waisicpig's Profile

先總結：極 度 不 推 薦豚肉定食+雞肉沙律+荔枝茶豚肉定食普通，可以接受。個雞肉沙律就黎料喇，完全唔得。首先賣相極差，啲菜望落好霉，唔好味，然後得三舊雞塊是但放係一邊。好喇都算喇，一食舊雞就呆左，又乾又硬，完全冇味，要送水先吞得落，唔講真係唔知自己食緊雞肉。而呢碟不知所謂既嘢要$138+10%。性價比極低，差過麥記既板x雞腿包，奉勸大家千祈唔好點黎食。食食下隔離枱既嘢食都到左，聽到佢地話「下，咩黎架，咁難食既？」個時真係笑左，間餐廳真有水準。仲有，bar枱旁邊既位食正冷氣既風，超凍，著左兩件褸都唔暖，怕凍既女士要小心。 就咁樣埋單要三百蚊以上，好嬲。真係淨係食個景，可以唔好彩，唔係坐窗口位😂😂😂…Read More

第一次同吉列牛係日本初見就愛上左佢喇！番黎香港試過好多間，大家都做到相似既味道，但係今日竟然試到新款既吉列牛—— 香草吉列牛炸到香脆既外層，放係石板上燒既吱吱聲，仲有特別既香草味，真係好吸引！一試難忘呀！而店家亦好有心，除餐附上半熟蛋！安格斯牛肉鍋朋友就點左安格斯牛肉鍋除左份量好足之外肉味超濃，值得一試！而鍋底用左味噌湯亦算特別，同坊間既日式湯底有少少唔同最後性價比最高既之就係加$35 就有魚生同湯送喇，大讚！下次一定要試埋壽司盛！…Read More

平日夜晚等c 小姐放工之後就黎到the base nature ，9成滿座，平日夜晚都咁滿，質素一定有番咁上下啦！坐位分得好開，唔會有個種好迫既感覺，一坐低侍應姐姐就俾個籃我地擺袋！我地兩個人一人一個餐，share 黎食！餐湯係好特別既咖哩粟米湯，好日式！好好味！好似無係香港飲過呢款湯！黑安格牛橫腹扒8(oz)配煙燻岩鹽 牛肉燒汁三成熟，侍應姐姐仲有細心問驚唔驚太生，真係好好人！通常係香港要過千既扒房先會俾咁多配料你揀，呢度有5款鹽6款醬汁，真係無限加分，點配都得呀！講番主角先，牛橫腹扒好重肉味，但係一d un 都無，配埋個岩鹽吊d味岀黎真係好正！黑松露博多地雞肉雜菌米形粉配63度溫泉蛋雞肉好滑，無煮過籠，不過雞皮又有少少焦香，睇得出有花過心機整！米形粉好得意，係飯同意粉既混合體，有啲𥺦，但係又好彈牙，今次第二次食，配溫泉蛋真係一流！ 仲有好多手調飲品架！…Read More

又再一次掛住呢個既串燒、啤酒(c 小姐話個apple crumble cider 抗拒唔到)。 平日夜晚，好耐都無happy hour 過喇，真係要飲下啤酒吹下風輕鬆下！估唔到外面full 哂，一個位都無，想吹住風飲啤酒都唔得添！唯有坐入邊望住啤酒機啦！Zeffer cider apple crumble infused cider New Zealand 一坐低未睇野食就叫左啤酒先，順一順喉嚨先，c 小姐飲既係cider 係幾特別，之前飲過覺得好好味，原來有拎過cider 獎。通常都係apple cider 味，或者有時係啤梨味，但係呢個真係好特別，係甜品apple crumble 味，唔係水果味咁簡單，非常適合覺得啤酒苦既女士們！RURI pilsner Japan 自從有一次係日本見到個罐係貓頭鷹幾可愛就買左黎試，試完之後知道唔係得個樣架喎，所以又試晒其他款，總括黎講，pilsner 係清淡啲既啤酒，口感清新d，適合啱啱開始試飲啤酒或者鍾意飲唔太濃既人！或者作為beer platter 既第一杯酒！唔知鍾意邊款，呢度有beer platter 可以一次過試晒Coedo 既款架！安格斯牛肉肉眼配 Coedo 漆黑醬Coedo taproom 令我最掛住既另一樣野就係串燒既特制醬汁喇，每款肉都配番啱味既醬汁，真係好吸引！ 例如牛肉肉眼就係配漆黑醬，一食落去就將肉汁既鮮味都帶埋岀黎！柚子胡椒風味大葱雞肉Coedo 係日本啤酒，呢款柚子胡椒風味，就可以令到食既人feel 到個日式風喇，雞肉燒得啱啱好，唔會太熟，好硬，肉汁好足！豬腩肉配酸辣芒果醬呢個酸辣芒果食落又好似唔係日式而變左墨西哥feel 喎，又酸又辣又香芒果味，超級啱一啖啤酒，一啖肉咁食呀！吉列厚切牛脷飯厚切牛脷再加係吉列，真係唔係度度有。炸得好脆但係又唔會太乾，牛脷仲係有嫩肉！值得一試！柚子風味雞湯拉麵C 小姐另一必食，柚子同雞真係絕配，濃濃既雞湯味加上鮮甜柚味，c小姐淨係俾我食左一啖就自己食哂lu 。…Read More

好耐無食過韓國野，所以今日早放工C 小姐就帶左我黎銅鑼灣分店食試下喇！我地七點半到，都已經差唔多滿哂，估唔到平日既夜晚都咁快就咁滿呀下，果然泡菜美食係好吸引！韓式無骨炸雞 甜辣醬外脆內滑既代表呀！不過我最欣賞都係d 醬 ，本身既甜辣醬已經好惹味，另外一齊黎既黑白醬更加將炸雞既鮮味引出黎，白色既有少少似cream cheese ，但係又唔係咁，黑色既就係少少辣。每一啖都可以唔同味，新鮮感好夠呀！五花肉泡菜餅泡菜餅好易就食到，但係加左五花肉既就唔係度度有，五花肉煎到好脆，好似燒咁，有個種燒肉既香味，唔駛10分鐘，我都就清左成碟lu 。韓式炒年糕一大盤既炒年糕，性價比好高，因為真係好大盤，我哋兩個都食唔哂😅所有配料都炒得好入味，又唔會太辣辣到食唔到！想懷念係首爾一定要去bingo &cook 因為全部侍應同廚房哥哥都係韓國人，不停聽到佢地講韓文，搞到我都好似係首爾咁呀😊…Read More

今日爸爸生日，又難得佢願意離開屋企附近食飯，又落order 話想食電視人地介紹個d 日本師傅發辦chef’menu ，問完朋友就決定帶佢黎尖沙咀稻乙日本料理食啦！朋友d comments都幾，話除左野食好新鮮，侍應姐姐都好nice喎！香箱蟹 蟹子第一碟上既前菜，係去日本都無食過既香箱蟹，因為通常都係食雄性既松葉蟹，而雌性既松葉蟹就係叫香箱蟹喇。香箱蟹同松葉蟹唔同在香箱蟹係食蟹膏同蟹子架！今日呢個香箱蟹蟹膏味度超濃郁，加上成個山咁高既蟹子，每一啖都要驚嘆下🤣鮟康魚肝又係無食過既高級食材，淨係係電視見過，個外形有點似鵝肝醬，原來佢係日本人話既海中鵝肝！入口超細滑，即刻就溶化，真係鵝肝咁，雷魚一夜干大概手掌大小，上枱既時候仲係熱架！煎得好香，皮脆肉嫩，唔會有魚腥味，超級新鮮，爸爸仲想食埋我個條！如果一路食一路飲啤酒，應該都可以飲多幾杯😍西京燒鹿兒島豚肉夾沙拉醬同菜食上次係鹿兒島淨係食左豚肉shabu shabu 都無食其他煮法，估唔到今次係香港反而食到，呢度西京燒又係另一度同啤酒會好夾既菜呀！豚肉既肉質好嫩，加上個汁好惹味，又燒到有少少焦香，真係好正！九州真蠔有手掌咁大既生蠔，食一隻真係唔夠喉，不過仲有其他未想又期待既野食，都係忍下口啦！真蠔好新鮮，有濃濃既海水香味，仲超級肥美！白子天婦羅又係另一個我地無食過既野呀，係傳說中好補身既魚既精巢，日本食法真係將所有你未必敢食既野都包裝得好靚，仲要真係好好味，一試難忘！首先外面炸得好香脆，入面就係質感化綿既白子，兩個質地夾埋，口感好豐富，再加個汁，真係無得彈呀！自家製魚湯烏冬湯底煮到奶白色，無味精架！食完唔會覺得口渴，不過因為真係好鮮甜，所以連個湯底都飲哂😂 成晚既野食都好驚喜，爸爸又好滿意，下次到我生日，再黎食過😍不過因為每一個菜都好吸引，我揀唔到最鍾意既菜式呀😂仲有綠茶雪糕架！…Read More

今次第二次食啦！上次外賣唔記得走我唔鍾意既香菜同醋，試唔真個味，所以今次一定要再黎過！羅東肉焿湯$46 湯底超級濃厚，係碗仔翅咁，味都似似地，不過湯料就完全唔同，湯料係魚漿打豬肉，超級滑又鮮，配埋辣椒醬好惹味，唔駛10分鐘就食哂lu。另外值得讚既係，我唔鍾意食香菜，可以走左去，咁就唔駛驚d湯有個種味啦！我今次終於記得走喇！yeah 🤣熱古早冬瓜茶$15 咁凍當然要飲熱野暖下胃啦！好香既冬瓜茶，唔會太甜，冬天飲完好暖胃，好舒服！價錢又抵飲！夜市鹽酥拼盤$63拼盤比我想像中大份呀，有澎湖花枝丸、甜不辣片、台南鮮蝦捲同椒鹽四季豆，四種鹽酥小食可以一次過試哂真係好，全部都係即叫即製，好新鮮架！台南鮮蝦捲我都係第一次試。台南，宜蘭菜同平時好易食到既台灣牛肉麵好唔同，今次終於試真左味道，好滿足，個羅東肉焿真係值得一試！…Read More

Ember平日中午終於約到忙碌既妹大人係灣仔食lunch，去左平時放工經過成日都有好多人happy hour 既餐廳Ember。Happy hour 時間間唔中會有live band 唱歌都幾正架，不過今日試下個lunch set先！我地驚會好多人，所以12點就去左食，1點左右就full house 喇，下次都係book定安全啲😂Lunch menu 有7款揀，全部都可以配前菜同自助飲品bar 。自助飲品bar 有咖啡機咖啡，仲有5,6款 Twinings 茶包，如果想飲紅白酒仲可以加錢添！（我地無飲，所以無問到幾錢😅)仲有洋蔥湯做餐湯，開心死妹大人！黑毛豬火腿蜜瓜兩個前菜我地share黎食，黑毛豬火腿我估應該係24個月或以下，唔會太重味，配埋蜜瓜，清新又開胃。凍翡翠螺配泰式辣汁翡翠螺好新鮮，配個平時食生蝦用既醬汁，原來都好惹味！烤西班牙黑毛豬扒 （$158）煙肉燴皺葉甘藍·蘭度豆 ·燒新薯·蘋果燒汁烤得啱啱好，唔會過熟亦唔韌，仲有好甜既l既新薯，妹大人切左一舊俾我之後，就自己清哂全部野冇再分俾我食..烤150天穀飼澳洲黑安格斯西冷牛扒 ($178)烤粟米·荷蘭豆·黑胡椒燒汁非常非常高質既西冷牛扒呀，$178呢個價錢性價比好高！烤得極好，表面微焦，但入面又有保留到肉汁，食唔到筋既部分，十分鐘都唔洗就清左碟喇。連高要求既妹大人都話食得好滿足，真係好難得呀！…Read More

係網上見到有原盅焗洋蔥湯呀，好似好吸引咁，又適逢C小姐生日放假可以去遠d食lunch ，所以就去左中環試新野喇，我地大概2點幾完左lunch 左先地到，餐廳得番兩枱客，即刻就可以坐低。平日既lunch 時段有lunch sets 仲有得散叫，唔會淨係做lunch sets，好彩咋，因為洋蔥湯唔係個lunch sets menu 到！不過老闆話有d main course 因為準備雖時，所以lunch 都做唔到，下次去之前，記得打去問喇！Classic french onion soup $78原盅焗好足料，好香，飲完大滿足呀。Grilled baby back ribs (half) $188另一個C小姐想食既野，半份都好大份，如果唔係我幫手食，一個人一定食唔哂，如果多人仲可以揀一份。Back ribs 個肉質好柔軟，但係又唔會無左肉味，再加上個燒烤汁，真係一絕呀！Lunch set Burger and fries 我就叫左個burger 食喇，lunch set 抵食d ，有少少沙律同炸得好脆既薯條。burger 既肉係好多肉汁架，非常高質！…Read More

今日c 小姐好夜先放工，所以我去到元朗都要食住等佢，因為下午茶又食得太飽既關係，今晚都係唔食飯lu ，所以search 下有咩麵食，見到呢間阿叔泰麵，好似新新地，之前都見唔到，泊低架車，好易就揾到！一入舖頭，裝修有擺心機，兩邊牆都係好可愛既畫，最啱打卡！大概有三十個位既小舖，我9點到都八成滿，野食應該都唔錯呀我諗！坐低左太肚餓既關係，真係無等c 小姐，我就食住先，叫左牛肉船麵$58湯底係淡淡既啡色，不過有濃濃既牛肉味，飲左幾啖就跟住老闆既建議加少少辣粉，會更惹味。果然，信老闆係啱既！食到尾差唔多飲哂！除左個湯底，有一條唔知係咩又好脆既野，原諒我，我食完好好味先問老闆係咩，哈哈哈，原來係炸豬皮！！！9:30 last order, c 小姐仲未到呀，點算？？😫 同老闆講佢就到，好彩老闆好好人，幫我同廚房講過多幾分鐘先last order， 最後C小姐順利食到佢自己揀既牛肉船麵同豬頸肉！…Read More

Mad for garlic 星期六晚上約左幾個朋友聚一聚，食下野咁。去左奧海城以為易d泊車，點知都要等一陣先入到停車場，好彩一早book 左枱，所以唔駛等位，用餐時間有90分鐘。Starter: Mad for garlic 特色蒜蓉包塔好濃既蒜蓉包，個包又焗得外脆內軟，所以一唔小心就食左三舊，要再encore 多一碟🤪香炸魷魚圈配蒜香蛋黃醬(好似係)唔係好記得，因為我淨係掛住食😂香口野，又第二碟上，所以唔駛幾分鐘就俾我地呢班餓鬼清哂，遲到個位朋友淨係見到留俾佢個兩件，碟都見唔到😂Main: 秘製豬腩肉 配牛油餡角及韓式風味醬好入味既豬腩肉，同餡餅一齊食，好夾！雞肉 南瓜辣忌廉汁 意大利薄餅辣辣地既意式pizza ，又薄又脆，消失得好快。烤澳洲牛柳配蒜香芝士忌廉汁全部野食都有蒜係呢度既主打，無論係西式pizza 定韓式醬都煮得好配合，下次黎一定要試埋其他款先得呀！…Read More

酒鍋 今日一行10個人去打邊爐呀，朋友試過酒鍋，有好多款湯底揀，所以我地就去左試啦！裝修係懷舊風，湯底有十幾款，仲有5格款，最後我地一鍋叫左五格鍋-醉生夢鍋同椰子雞鍋拼四川麻辣鍋！仲加左個黑啤炸彈落個鍋到，幾特別！醉生夢鍋有龍蝦黑松露芝士、花膠黃油雞、肉骨茶、四川麻辣同沙爹鍋咁樣叫，可以一次過試到好多款湯底呀，不過最近都係鍾意辣，所以麻辣係首選😂😂 另外就係肉骨茶，因為無試過用佢做湯底打邊爐呀🤪掛架頂級安格斯牛頸脊（大）$238安格斯牛柳粒$128食材好新鮮，仲有好多款牛揀，啱哂我地呢d大食牛魔王呀！最後最最最欣賞既係甜品呀！一定要食！一定要食！一定要食！自家製椰子味同桃雪葩，食完辣野，再食真係好正！打完邊爐幾飽都要試呀！…Read More

去開西貢經過見到一間入邊好多人既cafe ，全白既裝修，仲有濃濃既咖啡味，就忍唔住入去試下lu 。睇到menu ，原來主打健康輕食，岩哂近排想食得清啲既我地！我地叫左:法蘭西多士 有開心果碎、玉桂 、蜜糖 ，外表好靚，我地食之前影相影得好開心！食落都唔錯架，西多加蜜糖係絕配呀！手撕豬 egg benedict 手撕豬配egg benedict 好新鮮既配答呀，首先講下手撕豬先，我都覺得唔錯，但係C小姐唔太鍾意中東feel 既醬，所以佢食左一啖就無食lu ！ 而個egg benedict 個醬就酸酸地超級開胃。…Read More

星期日下午同朋友慶祝生日，揀左去灣仔星街，寧靜又有d小店既街，平時去呢附近飲咖啡食tea happy hour 都唔錯，今日就試半自助既brunch Maison ES 。上完條小斜路，就會見到佢地綠色法國風既門口，仲有一架舊款既單車，好易認，就咁睇門口會以為去左法國既小店！入到去坐低，成間都係繼續維持到法式小店風，連洗手間都係，所有細節野都有堅持，食物應該都有水準！除左每人有兩隻即開既法國生蠔，仲有螺同蟹腳，全部都好新鮮，肉質鮮美！跟著其他既buffet 野食都好高質，我最鍾意既係凍食Poached tomato , Mizuna , CrispyShallot & honey soy dressing 甜甜地好惹味Main course ，我地叫左三個share 最欣賞既係龍蝦包同個魚，剪三文魚，外脆內滑，真係好吸引，再加上個汁，無得輸呀！最後就係甜品喇，有大概八款甜品擺左岀黎，抹茶拿破崙，好鬆脆又有濃濃既抹茶味，唔小心就食左四件🤪…Read More

自從上次係大阪食完，本身唔係特別鍾意食拉麵既C小姐都念念不忘！係中環站行長電梯上去，唔難揾，係好岀名既蕃茄湯對面，裝修、杯杯碟碟同日本店差唔多，座位仲闊d，有bar 枱、二人同四人枱，坐得好舒服。點解C小姐會念念不忘呢？我諗可能佢無食過淨係用雞熬既拉麵湯掛，同平時比較容易食到既豬骨湯底唔同，佢係好奶白色既，師傅仲有打到起泡，所以個湯底飲落會好滑，好香雞湯味！有兩款麵揀，我地一人要左一款：拉麵同沾麵，兩款都有牛蒡、叉燒、雞肉，又燒好大塊，不過因為係薄切，所以唔會有好膩既感覺！我最鍾意個炸左既牛蒡，好脆，浸完個雞白湯食真係一流，亦都係C小姐既至愛拉麵呀！…Read More