Doro ><'s Profile

今日一行三個人喺大概晚上嘅六點幾入咗餐廳。入餐廳前呢就查詢喺OpenRice嘅優惠可唔可以使用，有一位好熱心嘅職員，就即刻幫我哋去問店長(應該係因為得佢著黑色恤衫) 佢用一個唔多有善嘅態度回覆我哋要兩個鐘頭前訂先可以使用。就算冇得用優惠，我哋都照入咗去，因為真係想食佢嗰個pancake但係入到去就係惡夢嘅開始首先，落單嗰位男侍應態度傲慢，我哋明明三個人，但係叫咗個二人餐之後佢竟然問我哋嗌完未。同送我哋一個反白眼嘅表情。明明有三個人，點會就咁叫個二人餐。當我哋嗌完，仲喺度睇緊個餐牌嘅時候，同一位男侍應就立刻收走晒所有嘅餐牌。好似好驚我哋再嗌其他嘢食咁。但係其實都未睇飲品。後來我哋想再叫佢拎餐牌，同一位男侍應明明迎面行來我哋張枱。但係佢扮睇唔到。要大聲咁講，唔該，佢先不情不願咁再拎多一次份餐牌過嚟！其實喺餐廳裏面唔係應該等食客睇完餐牌先收走嘅咩？呢個情況呢唔淨止發生係我哋呢一台！ 我見到有其他枱嘅食客想睇吓有咩飲品可以嗌，都係俾人收起咗餐牌睇唔到有咩可以叫全餐飯呢位男侍應都係用咗一個好冇禮貌嘅眼神去望住我哋，完全冇提供過任何服務。除咗埋單，店長唔知又有咩做緊，又要我哋企喺度等佢叫男仕應收錢。第二，我哋叫咗一個二人餐再加散嗌嘅主食。佢哋出餐嘅次序非常奇怪，會將主食前菜一次過出晒俾你，毫無用餐體驗。 我完全覺得自己好似身處喺茶餐廳。其實食物非常普通，除咗甜品比較出色。所以呢真係唔覺得值得去尼到試，一年多前食佐敦分店，真係好好多。真係無必要嚟尼到受氣。同埋真係好想提議店家，如果唔想做優惠呢，就冇必要夾硬推出嘅！唔好等啲食客問一問可唔可以用優惠就要遭受到你侍應嘅”良好態度”。其實同場有一位女侍應嘅服務係非常好，聽到佢會向其他客人主動介紹食物同埋做一啲推薦嘅。亦都會主動覆客人叫咗啲咩食物。所以我深信只係有啲人選擇性對待啫！但總結嚟講，佢唔係收緊茶餐廳嘅價錢(每位$3xx)，但係提供嘅服務質素可以話仲差過茶餐廳。所以唔好貼錢買難受，有好多地方提供和洋食同pancake 質素都好好👍🏻…Read More

今日下就三點幾，一個人去食午餐。入座無問題，坐低之後發現人手都幾少，得兩個所謂的經理同一個黑色衫的男同事。所以都要叫左一陣先有人應。終於等到女經理幫我落單，一個午餐，前菜要沙律，主菜要大蝦🍤雞肉意粉，凍檸茶，加細 tiramisu 等左一陣。黑色衫同事上左餐湯，我提出我叫既係沙律，而非餐湯，佢就叫我再等等。過多一陣主菜上咗，沙律無嚟到，我就同幫我落單的女經理反映請佢幫我跟進。佢就叫我趁熱食左個意粉先，同事會跟喎。如是者，再過一陣，又有另一位黑色衫女同事又再上湯俾我。我就再提出，吾要餐湯要沙律，頭先已經上左一次喇，係咪無沙律🥗。女同事立刻反駁，話佢唔知道，所以咪而家問我一次囉！然後，佢又拎走個湯，行去入機。點知最離譜的事發生，女經理大聲講，”吾使再入機，俾我個個沙律🥗佢啦”。我一聽到立刻睇住，咩叫俾佢個沙律我。原來，佢有一個沙律放左係員工食飯枱，起碼超過五分鐘。及有一位白色衫的男同事無帶口罩坐喺度。女經理就問白色衫同事，個沙律🥗係咪你食，白衫同事擰一擰頭。佢就將個沙律交俾黑色同事，然後行去夾塊麵包就放落嚟我張枱。去到尼到我真係食咩都無味，吾好講尼到侍應態度，只講衛生。一個沙律🥗放左係室溫超個五分鐘，仲要對住一個無帶口罩的人前面。我真心食吾落，仲要而家Covid 喎。再加上佢個位女經理既做法，真係用不知所謂。我立刻取消飲品同甜品，埋單俾錢。當初，我無反應意見，佢地係收返我正價，係$189.x。成$200 一個午餐，真心吾會想到要食到好似茶餐廳甘。後來打左8折，仲話俾張50% 卷俾我。我無要，只係打折。不過打幾折都好，甘樣的做法，真心食吾落亦都吾敢再食。講真，因為我一個人食飯，先至得閒留意到佢地甘樣的上菜法。其實不論有冇COVID ，甘樣的做法都係不可接受。大家入去食飯之前，真心要諗清楚！而餐廳亦都要改善下，吾好當啲客係傻既。…Read More

講真尼到環境都麻麻地乾淨服務就無甘但買外賣早餐送曱甴仲要活係塊多士到爬來爬去真係嚇到成個早餐都吾敢食！打電話反映，一句道歉就以算真係以後都吾會再去，附近有好多餐廳有得揀！…Read More

早上8點打電話去叫早餐外賣自取。五分鐘後到達餐廳想攞外賣，點知女侍應話個餐俾送外賣個個人拎走埋，要係到等佢拎返轉頭。心諗已經會吾會中伏。好啦，等左成個子終於攞返個餐返屋企食。點知真係中大伏。一打開真係嚇親，多士走牛油，火腿，煎蛋，豬排好似亂葬崗甘放係一個盒到。都算喇。全部野都係凍冰冰的，多士淋到麵包甘吸晒煎蛋啲油。煎蛋穿左成盒都係蛋黃。火腿凍到好似雪櫃拎出來。豬排就好似隔左一晚，連叮都無叮返熱俾我唯一熱既係碗通粉。正常味道。其實外加個塊豬排可以放入碗粉或者另外用紙袋放好。甘就吾會搞到雞蛋爛，麵包吸晒油。其實問多一句，就會好好多，吾好搞到個外賣甘核突囉。同埋專登自取就係唔想個餐凍晒，點知都係避免吾到。最後，聽電話個位都無咩禮貌！唔會再叫外賣…Read More

本來想去汕頭街另一間cafe，但去到先發現無開，所以被迫去左尼間。我和朋友到達時，時間尚早，吾係好多客人，甘我地明知會傾計，所以選擇坐去最入。但工作人員既面色已經黑面，甘我地無理會，照坐。甘叫左一個all day brunch and smoke salmon egg Benedict 配 flat white 。甘佢個餐仲有一個湯係蕃茄濃湯。蕃茄湯上枱，已經立刻飲，但發覺係微暖，所以味道吾吸引。 :( 但我發現其他人既湯係有煙出熱既。 甘等多一陣，食物就來。本人食smoke salmon egg Benedict，個包吾係English muffin 而係另一種包，覺得吾係好夾。最差既係smoke salmon 係腥既!!! 尼個真係接受吾到  朋友既食物都ok,不過都話個包吾好食 到咖啡，拉花係幾得意既，不過味道就普通。甘講下服務，繼之前我地吾去佢地安排既位置比待應黑面。甘我地預得去cafe 就會坐低傾計，但我和朋友傾多陣，想要杯水。係自己行出去問先有，再想加水又係叫極無人理。甘都算，我地傾左大概兩小時到，啲待應就黑口黑面行來行去。到佢地坐係我張枱後面落場食晏，本來吾關我地事，但朋友郁少少，整一整d頭髮，真係好細動作，因為都知地方淺窄，就不停被個位落場既工作人員眼望望，發出不滿既聲音。仲有另一個待應話佢地應該加一個休息時間，吾好比人坐甘耐。好啦我地都頂吾順，比錢走人。點知又要受氣！個待應連收錢都超級悔氣甘，真心連最基本既禮貌都無，找完錢一句多謝都無。其實如果係吾歡迎客人坐低傾計可以定一個用膳時間，而吾係黑個客面。仲有，我去中環好多Cafe，叫一杯咖啡然後坐兩三個小時都未受到好似尼d甘差既服務。加上同一條街仲有好幾間cafe, 所以下次一定吾會再去 ！！！！ …Read More

好耐無來又一城分店，剛好今日要派手信所以選擇尼到食晏。對上個次係去金鐘，食物好食過又一城。雖然忙過尼邊好多，人手又少啲，但服務對又一城分店好好多！ 甘今次叫左三個餐。甘朋友要餐湯，佢地話幾好。自己叫沙律，都吾錯。甘上主菜，分別係奄列，炸魚薯條，Parma ham pizza 其實上主菜既時候，我地都飲完湯同食完沙律，甘就以為上菜既待應會幫手收左啲碗去，因為張枱好細，吾收吾夠位食野。點知 ，個個待應望左三個空碗一眼，就行左去。以為佢趕住反去幫手上菜，原來佢都係企係張出菜枱前，玩手指 。甘我地叫反佢埋來收啦，但佢無應我地，係附近set 近位既類似經理既人就好大聲發晒伩甘叫我地等陣啦！嘩，聽到都心諗使吾使甘差牙。但我地三個都坐係到等。後來，佢仲發晒脾氣行埋來張枱到搶走其中一個碗仲差d係我朋友腳邊打爛！好彩有個女待應好好態度話吾好意思，我都補句，其實我係想叫個個企係到無野做個個待應收。甘等左十分鐘，就開始食野，奄列就普通啦。炸魚薯條就好淋，一d都吾脆。Parma ham pizza 朋友就話少左ham。我地食都覺吾脆淋既。之後我地叫甜品好味！一向既水準！ 甘埋單個時，待應姐姐話多人，找錢會比較耐。甘我地就等啦。等五分鐘。。。。十分鐘。。。十五分鐘。。終於忍吾住追一下，先發覺原來係無找到比我地，追先記得我地張單 總括來講，價錢唔係好平，午餐都過百，但服務差，環境好嘈，食物既水準都下降了。如果以差不多既價錢可以有更好既選擇或者去其他分店！都係個句蛋糕甜品係值得試！ …Read More

今日陪朋友上月街買野，順手到處行下。發現星街有一間甜品店。就入內睇下。一睇之下發現啲蛋糕好吸引，甘就忍吾到，買返幾件食。有一件係堂食。兩件外賣既。服務一流，因為我都睇左好耐，男店員都無不耐煩，仲主動提出介紹。 仲主動介紹有cake set $75有一件蛋糕加一杯飲品，我揀左咖啡。三件蛋糕都好好食。杯latte 就差少少…Read More

很久沒有去銅鑼灣行街。知道名店坊開了很大既log on 專程去睇下。揀下聖誕禮物。行完，一出門見到，有間雪糕店，外貌幾吸引，就停低揀下食咩。去買時，店完好有禮貌，有問有答，介紹專有茶菓子。見幾吸引，就叫左來試下。揀左mix favor 既雪糕。甘買完就企埋一邊等。我睇住個工作人員整，見到佢一按個雪糕機，就噴啲水狀既雪糕，後來先出啲軟雪糕。甘我估個工作人員應該吾會比我掛，因為有三分一杯都係液體狀來既 我個下諗，四十幾蚊杯，你吾會甘都比客掛。點知佢又真係當我睇吾到，照比我我當下立即話杯雪糕有三分一係液體，吾收貨。另一個女工作人員即刻話整個杯。但都係之前個個女工作人員整比我。今次無溶晒既雪糕，不過就醜樣，完全吾係menu 個個樣。甘樣吾近要。但味道都吾得。因為個雪糕係食到一粒粒冰，咬到出聲。個茶菓子係好濃，吾太甜。紅豆都吾太甜。仲有天氣甘凍，我食到未到一半，杯雪糕已經溶晒！因為太嬲，所以無影低其實，啲雪糕未雪好就吾好賣住，好過賣啲溶既雪糕。所以總結，吾值！四十八蚊吾值，市面上有更好既綠茶雪糕…Read More

服務態度好好 ！ 我遲左無哂出面的位，安排左 yamm 的位置比我。所有的食物都好好食，最喜歡mini cup cake， 唯一不喜歡的係啲scone 係凍冰冰的。 Tea set for two 係$338 +1 以甘良好的質素來講算抵！絕對值得再 encore ! 不過大家記得打電話book 左枱先喎！  …Read More

好耐無食egg Benedict , 加上前排係網上介紹佢由窩夫店開到餐廳，所以就去支持下！雖然知佢的窩夫好好味,但今次的目標係egg Benedict ,所以無叫窩夫。兩點半到去到，店內一個人都無，所以想坐邊都得。坐低佢只係比左個全日餐牌，要問先比個下午茶餐牌。:(服務麻麻最後叫左egg Benedict with smoke salmon 同classic breakfast with smoke salmon 有兩杯野飲，叫左凍熱咖啡各一杯。先講egg Benedict 味道吾錯因為個荷蘭醬好香，加埋個蛋黃。係超好食反而個classic breakfast 就失色第一 成碟的食物上個時都係暖，食下就變左凍第二 加左$10配smoke salmon 但只係得一片，係咪少左啲呢？！第三 塊麵包係凍同un 架，一啲都吾脆唯一好食係炸薯角，真係好脆！咖啡就不過不失啦。總結:環境吾錯，可以坐低傾下計。:)會再去食窩夫同egg Benedict . Breakfast 就吾會再食，因為有好多地方都好食過佢！…Read More

系2期剪完頭髮有少少肚餓 想起3期有不少新開的食店 便行過去依肚 ! 想食甜野 所以揀左尼間到達時 店內冇客人 得老闆同人傾裝修的事宜 但老闆見到客人 便會十分熱情地招呼 !叫左最愛的心太軟 ! 等左陣 （期間老闆自動給我１杯水 ,,,,, 我估係知心太軟好濃味 怕客人口渴。 細心的服務! 加分! )終於整好!吾錯 ! 吾太甜 但朱古力味可更濃一點!!! 雪糕吾太甜 同心太軟好 match ! 仲好重奶味 總體來說 正常的價錢,,, 正常的味道 加細心 熱情的服務 !!! …Read More

本來打算去祥正飯店,,,點知冇開....要一月六號先開甘見肚餓,去附近一間食...........叫左六樣野 上枱個時凍凍地,,,,,,,,冇蜆味D蜆又細隻 冇辣味冇"穫"氣 好似碟蜆甘 又係凍既 終於有樣野食係熱的!!!! :) 但係一D沙律醬的味都冇 似係一塊塊豬排搽左D白色的醬 我第一次食桶蠔係甘難食 一D蠔味都冇 又鹹wo~~~蒜蓉炒白菜冇蒜蓉香 得D雞粉味食晒以上D野個蝦都仲未到 隔離枱的蒸扇貝都到左 我地忍吾住追 但發覺"留"左單 等等等等等 終於到了 點知又係得過鹹字 一D蒜蓉味都冇 似豉油蒸蝦蝦又細隻 D肉又吾實 到服務 仲衰!!!!除左落單個個人 冇人係會應你架...... 落餸的時候冇人會叫你小心 或者睇後 吾想"碌"親自己要醒水喇! 落沙拉骨個位姐姐 見到我地碟炒蜆同炒聖子 食完得D殼同碟 望一眼 就行左去 要我地自己放去後面 我吾係要五星級服務 但吾使連碟都要自己執掛??!!總結: 只此–次!!!…Read More

小女子在很久之前在CWB的拉麵街食過一碗超正的拉麵可惜後來都係執左與友人來到 看到這間的碗和拉麵街那間的一樣,所以進去一試分別叫了麵豉和豉油湯底同要淋D的麵D麵淋得來不會爛掉而湯底是十分濃 愛食清淡便不適合而糖心蛋就很香很滑 超讚!!!!!:)服務也不錯,,常加水 也有禮貌! 但坐位很迫…Read More