joyce8100's Profile

真係好唔想提呢隻包。兩條司華力腸+六幾片蕃茄+芥末醬。我當時叫左99蚊呢隻包+野飲，總計110蚊。大家可以幻想下，如果你去餐廳食兩條司華力腸+所謂嘅一尺長包係麵包店內早餐包果隻芝麻齋包(用黎放凍肉漢堡扒&生菜果隻麵包店漢堡包，只係size 大d,係兩條大雞尾包size )+ikea 宜家果隻熱狗果d現成嘅芥末醬，可以講話無特色。我唔係話佢貴。係覺得間店舖對食物嘅設計無新意。無卓頭。原來我食一個他們的熱狗係同ikea 隻9蚊熱狗嘅分別，只是在於隻包嘅大細同多幾片蕃茄。咁我情願去ikea 度，食返10隻$9蚊熱狗，再買埋ikea 個可添加汽水。當時我叫呢隻包，個cashier 嘅表情係覺得奇怪。我心諗，你唔推介不特止，仲覺得個食客叫呢個包係傻仔咁。我心知道中伏，但我又唔好意思改。我想講佢呢隻99蚊包成本唔使20蚊。…Read More

預約左下午茶時段。9月13日係最後一日下午茶時段有優惠。帶埋openrice 優惠券去, 真係好抵。我行左好多轉去煙三文魚，同壽司吧。煙三文魚好香，唔太咸。新鮮三文魚好軟滑新鮮。燒豬頸肉好野味。壽司我都食左唔少。雪糕係我忍唔住口，夾硬撐落去。真係好好食。我食足兩個鐘，飽到想叫自己停，但我真係覺得熟食沙律刺身唔錯。但甜品嘅蛋糕就無咁鬆軟，甜品無熟食食咁多。同朋友食完，真係想即時book 埋下次lunch time,同父母再黎食。…Read More

一見到明蝦嘅酸辣蝦湯，就只飲左幾啖湯，只因我唔食明蝦。我希望可以食到有蝦頭蝦壳嘅雪蝦都唔緊要，只係唔想食無蝦味嘅爽蝦，所以唔太合我口味。成餐飯只記得食左味精味，唔記得食過嘅野係咩味，而且其他野都唔係我點，大家分黎食，我都唔記得叫左咩啦，但唔可以話難食，都可以入得口，不過不失啦。而最唔滿意個酸辣蝦湯，因為呢個係自己話要飲，最後失望，所以特別想寫出黎。…Read More