EdwardChan3573's Profile

鮨文既名氣一直都有聽講，難得老婆話請食飯又想食 Omakase，話訂左試下鮨文既lunch，心中都有唔少既期待。 環境就係傳統壽司舖。我地分別叫左兩個唔同既餐，我既$980 同老婆既$1380，下圖係$980既餐。但因為只限12張相，所以未能提供所有相片。 茶碗蒸 3/5味道偏淡，元貝就幾香，但整體就比較普通左少少，個人覺得做唔到打開味蕾或者留有深刻既第一印象。蠔配柚子汁青蔥 （4/5）細佬見識少，又係聽得多但第一次食「令和の怪物」，師父話呢隻係養殖既。 味道鮮甜，肉質生蠔黎講幾爽實，完全無腥味，加埋柚子汁令到成件事同胃口都提升左。帶子 4/5新鮮帶子，拎左去做天婦羅，但師父手勢好好，做到表面脆，內裏都仲係9成生，因為肉質新鮮，所以仲食到一絲絲嘅肉，鮮甜好食👍🏻櫻煮八爪魚 4/5因為老婆嗰個餐係食白子，師傅問我哋想唔想試吓食八爪魚，所以就轉左我呢份做八爪魚，肉質非常軟熟入味，完全唔會好似咬緊一舊香口膠🤣老婆話未食過咁好食嘅八爪魚。鮟鱇魚肝 with 柚子汁 4/5Creamy，味道唔會話10分濃郁，但又唔似平時食魚肝咁樣 有種甘甘地嘅苦味。加咗師傅特製嘅柚子汁，成個餸菜都幾開胃。黎都第一件壽司，春子魚無咩味，不論鮮味定係魚味都冇🤣 但因為表面有燒過，所以有一浸炙燒既香味，但除此之外就咩味都冇。深海池魚 4/5 碳火燒過 ，魚肉緊致爽口既，有碳燒嘅香味，但同樣魚味同鮮味唔太食到象拔蚌刺身 4/5 鮮甜，爽口，好食。入口有明顯嘅甜味，象拔蚌本身嘅味道都好突出三文魚子 4.5/5 三文魚子師傅用咗特製嘅醬汁醃製左，所以會有種恰到好處嘅甜味，好食，紫菜都幾出色，識嘅時候師傅教落雙手兩隻手指拎起好似飲酒咁樣放落口。 每一粒嘅魚子都似爆珠咁樣，好好食。大拖（養）4.5/5魚油無需講，好食既。老婆嗰餐係最貴嗰個，所以佢嗰嚿大拖羅係天然嘅吞拿魚，師傅話天然嘅大約貴過養殖嘅四倍價錢。我就冇食過啦。老婆就咁話好食😅鯖魚（4.5/5）鯖魚配上一片白昆布，我個人十分鍾意食鯖魚，魚味濃，所以我覺得好好食。穴子 4/5肉質細緻，火炙過再加上師傅嘅特製醬汁，香甜交接，我呢個唔食鰻魚嘅人都覺得幾好食👍🏻甜蝦 （4/5）新鮮大隻嘅甜蝦喺你面前剝殼，蝦膏嘅部份師傅加咗少少海膽，令到佢鮮上加鮮，再用火炙方法逼曬啲香味出黎。 👍🏻湯 4/5鮮甜，味濃，入面有菇、魚肉、元貝。大幾分到3杯清酒杯，師父提議先飲一杯原味，之後可以落青檸， 我就推薦原味青檸唔太夾咁。海膽（4.5/5）呢個海膽山，澎湃、新鮮、好食。 師傅加海膽絕不手軟，冇任何腥臭味同明礬味，望返張相都好想再食多次。 如果有人係當日生日 而又有提早同餐廳講，師傅就會做一個迷你嘅海膽蛋糕，所以生日嘅朋友記得同餐廳講啦🙈 手卷（4/5）最後手卷作結，聽唔切師傅話入邊有咩材料，依稀記得佢有講到牛蒡🤣🤣 入邊仲有不知名嘅刺身，但係幾好食嘅，成個配搭口感同味道都幾好👍🏻👍🏻 甜品：自家雪糕/生果 跟餐決定 總結：整體質素幾好，對得住個價錢同名氣，聽聞黃埔呢間分店好食啲，但食完黃埔行下街都幾好，呢頭好多野買🤣。 會回頭幫襯👍🏻👍🏻👍🏻…Read More

今次叫左碗腸膀面，牛腸同牛膀既份量都唔錯。 湯底飲到幾出牛腩汁既味道，但就無左用骨去煲既甜味。牛膀夠粉，腩汁夠入味，微微雪味，可以接受既程度。腸既部分就有齊小腸同大腸，小腸偏軟身，口感差少左左，大腸有肥膏所以比較油香，同樣無咩雪味，唔錯。最後個面底叫左幼面，彈牙既，師傅煮麵時間控制得幾好，但可惜鹼水味重，走鹼過程唔夠，換水可以密少少。 但$35一碗我收貨，質素都同價錢成正比👍🏻👍🏻 今時今日仲敢表明支持香港，值得支持😘…Read More

住左屯門3年，係就黎搬屋之前同老婆幫襯一直想幫襯既「秋香」。 可能期望太大，落差都比較大，今次係幾失望既。內部裝修幾靚，好多星爺套「唐伯虎點秋香」既經典對白，個人幾鐘意佢個環境，香港黎講幾好feel👍🏻👍🏻吉列生蠔 8/10即叫即整，生蠔size都幾大隻，一咬開熱辣辣，好多汁，食果時要小心，呢個好好味👍🏻👍🏻👍🏻威士忌燒生蠔（6/10）職員話係半熟生蠔，但我就覺似只係加熱個殼🤣🤣 上面加上蔥花同偽魚子既野。上檯後，職員拎左支噴噴，向生蠔噴上幾下威士忌，但可能我落得多咗少少檸檬汁，完全食唔到威士忌嘅香味。 但好彩本身蠔嘅質素尚算唔錯，大隻厚身，有蠔味。 但我寧願直接係上生蠔，加熱個蠔殼有少少無謂😅串燒（菠蘿、雞肉、七里香、牛舌心、厚燒豚肉） （4/10）全晚最期待，同時最失望😞-菠蘿：我無食，老婆話唔錯，幾甜同好汁雞肉：比較乾，雞肉粒比較細，所以都無咩口感-七里香：乾，無味😅-牛舌心：我本人好鐘意食牛舌心，但可惜今次燒得比較乾，牛味淡，偏韌但未到咬唔到既。調味都較淡-厚燒豚肉：係真係好厚身，因為有肥膏所以相比下叫做無咁乾，但調味都係偏淡，食材本身既味道都偏淡。燒茄子（6/10）正常水平，但相比下蒜蓉同孜然味會更岩我🤣加埋啤酒，梅酒，烏龍燒灼 埋單～$1000 人均$500。 偏貴，但同食物質素未能成正比居酒屋當然酒水重要，但串燒都絕對係靈魂既存在，希望可以改變下串燒質素同加多少少酒類既選擇。 加油。…Read More

今日同老婆去左食夢，一間懷石料理配上Omakase, 如果要直接講結論就係：視覺＞味覺。 佢唔係唔好食，但俾唔到我會想回頭要食既感覺。 但如果字食過既，一試都無妨，食物好igable。我揀左「夢」set,太太揀左「紫」set，兩個分別除左「夢」有和牛，「紫」無，「夢」無壽司五貫，「紫」有外。 主要「夢」會提供啲相對比較貴少少刺身。 -牛油皮包住三重縣栗子蓉。一入口係幾濃嘅牛油味，之後就會食到溫暖嘅栗子蓉，有栗子香味同埋都幾甜。 八寸擺盤好靚，入面既食身會因季節/來貨而改變。而我無記低🤣🤣🤣🤣 所以未能介紹。但全部既味道都唔錯，包含曬冷熱咸甜，幫大家打開味蕾，開始今晚盛宴。右口魚刺身用鹽板方式上碟，肉質緊至，魚味濃，魚油都豐富。青檸可以去除油膩感。 另一個係包住薑絲等既配搭，味道幾好👍🏻帆立貝他他+薄脆：柚子，紅豆，紫菜帆立貝加入左柚子/青檸，加上食用花做點綴，視覺上十分賞心悅目，味道上係清新既，但無左帆立貝應有既鮮甜味。 面頭既法國魚子醬就食噱頭多過食味道。 同樣被柚子/青檸既味道蓋過左。個薄片就無咩好講，因為食唔多出佢聲稱加左既材料既味道。 總括依然，相比之下我同太太都係比較鍾意食原粒，食鮮甜味既帆立貝。 縞蝦，雉羽太縞蝦：主要係北海道產，第一次食同聽🤣 但真係好好好食同新鮮，有蝦既鮮甜味，蝦身肉質都好緊致。👍🏻👍🏻雉羽太：屬班類既魚，所以肉身會比較實，魚味都幾重，唔錯👍🏻大蜆、蠔葉，蠔膏，蜆湯全晚最鮮既一道料理，先飲一杯用大蜆煮成既蜆湯，一個字：鮮！！！ 好好飲，如果大杯少少就好啦😁 再食埋用大蜆肉做底，配上蠔葉同蠔膏，呢一啖真係鮮上加鮮既配搭👍🏻👍🏻 十分好食刺身三味：秋刀，黑鯥魚，吞拿魚三食秋刀：時令，入口時候魚味唔濃，但原來after test 先黎料，好食既。黑陸：魚皮經過火炙，逼出左魚油，同時多多一層火炙香味。好食👍🏻吞拿魚三食：基本既赤身、中拖、大拖羅。無根，但入口口感三款都係偏實，大拖油脂感係豐富既，但魚味就比較偏淡。 相比下拿吞拿三食比另外兩款失色。喜之次配蘿蔔底+蓴菜，配蝦湯底喜之次：魚皮經開處理，十分香脆，肉質好細緻，係我食過最細緻既魚肉👍🏻👍🏻👍🏻個底就用蘿蔔盛載住蓴菜，個湯就用蝦熬煮出嚟嘅湯底。蓴菜：個人唔鍾意，因為佢同秋葵一樣，有一種好似鼻涕咁嘅黏稠既液體包圍着，個人頂唔住個口感😅 而味道上都冇咩好大特別。 蘿蔔：冇渣，但唔甜同冇蘿蔔味……至於個蝦湯，有少少蝦味，但唔算濃郁。可能個蜆湯太出色。紅蟹，大閘蟹膏配哈密瓜陳醋拆肉紅蟹加上大閘蟹蟹膏，呢個組合除非隻蟹臭，如果唔係基本上唔會唔好食，蟹膏甜嘅，入邊再配上清甜既哈密瓜，中間會有一層陳醋，增加左成個餸菜嘅層次，炸米亦都增加左口感，但當我食到陳醋嗰時，個腦即使出現咗豬腳薑，因為真係嗰陣味🙈 但總括來講呢碟係唔錯嘅A4和牛一入口嗰時滿嘴油香👍🏻 配上自家特製嘅XO醬👍🏻👍🏻但比較可惜嘅就係我嗰舊overcook左少少，接近6-7成熟😅 但基本上都冇乜嘢好彈。 好食🤪海膽創意料理海膽+黑松露+壽司飯+魚子。 職員話呢碟係佢哋公司嘅signature之作，個人覺得係好食嘅，海膽新鮮，冇臭味，都冇咩明礬味，新鮮即刻黑松露，香味突出👍🏻👍🏻👍🏻 但作代表作既話記憶點唔係好突出😅😅黑松露risotto 職員話用咗日本糯米，口感煙韌， 廚師加入左自家高湯煮呢個飯，最後灑上新鮮嘅黑松露，香味十分，呢個飯都十分好食，佢比海膽創意料理更有記憶點🤣最後甜品海鹽雪糕加上食用銀薄。晴王提子配上香檳啫喱，平時買$1xx蚊既香印仲好食過佢🤣 完全唔甜🙈…Read More

同太太都好鍾意食日本燒肉，但無奈疫情關係唯有喺香港一解燒肉既思鄉情。原本用咗Apps預約夜晚6:30，但因為私人理由夜晚6:37先到達，但職員已經唔俾我哋入😢😢😢😢 唯有即時拎飛排隊等，強烈建議大家用佢個Apps預約位置，或者用佢個Apps遙距拎飛。兩人以上最好分開五至10分鐘拎。最後係夜晚大約9:00成功入咗😵😵 我哋揀咗個lv4嘅澳洲牛放題，再加咗個一人嘅啤酒放題$30。牛肉嘅質素OK，融雪都冇咩問題，放題來講呢個價錢我覺得可以接受，係等嘅時間比較來啫🤣 一分錢一分貨，質素來講我覺得算對得住個價錢，但我就未必會試佢個日式和牛放題，因為相同嘅價錢可以喺Donki買靚料自己屋企燒，質素用選擇可能仲正🙈 總括嚟講，lv4既餐都算對得住個價錢，可以一解日式燒肉個鋪癮，但大家記住要預約咗先/ 拎定飛。。…Read More