七點朋友話肚餓，所以見到呢間星期五九點前有九折就即刻book 8:00。響街hea 左陣就上去。本身見佢有live music ，諗住會幾好feel , 但點知越坐越辛苦，地方不大，但音樂太大聲，食客要吊高把聲黎傾計。我隔離個位講野勁大聲，我耳仔勁痛！諗住食完快快走人，點知等左大約九個字都未有野食(叫左一份burger,一份奄列) 見職員個勢似未開始整，(佢係open kitchen) 佢話因為多客所以要等多陣，於是再等多15分鐘先上左份奄列... 我咬到蟹殼粹...個牛角包又細隻。。。唔明點解要整成粒鐘。。。已經超不滿！等左咁耐。。。過左陣再上埋burger ，係3個mini 既burger,個職員可能心急，跌左一個落地😑😑😑😑佢話整過份比我地，但我同朋友只想快快食完走，所以只要求多支手工啤，佢後尾再請左一碟雞翼比我地食，其實佢地態度幾好。但我朋友同我真係好無奈。。。本來滿心歡喜出尖沙咀食晚飯，但心情完全受影響。重點係食物質素又唔太補償到我地餓左一個鐘既不快，仲要耳仔又痛。。。唯一欣賞既係職員們都有禮貌，所以我都㩒住自己冇發火，但其實等咁耐真係令我好噪！希望佢地可以改善下！…Read More
