KanKelly852的個人專頁

琴日ot收工之後見到新開咗間串燒店就叫咗兩串試下 環境乾淨 店員態度好好 見到有好多客人問嘢同order 佢哋都好有耐性我叫咗一串雞全翼串同京蔥雞肉串 叫完之後等咗10-15分鐘 師傅好細心去燒 拎上手香噴噴熱辣辣兩串都落咗醬汁去燒 好惹味 雞肉燒得啱啱好 唔會過熟收老 每啖都仲好嫩滑我叫咗中辣 辣度啱啱好 唔洗帶口罩 以後可以同啲朋友一邊行一邊食 正！睇返IG原來呢間係分店嚟 太子店都略有名氣店員推薦我食風箏燒雞皮 但夜麻麻唔想太heavy所以留返下次先食！下次會再試其他串燒！嗌多啲唔同嘅類型 正！…查看更多

Lunch Hour同同事去咗間新開嘅餐廳試下 諗住啱啱出糧就食好啲啦 果然無去錯 成餐飯都好滿足！！！我哋一行四人 散嗌咗唔同嘢食 咩都試下 點心我哋叫咗紅甜椒蝦餃 牛骨清湯牛肉球 懷舊叉燒包 麻辣脆皮燒賣 蔥花鮮蝦脆炸兩 黑毛豬叉燒腸粉同金沙豚肉炒飯紅甜椒蝦餃好食 真正做到皮薄餡靚 加埋甜椒出乎意料咁夾牛骨清湯牛肉球我就無食到啦 因為我唔食芫荽 但同事話好好食！好特別懷舊叉燒包唔洗多講 經典中嘅經典 好食！麻辣脆皮燒賣 呢個真係要讚 超好食 入面加咗辣粉 麻麻辣辣 但又唔會搶咗原有嘅鮮味 好食到我哋想叫多一份添！但唔食得辣嘅朋友就唔好試啦 佢個辣度有5少辣啦！蔥花鮮蝦脆炸兩 上枱嘅時候熱辣辣 入面條油炸鬼勁脆 最正係入面有埋蝦仁 口感豐富黑毛豬叉燒腸粉 入面超多叉燒 用料上乘 金沙豚肉炒飯 用咗咸蛋同豚肉炒再加上少少蔥花同蔥芯 為整個午餐劃上完美嘅句號一句講晒 會再去！除咗食物質素好之外 環境同服務態度都好好 地方好大 座位闊落 裝修有品味 侍應態度十分良好 而且好主動 加分！…查看更多

係中環搵間酒吧都唔容易，轉左個圈先搵到門口，酒吧環境偏向幽暗風格，幾唔錯，牆上掛左好多樽野（應該係酒？）；服務都算熱情到位，同埋睇落都唔會好污糟。嗌左兩杯野，其中一杯好細杯，個friend話真係飲兩啖就冇曬，唔過癮，但味道OK。另一杯好特別但又好怪，上面擺左張大白兔奶糖既紙，可能係懷舊風格，但係張紙唔可以食，所以都係要撕開唔要佢，覺得幾無謂，成件事就感覺唔係幾好 ; 味道算唔錯，偏甜呢次覺得一般般，可能下次試下200幾蚊有個set既餐體驗會好D。。。…查看更多

點都要抽出時間配下屋企老人家去飲茶，見美心間酒樓幾靚就諗住試下。裝潢設計好豪華，的確有皇宮的風格，而且仲有一個好似舞台既地方被紅色幕布遮住，唔知係咪會有表演，抬頭望盞吊燈都幾華麗。講起酒樓其實腐竹卷、馬拉糕等都中規中矩冇乜特別，味道尚可；牛肉燒賣足料，雖然有少少過鹹，炒米粉份量唔多而且料好少，味道都係平時食開既感覺；排骨同八爪魚都唔算出色，兩者份量都好少，不過味道唔會好重，都算好吃，但兩者份量都幾少。感覺就係同其他酒樓冇乜分別，唯一唔同就係環境幾好，服務衛生都一般般。…查看更多

之前同屋企人去完荃灣店，今日做嘢經開佐敦，就一於試埋佢地本店！同樣係lunch，今次就order咗日本和牛黑毛牛肋肉牛味夠哂濃，側邊仲有菇俾大家，唔怕淨係食肉食到悶。如果擔心自己技術唔好會燒焦仲可以搵佢地嘅侍應幫手！去斟嘢飲時仲見到佢地多咗部爆谷機，行過都聞到勁香同小朋友去食放題時就唔怕佢地食到悶啦見佢地仲有個牌寫住外賣自取七折如果有靚牛食七折真係好抵真係心郁想order番一份！…查看更多

呢間隱世小店真係好高質，誤打誤撞都搵到間好野～雖然餐廳偏細，但環境唔錯，光線佈局同格調好有feel既小酒吧，而且係有sofa可以坐，非常有親切感，可以好放鬆又舒服，感覺係享受食物消愁既好處去。個自家製牛肉漢堡真係好好味，同快餐店既漢堡完全唔一樣，牛肉好juicy，份量足夠，而黃瓜爽口感覺新鮮，麵包口感極佳。而薯條熱度烤得恰到好處，唔會感覺擺得耐涼左，比快餐店口感好超多。飲品當然不外乎汽水等大路野，沒乜特別。原本以為呢D快餐食物味道都差唔多，但原來可以咁好食。唯一覺得唔好既野就係要等幾耐，差唔多半個鐘先食到但慢工出細活，食物質素真係唔錯！…查看更多

端午節人人都食糭，我就決定同屋企人去食牛！依間喺荃灣廣場新開嘅放題店，上網睇過佢地銅鑼灣、佐敦都有分店，夾夾埋埋荃灣依到已經係第4間。慢煮特選牛肉飯淨係賣相都已經夠哂吸引。用慢煮技術將牛肉煮熟，保留到口感同juicy肉汁，咬落夠滑唔會過火變韌。飯上面鋪滿厚厚一層牛肉，加埋日本蛋，撈埋佢地特製醬汁，諗住咁大碗食唔哂？放心，連我一個女人仔都得哂。日本黑毛和牛里脊肉一個餐有齊靚牛、味噌湯、飯同甜品，仲加埋前菜，真係相當抵食！牛肉嘅雪花紋係肉眼可見嘅多同均勻，waiter哥哥見我地一家大細，擔心我地人多手腳亂，勁細心幫我地燒埋，一食落口果然燒肉係要等專業的來！甜品細細杯，唔怕太飽，但一杯甜品又可以幫大家refesh，真係唔錯！餐廳仲有水果茶自助、沙律同飲品，幾多人一齊食都可以飲飽食醉！下次一於去埋將軍澳搵朋友一齊食先！…查看更多

依個香辣茄子肉碎飯份量真係唔少嘢！佢個漿汁熟悉得嚟夠哂惹味，有少少似黃豆醬加蝦醬味道，加埋入哂味嘅肉碎，成碟飯都輕鬆食哂！加埋紅綠椒，唔怕食到膩或悶。不過個人口味，鍾意食再稔身少少嘅茄子，如果鍾意食爽口口感嘅，應該已經非常滿意！…查看更多

首先要讚一讚佢地同事雖然無BOOK位不過都幫我地排WAITING LIST打左幾次去問有飛拎未都好有耐性解答我地問題可惜無記低佢個名，服務態度值得一讚！Menu大致上分左兩款，今次同朋友仔揀咗食澳洲和牛，會送埋刺身拼盤。佢地嘅帶子真心推介，夠哂大隻鮮甜！最鍾意佢可以一次過食哂邊爐同日式烤肉，咁就可以一次過滿足哂啦！醬汁好多選擇，不過真係唔知邊款打邊款貼一貼貼紙可能會好少少！手機掃code落單，每次限制十款食材送單，等大家唔會食過龍亦減少浪費食物依樣做得非常好！頭一碟頭牌4式和牛仲會俾埋肥脂燒到落尾都未用得哂，唔會燒到中段會無油用！睇相可能未必睇到，不過件件牛都油花好靚，牛味都好足！火鍋方面都唔失色除咗牛之外都仲有海鮮、豬等等另外炸物、串燒、壽司都有得揀而家開到可以八人一枱會相對地更抵食！…查看更多

咁耐無去一蘭，唔知味道有無變呢？味道確實比之前更迎合左香港人~~不過作為過江龍，點都有少少堅持嘅！而且大家咁耐都無去過日本飛唔到食下拉麵都好其實無論麵嘅硬度、湯底濃度都可以自己揀，所以口味基本上都可以符合到大家要求不過係成堆野都可以自助嘅情況下都真係唔明服務費係for what……查看更多

裝修似CAFE/甜品店多於韓國料理，主理人係正宗韓國老闆，對於食物質素當然有更高期望！怕辣嘅我ORDER咗鐵板牛肉飯！鐵板上枱當然夠熱辣辣，不過牛肉絲同大量嘅菜、芽菜，真係難免有少少失望！配菜係玉子/蛋卷、泡菜、芽菜，無錯！又~係芽菜同等價錢的話，我相信佐敦應該有更多更正選擇！一試無妨…再試就…諗諗佢…查看更多

人人都話工商業區最多隱世美食其實除咗好食，最緊要夠抵食今朝同屋企人趁住星期六近近地去咗新蒲崗嘅又一間嘆嘆以前係荃灣大西北番工都去過佢地分店食，室內環境唔會太逼，而且都多梳化位俾大家坐，依樣嘢新蒲崗分店都做到。至於食物水準方面都KEEP到唔錯！有唔同套餐選擇，咪以為早餐淨係餐肉蛋、腸仔蛋咁悶淨係麵餐都有漢堡扒、煙肉、麻辣牛肉唔同餸可以揀40唔洗係咪抵先！而家仲有個懷舊福麵餐，無得搭船過澳門時食，咪係岸食住先囉！今次就叫咗個早餐C，有扒有腸有多士多士烘底再加大大舊牛油邪惡不過好味嘛！牛扒大大塊唔孤寒，雖然口感未係超嫩滑，不過加埋黑椒汁就夠哂惹味！食到咁上下又有粟米粒俾大家清清，唔怕食到悶。套餐包埋飲品，梗係要叫茶走先夠經典啦！…查看更多