遠！…Read More

住家狗+熱朱古力-見到老闆真係好有心思 , 好NICE , takeaway packing 好精緻 ! 鋪面都擺左唔少心機 , 臨近聖誕 , 門口有關於聖誕ge刊物睇(仲可以拎走) -呢隻狗OK , 杯熱朱OK , 冇乜大驚喜 , 但係會想再去食過~ (神秘的魅力??!)-雖然張枱仔坐得幾舒服 , 不過我都係唔想坐街 , 所以局住拎走...><…Read More

火腿小奄列 $16 - 得個大字... d 蛋又鞋 , 個包仲衰 , 比我個 fd 話成塊枱布咁 , dump 左o係張枱上面 (noeyec...好頂癮...因為真係好似) 阿華田奶昔 $18 - ok la... 但係諗返個價錢 , 我寧願整杯珍珠奶茶加串魚蛋都仲得..奶醬多士 - ok ! 但係我見到件包向內o個邊"lone"左... 黑色的.. 唉.. 雲吞面 $17 - 唔係我食 , 唔知好冇食 , 但睇落唔錯呢個喊係比個蛋同貴華田奶昔 , 其他ge 食物睇落好似ok , 但亦冇乜特色 , 所以 , 冇下次喇 ~個呀姐都幾醒 , 自動比多隻碗仔同多支飲管我地 , 但可惜佢估錯左 , 除左奄列我地都冇share其他食物...…Read More

行行下街餓餓地, 買個餅食, 燒餅皇$10 - D 餡少少少少辣! 好惹味呀! 又有肉汁喎! O個陣冇乜人買, 唔係新鮮出爐, 暖暖地都好食!獨食難肥, 好想比媽媽試下, 但我唔係住呢頭, 怕拎到返到唔好食,所以買左個蘿蔔燒米餅$5 - 糯米皮 , 有汁都唔怕整林~返到屋企, 呀媽都話好食, 我都忍唔住咬返啖, 早知買多個啦!!…Read More