OneFlavor's Profile

今日去行山，消耗左大部分卡路里，捻住食返餐勁既補充下體能，當然首選揀buffet啦，食buffet都係鍾意食韓燒，方便得黎又多野食選擇，同埋可以燒肉任食食肉人士最中意既西冷牛扒，味鮮肉嫩，仲拿左一大碟雞腎，擺滿成個盧，燒到香氣撲鼻，魷魚片和魷魚鬚簡直係至愛，香到無朋友見d肉未熟燒住先，就拿左幾碟前菜，唔食下都唔知原來咁好味，好開胃，冷盤小食既特色就係爽爽脆脆食完都唔覺得飽牛仔骨，4件就差唔多霸噻成個盧仲有壽司，北寄貝、三文魚、鰻魚⋯份量適中飯唔多炸饅頭好香，加d奶醬絕配新高麗苑食材種類頗多，一次過都試唔晒，留d下次再來一一品嚐…Read More

呢排忙到飛起，偏偏閨蜜Amy就打電話嚟話今晚點都要陪佢食飯，又好姐，好耐冇同佢一齊食飯，啱啱好多野都想同佢倾，就搵間靜啲嘅餐廳，唔好太多人又要有D家庭feel先符合我心水，所以一下子就諗到呢間私房菜，即刻order兩位先記得上次黎食都年幾前既事啦，感覺唔错，加埋有十幾樣菜。今次啲菜款式同上次都係差唔多。首先出場既係湯，今次既湯就唔同左，入面有花膠、蒜蓉、黑椒粒，蒜香味重，花膠都幾腍，真材實料。凍蕃茄一樣給人清新醒神的感覺。煙肉石斑柳卷酸薯蓉，薯蓉的味道幾特別，微酸幾開胃。慢煮加拿大豬扒、阿拉絲雞我個人就覺得普通。最欣賞既係蝦多士和鵝肝醬芝士卷， 蝦多士一上枱香氣撲鼻，令人垂涎欲滴。木鱼絲意粉味道非常可口，軟硬適中口感唔錯。最後壓軸上場既甜品“豆腐布甸”，口感非常滑流，又唔會太甜一路食一路倾，不知不覺就過左兩個幾鐘啦，呢間餐廳俾人感覺係輕鬆舒適，下次會再嚟…Read More

放工先黎落雨，同同事就臨時決定系公司附近食完dinner再返去，係旺角西洋菜街呢頭好多食肆，由於雨勢滂沱，就捻住食buffet，時間耐d，等雨勢無咁大，就選左金甲韓燒。初初入去見到有好多冷盤小食，就順道拎左幾樣，秋刀魚、炸饅頭、燒雞翼，仲有自助果汁機黎杯五花茶降下火先得。肉類都好豐富，切得好均勻，一眼望去都有幾十樣，極上牛肋骨、肥牛金菇、墨魚仔、魷魚蘇。牛肋骨都係厚度適中，易熟入味。虎蝦都好大隻，6隻就可以圍住成個盧，蝦肉鮮甜彈牙。三文魚刺身切得大方，基本壽司種類都有齊噻。雪櫃度有各種韓國蘇打，晚市任飲添～甜品爭2樣顏色就係彩虹啦，繽紛水果布丁，各種口味，適合各類食客。收尾買單2人400蚊都有找，我地食完雨都停埋，估唔到咁抵食。…Read More

近排出trip頻密都無咩時間好好坐底食返餐好既，今日返黎就成team人出黎慶功，經一致同意想食韓燒，就黎左新高麗苑，人多坐房開心D～入房需除鞋，有拖鞋提供比客人，諗得細心周到，食buffet梗系要唔限时先有瘾，加$110蚊就可以無限時啦！房入邊仲有電視睇。我地分批去拿各種唔同種類既野食前菜，一人一味：牙菜、青瓜、蘿蔔、泡菜、青瓜、海帶、白菜、白雲鳳爪等熟食：燒雞全翼、炒面、炸饅頭、春捲等肉類：虎蝦，巴掌大，牛肋骨，件件都好大塊，魚柳，雞中翼、醃得好入味，肥牛，血淋淋，好新鮮，拿左幾碟壽司：我地至愛既三文魚刺身啦，可惜好快比人拿晒，鰻魚壽司、賴尿蝦、墨魚壽司⋯甜品：雪糕、彩色布丁、木瓜糖水另外仲有人參雞湯、豬腳薑、湯圓我地成team人既戰鬥力都好強，將檯面既野都掃噻，由於係無限時就下半場繼續再戰～包廂既好處就係唔洗咁拘束，都係自己人，食得開心滿意～…Read More

收工約左喺尖東返工既朋友食飯，朋友話有間佢去開既居酒屋，食物質素唔錯，於是就由佢帶路，黎到南洋中心嘅「沃川」食日式料理！沃川嘅店面不大，去到裡面已坐了一些客人，我哋walk in入去好彩都有位！ 朋友最鍾意食魚生，刺身就緊係唔少得。點左條肉質鮮美嘅梭子魚，不過其味道較淡，醮點酸汁和著芽蔥一齊食，感覺口感清新特別 燒蝦蛄干香口有嚼勁，份量亦適中。燒一口蕃薯好甜，天氣熱黎杯特飲消暑解渴 最回味嘅係燒至金黄色又名七里香的雞股，表面燒到充滿油亮，未食先聞到一股香味，店員仲細心地叫我哋要趁熱食，口感和味道會更佳。我哋已急不及待地將佢送入口，呢種香味和口感真係幾特別，令人回味無窮   天婦羅也相當出色，特别係秋葵，炸完冇左滑潺潺嘅口感，反而帶點爽脆 ，好食，亦不覺油膩 …Read More

上星期同媽咪去慶祝生日，我同媽咪都好鍾意食野，見到登打士街到有韓國自助燒烤放題，有得任食，啱晒 我地間鋪係登打士廣場，好近油麻地，方便我地食完返屋企。 坐左一陣，服務員就奉送左一人一個大扇貝，扇貝好新鮮同大隻！呢度D坐位寬敞舒適，食物種類無論燒肉、熟食也是有非常多的選擇！頭盤黎D沙律、熟食先，沙律的雜果食得出係新鮮生果烤物種類繁多，豬牛羊雞相當齊全熟食亦不少，味道還很可口！肉類非常新鮮帶子都幾大隻，面上有蒜蓉調味，燒完確係鲜甜惹味！兩隻大蝦，肉質鮮甜彈牙。最後食埋甜品，就非常滿足啦整體滿意，確實相當抵食，值得推介俾大家！…Read More

一直都想試下公司附近間“Running燒”韓式放題，今日終於有機會啦！趁收工約左班朋友聚會，擇日不如撞日，緊係要拉隊上去試啦！七點零鐘上到去，已見店裡人頭湧湧。喺食肆寒冬下，仲人氣爆燈，即刻令我對呢間餐廳的食物充滿信心！！“邪惡芝士排骨”，排骨係事先整熟左，宜家等緊芝士加熱熔左先，芝士香味撲鼻，令人垂涎欲滴，排骨食落有D似糖醋果隻，帶小小辣好腍好入味，翹埋芝士食，頓時令味覺充滿層次感。腸仔亦係我至愛之一，又係翹芝士食。烤爐邊仲有加左泡菜的蛋漿、牛油粟米、車厘茄  小食叫左“噴火炸雞翼”～落單時揀左小辣，一上枱香氣撲鼻，睇見已經令口水開始分泌啦，炸漿適中，雞翼好脆，甜酸醬非常惹味，好正！要再order   到左燒烤呢part，燒物款式選擇多，豬牛羊雞樣樣有，仲有比較少見的豬枕頭。海鮮種類亦有好多。落單時有限定食物的數量，本人就覺得幾好，讓客人每樣試下先，因為係放題，並無限定落單的次數，客人啱食就可以再點，唔使浪費食物。海鮮類，蝦、扇貝新鮮大隻，我地就點左幾轉燒完又燒 豬牛羊雞的肉就腌好左，烤熟後唔使醮醬汁都夠味，肥牛，牛仔骨、豬耳仔，豬大腸，雞翼就成為我地嘅至愛 。燒蔬菜，南瓜、菇類也是不錯的選擇。最後再食埋個甜品～刨冰！亦有多款口味任君選擇！間餐廳整體質素唔錯，服務態度亦好，下次會再黎！…Read More

民以食為天，什麼事都沒有吃重要，中午一到放飯嘅時間，跟同事就即刻去公司附近book定位嘅i kithen餐厅吃野。因為我哋懶得去選擇菜式就直接一人點了一個套餐，有餐前小點，田園沙律、主菜，同飯後甜品，如雪糕。餐飲有咖啡，奶茶或特飲等。田園沙律睇起來就很有食慾，新鮮的蔬菜清甜爽口，有生菜、椰菜、青瓜，溫室蕃茄，仲有水牛芝士，加上餐廳自製的醋汁非常惹味。食完沙律之後，服務員就為我哋上主菜，“白酒蒜香鲜蜆天使麵”，賣相都幾靚，蜆新鮮大隻，肉滑有彈性，不會太老，啖湯特别鮮甜，麵亦好味有嚼勁，份量都幾多，食完都好飽。最後嘅Mousse cake同咖啡，Mousse cake睇落有點簡單，但食落不會太甜，反而入口即化香滑無比，底層係海綿蛋糕，搭配美妙！喺工厦仲有環境、食物都唔錯嘅餐廳，滿意，下次一定會再來吃。…Read More

韓國文化近年喺香港越嚟趨普及，而飲食文化亦更顯其獨特的風格，在亞洲美食中屬較出眾的一派。忙里偷閒的一日，就隨好友到位於銅鑼灣的“喜来稀肉”！餐廳內部盡顯韓式復古裝修風格，而每張枱上都有個煙囪低垂。坐低後店員奉上一份生菜和幾款韓式小菜，有芽菜、洋蔥絲、還有泡菜，其中最具代表性的一定係泡菜！然後在爐邊加上蛋漿，有原味和泡菜味兩種“護心肉”是這家餐廳的主打菜，稀少而珍貴，一隻成年豬只產250g左右，肥瘦相間，經烤作後微甜多汁，嫩滑爽口，又有嚼勁。“喜来烤肉”也是該餐廳的另一特色烤肉。薄薄的牛肉經烤後，濃縮成純樸的香味撲鼻而來，配以喜来稀肉秘制酱汁及洋葱絲，蒜片，再加以生菜一齊食，清而不膩，入口微甜。“牛大腸，豬大腸，烤豬皮”正正是吸引我來的原因之一，烤腸越嚼越甘香；而烤豬皮醮上薄薄的黄豆粉後，可以减低油膩感。“滋滋”作響的鐵板旁邊一班朋友圍坐，邊飲左韓國米酒邊翻烤肉，同時開心的談天說地，此刻特别利于感情的交流，這種獨特的“烤肉氣氛”更能在這喜来稀肉得到體會！…Read More

平日生活節奏急速，每天甚至要工作至夜深，於是上星期難得有日清閒無事，就到訪澳門逸園中心嘅"鳥居"，食下燒物，飲番杯清酒，享受慢活之樂😁“夢殿大吟釀”香氣覆郁，果香怡人；“鹽燒喜知次”，被日本人稱為“夢幻之魚”，又有“海中紅寶石”的美譽嘅北海道深海鱼，外型有D似大眼雞，燒完肉質嫩滑美味，魚脂香氣四溢，來杯清酒烘托，令其鲜味更加突出！不過價錢就太貴啦！“厚切牛舌”，炭火燒至表面微脆，肉質依然爽口軟嫩，食落滿口肉香！“西班牙黑毛豬”，豬中的貴族，味道有别於普通豬的膻味，其肉質更是肥美細腻，啖啖都係滋味無窮！…Read More