壞人食好西's Profile

唔想再受氣，真係唔好嚟食，上第一道菜等足一個鐘 ，講真你嘅招徠手法每道菜都想有專人去解釋 食材同埋煮法，我覺得OK嘅，如果你有料的話， 但係你人手不足就唔好扮晒嘢 ，你搵一個新人侍應 ，連開香檳都唔識 ， 叫佢介紹菜式？？ 都冇所謂， 等一個鐘食完個沙律，之後再等半個鐘先上湯？？ 都唔緊上牛排後 居然火速要收碟同埋話last call ?? 但甜品都未上喎 。。 絕對係趕客嘅節奏我哋已經同侍應再三強調，我哋已經等咗好耐可唔可以上快D。。。 你話Free flow 但連蒜蓉包都唔可以要多一份！ 個湯稀過水，好明顯預算份量唔足夠之後後期加水， 公平啲講句 Steak 係正常， 同埋BYOB 係賣點。 評分: 最高5分環境4服務 1味道 2…Read More

喺韓國街居然發現隱世美食🥓，鋪面一啲都唔起眼，入到去就會聞到好香嘅蝦味🦐，店內大概只得六個位左右，冷氣算充足。坐低後見到個餐牌只得三種唔同嘅麵🍜， 鍾意食海鮮嘅我就選擇咗海蝦濃湯伊麵， 其實任何一種湯麵都好，佢都會跟一碟手切燒牛肉一份🐂，但唔食牛嘅朋友要注意啦， 店內除牛肉外暫時冇其他肉類選擇。老闆出嚟落單之後，大概等幾分鐘就有得食啦， 牛肉係預先切好，但係上菜前佢會用火炙一炙，所以上菜時你會聞到好香嘅燒牛肉味。🥰老闆放低碗麵之後佢仲會提一提你，如果唔想食太生嘅牛肉可以放喺湯嗰度浸一浸先，如果想食Juice一啲嘅話可以就咁食🤓講真蝦湯極濃，我相信老闆用好多蝦頭同材料去炮製呢個湯底，真心講句手工野！ 香港已經好少何食到咁好食嘅湯底 ，再加上一大羹嘅蝦干，將個湯底嘅鮮味再提高10倍😍😍最後碗湯都飲晒一滴冇漏🤣🤣由於自己中午之前冇食早餐，同埋比較少過去尖沙咀，所以決定叫埋海牛漢堡， 份量啱啱好🍜 🙈 …Read More

香港區其實有唔少辣雞煲， 不過呢間比較就腳， 地鐵站行過去大概5分鐘就到， 最近佢哋有新嘅套餐，除咗叫雞加海鮮外仲有個牛魔王之選！ 不過今次都係食返原有嘅海鮮餐其實呢個餐入邊都有包一份本地手切牛頸脊， 價錢係$308 加埋一同其他費用 大約370 一位， 不過雞煲係冇限制可以無限添食🥰 啱晒我哋呢啲大胃王 ！ ！ 唔知係咪疫情關係，早一日訂位都可以安排到房間 ，四個人坐夠晒闊落 😆😆值得一提嘅係，佢嘅海鮮拼盤一啲都唔馬虎，非常之足料。當然最重磅嘅梗係辣雞啦，四個男人叫咗四煲辣雞，小辣啱啱好如果食得辣嘅可以挑戰吓大辣個人覺得唔錯！ …Read More

平時好少過嚟紅磡， 一朝早喺OpenRice度想搵間茶餐廳飲杯奶茶， 咁啱搵到呢間”東門冰室” ， 店入邊座位唔多 ，但勝在戶外戶外都有位，方便睇車或者呼吸🚬嘅朋友仔。 同埋店入邊可以寫紙字，啱晒冇安心出行嘅朋友。坐低就search一下呢度有咩好食😋 當然都有左望右望睇吓旁邊啲人食乜嘢， 發現之前推介嘅魚餅或者牛肉都唔錯， 雖然蛋牛麵只得散叫冇套餐，但都想試一試。 落完單之後，大約5分鐘左右就有得開餐啦， 蛋牛麵加送兩條生菜 🥬， 誠意十足，牛肉都算足料，同埋真係有醃過炒過，同一般早餐嘅沙爹牛麵完全兩回事。 奶茶方面我一向唔飲凍飲， 熱奶茶正正常常，正宗舊冰室奶茶☕️埋單之前冒着生命危險影咗張相😆 好在阿姐睇唔到 🙈🙈 …Read More