Mango Ma's Profile

話想當年我的回門金豬，都係買再興。今日重臨舊地，味道依然我揀咗乳豬瀨，乳豬比其他燒味貴d，但份量一d都唔少，件件都皮脆肉嫰，中間夾住一層薄薄的肥膏，點埋個乳豬醬，真係好好食瀨粉湯底夠味，好滑好味，個人覺得瀨粉同燒味係最配襯既老公揀咗义燒飯，當然要加好味汁啦！食開再興既义燒就知佢係偏甜既，部位又夠軟熟，唔會太肥在場有人叫肥义，有人叫瘦义，師傅都會照顧各人的需要，唔駛勞氣最重要係，呢間老店無social media加持，在場的人都係舊顧客為主，人流唔多，就算座位唔太闊落，都夠位食。環境係舊d，大家都係食完就走，同新派既茶餐廳燒味店比較，環境又係輸蝕少少既。總結，仍然是港島區其中一間最好味既燒味！有下次…Read More

端午節遇上星期六，慣常的週末興趣班也就因而休假。難得有個悠閒的假期，一家三口就搵間餐廳，舒舒服服食個 long lunch，relax一下。今次揀咗 Harbour Grand Hong Kong 41樓呢間餐廳，好耐之前黎過，很喜歡呢個環迴大玻璃窗帶來的景觀，雖然印象中食物中規中矩，不過今次的心情係想relax多過美食，也就決定重臨舊地。電話 Book 枱好順利，預留了 window seat 之餘，侍應仲提醒我可以先去網店嗰度買定午餐套票，可享買一送一的優惠，大概每位$350。泊車方面，超過$500的消費可享2小時免費代客泊車，打後就每小時$100。去到餐廳，環境果然無變，完全無令我地失望。我地望住尖沙咀既方向，一邊食飯、傾計，一邊睇帆船、直升機，都真係寫意既！食物方面，比起印象中又進步咗，係好食既！餐前小食頭盤：炸雞腿肉、炸磨菇、炸芝士配沙律餐湯：蕃茄彩椒忌廉湯（略咸）主菜：Hanger Steak 燒春雞甜品（2選1）：芒果熱情果Moouse cakeMovenpick Tiramisu 味雪糕唯一要挑剔既係服務，當天我們食麵包食到枱面有不少麵包碎，不過侍應都無理會，照將食物及餐具放在枱上，如果貼心d處理一下就會更好啦，畢竟都係一間酒店餐廳。整體來說，今次既體驗係好正面既！有下次…Read More

天氣開始熱，但又未熱到溶，仲捱得到由觀塘地鐵站行10分鐘去食雪糕今個月的主題係：手搖飲品試咗芋泥味，不過嫌佢略甜最終揀咗：白桃益力多 ＆ 鴨屎香檸檬茶另一杯揀咗恆常味：抹茶 ＆ Tiramisu呢間雪糕店，永遠唔好失望small double 每杯 $43，gelato黎講，算抵食當然有下次…Read More

難得港島區有新既中餐開業，就特登黎試下佢地既午市點心。星期日中午，有預先book位，現場升級無minimum charge的情況下有一間獨立房環境即時好好多，有窗望到外面之餘又有自然光，而且靜好多，私隱度高咗，未開始食野都已經加分午市選擇好多，基本要既點心都有，連餸菜小炒都有得揀我地就專注食點心，蒸點即蒸，蝦餃、燒賣、牛肉球等等都係真材實料包點類試咗义燒包、流沙包、同埋糯米包，都係正常發揮炸物選擇都好多呢隻天鵝形既蘿蔔絲酥餅cute cute咁，但味道就唔夠佢地既煎蘿蔔糕咁好味炸物之中，最喜歡呢個有粒小帶子喺入面既芋角炒飯雖然貴d，但係真係整得好食，飯粒炒得均勻，調味清得黎又夠味，炒得好香，一煲夠哂一枱人一齊分享蔬菜就唔多抵食，不過為咗健康都要食下既最難忘係呢款：黃金涼瓜鍋貼外面既咸蛋黃脆皮配上入面既苦瓜，味道好夾而家做緊AE卡及匯豐卡85折，再有2小時泊車優惠整體來說，以酒店中餐飲茶黎講，係一個幾好既體驗食物味道唔係驚艷嗰種，但都好穩陣地樣樣都好味，環境新淨舒服，空間充足，洗手間亦都清潔光猛，服務正正常常有下次…Read More

第一次過黎雙子匯食晚飯，平日晚市每間餐廳都有位，甚至可以包場真係生意麻麻......我地就揀咗呢間泰菜試下，知道佢喺其他地區有分店，甚至扎根咗好多年都無機會食過，就試下呢間新分店啦！呢間分店我諗應該係裝修最好、最新淨，而且空間感最充足既分店兩個人叫到既餸菜唔多，所以決定試d basic野，睇下佢既味道如何冬陰功湯味道唔錯，用料充足，兩隻蝦都鮮甜，成個湯底酸辣得黎有少少甜，好易入口飛天通菜略咸，不過用料都新鮮，蒜粒好香原本叫燒豬頸肉，點知落錯單，黎咗碟串燒，我地都唔想浪費食物，就將錯就錯食串燒啦牛豬雞各2串，個樣燒得好靚，不過醃肉略嫌太多鬆肉粉，所以肉質差d，不過個沙嗲醬係好味既，有花生香最後就係呢個泰式炒肉碎，味道都係好正常既，食到底就油膩少少。整體黎講，食物算唔錯，個人覺得稍為濃味咗d，價錢合理，環境舒適，仲有2小時免費泊車。有下次！…Read More

凍冰冰的冬天剛剛過去，襯住今日天朗氣清，一家三口決定入長洲逛逛。長洲保留幾檔大排檔，特意帶阿女見識下，感受一下大排檔的風味。陳通記有湯粉麵，三文治，多士，飲品等美食。價錢相宜，食下午茶最好不過。凍飲用不銹鋼杯裝住，冰溶咗都 keep 到夠凍凍檸茶、凍奶茶，茶底靚，自然兩杯都好最出名既沙嗲牛肉米通，湯底夠哂花生香，米通軟熟，牛肉再多兩塊就更perfect啦西多士真係無得輸，麵包夠厚度，食落外脆內軟夾在中間既花生醬夠多，西多既精髓就係呢度牛油鍊奶撈埋搽喺面，夠哂邪惡呢餐tea，卡路里爆標都抵唔駛問當然有下次啦！…Read More

位處地鐵站B2出口附近，餐廳好易搵。一入到去，就見到好多 Labubu 列隊歡迎客人入內餐廳的食物選擇唔多，不過有自己喜歡食的食物就可以啦飲品反而選擇幾多，今時今日既coffee shop應該有既飲品佢都會有，non-coffee既選擇都吸引既，搵機會要逐一試下朋友order咗salmon avoid poke bowl，感覺日式既因為入面有三文魚、魚子、中華沙律呢d通常日本菜先會食到既野，個底既飯量對女士來說都好足夠，牛油果新鮮好味我就要咗Green breakfast，因為無炸豆腐，所以改咗炸薯餅。成個餐好豐富，貌相好吸引，喺區內來說算係其中一個我認為最吸引既all day breakfast食落都真係樣樣材料都新鮮好味，喜歡variety既我真係好享受呢個午餐飲品方面，我地就試咗expresso tonic 同埋 flat white，叫野食就可以每杯減$15講真，咖啡味唔算係好濃，但感覺好balance，係好味既整體來說，餐廳既食物同埋飲品都係高質既，環境係舒服和諧既，唔駛問當然有下次啦！…Read More

揸車經過就多，上黎食飯就真係第一次啦！上到黎發現呢間中式小館都有卡座，地方都幾寬敞。餐前小吃無咩心思，本身想退回，但侍應話無得退:(前菜要咗碟鹵水豬腳仔，賣相比想像中深色，味道都唔錯，好稔，夠入味呢碟油鹽水煮花甲，貌相其實不錯，個汁同埋韮王、粉絲都煮得好味，最大問題係花甲，全部都無咗一邊殼，食落去亦無海鮮味，分明就唔係新鮮花甲，令人失望見今晚有椒鹽賴尿蝦，就叫咗兩隻試下，反而呢個餸又令人喜出望外賴尿蝦新鮮，自然就肉質實淨又鮮甜啦，加埋個炒蒜粒，真心正上湯浸豆苗既用料不錯，嫰既豆苗完全無渣，但本身諗住上湯係清既，師傅應該用油拉過，而且上湯都有雞油，所以感覺油膩咗d整體來說，師傅既廚藝係唔錯既，所以味道都調覺得好，火喉亦見功夫可惜花甲既用料成為呢餐飯既敗筆…Read More

Friday night 想食餐好既，有朋友介紹呢間餐廳，就爽性黎試下。Book枱的環節已經有客服禮待當時我見到openrice 有買2送2的優惠，但係其實我地一行6人，所以我就致電，打算問清楚點樣安排。客服教我openrice先買4人的優惠，另外2人再去餐廳的網店買75折優惠，然後將2個不同平台的預購單據send 比佢，再幫我地合併安排一張6人長枱。整個過程客服都好有禮貌，未去食之前已經感覺非常良好半自助餐的頭盤選擇話多唔多，話少唔少。值得讚既係佢既食物新鮮，例如凍海鮮既蟹腳及青口係好味既，蝦亦尚可刺身亦唔錯，選擇亦算多，份量都好足夠沙律菜係用aqua green，起碼有d保證，不過如果有埋青瓜粟米車厘茄呢d常見蔬菜就更好啦除咗凍肉，仲有芝士，同埋幾款自家製沙律，口味都唔錯。另外有一款中湯，一款西湯。兩款湯都好飲今晚既主菜既重頭戲係斧頭牛扒，係用4份主菜另加$120換購，呢個價錢其實真係好抵影完相，侍應會幫忙拎番入廚房切件。斧頭扒真係無得輸，生熟度適中，肉汁夠，調味好另外一個主菜要咗紅咖喱鴨脾，配烤餅，呢個咖哩有少少辣，幾惹味同埋蒸比目魚，魚肉好滑，下而有d粉皮鋪底，幾襯甜品同水果算ok啦，款式唔算多，味道一般，好彩有haagen dazs雪糕搭夠，今晚有cookies and cream同埋strawberry 味道。夜晚黎食飯，仲有3小時免費泊車整體黎講，有折扣既情況下，只需每人$300就有一頓咁豐富既晚餐，實在值回票價。如果維持呢個價格水平，淨係食斧頭扒都抵番哂唔駛問，當然有下次啦！…Read More

Ruby Tuesday 最吊詭既地方，係 join 咗membership 先至會食，但通常都係剛剛join或者就黎到期先至去得密d，而我地今次就應該係呢一個membership最後既一次啦！我地今日主打食呢個招牌豬仔骨，所以一家三口叫咗2個full rack食咗咁多年，佢既肉質同味道都keep住呢個質素，知道有人會嫌棄佢，不過我地一家就好鍾意佢，肉質稔滑，而且離哂骨，食得好輕鬆，個汁既味道甜、酸、咸、辣都平衡得好好配菜睇上去唔錯，不過個人唔太喜歡，因為牛油味太重。可惜佢既配菜唔可以轉其他小食，否則就會更加完美11歲以下可以點兒童餐，我地就當叫一份小食share，雞翼同薯格都香脆可口，仲有茄汁同埋BBQ汁配備，呢個價錢好唔錯今日見到呢個新產品，叫咗一份試下。喺一隻portabello 上面，放咗burger肉碎同埋芝士去焗，熱辣辣上碟，點會唔好食呀最後我地再點咗一份apple crumble，作為完美的句號。呢個apple crumble個蘋果底酸酸甜甜，令到成個甜品食落去唔會淨係得甜味，雪糕亦好大球真心好味整體來說，今晚既晚餐係精彩既。可惜呢個熟悉既味道將要暫時同我地告別啦！後會有期！…Read More

壽司郎集團旗下的居酒屋：杉玉開咗咁耐，一次都未食過，既然黎到黃埔，就去試下啦！1點左右去到，1-4位都完全唔駛等位。我就被安排坐喺二人bar枱位置午餐menu都有不少選擇，除咗刺身壽司，仲有天婦羅，另外，主餐牌都可以點，所以選擇都好夠。我揀咗10件壽司 + 茶碗蒸麵豉湯味濃，海澡大片爽口，唯獨唔夠熱。相反，茶碗蒸熱辣辣好好味，入面有蜆、帶子、雞肉等等，成個蛋好滑好鮮食開壽司郎，本身諗住對於杉玉既壽司唔會覺得有咩驚喜，點知食咗一啖就發現兩個驚喜：1. 嚿飯係啡色既有味醋飯，味道濃咗，不過無得揀細嚿飯2. 全部刺身都好厚身大件，件件都新鮮，質素高去杉玉食午餐雖然都有60分鐘限時，不過無人等位的情況下，就無提示時間，所以相對食得輕鬆d，無咁趕。而晚餐時間仲有90分鐘添因為我揀咗高質餐，所以價錢唔係平，不總算係物有所值，有下次…Read More

多得阿女喺附近學跳舞，我地每個月都最少去鐵花村食一次。今日去到，見到個新餐牌，好彩平時好食既食物都仲keep住喺menu入面，然後加咗幾款麵同埋小吃最後我地揀咗必食既蕃茄牛肉刀削麵刀削麵好有嚼頭，酸菜酸酸辣辣，非常提味，而牛腩都好稔，肥瘦適中，湯底亦夠哂蕃茄味難得有新menu，所以試下新品，揀咗呢個冬菇芋頭新竹米線。米粉剛上桌時有一勺肉躁喺米粉既面頭，芋頭零碎咗圍住，個味道好家鄉 feel，芋頭夠粉夠香，唯獨是肉躁令成碗米粉有d油膩但其實味道唔錯肉鬆蛋餅亦係我地必點既，蛋餅熱辣辣送上桌，配料包括餅皮、雞蛋、肉鬆，就係咁簡單，加咗甜醬同辣醬，就係好味到食極唔厭燙清菜就係細通菜加肉躁汁，非常簡單的一個小碟，好味飲品揀咗青檸蜂蜜紅茶，去冰，1／3甜，送飯一流呢間北角小店，街坊必食，特登過黎品嚐又未至於，但如果去開附近，又真係一試無妨:)至於我地一家，就當然有下次啦！…Read More

一個人食飯，最無奈就係樣樣都想食，但樣樣都咁大碟食唔哂。去Muji cafe就唔會有呢個麻煩，最適合我呢個鍾意食 variety 的為食人啦四品料理可以揀2款冷盤+2款熱盤，配埋餐湯及飯，而我就將飯改咗要蔬菜，另外再加$25要埋抹茶紅豆芝士餅熱盤方面，甜辣雞肉及豬肋條保持水準，唯一扣分係唔夠熱冷盤方面，紫薯沙律及麻醬菠菜，又係唔會令人失望餐湯係有誠意既，蕃茄湯底加d菜粒，熱辣辣而且調味剛剛好最開心既一定係食飯後甜品啦個人認為呢件抹茶cheesecake係香港其中一間最好味既，抹茶味夠濃，夠濕潤，芝士蛋糕個質感夠滑，間中有少少紅豆蓉襯下，整個蛋糕夠甜，而且好大件，真係超級滿足唔駛問，當然有下次啦！…Read More

天后有不少西式 brunch 的選擇，如果想食港式 brunch，就可以考慮德島啦！一入到餐廳，第一個觀感係：嘩！好香奶茶味！特餐有哂茶餐廳基本既選擇，如果會加飲品（例如：熱奶茶 $24），食物就有特價（減$8），變相即係加 $16 要杯奶茶雞扒煎蛋出前一丁，真係點整都唔會唔好食架而且雞扒夠哂份量蛋牛治烘底亦係無得輸既選擇奶茶都係水準之作，一d都唔會苦澀，而且都算幾大杯呢間茶餐廳最令我喜歡的地方，係侍應個個都好好人，態度好有下次！…Read More

九龍酒店的自助餐，是童年回憶中其中一間好完美的餐廳。想當年，能夠去酒店食一頓自助餐，是何等的大件事，而且價值不菲，更加是大開眼界的機會，亦是父母教導table manner的其中一個場景。三十年後，我以成人的身份（和自助餐的價錢）帶著父母（長者價）重臨舊地，發覺九龍酒店一格格的窗口位仍然不變，餐廳沿著長廊伸延，無論是小時候的我，還是現時的我，都覺得這個格調與別不同。餐廳仍沿用著保暖的餐碟，現時的餐廳已很少見這座機器了。午市自助餐來說，很實在，不花巧，凍海鮮有蟹腳、青口、蝦、翡翠螺等海鮮之中，以磯煮鮑魚最好味刺身選擇亦有不少，而且新鮮，師傅提供的份量亦很合理熱盤有西冷牛排、豬仔骨、泰式豬頸肉、日式天婦羅、中式餸菜、點心等還有即場燙的湯粉面中式甜品最好的地方是不太甜，可自行配搭，例如：豆腐花、涼粉、楊枝甘露、芝麻糊、及各款配料西式甜品的選擇亦有不少，例如：特濃朱古力布朗、藍莓芝士餅、芒果布甸、紅豆抹茶布丁、芒果拿破侖等，另外，亦有限量的梳乎厘，可於出爐時排隊領取。餐廳採用Movenpick雪糕，有很多味道可供選擇整體來說，雖然沒有什麼貴價食物，但在尖沙咀區，可以坐兩個半小時，連飲連食，收碟速度不俗，就算沒有童年回憶加持，也是一個蠻好的選擇。有下次…Read More