WinkoYip's Profile

趁幾日長假期，跟住「脆友」去搵食～呢日晏就點零鐘去到，點餐唔洗排隊，落完單，店員會打俾你叫你拎餐，等咗半個鐘左右就有～想試埋爆薯，點知賣曬，唯有等下次有機會再訪～溫泉蛋卡邦尼意粉🍝賣相非常吸引，煙肉🥓份量好多，好大方，如果煙肉可以煎乾身啲會更好，撈埋蛋汁更加濃稠掛身，食到尾有啲漏～清曬成碟太滿足了吧‼️白酒牛油汁蜆意粉🍝成座意粉山咁，個汁唔杰身，底下超多汁，多到流埋出嚟，一定要撈勻嚟食～食到淡淡白酒香味，配料都有煙肉🥓～整體味道較淡‼️💬呢個價錢同味道嚟講，真心癲，兩個人share都夠，一定會再encore～…Read More

呢日收工同朋友係旺角食咗餐好滿足嘅泰菜🇹🇭店舖裝修走泰式大排檔路線，開放式廚房～泰籍廚師主理👨🏻‍🍳👩🏻‍🍳令整個用餐體驗更加地道。氣氛很好，出餐速度亦相當快！3個人嗌咗6個餸～包括泰菜必食嘅冬陰公湯，飛天炒通菜，豬肉碎生菜包….炸蠔餅就有啲失望，雖然炸得鬆脆，但蠔仔份量較少～💬個人最中意～粉絲大蝦煲同蟹肉奄列🦐🦀🩵粉絲大蝦煲🦐有4隻蝦，肉質彈牙，精粹係啲粉絲呀！✨吸曬蝦同醬汁嘅味道，仲有豬頸肉～好好味🫶🏻蟹肉奄列🦀一切開滿滿嘅蟹肉呀😍 充滿蛋香～鮮味嘅蟹肉同煎到外脆內嫩嘅滑蛋～兩者結合，幸福感滿滿～點埋辣椒醬食～秒清🩵！…Read More

放假去咗📍長沙灣新商場SOHO WEST享受了一個休閑嘅下午！係南昌站B出口行過去大概5分鐘左右～呢間韓式Cafe的設計充滿了柑橘元素，讓人感覺如同置身於果園中～店內有戶外座位，適合帶寵物🐶可以一邊用餐，一邊欣賞海景，真是極其放鬆！傍晚仲可以欣賞到日落，十分寫意✨🍊清甜柑橘窩夫🧇窩夫即叫即整，烘得外脆內仲好鬆軟，面鋪上一層厚cream，好滑，食之前淋上柑橘味嘅醬，加埋一齊食每一啖都食到柑橘嘅清甜，清新而不膩～唔單止賣相靚，味道更讓人驚喜😋🍯開唔開心試左先知嘅開心果蜜糖窩夫🧇最近嘅開心果熱潮，唔少餐廳都推出開心果產品～伴碟有開心果粒粒，杏仁，焦糖等..淋埋開心果醬，食完絕對會令人開心🥳…Read More

一路都好鍾意「豆乳狂人」嘅item ，之前一直幫襯開「海之戀」分店，今次係「樂富」有緣遇見，即刻買返碗外賣先～除咗甜品，佢哋嘅栥飯同小食都非常不錯‼️😋超煙韌豆花面層有芝士奶蓋，珍珠，小丸子，芋圓，加咗奶蓋好好味🧀💯配料夠曬煙韌有咬口，底係滑溜溜嘅豆腐花，濃濃豆香味～呢個組合真係完美～作為豆乳狂人嘅fans，已經食過好多次，食完已經又想再食了🤤實在太好味🫶🏻狂人栥飯呢個係經典配搭，超足料，外層軟軟嘅糯米飯，裏面包住脆卜卜嘅油炸鬼，榨菜同肉鬆比例剛剛好，口感豐富～外賣返到屋企食依然咁好味🥹…Read More

呢間越式小店係深水埗舊舖時期食過一次，印象不錯，搬到嚟大舖之後地點更加方便，呢日經過油麻地，心血來潮上去食～雖然唔洗排隊，幾乎滿座，坐返同一位置😆蟹膏蕃茄湯檬🍅🍜湯底係帶甜嘅蕃茄湯，大半個蕃茄🍅配料好豐富，有豬紅x2扎肉x2豆卜x2重點係又大又厚嘅蟹膏餅，蟹餅吸曬啲湯，yummy🫶🏻烤豬肉撈檬🐷🍜烤豬肉份量好多，好淋好惹味，仲有生菜絲，青瓜絲，花生碎～個汁係個底度，撈埋一齊食酸酸甜甜好開胃～班蘭糕💚呢個班蘭糕真係必食，好好味～上下兩層糕中間係綠豆蓉，質感煙韌Q彈唔太甜，真係超愛🫶🏻…Read More

呢日去咗樂富UNY行，順便係隔離Food Court搵食～見到「麵屋龍平」黃金瀑布蟹粉沾麵好吸引🤩就揀咗呢間，佢哋除咗沾麵，仲有拉麵，丼飯～價錢合理～每日限量100碗✨黃金瀑布蟹粉沾麵🍜「期間限定」$59就食到蟹粉🦀沾麵，可加$20 double 蟹粉，配料有半隻溏心蛋，沾麵麵條使用特選小麥粉，令口感更彈牙，撈埋蟹醋食，層次🆙🆙特製終極龍蝦沾麵🍜龍蝦湯底熱辣辣，散發出濃濃嘅龍蝦味🦞仲有爽口彈牙嘅龍蝦肉～配料有荀，日式叉燒，叉燒有火炙嘅味道，肥瘦適中‼️✨不錯👍🏾👍🏾💬估唔到food court可以食到咁好味嘅嘢，如果有機會經過樂富，不妨一試✨…Read More

無論係日本定香港都係第一次食「松屋」😆咁啱新年期間，周圍都唔開，決定去松屋試吓，呢日去大概等咗15分鐘左右～自助機點餐！落完order 等叫號碼拎餐，用餐後需將餐具托盤交回餐盤回收區，不過店員見我哋食完主動幫我哋收返泡菜牛肉飯再加沙津菜同溫泉蛋牛肉飯叫咗M Size，女仔嚟講一定夠飽～牛肉非常簿，肥瘦均勻，飯加入溫泉蛋攪拌，更添滑溜感，特別好食店舖有提供免費水，柚子汁，BBQ醬汁，壽喜燒汁～可自行配搭～沙律菜好新鮮，加芝麻醬食燒牛肉定食🍱定食跟咗沙律同麵豉湯，牛肉同飯分開上，牛肉燒得好香，偏肥，口感較扎實～…Read More

呢日食完Lunch，想食雪糕，經過Venchi～心動不如行動🤩主要想食開心果味，另一隻味選擇困難症發作👉🏻👈🏻最後就揀咗「季節限定」腰果蜜乳～mini size呢間有堂食座位提供✨望住咁多朱古力坐係度嘆返杯🍦忙裏偷閒～都幾chill☺️腰果蜜乳🩵乳酪酸酸哋，整體比較甜同埋食唔到咩味😅布龍泰開心果💚開心果味不算濃郁～間中食到有開心果粒粒～💬要以最快速度食完～gelato質地溶得好快！一路食已經一路滴緊落嚟～最中意個雪糕筒，非常香脆！！…Read More

一直想試「兩草」好耐，直至開到嚟尖沙咀，終於可以食到啦😆店舖係走懷舊風，播緊都係8/90年代嘅廣東歌！真係好有回憶～出咗名，呢日去店內好多都係遊客幫襯！！香煎脆邊蛋肉餅飯賣相很好😻肉餅表面煎得焦脆，唔會太多肥豬肉，加埋脆邊太陽蛋，甜豉油撈飯，無法抗拒嘅組合🙌🏻原粒蒜肉胡椒湯🧄一飲個湯好重胡椒味，辣辣哋夠暖身，跟咗原粒蒜頭，蒜肉係凍嘅☹️叉燒豬油撈麵（尖沙咀店獨家）✨可揀豉油/麻辣味，揀咗豉油，叉燒簿切入口甜甜哋，我食果舊偏乾身，叫返滑蛋叉燒飯可能好啲～蛋炒豬腸粉炒得幾香，略嫌蛋比較少～味道亦唔算太特別！！💬所有嘢份量都係細細份，質素一般般～試過就算luu~~…Read More

已經有一段時間冇食日式邊爐放題～天氣凍最啱打邊爐～即刻唸起Shabu Shabu～Moko呢間裝修完真係令人眼前一亮🤩今次揀咗LV2「100分鐘 美國Prime牛肩脊」plan因為星期五至日+$10 $258+10%/1位食咗咁多年，每次例牌湯底💁🏼‍♀️甜醬油🥘同蕃茄湯🍅豬/牛/雞都係任食我哋主要食牛同菜，其他嘢都冇再encore~Order咗3轉牛，3轉嘅質素都唔同，整體肉質還好吧‼️海鮮：叫咗白蜆，不過啲肉細到睇唔到咁製😅自助區有菠蘿🍍可以解吓膩👍🏾👍🏾其他炸物都唔錯，不過食唔到咁多～每款試一件🤭最推介炸魚皮，脆卜卜，打邊爐必食💯✨💬有時想平平哋打個邊爐，要求唔太高的話，呢間絕對係不錯嘅選擇！！100分鐘對我哋嚟講已經好足夠～最後食咗條榴槤雪條收尾🤰🏼🤰🏼…Read More

新裝修完第一次食～裝修完門面光猛咗，以東南亞風路線，座位舒適寬敞～下午茶時段價錢好經濟～叫咗豬頸肉喇沙摻摻🍜湯底椰香，少少辣，好惹味！豬頸肉大概有8舊左右～配菜有豆角，豆卜，仲有半隻溏心蛋😻食完好飽肚✨跟餐✨馬拉手工拉茶（走甜）♨️☕️茶味都幾香，夠熱💯飲完暖笠笠～加分！！雖然係連鎖式餐廳，食物質素同服務都不錯❣️下午茶真係低食之選，所以會keep住幫襯～📍馬六 (灣仔)灣仔巴路士街12號地舖…Read More

「圍方」開咗一段時間，呢日第一次去行街，行到有啲肚餓，見到呢間台式餐廳，餐牌幾吸引，價錢又唔貴～所以就入咗去～店員話用餐時間60分鐘！！落完單5分鐘左右就到✨上菜速度相當快手‼️慢煮豬軟骨便當🍱呢個便當好豐富，有主角豬軟骨，可惜肉質偏韌，軟骨部分好硬身，同我期望嘅「慢煮」效果有啲出入～仲有紫菜貢丸湯，鴨血豆腐，滷肉飯都幾大碗，滷肉肥瘦均勻，仲有肉鬆同溏心蛋💯女仔食完應該會好飽🤰🏼古早滷蜜汁排骨手工麵🍜一上枱就飲咗啖湯底先，味道偏咸，手工麵質口感一般，淋咗少少，煙韌啲會更好～反而個排骨配埋蜜汁甜甜哋味道不錯✨🩵飲品跟餐半價，叫咗杯珍珠奶茶🧋正常發揮！…Read More

Sukiya 邊爐終於回歸🥺天氣凍凍哋食岩曬～火鍋供應時間由17:00-3:00，指定分店先架‼️呢日5點幾去到已經排到轉彎，等咗半個鐘左右終於入得～店內大部分人都係食緊個鍋♨️食完出到嚟條人龍仲誇張😹香辣牛肉壽喜燒鍋🌶️🍲呢款湯底有少少似泡菜鍋，辣辣哋十分惹味，個鍋好淺所以湯唔算多～煮幾分鐘好熄火唔係好易燶底，普通肉量都ok，牛肉偏肥的～有少量配菜同兩條蟹棒～成個鍋又飯又烏冬，食完大滿足 des🫶🏻牛肉壽喜燒鍋+2倍肉🍲食落甜甜的壽喜燒湯底，2倍肉好大舊，記得整散啲牛肉再煮～咁會易熟啲✨配料一樣的～個人比較鍾意香辣味🔥…Read More

每月總要食吓壽司郎嘅「期間限定」🔥每次都好期待🤩雖然開咗咁多分店，依然都係長期大排長龍，呢日朋友6:30pm左右去攞定位～去到都等咗陣先入得🥺 12月新iteam✨慢烤黑毛和牛配紅酒鵝肝🍣鵝肝入口即溶同黑毛和牛意外地夾！好好味🩵黃金醬漬赤蝦🍣新鮮爽甜嘅赤蝦加埋蟹籽，口感更豐富🫶🏻炸水牛芝士🧀鍾意芝士🧀嘅一定要叫，每一口都充滿濃郁的芝士味，仲拉到長長嘅絲💯珍寶炸蠔配他他醬🍣炸蠔好大粒，炸到好脆，嚟到仲熱辣辣♨️開心果意大利芝士蛋糕🍰近排超hit嘅開心果，開心果味唔算濃，得中間啲開心果碎～個人覺得普通‼️幾時還我「巴斯克芝士蛋糕」🥺…Read More

《黑布小巷》愈開愈多分店，係大角咀都開咗啦～咁方便當然要支持吓～QR Code落單同時可以順便俾埋錢，或者去櫃枱俾💰都得～真係簡單方便✨紅燒台式牛肉湯麵🍜湯底就咁睇顏色就知夠曬濃味，帶少少微辣，牛肉有3大件，忟到好淋好易咬，麵質彈牙口感煙韌‼️落埋酸菜令湯底層次更多提升慢烤雞腿芝士蛋吐司🥪外層脆脆嘅多士，配上厚肉雞腿🍗芝士有少拉絲，再加上佢哋嘅秘製醬汁，食食吓仲有啲蛋汁流出嚟～成個口感好豐富～招牌菜果然名不虛傳🫶🏻黑布牛丼飯🍛牛肉有少少乾，味道普普通通～桂花烏龍茶（無糖）🥤味道清新，可以解吓膩👍🏾…Read More