foodieboyy的個人專頁

譚仔簡直係我嘅飯堂🤤最近推出期間限定「港式咖喱湯米線」，咖喱湯底🥘以港式咖喱汁加入譚仔✨獨創配方炮製以成，真係盡顯港式地道風味！值得一試❗️港式咖喱湯米線 有三款食材：咖喱牛腩、咖喱雞件、釀紅腸、可以三選二，咖喱湯底預設辣度為10小辣。我就揀左咖喱牛腩+釀紅腸。咖喱湯底香甜微辣，完全突顯出港式風味。牛腩肉炆得軟腍，配埋釀左魚肉嘅紅腸，索晒咖喱湯汁，好惹味。鹽香嫩鴨胸鴨胸肉質鮮嫩，鹽香味恰到好處，唔會過鹹，反而襯托出鴨肉嘅鮮味。搭配芫茜及海帶，口感更加豐富。…查看更多

最近同朋友去食好d🤭Lunch Book 左間性價比好高嘅鐵板燒餐廳！環境雅致，坐係嘅檯前面可以欣賞到大廚嘅表演✨整體食材新鮮，配搭有驚喜！值得再encore👍🏼Kappo Teppanyaki Lunch Sets $480/位自家製日式沙律蔬菜新鮮爽口，作為前菜好開胃。鐵板蒸蛋蛋味濃而且好似隔水蒸蛋咁滑，配埋蟹肉汁及飛魚子，更鮮！北海道帶子用上嚟自北海道產翠肉瓜，份外鮮甜，配埋超大粒脆米絲包裹的北海道帶子，口感好豐富。香煎銀鱈魚魚皮同魚肉分開煎，魚皮煎得金黃酥脆，擺盤猶如藝術品。超鍾意魚肉mix埋牛油醬汁一齊食，超夾！A4宮崎和牛薄燒A4牛紋路平均，油脂感十足。烤到5成熟，一口咬入，牛味濃。鐵板炒飯師傅炒到粒粒分明，蛋味香濃。甜品自家製海鹽焦糖雪糕焦糖味什濃，好鍾意！…查看更多

大快活最近推出咗「阿活泰惹味」 鍾情於泰菜就唔可以錯過啦！有一系列泰式風味美食可選擇每款價錢抵食 值得一試套餐仲配有芒果糯米飯及菠蘿椰汁特飲真係超抵食呀🫢肥牛扎肉船麵 套餐$61 (午市限定)青咖喱豬頸肉飯套餐 $60馬拉盞雞肉焗飯套餐 $61今次我試左肥牛扎肉船麵，湯底媲美泰國正宗船麵🍜原來採用咗豬牛骨、鴨血、蔬菜及泰式香料熬製而成，味道濃郁。配料有大快活特意改良嘅扎肉用料、新鮮金不換及脆炸豬皮，口感好豐富！…查看更多

早前同朋友去左中環食拉麵🍜嚟自日本嘅林隆臣拉麵大師親臨香港特別研發三款嶄新創作拉麵由即日至4月30日下午兩點後發售一食真係感覺好似飛左去日本🇯🇵咁🥹每款拉麵都係每日限售2️⃣0️⃣碗// 明太子豆乳雞白湯拉麵 $158 //以濃郁嘅雞白湯同豆乳為湯底，配以柚子白味噌及秘製鹽醬汁調味，湯較濃稠，令到麵亦更易掛湯，當中更有松露油，令到湯底超香。配料仲有北海道十勝豚肉丶博多明太子丶岩海藻及芥末粒。大師建議先淺嚐一口豆乳雞白湯，再將明太子溶解係湯中，令到湯底有濃濃嘅明太子鹹香。// 火炙豚肉担担沾麵 $158 //選用日本製嘅北海道夢之力小麥粉製作嘅粗麵條，入口彈牙，掛醬力十足。醬汁以濃郁嘅雞白湯與芝麻味噌醬熬製而成，當中仲混合左秘製辣椒油，味道微辣。沾麵搭配3片秘製火炙北海道十勝豚肉叉燒，嫩滑無比。// 雞醬油拉麵 $158 // 湯底用咗新鮮花蛤及蛤蜊調製而成，味道非常鮮甜。配料仲有三款秘製叉燒，雞皮以火炙，肉質香嫩多汁，更有火炙北海道十勝豚肉及日本產新紀元無激素特濃卵．曉製成的赤心蛋。…查看更多

最近「不要對我尖叫」登陸尖沙咀誠品有多款新款式嘅飲品仲推出咗夾心車輪餅「一分錢 一分貨」口味款式眾多 而且仲玩味十足每一個車輪餅都有爆滿嘅餡料仲有工作坊整車輪餅 好好玩😆鍾意整野食嘅我絕對唔可以錯過🔸宇治抹茶紅豆鮮奶 $44底層用咗台灣萬丹紅豆，上層係宇治抹茶混合金時牛奶，抹茶味香濃，帶有甘苦味，甜度剛好。🔸 芝士馬鈴薯車輪餅 $19酥脆嘅車輪餅外皮，外皮撒滿咗海苔粉，內含濃郁嘅芝士同軟綿嘅馬鈴薯餡料。…查看更多

最近經過太子比呢間麵包店吸引到我雖然店鋪細小但內裡嘅麵包款式多仲有唔少抹茶款式可惜咁啱賣晒抹茶麻糬包// 𝐌𝐚𝐭𝐜𝐡𝐚 𝐏𝐮𝐟𝐟 $𝟏𝟓 //// 𝐒𝐞𝐬𝐚𝐦𝐞 𝐏𝐮𝐟𝐟 $𝟏𝟑 //// 𝐂𝐡𝐨𝐜𝐨𝐥𝐚𝐭𝐞 𝐏𝐮𝐟𝐟 $𝟏𝟒 //𝐏𝐮𝐟𝐟係麵包質感，外形好似菠蘿包😆頂層酥脆，內餡有唔同味道嘅醬，咬落都好流心軟滑！最愛抹茶味，味道唔會過甜有點回甘。// 明太子芝士貝果 $38 //貝果🥯咬落有嚼勁，內餡有滿滿嘅明太子芝士，超邪惡！面層仲有紫菜碎粉，帶嚟陣陣嘅紫菜香氣。// 蒜蓉芝士包 $38 //滿滿嘅芝士，麵包焗翻熱食，非常鬆軟，大愛😆…查看更多

有無鐘意食意粉嘅朋友？最近發現水果味嘅寬管粉嚟自阿布素(Rustichella d’Abruzzo)品牌產於意大利🇮🇹口味眾多餐廳推出咗阿布素水果寬管粉套餐即刻帶屋企人去食✨𝑺𝒆𝒕 𝑫𝒊𝒏𝒏𝒆𝒓 $𝟑𝟖𝟖/𝒑𝒆𝒓 ✨დ 法國白露荀、溏心蛋、海膽沙巴翁法國白露荀纖咬落去有嚼勁又清爽，帶有微微嘅甜味同淡淡嘅荀香。溏心蛋溏心外層蛋白煮熟，內裡蛋黃仲係流動嘅狀態，帶來濃郁嘅蛋香同濕潤嘅口感。沙巴翁係以蛋黃、白葡萄酒及牛油製成嘅法式甜點醬，加入咗海膽則令其口感更加獨特，配埋香露荀、溏心蛋一齊食好正！დ 是日餐湯當日係蕃薯忌廉湯，口感濃郁滑順！用左蕃薯打成蓉煮完，絕無湯渣，亦好香甜。湯內仲配有脆脆麵包粒，增添口感。დ 威尼斯鴨肉醬菠蘿味意大利寬管粉口感豐富多層次！菠蘿味寬管粉帶有淡淡嘅菠蘿酸甜香氣，既彈牙又有嚼勁。寬管粉掛醬力極高，沾滿威尼斯鴨肉醬嘅鹹香味，同菠蘿味可為絕配！დ 意式白酒大蜆香檸檬味意大利寬管粉大蜆砌到猶如一朵花好靚！香檸檬味寬管粉帶有陣陣清新嘅檸檬🍋香氣，寬管粉都係好有嚼勁，檸檬味更能帶出白酒大蜆嘅鮮甜味，而且大蜆完全無沙，肉質嫩滑。…查看更多

早前同朋友去食泰國菜呢間新分店係尖沙咀每碟份量都好多卡位又夠晒寬闊好適合成班朋友聚會咖哩三重奏 $228配料好豐富，有多種海鮮包括炸軟穀蟹、大蝦、青口、炸魚等等，仲配有蒜蓉包。沾上咖哩一齊食香辣開胃。火山排骨(酸辣口味) $228排骨超級大份！真係砌到個火山咁，排骨肉質軟嫩多汁，酸辣味特刺激到味蕾，但又唔會好辣。芒果糯米飯 $88糯米飯既熱又Q軟，芒果超鮮甜嘅鮮甜，係完美嘅組合。炸蝦餅(6件) $88蝦餅外層金黃酥脆，內裡鮮嫩多汁，蝦肉咬落好彈牙，沾埋醬汁好惹味。馬拉盞炒通菜 $88通菜炒得口感爽脆，馬拉盞香辣味道令成道菜增添香氣。菠蘿海鮮炒飯 $108米飯🍚炒得粒粒分明，口感彈牙，配上各種唔同嘅海鮮同糖心菠蘿，菠蘿酸甜嘅味道與海鮮嘅鮮甜味道出晒嚟。青檸梳打 $33青檸梳打口感清新宜人，青檸酸爽，好解辣。椰青 $52椰青口感清爽，甘甜椰香味濃。…查看更多

最近旺角開咗間新嘅串燒店有多款精美嘅串燒供應除咗有各式肉類海鮮之外仲有特色小食同甜點餐廳仲營業到凌晨一點半啱哂同朋友去食宵夜🔸雞類雞類嘅串燒$8/串起，真係好抵食，我哋就叫咗雞皮、雞肉串、椒鹽雞軟骨、孜然燒雞翼。雞皮燒到好香脆可口，雞肉就非常嫩滑多汁，椒鹽雞軟骨好入味，雞軟骨好爽脆。🔸牛羊類牛肉類嘅串燒有比較特別嘅部位，例如黃喉同牛胸爽。我哋就叫咗薄切牛舌同埋招牌牛肉串。薄切牛舌嘅牛味好香濃，咬落口感好有嚼勁，招牌牛肉串就好juicy，非常惹味。🔸豚類豚類方面我哋叫咗燒豬頸肉同埋燒五花腩。燒豬頸肉外層好金黃香脆，食落好嫩滑彈牙。五花腩嘅油脂比例啱啱好，口感好有層次。🔸菜類菜類嘅選擇非常多，我哋今次叫咗玉米同埋陀地燒茄子。玉米燒完之後味道好香甜，燒茄子亦都好大份，茄子肉好實正唔會一夾就散，口感好滑溜，調味亦做得好好。🔸海鮮類海鮮類嘅串類同樣出色。陀地燒生蠔肉質好肥美，味道鮮甜。元貝好大隻，口感彈牙。燒秋刀魚嘅肉質好嫩滑，鹹度啱啱好，非常好味。🔸蜜糖牛油燒麵包麵包燒完後都仍然好鬆軟，搽咗蜜糖同牛油喺麵包面非常惹味。🔸甜蜜燒菠蘿咬落好多汁，味道好甜，完全唔酸！口感酥脆香甜，菠蘿經過燒烤後，外層形成咗金黃酥脆嘅焦糖，入口後多汁又有焦糖香氣。…查看更多

近來天氣開始轉涼🌬️係時候去食火鍋🍲暖下身今次去左間有91 年歷史嘅西京燒専門店餐廳有好多櫻花佈置 真係好適合打卡📸✨銀閣 $788/2位✨呢個二人套餐好抵食，有特選野菜盛合、和牛、豚肉、丸、烏冬及甜品。壽喜燒有四款湯底可以選擇，今次我哋就揀咗東京風壽喜燒出汁，呢個湯底好適合配搭和牛同各款蔬菜。🔸特選野菜盛合有多款新鮮蔬菜，包括紅蘿蔔、南瓜、本菇、洋蔥、大蔥、舞茸、水菜同大根。蔬菜吸收哂壽喜燒個湯汁，非常惹味。🔸日本A4和牛赤身一份有八片，每片嘅色澤都非常亮麗，紋理亦都好靚。食落好軟腍，口感juicy，牛味香濃，同東京風壽喜燒出汁係絕配。🔸日本黑毛豚肉油脂分布好平均，每片都好薄切，食落好唔會好油膩，口感好唔錯。🔸精選丸子用免治雞肉手打而成，食落好嫩溜彈牙，非常特別。🔸烏冬份量啱啱好，口感好滑溜，超掛汁好好味。.🔸抹茶布丁抹茶味香濃，口感creamy。.🔸鹽燒牛舌 $108牛舌好厚切，一碟有四片，外層燒到好焦香，口感好有嚼勁，牛味香濃。🔸蒲燒鰻魚 $138一碟有四件，每件嘅外層都燒到好脆。燒汁嘅鹹度啱啱好，非常惹味。…查看更多

呢間分店嘅座位好闊落舒適店鋪仲做緊和牛8折優惠.🔸脆紫菜豆腐賣相好吸引，豆腐好大嚿，食落非常滑溜，撈埋脆紫菜同特製醬汁食非常惹味。.🔸忌廉芝士蛋蕃茄一共有六片新鮮嘅蕃茄，上面鋪滿忌廉芝士蛋同埋洋蔥。食落蕃茄好鮮甜，同忌廉芝士蛋好夾。.🔸日本九州極上黑毛和牛西冷黑毛和牛西冷非常大塊，油脂分布好平均，脂肪嘅紋理好靚，燒完後食落油脂感豐富，非常juicy。🔸日本九州極上黑鑽黑毛和牛燒黑毛和牛燒比較薄身，油脂分布都好靚，燒完後撈埋蛋液醬汁一齊食就更滑溜，仲可以配埋珍珠飯一齊食。🔸熊本豚梅肉豚梅肉嘅肥瘦好均勻，每片都鋪咗洋蔥同蒜茸喺面，燒完之後油脂味好香，食落亦好嫩滑。🔸鑽石切！一本牛舌牛舌原條上，長度好驚人，燒嘅時候原條燒，到差唔多熟就可以剪返開到適合進食嘅大小。牛舌食落好彈牙，牛味亦好香濃。🔸鹽味北海道帆立貝帆立貝好大隻好新鮮，肉質嫩滑彈牙，味道鮮甜。🔸王樣！香草蒜燒雞髀菇雞髀菇非常大條，喺面鋪上香草蒜茸醬，非常惹味。燒嘅時候記得唔好反轉，如果唔係醬汁就會痴哂喺個網到。🔸牛角雪糕雲呢拿味嘅雪糕再配上黃豆粉同埋黑糖漿，食落好香甜。.🔸雪糕軟軟大福大福外皮好薄，中間包住抹茶雪糕，口感好有層次。.🔸果之盛夏非常之大樽，夠兩個人飲，佢其實係用咗紅莓、藍莓同埋檸檬紅茶沖成，飲落好鮮甜好清新。.🔸蝶豆花椰子梳打椰子味香濃，配埋淡淡嘅蝶豆花香味，幾啱呢個天氣飲。…查看更多

THE MATCHA TOKYO 由9月25日至9月29將會有"焙茶鮮奶"買一送一既優惠❗❗每日下午2點開始，限量二百份，記得去試下啦！ 位於太古城中心都有好多堂食位置，休閒舒適！呢間源自東京嘅品牌於2021年登陸香港～已經已經有7間分店啦 仲擁有自有嘅茶園，生產日本100%有機高品質抹茶，有多款抹茶飲品同甜品～𝐇𝐨𝐣𝐢𝐜𝐡𝐚 𝐋𝐚𝐭𝐭𝐞 $𝟒𝟐 焙茶唔會好苦澀，亦唔會太甜。以100%有機茶葉經深度烘焙，係高溫烘焙過程中會減少咖啡因含量。就算夜晚都好啱飲！ 𝐄𝐠𝐠 𝐢𝐧 𝐭𝐡𝐞 𝐜𝐥𝐨𝐮𝐝 (𝐂𝐡𝐢𝐜𝐤𝐞𝐧) $𝟖𝟖 呢款係太古分店限定款式，All day breakfast好豐富，有雞胸、雲蛋、沙律、牛油果、牛角包窩夫。雲蛋勁吸晴，係打卡之選📸 雞胸滑嫩，牛油果好creamy，牛角窩夫好脆口！𝐄𝐠𝐠 𝐢𝐧 𝐭𝐡𝐞 𝐜𝐥𝐨𝐮𝐝 (𝐒𝐚𝐥𝐦𝐨𝐧) $𝟖𝟖 熟食嚟講都好有驚喜。呢款嘅配料基本上同前者差唔多，只係將雞胸轉為三文魚。三文魚都好新鮮，仲砌到一朵花咁，好有心思。焗香草維也納腸牛角包窩夫薄餅 $𝟒𝟖咬入口，非常酥脆。香草維也納腸切成一片片放面層，再被外層嘅金黃色半溶狀態邪惡芝士蓋住，入口好香濃！配料仲有沙律🥗夠晒健康 …查看更多

最近觀塘開咗間新嘅日式燒肉店身為燒肉控嘅我即刻訂檯餐廳嘅裝潢佈置走日式風格俾人一種柔和舒適嘅感覺座位亦好闊落同舒服有多款靚肉選擇 仲有海鮮🦐🔸Lv.3 極上安格斯牛小排海鮮放題 $438放題分咗5個level，今次我叫咗佢中價位嘅lv.3放題，總共有100款美食揀！入座後會送上一壺煙燻壺漬封門柳同埋一盤竹牛肉海鮮九宮格。原條封門柳經過煙燻同埋壺漬後非常入味，燒完之後肉質嫩滑，口感好有嚼勁。九宮格有六款牛肉同埋正款海鮮，牛肉每款嘅色澤都好靚，最有驚喜嘅係牛小排，食落好juicy，牛味亦好香濃。海鮮有青口、帆立貝同埋螺肉。🔸前菜/沙律選擇都幾多，除咗有味付螺肉、中華沙律、芝麻八爪魚之外，仲有Lv.3先食到嘅中華海蜇，食落爽口開胃。🔸牛肉類有多種牛肉部位選擇，包括牛吞、牛肋肉、牛頸脊等等。我最推介嘅就係Lv.3先有嘅美國Prime原塊牛板腱，佢嘅油脂分佈好靚，食落油脂感豐富，同時牛味亦好香濃，好味到encore 咗幾碟！🔸豚肉/雞肉類雖然呢間燒肉店主打高質牛肉，但佢哋嘅豚肉同雞肉都毫不遜色，有成十幾款豚肉同雞肉選擇。🔸海鮮類餐廳嘅燒海鮮好高質，款式選擇多之餘仲好新鮮。大海老肉質實正彈牙，原條魷魚筒燒完之後香氣撲鼻，口感爽嫩，仲有廣島蠔同埋帆立貝任食。🔸日式料理除咗燒肉同海鮮外，仲有十多款日式料理選擇，包括有玉子燒、炸芝士年糕、炸雞軟骨等等，總有一款啱心水。🔸自助區餐廳嘅自助區放咗飯類同麵類，除此之外，飲品、甜品、雪糕等等都可以喺自助區到自取，非常方便。🔸優惠適逢新開張，凡惠顧Lv.3或以上級別嘅放題套餐，就可獲贈清酒煮特大帶子一隻。…查看更多

由即日起至至9 月 30 日日本鳥取縣與燒肉臻合作期間供應產量稀少嘅鳥取和牛係名牌和牛始祖之一牛味濃厚而且入口即溶酒盜薯仔沙律酒盜係呢個沙律嘅主角。味道鹹香，帶有一種微微嘅酒香，令整個沙律多咗一份風味。酒沙律菜好fresh！螢光魷魚口感好彈牙，入口有一種嚼勁，彈性十足。佢嘅肉質鮮嫩，作為前菜特別惹味。燒鱈魚乾烤到好香脆，配埋沙律醬一齊食，絕對係配酒嘅小食！胡麻豆腐胡麻醬好香，豆腐超滑嫩！鳥取和牛盛合盛合有：牛胸腩，牛肩腩胛，肩小排。日本烏取縣被稱為和牛嘅起源地，和牛嘅油花紋狀好靚，色澤鮮紅亮麗。牛胸腩嘅脂肪相對地較少，食落口感緊實，但完全唔會韌，肉味非常香濃。牛肩腩胛口感相對嫩滑，油花好均勻，食落好有嚼勁。肩小排口感最為軟腍，油脂感豐富，入口即溶。伊比利亞夾心肉油花分佈非常均勻，呢啲油花融化喺口中，釋放出豐富嘅油脂香味，超滿足！肉質仲好細嫩，軟腍好食。野菜盛合有粟米、茄子、南瓜、青椒、杏鮑菇，職員仲好貼心幫手掃牛油上去。和牛肩小排茶漬飯和牛肩小排肉質鮮嫩多汁。茶漬飯則散發著茶葉嘅香氣，米飯吸入晒茶味，但仍然粒粒分明。芝士蛋糕/宇治抹茶芝士蛋糕芝士味濃郁，但食落唔會覺得太膩！餐廳仲設有清酒機，凡惠顧鳥取和牛盛合的可獲取代幣免費試飲6 款鳥取縣清酒🍶超抵呀‼️…查看更多

平時都好鍾意食中式甜品最近發現尖沙咀開左間用心製作嘅小店熱食甜品選擇好多 而且仲係少糖製作好啱養生一族去食😆凍食甜品亦都唔少款式 迎合大眾口味座位都好舒適 啱晒成班朋友飯後食糖水特製蓮子合桃露王 $62口感柔滑，每一口都可以感受到蓮子同合桃嘅香甜味道。亦可食到部分合桃沙粒，合桃味超濃郁！平時好怕太甜，老闆話鋪頭甜品主打少甜，勁啱我口味椰皇燉鮮奶 $60呢款係熱食，燉鮮奶口感滑溜，帶有椰汁嘅香甜味道！椰皇新鮮，唔係用雪藏椰皇，椰子肉特別鮮嫩香甜。嫩香蛋白杏仁茶 $36呢款係用咗高級杏仁製作而成，味道好天然，比起坊間一般食到嘅味道更勝一籌，必點推介！加左蛋白嘅杏仁茶更加順滑，而且杏仁味濃郁。賞心九格格 $128可以任選三款甜品，甜品係迷你size！仲有點心組合三款，每款有2件。甜品就揀左楊枝金露王、特製蓮子合桃露王及新會遠年陳皮紅荳沙。楊枝金露都好出色，酸甜度平衡得好好。是日點心就有香脆大蝦球、香脆迷你魚膠春卷及酒香雞翼。蝦球入口好彈牙，春卷外層酥脆，內層彈牙。雞翼係凍食款式，酒香味濃，肉質保持滑嫩。…查看更多