Chobits_gugu's Profile

超抵食午餐！70幾蚊起😍大大碗份量又多～我叫咗個海南雞喇沙慘慘，湯底超級好飲，非常濃郁！而且係好微辣味，啱晒我唔食得辣又鍾意食喇沙嘅人！材料好足，有魚蛋、豆腐卜、通菜、魚片、芽菜⋯油面加米粉，跟餐嘅半隻海南雞！真係非常足料，肉質又爽又滑～啖啖肉！非常唔錯！點埋佢個酸辣汁食非常之開胃！跟餐加$5飲呢杯蜜糖吉仔茶！從未試過喺餐廳都飲到咁好飲嘅蜜糖！唔係淡茂茂嘅蜜糖水！加足份量，蜜糖味好重！好香甜，加埋酸酸地嘅吉仔同埋話梅～真係好好飲！而家天氣凍凍地飲完非常舒服！叫午餐仲可以半價加小食⋯忍唔住叫咗個沙嗲串燒！有牛有雞，燒到外脆內軟，加埋個沙嗲醬真係無敵！呢個唔辣㗎～小朋友都啱食！大大份午餐性價比高！會再嚟幫襯～…Read More

街坊小店！終於搵到一間好食嘅擔擔面！湯底好香花生醬味！超級濃郁，少少微辣，我唔食得辣嘅，呢隻少少辣我接受到！覺得好好呀！上邊有少少肉碎，面身唔會好林有口感，夾埋一齊食好正！真係想成碗湯飲晒佢⋯午餐包一個餐湯，今日係蕃茄蛋花湯！有蕃茄有蛋花，清清地酸酸地好開胃～份量都好足，就咁食碗麵都好飽！午餐都係$45起包例湯，好抵食呀！仲有獅子頭、上海粗炒、口水雞～都好似好正，下次要試吓先！青椒牛柳絲都好多人叫，炒出嚟好香～…Read More

午餐時間有午市套餐，包飲品幾抵食！叫咗個喇沙湯麵！成日聽人講話個湯底好正，估唔到真係名不虛傳，超級濃郁，帶少少辣味！非常之惹味！材料亦都好豐富，有蝦、魚蛋、豆腐卜、雞蛋～大大碗，超級滿足！今次真係眼闊肚窄，加幾十蚊可以加配小食，忍唔住口嗌咗加央多士同蝦春卷，春卷非常香脆可口，多士又脆口大大嚿牛油非常邪惡⋯都好好食！原來碗麵好大碗，食到一半已經好飽⋯今次真係超級滿足！話梅柑桔梳打⋯酸酸甜甜好開胃，爽！…Read More

知道呢度一向好多人排隊，終於搵到一日平日得閒冇咁多人嚟食！午餐$98一位75分鐘任食，所以大家都好忙一坐低即刻夾嘢食！第一轉有椒鹽豆腐、蘿蔔糕、芋頭千層酥、黑椒薯仔、花生醬蘋果片、蕃茄、香蒜粟米、芋頭、手拍青瓜椒鹽豆腐不錯，外脆內軟！花生醬蘋果片，估唔到味道好夾喎！我自己覺得好好食～第二轉茄子、炒青菜、豆腐、咕嚕合桃、南瓜、羅漢齋、糯米飯推介必食，咕嚕合桃！酸酸甜甜合桃有口感，呢個我添咗幾次！會上癮！第三轉水果、沙律、薑醋蛋、炒飯、炒麵水果好甜，炒麵炒飯，一般冇咩特別第四轉Pizza 、芝麻糕、黃金糕、炸牛奶、牛角沙律包食到呢度其實已經好飽，不過仲有好多嘢未試😂仲有好多甜品呀、湯啊、糖水、涼茶、飲品⋯鍾意食素菜唔好錯過～當我食到下午茶時段，見到出邊已經排晒長龍，下午茶70幾蚊有幾抵食嘅～…Read More

一人午餐推介！一個人又想食韓國嘢，呢度有午市套餐！一坐低就有三碗前菜：有泡菜、白蘿蔔、通菜，三款都好好食！白蘿蔔好爽口，通才有蒜蓉味好香，泡菜少少辣好易入口！而且係食嘢包埋唔使另外俾錢！電話QR code落單好方便，落咗單等一陣就有嘢食啦！先上咗杯茶，跟餐免費！估唔到茶味好香好特別，有麥嘅香味～好好飲！我叫咗炸壽司，牛肉餡，都好大份切開有八大嚿！個皮炸到好香脆啊！好似食薯片咁，而且一啲都唔油膩！呢個堅好食～非常足料食完真係好飽！午餐70幾蚊起，性價比高！…Read More

突然之間好想食擔擔麵⋯叫咗個午市套餐，有前菜主菜飲品，入座就要比$5茶位，仲有服務費⋯今餐食咗80幾蚊叫咗個雞扒擔擔麵，個碗勁大囉⋯呢間嘅面都幾爽口，湯底就比辣味遮蓋左花生醬味，我個人比較喜歡醬味濃郁，所以我淨係食到辣味！前菜揀咗雞絲粉皮，呢個好好食！麻醬夠晒多～粉皮彈牙爽口，配埋青瓜條非常開胃！份量都幾多下，炸雞扒好脆卜卜，份量好大！最後配咗熱豆漿，真係飽到上心口！本身想試埋佢哋嘅榴槤窩餅，不過嗰日冇貨～…Read More

去 親子餐廳食嘢玩埋遊樂場🤩一次過方便媽媽～呢間親子餐廳竟然有雞蛋仔‼️除咗平常食到嘅味道之外，#中秋期間限定 應吓節一定要食🌕有「#鹹蛋黃雞蛋仔」 同埋「#鹹蛋黃奶昔」～雞蛋仔夾住勁多粒粒鹹蛋黃😍外脆內軟勁香口！杯奶昔好得意呀，鹹鹹香香配埋奶味，又幾好飲喎！另外當然有小朋友最愛嘅 #兒童餐，A餐有肉丸、意粉、粟米、紫薯餅～配果汁同啫喱🍮份量非常豐富呢！妹妹自己都食唔晒呀😆另外我哋叫咗下午茶餐：煙三文魚炒蛋漢堡包配薯條、卡邦尼意粉，味道都唔錯喎～份量又多！推介呢度嘅意粉～彈牙有口感呀👍🏻👍🏻 最後食埋甜品，朱古力心太軟配雪糕🍦非常滿足呀😋嚟得呢度梗係要一條龍玩埋隔離嘅7000呎主題遊樂場！…Read More

全新開幕親子餐廳，佔地5000呎，可以食住韓燒同小朋友放電，仲有BB糊餐同兒童餐提供！韓系遊樂場有好多嘢玩，角色扮演、化妝、小廚房、小超市、玩具車、滑梯、波波池、幼兒區等⋯6個月以下免費入場玩～小朋友仲可以免費借穿韓國直送嘅韓服、頭飾，有女仔裙，有男仔衫～質料款式高質，小朋友打卡影相 ！勁靚好得意呀！兒童餐好多選擇！妹妹必點「韓國公主蛋包飯城堡」，伴薯仔紅蘿蔔汁，味道無味精適合小朋友，好食！仲有水果迷你班戟、熊仔蘋果香蕉窩夫～造型可愛，小朋友好鍾意！新開幕優惠！小朋友免費送冷壓果汁一杯，新鮮原汁原味！如果有小baby 6個月大起，仲有粥糊餐！米糊、果蓉、蔬菜泥等，每日新鮮製造，無添加任何調味料，真係好方便媽媽呀！我哋點咗頂級霜降牛小排、韓國鰻魚、芝士炸雞全份～配埋前菜、沙律、包生菜、圍爐邊嘅（芝士粟米、雞蛋、泡菜雞蛋）～流晒口水！勁滿足呀！^優惠時段小童入場費包埋兒童餐一份、韓服體驗1小時、遊樂場任玩兩小時！…Read More

香港都食到真正「鐵板燒日本料理」日本直送新鮮食材！全新感謝祭套餐只需$398一次過歎到15款美食，鐵板燒嚟講真係好抵食！全新「鐵板燒十四品·感謝祭套餐」我去嘅銅鑼灣旗艦店仲新增『十五品御膳·感謝祭套餐』，咁就可以一次過品嘗到2款套餐嘅美味喇日本直送新鮮食材，可以望住主廚係壽司吧席前，切刺身、整壽司，再送上一道道東瀛美饌～由刺身、手握壽司、天婦羅及鐵板燒等等，款款都好精緻，視覺加味覺享受呀！「鐵板燒十四品」一次品嚐到 14 款美食料理，包括前菜、沙律、日本直送刺身三款超鮮甜、南非鮑魚好彈牙、緬甸大蝦夠爽口、（帶子/白鱈魚/鵝肝）選其中一款，我揀咗帶子勁鮮味、野菜、*美國牛肉、炒飯、漬物、麵豉湯、甜品等～非常豐富！*鐵板燒有日本豚肉、美國牛肉、澳洲和牛及升級日本 A5 和牛款可選擇 ，我揀咗美國牛肉，一咬肉汁豐富，牛味十足！餐廳貼心有兒童餐具提供銅鑼灣旗艦店限定「十五品御膳」一次品嚐到 15款美食料理，包括前菜、沙律、日本直送刺身三款（櫻煮魚八爪魚、梭子魚、帆立貝）、五款手握壽司（深海池魚、伊佐木、真鯛、拖羅、鮮甜赤蝦），海鮮全部都非常新鮮鮮甜、天婦羅（蝦、野菜）、西京燒、湯、甜品等～非常新鮮美味性價比高！…Read More

新開幕燒肉放題有買一送一！仲有全日低至七折優惠，90 cm以下免費，同小朋友去食抵呀！生日月送「火山牛肉盤」！勁正！指定套餐再每位送贈矜貴「野原燒」，油脂分布勁靚！猛火燒再沾蛋，入口溶化勁好食呀！我哋揀咗皇牌燒肉放題套餐「SetD皇」，層層疊木架打卡一流，上面放滿（封門柳、日式胸腹肉、牛肋條、牛香、M6 和牛板腱、M6 和牛肩胛肉眼、M7 和牛三角小排、M7 和牛肉眼蓋）～見到都流口水仲可以任食頂級 A5 日本黑毛和牛三角、特選美國牛、澳洲牛、海鮮、刺身、小食、甜品，超過 120 種美食選擇～有我最愛嘅流心蛋、溫泉蛋、海蝦帶子好鮮甜，另外有飯、烏冬、雞翼、小丸子、鯛魚燒、炸物！好多款式小朋友都啱食啊！仲有任揀任食任飲，飲品櫃、甜品櫃、雪糕，食足兩個鐘，超級滿足！…Read More

「頂級美國牛肉主題」自助晚餐😋超多牛肉嘅菜式！凍龍蝦、帶子甜蝦三文魚刺身、燉湯、甜品水果⋯新鮮好食牛排骨西冷牛扒燒有骨肉眼扒威靈頓牛柳金菇美國牛肉卷款式都幾多選擇！凍龍蝦、凍海鮮好新鮮鮮甜！必食刺身大大粒帶子、甜蝦、三文魚好鮮味、海參鮑魚燉湯、蒜蓉粉絲蒸扇貝、芝士焗龍蝦、燒乳豬質素唔錯超滿足！響鐘必拎「墨西哥龍蝦牛肉夾餅配莎莎醬」響鐘必拎「3.6 牛乳燕窩燉蛋白」地點超方便啦！地鐵一出就到！坐位闊落坐得舒服，窗口位望住街景都幾正～有b b椅，兒童餐具提供！…Read More

今次主題「鮮饌盛會」海鮮自助晚餐，有得任食鮑魚🤤好抵呀！推介燒大蝦配磯煮鮑魚，熱盤都有幾款鮑魚，都唔錯！同埋個炒飯都幾好食仲有凍龍蝦🦞三文魚刺身，好新鮮！芝士噴泉⛲️芝士味勁濃郁喎！可以點麵包，車厘茄甜品都有好多選擇😚必食芒果拿破崙🥭焦糖燉蛋、窩夫🧇疏乎厘 Häagen-Dazs雪糕🍨食幾杯抵返晒😂小朋友都有好多啱食～粉麵飯、甜品、麵包、熱牛奶等～沙律、壽司都有好多選擇！*酒店餐廳有BB椅、兒童餐具提供…Read More

今次我哋去咗太子酒店SAVVY食咗非一般嘅自助餐！首先大人包左一份「優質海鮮拼盤」，海鮮全部都好新鮮！肉質鮮甜😋有烤新鮮波士頓龍蝦、烤虎蝦、大連鮑魚、蒜蓉粉絲蒸扇貝、酥炸軟殼蟹、印度烤雞同泰式蝦餅，份量好多架！跟住「無限任點」30幾款佳餚，係用電子下單，即點即製，上菜快！熱辣辣非常新鮮～我哋點嘅菜全部都好好食！非常高質🤤推介👉🏻 招牌泰式大頭蝦冬陰功、印度咖喱加烤餅、烤羊架、輕煎娜威三文魚柳、沙嗲串燒、泰式炒金邊粉、香蒜炒牛肉粒✨小朋友最鍾意食👉🏻松露薯條、日式肉丸、忌廉薯蓉、仲有好多款菜式架👉🏻牛肋條、烤印式芝士、烤海鮮、泰式燒雞、巴東牛肉、印尼香辣雞、清炒石斑魚、XO醬露筍炒蝦、白汁忌廉露筍、蒜蓉牛油西蘭花、蒜蓉炒菜心、炒椰菜花飯、芝士汁焗大啡菇、印度烤餅、蘭度豆蓉、泰式柚子沙律、泰式海蝦粉絲沙律、新加坡辣魚餅、蒜蓉包、斑蘭椰汁飯🤤🤤🤤太多款我哋都試唔哂🙈自助餐卓有頭盤、沙律、是日例湯同時令海鮮，包括有麵包蟹、小龍蝦、凍蝦、蜆同青口等～最後仲有經典餐車推住甜品蛋糕過嚟，俾我哋揀🧁款款都好精緻好靚！我哋揀咗朱古力同埋藍莓芝士🍰甜品高級非常唔錯，好好食！^有b b椅、兒童餐具提供…Read More

😋煲仔飯大家都食過～煲仔腸粉🤩煲仔湯麵又食過未呢？🍲呢間好出名㗎！除咗招牌煲仔飯、沙嗲煲仔麵、慈雲山馳名街頭小食～最近仲新出咗煲仔腸粉、麻辣芝士撈丁添！👍🏻由細到大都鍾意食腸粉，梗係要試吓啦😋😋一個 煲仔腸粉（配肉碎）都只係$28，有四款醬汁可以選擇（芝士/麻辣/沙嗲/XO）✨滿足啲另外有9款自選配料，我今次就叫咗「 #豬頸肉炸墨丸沙嗲煲仔腸粉」，腸粉外脆內軟，加埋醬汁非常香口惹味呀🤤嚟到梗係食埋招牌煲仔飯啦！#臘味三寶煲仔飯 ✨飯好香！粒粒分明，飯底仲有脆脆飯焦，正呀！#沙嗲滑牛出前一丁 推介！佢哋嘅沙嗲真係好惹味👍🏻🍸話梅檸檬雪碧🍸檸蜜梳打午市套餐送嘢飲，好抵食！…Read More

「新春賀年如意套餐」·迎春接福宴，四人份量，大大碟～一家人食啱哂啊我哋四大兩小食，份量非常足夠！鍾意佢有BB櫈、餐具提供，坐得舒服帶小朋友好方便，開心好食嘅團年飯，食到飽飽好滿足呢👍🏻由前菜、點心到主食等～多達10道佳餚 🤤🤤必食推介👉🏻👉🏻「新春賀年如意套餐」包括有👉🏻前菜：火腿烤雙方、雞絲粉皮、花雕醉雞 或 （撈起撈喜22/1起初一至初十供應）#黑虎掌小籠包 小朋友最愛搶住食😆爆湯汁勁甜！皮薄餡多👍🏻 粒粒肉質肥厚嘅黑虎掌🍄滿口散發啖啖菇菌香味～#黃金蝦球鍋巴 或 #松子魚 我哋揀咗松子魚，外脆內軟啖啖魚肉，配搭酸甜醬汁，勁開胃呀🤤#紅燜枝竹羊腩煲/#椒麻酸菜魚/#滬式蔥油雞/#重慶水煮牛肉（選其中兩款）我哋揀咗紅燜枝竹羊腩煲同滬式蔥油雞，羊腩煲羊肉好食！一啲都唔羶同埋枝竹好入味🤤蔥油雞好香～雞好滑！小朋友都鐘意食！#金銀蛋浸時菜平時唔麻麻哋食菜嘅哥哥都係咁夾嚟食😂仲係菠菜添！連埋湯入口鮮甜，正呀👍🏻#花膠雲吞雞湯好好飲‼️原汁原味～味道濃郁好滋潤☺️大大粒雲吞，花膠好滿足呀！#八寶飯最後飯後甜品，原來八寶飯係咁好食架！係糯米加桂花汁，味道非常夾有口感～一口接一口都唔會滯！🌼🥛配凍熱豆漿或檸檬薏米水而家凡堂食或外賣消費即送日曆卡同揮春🧧食滿$300再送一套利是封添🎉仲有出賀年糕點架…Read More