Rubypopo's Profile

我哋一行5人去食lunch, 等左大半個鐘後, 女既服務員出嚟就話要分開兩張枱坐, 如果唔係就唔使諗, 唔會有得食。當我地正在商量考慮的時候, 呢位女服務員係咁話「點呀, 你地要唔要入，唔要我就放其他人入」, 語氣態度就好似係我地問題咁。我地覺得無奈氣忿嘅原因係, 因為我哋前面本身有6人等, 咁如果一開始知道我地5個人係無可以一齊坐既座位, 點解唔一早講話唔會有一齊坐既枱, 而唔係到我哋等左大半個鐘到先出聲, 仲要語氣態度好唔好。好差既體驗…Read More

今晚因為朋友生日想食韓燒，所以相約黎呢度食飯慶祝。由訂位到入座，完全冇任何職員提到原來係有限時兩小時，而一入到去，我哋一早已經同職員講左有蛋糕慶祝生日，而職員話要收取$100切餅費，我們都表示同意。用餐中，我哋都有keep住order，而從來都冇職員提到用餐有限時。後來，其中一個職員拎張單過嚟叫埋單，同時我地勞煩該職員幫忙拎出蛋糕，但一直仍然冇人提過有限時。而在食蛋糕中途，突然有位中年韓藉男人(疑似係餐廳經理或老闆)走過來向我們破口大罵，他用震懾聲線和兇惡的態度不斷話我哋遲走，唔交枱。但現場所見，當時仍然有2-3張吉枱，而該位中年男士不理會出面等位既客人，一直鬧我地唔走影響出面既人冇位入。完全唔明點解佢唔帶出面既客人先入座，反而只顧責罵我哋，咁其實佢唔係都浪費左其他人既用餐時間?! 到最後我哋離開餐廳，其他職員都跟我哋表示抱歉，表示不好意思，我哋都表達左不滿後都已經冇嘢。出到門口有幾位客人問返我哋發生咩事時，那位中年男士突然走出來鬧我哋，好似驚我地同果幾位客人講剛才發生既事，那位中年男士仲兇到想殺人既模樣，好彩當時果幾位男食客幫我們解圍，我哋準備落電梯走時，那位中年男士一直鬧同叫我地道歉。態度完全極度惡劣。對於呢位中年男士一開始幫我哋燒雞肉時，服務已經好有問題，完全冇問我地，直接將整碟雞肉連汁倒落去煎，攪到個爐即刻熄咗，攪左一陣先開得返個爐。中間有啲少問題就算。平心而論，餐廳食物一般，係牛肉算不錯幾新鮮，但以呢個價錢再加咁既態度，真係好差。仲要令原本開心嘅生日飯，變到大家谷住一肚氣離開。我之後都唔會再幫襯，極度失望。…Read More