coiekaka's Profile

今日去銅鑼灣買衫，買完搵地方食下午茶，喺皇室堡見到台灣有名嘅Dazzling Cafe，之前一直想試，擇日不如撞日。一入門口發現部份椅子有兔仔耳，都幾得意，少女心即時爆發；裝修以法式古典為主，感覺好寬躺。職員就安排左我地坐最入窗邊位，個view望住維多利亞公園，視野一流；順帶一提，呢到有最底消費為每人一杯飲品。———————-和風BBQ豬排三明治麵包是烘過的所以很脆，但完全唔燶；豬排是厚切，咬開時熱辣辣，而且非常juicy及香脆，再加上薄薄一層和風BBQ醬，甜甜地，令到三明治好有層次，非常推薦。——————-綿綿珍珠奶茶鬆餅呢個賣相都幾特別，形狀好似一朵花咁，鬆餅上有珍珠奶茶味的雪糕，仲有黑糖珍珠、小麥胚芽及棉花糖，食落奶茶味好香，唔太甜，而且鬆餅非常鬆脆，口感一流。呢款甜品值得推薦，啱晒珍珠奶茶控。——————海鹽焦糖歐蕾（熱）一層厚厚嘅奶泡，上面灑上焦糖醬及玉桂粉，好滑亦唔太甜，只可惜差一點點嘅海鹽味，如果能夠加重一點海鹽調節一下比例就大大加分；隨飲品還附送餅乾一塊，味道好味。——————焦糖瑪奇朵咖啡（凍）唔會太甜，有水準，上面仲有幾粒爆谷襯托，賣相好吸睛。—————-至於服務大致上不錯，服務員有禮而且佢地嘅制服好靚:)；呢到坐得又舒服，食物水準不錯，下次會再嚟試下其他餐點。…Read More

之前一直都好想試下佢地個忌廉烏冬，咁啱今日去銅鑼灣Times Square睇展覽，順道去探下店。位置唔偏僻，就係Times square 附近嘅百樂中心22樓。店舖装修以簡約為主，唔太迫可接受，而每檯都有一個爐用嚟烤牛肉嘅。睇過餐牌後比佢嘅美式頂級牛里脊吸引咗決定試試，另外叫埋咸蛋薯條及我最期待嘅咖哩忌廉烏冬。—————美式頂級牛里脊（配兩款醬汁，黑松露及秘製醬汁）上菜時服務員話只有大約一至兩成熟，可根據個人喜好將牛扒切開放在爐上燒及控制理想嘅生熟度，大約每邊燒一分鐘左右就食得，肉質细嫩不失嚼勁而且牛味香濃，另外仲有大啡菇，上面放咗芝士切開時有少許拉絲感，食落有菇香而且肉厚又多汁。——————咖哩忌廉牛肉烏冬呢個烏冬有牛或雞選擇，我地揀左牛肉，面層係厚厚嘅特製忌廉，下層係咖哩烏冬，食嘅時候將佢撈勻，本身以為會好膩，但食落又唔會反而增加咗幼滑感，好想一食再食，而牛肉粒都好嫩好好味，果然無令我失望。——————咸蛋薯條熱辣辣夠脆身，食落咸蛋味唔算好濃，但個人覺得反而啱啱好，唔會好滯。——————服務亦大致上不錯，服務員有講解食法，落單及上菜速度亦快，值得再去。…Read More

陪個朋友去先達睇電話，之後就過女人街搵嘢食，見到間「牛極」朋友話近期好似好Hit，就入去試下。一入店就見到一部自助點餐販賣機，好似日本拉麵餐廳果款咁，佢地有唔同牛的部位可以揀，我地最後㨂咗牛肩肉眼同埋牛柳。揀好嘢食付款後就交單比服務員再安排好位置，幸好我地下午時間去避開人流。另外呢到有個自助區，白飯、熱湯、沙律、醬料、開水同埋餐具都可以自己攞；座位旁邊牆上亦貼有「使用流程教學」，簡單易明，之後職員就比左條圍裙我地，話因爲會有油屑，擋住衣服會比較好。比較貼心係上檯時因爲牛肉已經在熱石上石燒中，而佢地會用一張大吸油紙先蓋住牛肉，以免油屑彈到客人。上檯時牛肉只有約一成熟，我地就根據自己喜好，用熱石將牛肉繼續燒（建議切細塊）；牛柳份量足400g有2塊，因一次過燒唔晒兩塊，所以用碗先裝起再分開燒，食落好嫩好腍，亦juicy ；而牛肩肉較牛柳結實，牛味香濃。眼見職員都不停有到自助區檢查，refill速度算快，店員亦會提醒，如果發現熱石唔夠熱，可以叫店員更換。因為有飯有沙律有湯，加埋牛就一定夠飽，而價錢亦合理，所以一定會再食，下次可以試下其他部位。…Read More

今日食晚飯同朋友嚟到位於K11嘅係茶木嘅高級版——Teawood Deluxe ，呢到無論裝修及擺設都比一般茶木雅緻，以鐘錶品牌為主題，連食物都有所不同，係台灣西式創意新派料理，另外仲有精緻甜品及特飲。睇睇餐牌，見到飲品名好得意，我地當然唔會放過佢地嘅特飲，叫咗一杯有酒精同無酒精嚟試下。—————吉祥01:23以Tequila 及橙酒做主角，另外仲有青檸汁、石榴汁、糖漿同檸檬啫喱，飲落酒味唔會好濃啱晒女仕們，而且賣相相當靚，杯口仲有鹽，除咗係裝飾外，仲可以讓檸檬的酸味明亮起嚟及令原本清新的味道變得更鮮明，配合埋金色嘅檸檬啫喱，口感一流又好味。—————活神以青檸汁、檸檬汽水、梳打水及石榴汁做基礎，仲有好多士多啤梨做裝飾，賣相非常精緻，味道亦不錯，感覺清新。—————威士忌乾炒三杯雞上菜時服務員會先在我地面前將威士忌加熱，再倒入三杯雞中做出火焰效果，仲會聞到陣陣酒嘅香氣，完全有視覺及味覺嘅享受，而且令三杯雞更惹味，食落雞表面更香脆，雞肉口感香嫩。—————香煎盲鰽魚西班牙橡果豬肉燥珍珠麵好少食珍珠麵，感覺好得意，咬落彈牙口感一流，魚外層亦煎得好脆，啖啖嫩滑嘅魚肉。————MTW 黑糖珍珠舒芙蕾班戟配抹茶冰淇淋份量非常足，賣相好靚，打卡必點，而且班戟鬆軟，切開有滿滿有咬口嘅珍珠，成個感覺唔膩，好睇又好食，完全大滿足。————另外服務不錯，果然行高級路線係唔同啲。…Read More

尖沙咀鬧市人多車多好難搵個清靜位食個飯，今日Lunch time 發現呢到而且新開，完全符合旺中帶靜嘅要求。位置容易搵，大廈亦非常新，未入店舖已經感覺良好。店舖裝修以鳥籠主題及木色為主亦帶有少許日式風格，燈光柔和，座位有空間感，唔會迫。呢到主打餃子及不含激素及不使用增長素嘅黑毛豬肉叉燒。我地選擇咗一個午餐再加幾款點心一齊試吓。——————-日和午市定食—女王黑毛豚叉燒飯+配脆炸餃子，女王叉燒選用梅頭部位，肉質細膩，肉味香而富彈性，口感甘香鬆化，再配上炸得剛好嘅餃子，熱辣辣好好味。——————-日和點心拼盤包括蝦餃、燒賣、熊貓奶皇包、傻豬叉燒包及奇趣金魚餃，賣相可愛，好睇又好食。個人推介熊貓奶皇包，一咬開流心㗎～——————脆脆叉燒饅頭店主推薦新推出點心，果然無介紹錯，饅頭鬆軟，配上酥脆炸餃子皮及叉燒，口感一流，好想食多個。——————芋絲齋春卷外脆內軟，食落唔油膩。——————凍檸茶及巨蜂梳打唔會太甜，味道剛好。——————店舖內仲有一個角落可購買護膚品、肥皂及茶葉。——————-整體感覺不錯，環境優雅及非常舒服。店主亦用心講解菜單及推薦菜式，上菜速度快，而且食物質素良好，做功亦沒有馬虎，值得推薦。…Read More

約左朋友仔去南豐紗廠，發覺大家都未食嘢好肚餓，喺一出地鐵站C出口往綠楊坊方向行見到佢地嘅搶眼招牌，就急不及待入去試下。成間店鋪以粉紅色為主，女士們一定十分喜歡，坐位算多，不感覺迫夾。先嚟兩杯飲品：夏日水果紅茶——紅茶底茶味夠，配上新鮮水果有柚子、青檸、蘋果及士多啤梨，甜度酸度亦剛剛好，令人感覺開胃；凍牛奶咖啡——好滑，咖啡味亦香，又唔太甜，好飲。———————單骨蜜糖芥末雞翼——原來單骨的意思係將雞翼左右切開，更容易入口，賣相不錯，芥末不搶味，但會刺激到味蕾，配上蜜糖的甜，味道一流，雞翼本身亦外脆內嫩。———————燒鰻魚滑蛋蓋意式紅飯，呢個有少少驚喜，紅飯原來係鮮茄珍珠飯，配上滑蛋，味道一流，鰻魚亦嫩滑鮮甜，再配上伴碟有黑醋的沙律菜，感覺好平衡。———————之後再叫左兩個dessert 厚焗鬆餅—岩鹽焦糖配雲呢拿雪糕及士多啤梨乳酪配士多啤梨雪糕；鬆餅鬆軟又有口感，本人覺得比pancake 還好食，將岩鹽拖肥醬同焦糖醬一齊落哂落鬆餅度，再加上雲呢拿雪糕，成件事好幸福。另一個士多啤梨乳酪，少少酸但平衡返鬆餅的甜，另外仲加左曲奇碎，增加左少少口感，真係會一口氣食哂。呢到嘅招牌人氣甜品果然不錯！—————總括嚟講有驚喜，服務員有禮，落單及上菜速度快，價錢又唔太貴，尤其是鬆餅dessert ，一定會再返嚟食多幾次！…Read More

今日下午約咗朋友係中環行街，行到攰攰地上網搵下附近有咩嘢食，見到呢間一起食堂又幾吸引所以去試試。店舖不大座位不算多但感覺親切。————————冷泡茉莉毛尖茶茶味不錯，行到成身汗飲番杯有助降溫，而且無糖，啱晒我！————————蔥油雞肉乾拌麵台灣地道菜式，炎炎夏日必點，非常清爽。雞肉嫩滑，乾蔥及雞油炸成的蔥油味濃，配著我最愛嘅烏冬，一口接一口停不了。————————原條蒲燒鰻魚飯原條鰻魚份量好足，味道帶焦香，食落魚肉嫩滑，皮脂肥美，有充足醬汁，另外亮點係半熟溫泉蛋用來拌飯一流。————————配菜午餐附送嘅配菜都唔差一啲都唔馬虎，有迷你番薯仔、黑木耳、沙律，我同朋友都覺得好味，清晒！————————鹽酥雞、炸花枝丸鹽酥雞外皮酥脆，肉質滋味，唔會話好油膩，讚！；炸花枝丸不過不失，都算爽口彈牙。————————總括，食物質素及服務都不錯，落單及上菜速度快，價錢不算貴，值得一試！…Read More

今日做個乖孩子約媽媽出去飲茶，當然要揀地點方便，食物質素好嘅地方，搜尋下呢到做緊$148/位嘅午市放題（茶水加一另計），約定媽媽去嘆下先。星期日係上環區估唔到都咁多人嚟飲茶，但好在酒樓夠大，位又多，好快就安排到入座。放題任食2小時，款式大概超過50款即叫即做點心、小食、粉麵飯及甜品任點任食，另外每位更送原隻鮑魚酥及一份花膠灌湯餃，非常足料。點心選擇與平時飲茶無異，而且仲有好多特式嘅點心及小食提供。以下係個人推介——————豬腳薑，味道甜甜唔會酸，豬腳好入味，蛋亦唔硬，真係好味又養顏；懷舊芝麻卷因好少地方仲有得食，可以懷緬一下，食落好香芝麻味，而且唔太甜；蘿蔔金錢肚金錢肚炆得入味而且軟腍；仲有必食嘅晶瑩鮮蝦餃及百花燒賣王，完全大滿足。呢到放題點餐形式不錯，可依照件數或位數去點餐，大大提高珍惜食物不浪費嘅情況。唯一需要改善之處可以話係上菜速度，可能即叫即做嘅關係，所以會比較慢，但始終係限時，所以如果能夠有些少改善會好些少，不過整體而言是一個不錯而且物有所值嘅選擇。…Read More

趁住long weekend 同朋友想搵個地方放鬆一下傾下計，商討之下又唔想只係局限於九龍區，同埋假期應該港島區唔會太多人，所以去上環走一趟。朋友話呢到有個晚上8:00前都可order 嘅Over time lunch 同以備長炭做燃料嘅串燒好吸引。點解備長炭咁吸引，因當佢燃燒時唔會冒出濃煙，所以較為健康，而燒過的食物亦會帶有炭香。呢到係酒吧形式，空間感一流，我們被安排坐在窗邊旁可欣賞街景，不會悶熱，而且有音樂伴隨，感覺輕鬆。————————特選厚切牛舌串牛舌食落極有嚼勁同豐盈的肉汁，油脂亦多，本身只叫了一串試試，最後同朋友都叫多3串，真係好好味。————————雞胸軟骨食起嚟口感清脆，而且伴隨住一點點嘅雞胸肉，一啲都唔油膩。————————燒鱈魚乾非常鬆脆，好適合下酒。————————因食得太多肉叫番兩款野菜串燒中和一下，超甜粟米及迷你蕃薯仔，兩款都唔會好似平時燒烤咁燒到乾晒，依然保持到新鮮清甜嘅味道。*如果食得辣，可叫店員提供秘製辣椒粉*————————Set Lunch 我地就叫咗特色烤焗雞半隻配烤茴香球莖及薯仔2個人一齊分享，套餐還包括咗味道濃郁嘅烤蕃茄忌廉湯、新鮮嘅沙律及餐飲果汁；雞肉醃得不錯，而且烤焗均勻，雞肉亦嫩滑，但如果醬汁能夠多一點味道會更好。————————值得一讚嘅係店內炭爐燒烤位置雖然開放，但真係一點油煙味都無。而且裝修環境舒服，放工後happy hour 係一個不錯嘅選擇。…Read More

係朗豪坊買飛睇戲，咁啱經過見裝修幾得意，橫掂都要食晚飯，朋友話不如試試，可能時間尚早唔洗等位。呢到嘅座位與座位之間有屏風間格令大家有私人空間，感覺仲有d似自修室😂又唔算侷促。同朋友兩個人就叫咗個-主打套餐伴果汁（$548），內容都幾豐富價錢又唔算貴。-泡菜金字塔（泡菜+辣蘿蔔+辣青瓜）味道唔算太辣，非常醒胃。-生韓牛伴雪梨牛油果，本身有啲怕生嘅牛肉唔知會唔會有陣腥味，但呢到用咗牛油果中和咗牛嘅腥味，另外雪梨增加咗口感同提升咗清爽道，令到本身好怕都一啖接一啖咁食，果然好睇又好食。-豆腐泡菜湯，上枱時熱騰騰，飲落辣度亦剛剛好，非常開胃。-套餐燒烤肉類包括：澳洲西冷（M5)、澳洲牛板腱（M5)、首爾牛肋條、牛舌、豬頸肉、青檸雞扒，其中推介以下4款：西冷-肉嫩而且油脂豐富、牛板腱-無筋而且軟嫩適中、牛肋條-肉味濃郁、豬頸肉-軟滑爽彈，總括各肉類質素不錯。-套餐燒烤海鮮包括-生蠔及虎蝦，兩款都味道新鮮，大小適中。-韓式鐵鍋拌飯，一鍋拌飯裡有著不同蔬菜配料、牛肉及煎蛋，整道料理嘅靈魂‘韓式辣椒醬’還提供一大支任加，所有配料攪拌均勻，大啖食，熱辣辣好好味！套餐果汁包括咗3款混合果汁，上枱時係用一套試管裝著切合主題😆，Sour Bomb-檸檬+西柚+奇異果+蜜糖、CoCo-椰青水+青檸+西瓜+蜜糖、Captain Lab-熱情果+奇異果+香橙+蜜糖，各款感覺清新，每款味道很夾，食燒肉飲下果汁可以解下油膩又健康，而且賣相亦相當有趣，打卡一流，真係睇得又飲得！呢到嘅抽風設備不錯，食完唔會一身油煙味，而且服務員服務算不錯，亦幫忙換了幾次燒烤網，落單及上菜速度亦算快。…Read More

食店位於譽發大廈8樓全層，一入店內有6-8張檯，有一邊是調味料及火鍋配料區，另一邊有幾間獨立房間以日本地方命名。而店員就安排左我地坐房,房間是4人位，亦有位置比我地擺放物品，完全唔迫，仲有電視睇，非常適合喜歡有私人空間嘅食客。食店有幾個唔同的半自助套餐，我地就揀左「嚴選美國牛肩肉放題+海鮮套餐」每位$258，套餐內除咗海鮮，另外牛肩肉、雞腿肉及黑豚肉都係任食嘅，當然還有火鍋配料區內的食物都係可以自助任拎，另外無酒精飲品都係任飲！湯底可揀兩款，我地就揀左壽喜燒及360牛乳海鮮湯；首先嚟左個海鮮盤，套餐包括廣島蠔、蕃薯蜆、大元貝、海蝦、大海螺（本身是象拔蚌仔），我地都嘩左一聲，因為幾款海鮮都非常飽滿、新鮮！最讚的地方係完全無沙，味道好鮮！牛肩肉、黑豚肉同雞腿肉都是小碟上的，簿切，好肉味，新鮮，淥一陣就已經可以食！（當然雞腿肉要淥耐D啦）自助火鍋配料區都有好多選擇用料不差有誠意，有芝士腸、蟹籽丸、貢丸、菜、甜不辣等等，本人推介白魚蛋同厚花膠；白魚蛋好彈牙，唔腥但有鮮味，厚花膠都算大塊，有咬口，又養顏。另外仲有3款熟食小食：炸雞翼、加州卷同辣味鳳爪，等火鍋食物淥熟時可以一試！值得再讚的係任飲飲品，除左汽水外，仲有現打沙冰架！…Read More

朋友想搵間坐得舒服又傾到計嘅餐廳，九龍城最多嘅梗係泰菜，睇咗咁多間呢間裝修及環境最舒服，餐廳亦做緊$1 優惠價換購到多一樣嘢食或嘢飲，二話不說就確定去食。餐廳嘅$1優惠每日不同，只需要叫主餐牌內嘅一個項目加$1就可享受優惠。咁啱今日嘅係我鍾意食嘅酸辣去骨鳳爪沙律，當然要嗌返個嚟食吓。—————————酸辣去骨鳳爪沙律，酸辣開胃，雞爪肉很脆因無骨食起上嚟最方便，再配上洋蔥及蕃茄等等嘅配菜，醃得很好又入味，唔算辣。———————————青檸辣椒明爐烏頭魚，魚夠大條，而且魚肉肥美可口，配料又酸又辣，夾住魚肉食非常惹味，停唔到口。—————————乾炒噴靚咖哩海鮮，入面嘅海鮮有魚肉，青口，魷魚，蝦。個人最鍾情呢款咖哩，唔辣，裏頭加入花生碎及椰奶，增添奶油般滑順濃厚的口感及帶有花生香氣，本身叫咗蒜蓉包伴著一齊食，但太好味嘅關係實在唔係好想浪費個汁，嗌多碗白飯撈汁食。————————————飲品就叫咗椰青及龍眼冰，椰青清甜解渴，椰肉厚，不錯。另外龍眼冰唔會太甜，龍眼肉亦多，夠大杯。————————————係同區嚟講總體感覺不錯，價錢唔算貴，服務亦正常，落單上菜速度正常。…Read More

之前嚟過呢到試過晚餐不錯，仲有點念念不忘，咁啱今日約舊同事聚舊，第一時間諗起呢到食個午餐。今日嘅是日餐湯係鮮番茄忌廉湯，一上檯已經聞到好香嘅番茄味，味道酸酸地，又香又開胃，而且唔會太杰啱啱好！我因唔係太餓又想食清清地就叫咗日式秋葵鰻魚沙律配燒烤菇。鰻魚及秋葵切成細細粒，容易入口，新鮮嘅沙律菜配以日式芝麻醬味道很好，而且大啡菇肥大肉厚，菇味香濃，切落去很有切牛扒的感覺，又多汁，好滿足啊。同事就叫咗個慢煮紐西蘭牛柳拼芝士焗帆立貝配香濃燒汁連蔬菜。因慢煮嘅關係牛柳保持了原汁原味，牛柳食起嚟好嫩滑，另外帆立貝火喉恰到好處，爽口嫩滑，唔會太老令口感變差，底下仲有紫薯蓉，味道微甜而且軟滑，感覺清新。餐飲我地兩個都係選擇熱柚子蜜清潤一下，味道不過不失。呢到依然能夠保持水準，唔怪得咁午市都人山人海，抵讚！…Read More

地方非常寬敞，亦沒有油煙味！店員會主動推介，最後揀咗店舖主打嘅八色珍味併盤，同兩杯Fruit Ade,Lemon同Pineapple.等左一陣先嚟前菜，烤肉醬料，飲品。飲品正常唔會太甜，不錯。前菜有小沙律、醃蘿蔔、泡菜等等，本人最喜歡醃蘿蔔好開胃，另外有芝士蛋pizza店員表示免費的，內有芝士、青椒粒、黃椒粒、蕃茄粒，有口感之餘又好味，蛋味同芝士味好夾！所有嘢已經佔咗半張枱，我地都唔敢食得太多🤣驚之後食唔落主食。另外醬汁有麻油胡椒，辣味噌醬，黃豆粉，牛肉洋蔥汁。再等多一陣，主角嚟喇，「八色珍味併盤（五花肉+牛肉）」，其實係4款唔同口味的五花肉，同埋4款唔同口味的牛肉。店員放低食物後主動問我地想食五花肉還是牛肉先，會幫我地烤（之後問了如果唔係太繁忙都會幫忙的），咁我地就表示先食牛，4款口味分別是牛舌/雪花牛肉/調味烤裹脊/調味烤排骨，店員一開始幫忙烤牛舌，店員表示一般會先烤沒有醃製的口味先，咁樣就唔會令網黏著醃料味道而攪到所有嘢一樣味同埋唔需要不停換網。牛舌是薄切，口感軟脆。之後因爲店員要處裡其他顧客，所以就由我地自己烤！雪花牛肉肉質鮮嫩唔油膩；另外兩款調味牛肉，牛肉新鮮，所用的燒汁也功不可沒，醬汁徹底滲透牛肉，加倍滋味。食完牛就開始食五花肉，4款口味是蒜蓉/香草/咖哩/辣椒醬，我覺得好得意因爲五花肉是一條過，將肉捲埋上碟，我地就自己剪開，所以大小可以自己選擇，我由蒜蓉味開始烤，一放落烤盤已經聞到好香，蒜蓉配肉係絕配，呢度的五花肉唔會出太多油，所以唔會覺得好肥膩，但又會有脂肪果種香口！店員建議我地用生菜包五花肉食，果然無介紹錯，生菜爽五花肉腍又唔騷，非常好味！之後我地烤香草味，香草味突出，呢款同蒜蓉一樣都是我喜歡的；第三款食咖哩味，咖哩塗滿整塊五花肉，烤完比較乾身，香口，味道比例剛剛好，最後食辣椒醬味，一樣係塗滿整條五花肉，開頭都驚好辣，但食落比例反而剛剛好，只係有少少辣味。…Read More

觀塘真係一個好多美食嘅地方，每個月都差不多有新嘅店舖，今日午餐去到駱駝漆大廈覓食—鳥棲日本料理。餐廳內裡裝修簡約，燈光柔和，我地被安排坐梳化位非常舒適，另外入面有個半開放嘅廚房，客人可以睇到廚房內嘅情況。午餐以定食為主，我同朋友選擇咗七味牛肉豆腐鍋定食及蒲燒鰻魚定食，飲品就加錢要咗手調咖啡，我地兩個都揀咗熱及凍嘅玫瑰咖啡。定食包括咗一份新鮮沙律，一碗麵豉湯同飲品。原條蒲燒鰻魚定食原條鰻魚份量足，味道帶點焦香，食落魚肉嫩滑，皮脂算肥美，而且少骨（可以講係食唔到有骨）但因定食關係，魚和飯係分開放，所以醬汁係加係鰻魚上，較難用來拌飯，但勝在鰻魚好味，所以唔差。七味牛肉豆腐鍋定食感覺好似日式家庭料理，豆腐滑溜，牛肉及豆腐滲透晒湯汁好入味，而且有一丁點辣好惹味，用湯汁送飯非常一流。最驚喜嘅係玫瑰咖啡，飲起嚟帶有淡淡的玫瑰花香味，軟綿的奶泡上撒上玫瑰花瓣作點綴，熱飲拉花好靚亦有玫瑰花瓣點綴。提提大家，餐廳有提供bb櫈（供應有限）而且幾靚，非常適合小朋友一同用餐。…Read More