好少寫食評，但係我實在感慨呢間喺大澳叫做幾出名下嘅食店嘅食物水平。叫咗以下嘅餸：1）紫葵生炒骨 - 普通生炒骨，有啲似返炸，但係夠熱，雖然唔Juicy但係尚算可以接受2) 燒乳鴿 - 阿姐極力推薦，但係上到嚟我只能用兩個字形容就係-殭屍🤪雖然新年流流忍唔住都係叫阿姐退咗佢。一言難盡自己睇相。3）蒜蓉粉絲蒸勝瓜 - 冇任何味道，包括冇蒜香味，要叫阿姐比豉油我哋。但係我最唔明嘅係點解勝瓜基本上剩係得啲皮4）香脆墨魚餅 - 我覺得喺出邊街邊食嘅墨魚丸比較好味。同埋佢唔係好熱。5）佢哋嘅招牌龍仔蒸飯 - 我覺得似係喺荷葉上邊畢啲煮好左嘅白飯同埋蝦乾魚仔蝦膏上去囉…叫咗五個餸推咗一個，六百幾蚊埋單，仲要係咁嘅水準，邊個會返轉頭？…Read More
