今日同朋友去呢間餐廳食飯，覺得環境唔錯，幾新奇，係一人蒸海鮮，環境比較暗，一路進食過程都無咩野發生，但食到差不多尾聲，突然望到啲反光物體係我大脾到郁，再望真啲原來到隻小强係我大脾行緊，九秒九掃左落地下，跌左落朋友個位下面，朋友即時反應踩左落去，呢個時候即時叫職員過嚟同佢講，但只係回應左一句Sorry就行左去，我哋就坐係度等佢係咪叫人過嚟了解下，點知佢都係掂行掂過，要我哋開聲問有無人跟進佢先同一個職員講，當時我哋都唔想再逗留係個有小强既座位，想即時離開，枱下面有個籃放袋，隻小强就係正前面，當我朋友想攞袋離開時，發現隻小强仲未死，就手快快用個籃扎住佢，我哋就走出去搵職員講小强未死，係個籃下面，但佢哋都好似無咩反應要及時處理，只係話免我哋加一就算，我哋都已經費是再留係度，拿拿聲比完錢就走，現在都仲係好驚好陰影，之後睇番啲差評原來好多人都話見到小强，職員都係當無事，呢間餐廳既衛生環境真係好惡劣，大家要去食既諗清諗楚係咪要同小强一齊食😡…Read More
呢間餐廳去過三幾次，第一次去已經覺得啲人態度唔好，但都覺得唔緊要，都係食佢既野，加上係屋企附近就腳所以先比多次機會佢再去多次點知第二次去時，食到咁上下，有隻曱甴喺枱上面躝，即刻叫人清理左佢啦，唔好意思都無講一聲，好似習以為常咁！WTF🤬今日同老公放假，唔知去邊食好，最後都係揀左呢間，我老公叫左杯榛子咖啡，我就叫左杯Mocha，佢飲完就話好淡唔夠甜，我諗住都試下佢個杯，一飲，直頭係無味，似係翻沖既一樣（之前有飲過絕對唔係咁）同個男侍應講，佢就同另一個女侍應講，諗住沖過一杯就算，點知佢沖左杯Mocha比我，講番佢知係杯榛子咖啡出現問題，唔係Mocha，咁佢就再整過，係整緊既過程，個男侍應同個女仔講’依家啲客口味真係有問題’😡😡無野嘛！佢哋質量有問題就變左係我哋口味問題？最後杯榛子咖啡都沖左出嚟，4杯野就放曬係枱面，完全無諗過收走佢🤷♀️，而最後嚟果杯仲差過第一杯沖既，結果我哋係4杯野放晒係度就走左，呢間野以後都唔會再去！好差！
