cnnw's Profile

聽聞係長龍店，平日下午4點幾去唔使排隊，叫左綠茶，🍓士多啤梨醬，🍫黑朱古力，即叫即炸，等左幾分鐘就有，熱辣辣微微地脆，個包外皮好食，內餡勁多，一路咬會一路爆餡，所以要準備定濕紙巾🤣🤣🤣內餡我覺得士多啤梨醬最好食😍😋，酸酸甜甜先生覺得朱古力最好味，佢係朱古力怪，基本上係朱古力佢都會覺得好食😅我自己覺得朱古力味唔太香濃綠茶有些微甘苦味🍵，唔太甜但我覺得朱古力同綠茶餡質地杰左dd下次會再試其他味😋…Read More

前排去完半億噴水池玩完水行大約10分鐘就到Tapa Room, 原本book左7點但太肚餓6點半就到。捧捧鵝肝一碟有3個波波球，好香滑又咸咸香香加埋外面d開心果碎食好好味，一d肝既羶味都無。蟹肉辣忌廉芝士釀甜紅椒🌶，甜紅椒又甜又林充滿加左忌廉芝士既蟹肉，只有好輕微既辣味，小MJ都搶住食。鵝肝比堅尼三文治🥪，好薄既麵包夾住鵝肝醬再煎，好脆口亦充滿鵝油香但食得多有點油膩。烤煎慢煮西班牙黑毛豬鞍架配些厘醋燒汁伴炸薯粒，豬鞍腍滑多汁調味剛剛好，炸薯粒外脆內粉糯，好好味。西班牙海鮮鍋飯好多料，海鮮都好足料有青口，魷魚🦑，蜆，紅蝦🦐。紅蝦應該係急凍蝦肉質有少許霉但都有d鮮味，飯底粒粒分明香濃有飯焦，先生好欣賞這個飯。炸西班牙油條配朱古力醬🍫，每次去西班牙餐廳都會食既甜品，這裡的Churro比較硬脆，表面裏滿肉桂糖，沾點朱古力醬香甜可口。西班牙肉桂多士配新鮮雜莓🍓🫐，有一件內裡係凍的，餐廳經理主動取消了這個甜品。餐廳職員個個都好nice。今餐除了最尾的甜品外，其餘的都好好味，其實仲有好幾款tapas想食，但今餐已好飽，下次一定會再來😋😋…Read More

去市集開會之前食個lunch， Partner介紹來食，係Dorsett 酒店2樓。午飯時間都唔少人，有媽媽帶住小朋友同工人姐姐黎食，亦有朋友黎食。午餐幾多選擇，有日式有西式，我揀左火炙魚生飯包埋3式前菜，沙律，湯和飲品。前菜有巨峰提子味車厘茄，去皮車厘茄酸酸甜甜又多汁好開胃。黑松露雞蛋卷香滑可口。沙律有羽衣甘藍，紫椰菜粟米粒等等蔬果好新鮮加埋酸甜醬汁忌廉薯仔湯香滑濃郁幾好味。火炙魚生飯擺盤有心機，醬汁係帶有wasabi 味既唔使額外再點wasabi，有三文魚，帶子，鰻魚，經火炙後增添左焦香。仲有有炸牛蒡，芝麻，水蘿蔔等等配菜加埋一齊清新又香口。提供口罩袋夠貼心。環境幾舒適安靜見到晚餐有sabusabu好似都幾好，下次可以帶埋大帝黎試下。…Read More

帶完大帝返學就和同學媽媽一齊周圍去食下野，疫情咁耐都無飲過茶，就黎食下點心，第一次係鑽石山搭屯馬綫一期 ，好快就到石門，一出地鐵就見到喜運點心，真係好方便。同學仔媽媽想飲湯潤下，就叫左川貝圓肉雪梨海底椰同鮮百合麥冬太子蔘螺頭湯。仲叫左牛肉腸粉，蝦餃，馬拉糕，鮑魚金湯餃。2款湯都好飲，飲得出好足料，海底椰個款比較清甜清熱潤肺，另一款有螺頭既鮮味養陰潤燥。牛肉腸粉個皮幾滑，牛肉餡幾多蝦餃有4粒，爽口彈牙點d辣椒油👍👍馬拉糕軟熟香甜，好味道鮑魚金湯餃即灌湯餃，有隻鮑魚仔，熱辣辣幾好味。有個侍應姨姨幾nice,會主動話我知有燉湯同埋有孖寶，亦會主動加茶。…Read More

疫情期間都無試過同先生撐枱腳，今日放低大帝俾婆婆就去食下野二人世界，揸車去左灣仔係附近睇下有咩食，見到bakehoxxx勁多人排隊，想試下都係等下次。原本泊左車係汕頭街，行到去廈門街見抄緊牌，先生等佢地走左又泊返去廈門街話抄完短時間唔會再抄我去睇食咩先，去左附近既Mr crab, 見未食過就試下，要上2樓，地下應該係外賣區。探完熱就睇下食咩先，叫左個卡疆牛肉漢堡，露易斯安那寶石，墨西哥鮮蝦檸檬咯嗲。卡疆牛肉漢堡熱辣辣，漢堡夠厚又多汁調味剛剛好，個包面好多芝麻增加芝麻香氣，很不錯。露易斯安那寶石類似benedict,但個English muffins變左做蟹肉餅，個蟹肉餅好好食啖啖蟹肉帶點鮮甜味，加埋Poached egg,煙三文魚同荷蘭醬汁好好味。墨西哥鮮蝦檸檬咯嗲個汁有好多唔同既配料，有芒果，菠蘿，牛油果，墨西哥辣椒等等酸酸甜甜帶辛辣，個配搭好match。叫左杯熱朱古力香濃好味，但另一杯凍檸茶就唔夠茶味。環境乾淨企理，都有唔少人黎食午餐。見到門口魚缸有新鮮波士頓龍蝦好吸引，下次要試下海鮮袋。…Read More

疫情期間多數一日三餐都在家煮，但煮得多都好悶間唔中都會買下外賣食今次去左二少廚房買手撕雞飯，包埋湯買左招牌客家鹽焗手撕雞配泰國絲苗，加花膠燉雞湯。外賣餐盒好穩陣，夠實淨，客家鹽焗手撕雞咸味足但唔會過咸，雞味香，雞肉有咬口唔會梅，好怕食到肉質好梅既雪藏雞肉。 泰國絲苗有飯香。仲有少許生菜平衡一下。花膠燉雞湯幾足料有豬肉，雞肉雞腳，厚肉冬菇，1小片花膠。 雞湯香濃好飲。仲有其他口味手撕雞，下次想試下麻辣味…Read More

幫堂妹買左d化妝品，新年前約左佢食飯加交收，今次同堂妹來食丼瀛。 叫左牛頸脊火鍋加烏冬，三文魚親子丼，日本蕃薯天婦羅，炸南瓜餅，炸牛肉薯餅，牛油焗雜菌。 黑蒜豬骨湯底，牛頸脊好嫩亦有濃郁牛味，好香好味，烏冬煙韌彈牙三文魚親子丼，三文魚肥美有魚油香，三文魚子咸咸甜甜味道都鮮牛油焗雜菌有少少酒味，份量都幾多日式蕃薯香甜，炸得鬆脆炸南瓜餅，牛肉薯餅 2款都唔會好油，外脆內軟棉棉。2個人又叫得多左少少飽到捧住個肚。當晚都幾full，侍應都幾nice…Read More

與奶奶共進午餐，奶奶到左先佢揀左食餐，我帶左大帝番學先再去酒樓匯合奶奶。我一坐低就有野食燒味拼盤有燒腩仔，海蜇，叉燒，腩仔皮鬆脆，肉同脂肪分明，調味又唔會過咸，唔錯唔錯。 海蜇爽脆彈牙。叉燒甜甜地帶點脂香。花膠元貝燉螺頭勁足料，香濃好夠熱，好好飲，連奶奶都讚好飲。西蘭花炒帶子蝦仁，蝦大隻爽彈，帶子軟嫩。龍躉蒸蛋白，龍躉肉質結實皮煙韌帶膠質，蛋白好嫩滑。石鍋炒飯炒得粒粒分明，飯粒軟硬適中最後仲有紅豆沙，有陳皮香食到勁飽午餐時段全店滿座，食到3點幾，仲好多人餐廳樓底算高，燈飾華麗。…Read More

約左朋友係附近食晚飯，搭小巴中途見到有個幾大又醒目既招牌職人魂，原來係賣麵包，買左蛋糕仔，曲奇餅，3個麵包做大帝既早餐同下午茶蛋糕仔係比較實淨足料唔係輕飄飄既，之前食過連鎖集團既蛋糕仔或紙包蛋糕都係好似食左陣風咁。 這款蛋糕仔實淨幾香蛋味同牛油香味。曲奇餅買左原味同咸蛋黃味，咸蛋黃曲奇好香牛油同咸蛋味，咸甜咸甜好鬆化，好味。食剩幾塊先醒起未影相原味無咁鬆化但都幾重牛油香，亦唔會好甜，俾大帝食岩晒，大帝都話Yummy,一個4歲人仔招招積積講Yummy勁攪笑。仲有蒜蓉包，芝士包，2款都鬆軟有彈性，蒜蓉包比芝士包香。我見價錢都幾抵食，比起連鎖店抵亦足料，唔記得幾點後仲有買x送1，我都要支持下小店。我見收銀阿姐都幾nice會同d熟客傾幾句。…Read More

朋友介紹話burgerman漢堡包幾好又來獨食一下，店舖細細有幾張枱同高櫈。有10幾款唔同款式既漢堡，我揀左個招牌芝士漢堡+燒大菇，再加錢配埋餐有飲品同薯條/薯格/沙律。漢堡即叫即整等左一陣，上下2片包好夠熱亦烘到微脆，漢堡扒夠熱夠厚多肉汁，加左燒大菇好香亦多汁，成個包都好夠熱，之前食過2間漢堡一係包唔熱一係扒唔夠熱，Burgerman做得幾好亦好味。薯條熱辣辣又香脆又多。收銀姐姐幾nice,下次要帶埋先生來食，試埋其他漢堡包。仲見有派對到會幾吸引，開生日會時可以考慮下。…Read More

又係時候撐下枱腳，婆婆睇住大帝，我地去左尖沙咀立食壽司近年立食係香港興起，今次係第二次立食壽司。Omakase 晚餐價錢比想像中平，之前見有好幾間既晚市廚師發辦都過$500至過千以上。壽司10件廚師發辦有金目鯛，深海池魚，魴鮄魚，太刀魚，海膽，帆立貝，三文魚，火灸左口魚群邊，大Toro，赤蝦。每款都新鮮，大Toro肥美無筋，金目鯛配上酸汁啫喱幾特別，帆立貝甜美，赤蝦微彈軟糯。12切刺身廚師發辦有大Toro，赤身，赤伊佐目，帆立貝，金目鯛，油甘魚。每款都有光澤新鮮。再散叫左赤貝壽司，蔥花香吞拿魚腩手卷，赤貝係活赤貝即叫即開，肉厚鮮甜爽口彈牙好好味。蔥花香吞拿魚腩手卷充滿油香加左蔥花香氣都好食。最後廚師發辦有跟埋甜點，有黃豆粉蕨餅好香加少少甜美黑糖，寒天做成豬仔形狀，好可愛亦好味。…Read More

接左大帝放學等埋先生放工去打邊爐，去左旺角逛下，經過見到樓下有廣告就去左寶哥火鍋，行上1層就到。叫左猴頭菇湯底，真係有d藥材，猴頭菇，幾真材實料。有張綠色食材可以揀8款，其他食材就任點任食。8款揀左手切封門柳牛肉，本地新鮮牛舌，爽脆白鱔片，本地牛坑腩，羊肩肉，即炸響鈴，新鮮魚卜，安格斯牛小排。手切封門柳牛肉肉味濃又軟嫩，有油脂香，正即炸響鈴鬆脆，浸d湯變為鬆軟，有豆香安格斯牛小排，爽脆白鱔片，新鮮魚卜等都唔錯。仲有包埋1個海鮮拼盤，有蠔，帆立貝，蝦，龍躉片，鮑魚，蕃薯蜆等都幾新鮮，任點款式都唔少，有成4x款。娃娃菜，皇帝菜等菜類新鮮，乾淨。加$20任飲雪櫃飲品，加$38任飲特色飲品店員們都幾nice…Read More

送左大帝番學後就係我的自由時間，今日去左銅鑼灣食個late lunch。之前間唔中去大陸玩都會去鋪頭食或番酒店叫外賣麻辣燙食。係香港唔多麻辣燙鋪頭，今次見到就黎試下。寫紙仔揀食咩餸同麵食，叫左娃娃菜雞翼萵笋麻辣米線，要左小麻小辣。滿滿一大碗面頭有幾多花生，湯底夠麻夠辣仲有點花生香，味道唔錯，娃娃菜亦新鮮，萵笋爽脆，雞翼滷得入味。米線爽滑唔會淋patpat。仲叫左杯凍奶茶走冰，茶幾香唔會澀，亦都幾滑，幾好飲。環境乾淨光猛，有些燈幾有特色，比起一般見到既麻辣燙鋪頭乾淨有裝修。…Read More

我好鍾意食海鮮，所以蒸氣海鮮好岩我，今次同大帝同先生黎食，叫左每人$398海鮮餐，好豐富。揀左半隻頂角膏蟹，半隻奄仔蟹，象拔蚌刺身，大蟶子，韓國慶南蠔，仲有每人半隻澳洲青年龍蝦，九孔鮑魚，泰國海中蝦，韓國油蚌，龍躉片，菜籃。每款海鮮都好新鮮，鮮甜，有專人幫忙計時蒸各款海鮮。尤其2款蟹都好正，奄仔蟹膏軟滑香甜，肉嫩帶甜。頂角膏蟹真係滿滿硬膏，2款蟹都好肥美。，食蒸海鮮最緊要新鮮，蟹仙就好新鮮，老板娘亦熱情健談，送即炸魚皮請大帝食。…Read More

長達2個月既幼稚園暑假係全職媽媽最感苦惱既假期去左1個月多點探親加旅行，番到香港都仲有大半個月要安排一d活動俾大帝，有時係屋企，有時去公園，有時去親子餐廳，今次黎左紙飛機。我第二次去啟德郵輪碼頭，九龍灣有綠van去，觀塘有巴士去不過由啟德郵輪碼頭番觀塘平日4點就尾班車。上到頂層就見到紙飛機。一入餐廳先除鞋再消毒一下雙手。大帝未坐低就已經急不及待跑左去玩餐廳裝修以木系為主，玩具多，木製廚房，木製滑梯，超市等，男仔女仔都岩玩。以往去過幾間親子餐廳都係以西式為主。紙飛機就比較特別以中式為主，我叫左創意牛柳年糕，小食拼盤A, 熔岩蛋糕冰球。創意牛柳年糕咸咸甜甜，煙韌年糕，嫩牛柳加埋爽口蒜心，味道幾好小食拼盤A有小木耳，甜蜜南瓜，麻醬拌粉皮，五香牛肉，1個拼盤試晒4款小食最後熔岩蛋糕冰球即係心太軟加雪糕，心太軟焗得剛剛好，切開有好多朱古力醬流出來，唔會太甜，熱熱既心太軟加埋雪糕，正。餐廳環乾淨光猛，媽媽們傾下計，休息下幾舒適。…Read More