Super BonBon's Profile

雖然住喺附近，但係第一次嚟食lunch。有Kids Menu 供應，小朋友叫咗個Mini Burger set.一上菜見到Burger一啲都唔Mini, 係正常 burger size, 仲要有好多粗薯條🍟，配埋一杯蘋果汁。小朋友食得好開心。叫咗個lunch set - Pasta, 可以揀carbonara,份量夠，配埋一杯嘢飲都係$75。而家喺香港好少搵到抵食，有質素服務又好嘅西餐廳。一定會再去幫襯。❤️坐得舒服，推介俾附近上班族。雖然住喺附近，但係第一次嚟食lunch見到…Read More

今晚同朋友食生日飯，因為唔食牛，所以叫咗豬鞍扒，平時出街食都唔會抱有好大期望，因為多數都煮過龍，會韌啲，不過呢個好好食一啲都唔韌，煮得啱啱好👍上邊仲放咗我好鍾意食嘅炸蒜片😆。個蝦意粉喜出望外，酸酸甜甜又辣辣地，好醒胃。仲叫咗個油甘魚鮫，燒到好香，個個食唔停🤣。個餐牌其實都幾多嘢食揀。因為朋友唔食生冷野，所以冇叫到刺身同生蠔，不過見到隔籬枱食都好新鮮好吸引😋。性價比高，見到有唔少情侶嚟撐枱腳，服務好好好貼心，值得再嚟😍…Read More

金鍾罕有抵食早餐金鍾寫字樓多，但餐廳算少，而且價錢屬於中上，白領大多選擇買外賣。LAH！雖然已經係開左數月，主打麵食麵，這裡午餐平均大概$80左右，對一般打工仔來說是偏貴，所以還沒有打算光顧。偶然一次早上返工經過，睇下有咩早餐選擇，見到價錢由$26-48不等，而且有我喜歡的花生醬香蕉多士，所以就坐低左。我都係叫左'大佬早餐'（花生醬香蕉多士），價錢最抵$16，連飲品＄26，估唔到咖啡可揀Cappuccino 同Mocha ，而且仲唔洗加錢。人都唔算多，等左五分鐘多士已經到，花生醬塗滿多士，鋪上香蕉還灑上玉桂粉，一D都唔馬虎！Mocha絕對比得上連鎖咖啡店，而且平時浄買咖啡都唔只＄26，好抵！過左幾日，試埋番茄肉碎螺絲粉，單買＄18，濃厚番茄湯底，好味到連湯都飮埋，又好食又平真係出乎意料！環境闊落，坐得舒服，而且服務態度也很好！已經成為我食早餐必選之地！…Read More

近幾個月來，開始偏愛吃素食，大家通常想到的都是中式的，西式專門吃素的餐廳近年也開始冒起來，而且西式素食以蔬菜為主，吃起來更健康！這次去了VeggieSF,從它大概2年前開的時候已經想來，基本上星期五六日沒有訂位的話會撲空，剛好來是星期一比較早來有位子。升降機門一打開，已經看到裡面是走美國懷舊風，不了解的人，會以為是美式餐廳，有大大的牛扒配上大堆薯條那種！誰猜到是素食餐廳！我當初就是被它的特色吸引，他們的招牌菜是素菜漢堡，有3款選擇，我們選了大菇鳳梨作饀料，還有黑松露螺絲粉，越式撈檬粉，千層麵，小吃點了蕃茄醬玉米脆片，串燒，因為這𥚃晚餐有最低消費HKD150，四個人四個主菜加2款小吃剛剛夠。素菜漢堡包，配上長長炸南瓜及土豆角，麵包很鬆脆，夾了大菇，鳳梨和一些新鮮菜苗配上蕃茄醬，味道絕對不比夾牛肉遜色，能滿足吃漢堡的口感又不會有負擔！黑松露螺絲粉(加起司更濃味）黑松露醬汁濃稠調配得剛剛好，每一條螺絲粉都混到醬汁，而且煮得恰到好處，很彈牙，那個味道跟香氣令我一口接一口，停不下來！番茄千層麵千層麵夾了茄子，起司多一點會比較好。越式撈檬粉普普通通，沒有特別感覺，只覺得蠻大碗的。值得一提的是那串燒，吃起來完全忘記這是素的，不管是味道和質感也太像肉了！還淋上沙嗲醬花生碎！味道很好！雖然地方比較少，坐位之間有點狹，但內部的美式裝橫令整個氛團都很有輕鬆感覺，一定會再來！…Read More

難得早了外出食午飯，剛好經過Italian Tomato banner 寫住有早午餐優惠至到12：00，所以入去試下。其實個優惠只有3款指定意粉和飯，配一杯飲品，價錢around $5x,當日款式不太適合，另外仍有平時嘅Set Lunch，around $6x-7x,但有包括湯，主菜和飲品，所以所謂嘅早午餐優惠係平啲，但冇左個湯，咪都係一條數。最後都係叫返平時嘅午餐，個意粉都Keep到水準，食完個意粉去order飲品時，見到有杯櫻花牛奶特飲，因為自己好鍾意櫻花，見到禁靚就加$15試下。確實係幾靚，飲品粉紅色，上面有層泡，中間放左朵乾櫻花。第一口飲落去還可以，但已經偏甜，再飲之下有一啲粉紅色溶左嘅棉花糖更甜，裡面應該都落左唔少糖漿，越飲越甜，甜到酸！飲唔到一半已經頂唔順，太甜了！下次都唔敢試什麼特飲…Read More

之前已經嚟過好多次，但唔醒起寫食評，麵麵店都算係我會一去再想去嘅食店。我多數會去叫車仔麵，$40可以揀四餸一個麵底，麵底可以轉做時菜，仲包杯豆漿，每次我都會點酸齋，我由細到大都好鍾意食酸齋，所以對此彼為有要求，第一次點呢度嘅酸齋，會覺得同平時食開嘅味道有分別，好似冇禁酸，甜味會重少少，但質感有少少硬身，好似麵根新鮮炸起無耐，好食過平時食個啲，雖然同以往食嘅唔同，但味道更好食，必叫之選！記得落單時叫另上，如果唔係會浸淋哂。小吃大部分也值得推薦。煎釀三寶：有6件，可以自選，件件都好大件，雲吞，豆腐，青椒樣樣新鮮炸，好正！醉酒木耳：用酒同杞子浸，夠味！魚蓉釀油炸鬼：油炸鬼好脆，魚蓉很多，一客有四件！酥炸鯪魚球：必叫之選！好大粒又夠彈牙，外面又夠脆，即叫即炸！四大粒！好飽！有一次無叫車仔麵，叫左個魯肉飯，算大碗，有肥有瘦肉碎，更會乾爭爭，係我係香港食過算有水準嘅，當然同台灣嘅仍然爭好遠，不過絕對可以試！食過禁多次都覺得大件夾抵食，起初諗住名星開嘅，通常名過於實，但麵麵店做得好成功，可以留住啲客，每次食完都飽足成晚！抵抵！…Read More

經過很多次，呢晚終於去試下。我地一行3個女仔，6點鐘到達，餐廳以和式裝修設計，蠻有氣氛！可能我們比較早到，只有我們一枱。打開Menu很多食物都幾吸引，最後order了，海膽炒飯$120炒飯幾乾身，海膽新鮮，唔會有鯹味，不俗！炸芝士好食，一客有4件，新鮮炸起！一門沙律沒有特別，整碟只有沙律菜和海苔絲，沒有其他材料，唔值得叫！壽司拼盤10件有生蝦，熟蝦，Toro,海膽，三文魚，吞拿魚，仲有幾款白肉魚，都oK新鮮。玉子燒好有水準，必叫，旦唔會燒到好乾，甜甜地好好食！牛舌串燒，三文魚頭串燒，雞翼串燒。oK，但價錢都是中上。甜品叫左三色甜品有綠茶雪糕配紅豆，紅桑子豆腐布甸，另一款好似都係芒果醬布甸，無咩特別，果然只係三種唔同顏色嘅甜品！紅豆年糕湯紅豆夠多，幾杰身，不過太甜了。整體來說食物確係有水準，不過價錢唔平，3個人食左$8xx,已經無叫魚生，錢銀鬆動都可以再去嘅。…Read More

之前Like 左FB Fans Page, 知道5月1日開始公眾假期有Brunch，$138+10% All you can order !!平時去食一個All day breakfast 都要$98啦，見到禁抵就即刻打去Book,有兩個時段選擇，11：45或者14：00，我選擇左11：45我地兩個女仔準時到達，環境唔算大，大概30個坐位。坐低見到個All you can order 嘅menu，樣樣都想order。Starter 有兩湯，三款Salad推介黑松露忌廉湯，同Habitu Salad(因為本人鍾意食牛油果）Brunch 唔少得主角蛋！有唔同煮法，包括炒蛋，Omelette, Poached Egg，當中Egg Benedict 係我至愛，仲可以自選配料，有煙三文魚，磨菇，煙肉等。友人叫左Omelette，炒得唔錯，料好足！雖然款款都想食，食唔到禁多款。叫左Muesli ,點知竟然話賣唒，哈哈，我地係首批顧客竟然買唒！麵包類都好多款，因為太飽，只可以試到牛角包，bagel,同Scone,全部都烘熱左好好食，其中喜出望外嘅係Bagel配上玫瑰Jam,少有，好正！其實見到隔離枱叫左個Home made. Muffin 賣相幾好，即焗，好似好Soft,但實在不能了，還有意粉未食呢！意粉雖然係大路野，配料醬汁都可以自選，但水準十分好，意粉不會過淋，醬汁濃度適中，好想再叫！不過仲有甜品未食呢！甜品Pancake,普通，M記好食D，麵包布甸麻麻，可以不試。反而焦糖香蕉布甸出呼意料的好食，唔算好甜，熱烘烘很ok！1：45還枱，食足兩小時，夜晚都仲飽緊！所有野食都幾好，必定會再嚟食過，超抵！唯一不足係有一位男Waiter 態度麻麻，好似好唔耐煩禁。Menu可參考圖片。…Read More

今日Lunch試新野！紅豆抺茶Muffin 好多時紅豆抹茶嘅產品都會怕偏甜，但Starbuck Muffin 都一向唔差，所以抱著一試無妨心態試下。本身外面好明顯有幾多紅豆粒，切開中間有驚喜！裡面有三分一紅豆餡，本來仲以為只有D紅豆粒粒，而且Muffin本身唔甜，夾埋紅豆蓉食啱啱好！一啲都唔膩！Starbuck 咖啡一向麻麻，但甜品方面都算oK，雖然都係美心集團出品。…Read More

星期六，同兩位友人去試下特色點心。因為之前經過都有很多人在門口等位，所以想試一試到底有幾吸引。大概1：30到達，等了半個鐘左右有位。三個女仔點左9樣點心。黑松露蒸餃，咬落去有陣陣黑松露味，齒甲留香！甘荀咸水角，ok，新鮮炸起，好難唔好食。芥茉鯪魚卷（個名長，唔太記得）黃芥茉太多了，唔加會仲好食，而且好大件，仲有四件，抵食！芝士蒜蓉焗饅頭，好似中式蒜蓉包，好食！其他仲有泰式煎藕餅，章魚肉餅飯，黑魚子燒賣，一口漢堡等，全部都新鮮製作，熱辣辣，有水準之作。重點一提就係員工服務態度一流，不論收銀，侍應，傳菜，洗碗姐姐個個都好有Heart ，講多謝不下十次，去洗手間時，洗碗姐姐經過都會提醒客人小心地滑，個個都充滿笑容同熱誠！今時今日點心界有禁多競爭， 不單只用食物留住客人，服務態度也可留住客人個心，起碼已經留到我心！…Read More

收銀員姐姐態度差，已經不批評沒有笑容，常常擺出不耐煩的樣子，講得慢啲都兇你！食物雖然價廉物美，但不是乞！不要求有誠懇的態度，但唔該收銀姐姐對顧客客氣一點！找不到唐記客戶服務熱線，不能直接表達意見。…Read More

星期六約1:30去試呢間十大好評o既餐廳地方唔算大,去到時坐滿人等左十分鐘左右,搭枱都無所謂啦,當日order左:CARBONARA,BEEF BURGER,GREEN WAFFLE食物大致上都幾滿意,只係細碟左D不得不提店員同老闆娘服務態度好,我地都無埋怨什麼,但走的時候同我地講唔好意思,因為比較多客所以可能有招呼不周的地方仲有呢D禁人氣O既地方居然可以訂枱!!…Read More

年輕人同朋友慶祝生日多數都食西式,偶然食下中菜都唔錯今次決定你呢間新派中菜祝壽!!!提提各位最好兩星期前訂位,星期五,六,日,有兩個時段,6-8 或 8:30打後仲有留肚食甜品(西式,中式都有),選擇比一般酒樓多,而且幾大件抵食…Read More