ken8594's Profile

疫情冇晚市。公司請食飯就變左做午市。之前食過午餐唔錯。原來可以午餐食蒸鍋。但要預訂。老闆請食飯梗係食最好。都真係咪蝕。有幾個凍盤。又有蒸海鮮。又有粥。勁飽肚。冰鎮帶子北寄貝同龍蝦。好鮮甜，食完呢個就燕野。有大蝦，青口，刀貝等。。。蒸又好好食。好耐之前已經食過九龍城店，前排食過晚市，估唔到午餐都有。仲可以食到冰鎮海鮮。午餐食蒸海鮮都另一番風味。而佢地咁耐都冇變，一直都幫客人去蒸避免過龍唔好食。夠鐘一響就可以打開蓋就食。十分方便。食到最後送埋糖水。滿足的一餐。…Read More

一路都以自己做海鮮供應為賣點既蟹仙。之前已經食過九龍城，價錢拍住西貢，但質素唔比西貢差，重點係唔會好似西貢咁比人搵笨今日係附近做野。行過銅鑼灣見到都開左間。原本都唔會lunch時間食蒸海鮮。但都好奇睇睇個菜單。一睇先發現有午餐食。唔係蒸海鮮。有蒸飯有刀削麵等等。。。都有十款八款選擇。我就叫左個刀削麵食。個蟹皇味好正滿到流出黎，雖然睇落似係碗仔翅刀削麵咁。但真係足料。而價錢唔係特別貴。識揀都揀特別小小既午餐啦。以後又多個選擇啦。…Read More

疫情問題。一直都冇街出。終於都忍唔住去下郊外。但太遠太偏又辛苦人多。最後揀左香港公園。之後都行過好幾次。一直唔發現原來有茶飲仲要係素食。岩哂肥仔既我。先講下環境，古典優雅，感覺係好hea好舒服。可能因為星期日，睇落好似好多人。但可能因為每枱2位。感覺鬆動，唔迫唔嘈。（仲見到佢地可以翻枱咁既疫情都算係咁）呢度最低消費就要叫個茶。反而就食唔食野都可以 。真係幾十蚊坐幾個鐘仲平過某某咖啡店。雖然呢度主力飲茶。但係野食一d都唔是旦。d侍應話全部都係人手做。真係“粒粒皆辛苦”🤣同老婆叫左好多野食。最好食我覺得係個素蝦卷同黑松露燒賣。勁好食。價錢比酒樓當然貴小小。份量對我黎講就係小架啦。不過仲好。可以叫多幾碟黎試值得一提既係呢度既食物餐具都經過消毒，服務好。有招呼又食得乾淨安心。而家都真係冇乜了。。。…Read More

最近又係尖沙咀返工，日日搵邊度有野食。今日行過寶勒巷，咁岩見到有點心食。見天氣凍左咪去試下， 68蚊一個套餐。冇加一，係一個點心拼盤黎。可以一次過食哂最鐘意既點心，一坐底叫左野食就等點心黎。原來係一路熱住比你一路食架。2個人一盤，味道好食。我比較大食。所以加多個飯。叫左土魷肉餅蒸飯 ，野飲仲有半價。有樣野不得不提一提。亦係我覺得要寫野既原因。就係佢地蒸緊既時候。會有d玫瑰花係底度。一邊蒸就一邊有玫瑰花既香味。但食點心果陣又唔覺啵。😂可惜一路既習慣都係自己食先。唔係相機食先。搞到又冇影到相😭😭下星期再去食補番幾張相先。…Read More

最近因為工作太忙。。想食餐好既都冇。更加唔好話寫下野。但呢度真係不得不讚。今晚因為係附近做野。係朋友半推半撞既情況下係度放鬆一下。。。上到黎原來係酒吧餐廳黎。食物款式不算好豐富。但有質素。。而手工啤酒選擇都唔多。。但一樣唔錯。感覺呢度都係以精為主。質素為上。先黎左個炸海鮮波。口感幾好。入面用新鮮海鮮。食得出係餐廳自己做。因為有大有細😂😂再黎一個多士。。。入面有黑松露。有ham。有芝士。。。焗完熱辣辣食真係正。。。好彩我大食開。唔係真係會飽左😋😋到左主菜。我本人因為極度極度鐘意食牛。。。所以都大膽咁叫左個26安士既肉眼扒。。我食左8成左右啦。。因為有2成同朋友換左條豬肋骨黎食。呢度晚豬骨好淋。最主要個汁。。。如果有飯比我可以撈飯食😘😘而個肉眼扒真係食得出係美國既靚肉眼黎。。雖然“根”位都有。。。但食落夠淋。26安有23安都可以食落肚。。我覺得如果食果陣有支紅酒飲下就真係正啦。。。今晚淨係飲左啤酒。。芒果味既😛😛夾食物就可能差小小。。。但飲下野食小食吹下水都唔錯。。。總括黎講好後悔冇影相。。因為我係自己食先既人黎。。有機會係附近一定會再黎食。😍😍食物服務都好好。。以樓上bar黎講。野食叫做好有驚喜。。。係選擇不太多。。。希望下次黎會有多d驚喜啦。。。😆😆😆…Read More

係得土瓜灣。想搵好野食都幾難。但呢間味王都算係咁。以5x蚊既價錢。都算足料。果次食左個豬軟骨定食。有刺身，有湯，有野飲，份量夠。味道有驚喜。另外叫左個手卷。唯一覺得怪既係三文魚手卷d三文魚唔錯。但就咁叫個三文魚就非常唔新鮮。。。點解呢？？另外太太就叫左拉麵。都幾好食我相信會再去既。。。百零蚊食到日本野麻…Read More

今次因為老婆想食既關係...叫左佢公司既同事出黎食飯,由於我黎過~所以做左領隊一早就睇左個餐牌,知有乜食,不過防止獅野飲,所以自己帶左酒去,佢地而家仲免開瓶費添我地準時7點半到達人齊,見到都幾旺場喎~雖然得滿客3張...我地一坐底就梗係整杯潮州茶先啦~比D酒抖抖氣先先飲左個咸菜象拔蛑湯,我就唔係咁鐘意咸菜,不過大圍鐘意冇計:(炸豆腐同蟹棗~個豆腐好滑,不過鐘意蟹棗多D姐~好有蟹味.正!!燻鴨~又係潮州運落黎...個庶味好香~不過唔係咁自己食,其他人就清哂(點解我同老婆同事既口味差咁遠架)鮑魚同鵝掌...呢味野食就好好食~不過有D似酒樓~所以問返D人就話全部汁都係潮州野黎魚佢有幾樣野揀.我就揀左冬菜蒸馬友,好香又好好味~特別D冬菜...正!!金不換炒龍蝦..我本來想試下個蒸蟹(我未食過)但係個龍蝦啖啖肉又香,最後都係揀左龍蝦~同上次一樣!!香!!小辣!!正!!潮式牛腩煲,之前未試過會覺得咪好似粉麵鋪果D咁??但係食落又唔同感覺~好"林"又夠味,比起出面賣牛腩既地方好好多~不過個份量就唔係好夠我食啦:(一人得2,3件....)好多都係菜黎,雖然都好好食....所以食左3碗粥~又有欖菜!!甜品係糖水,本來諗住改芋頭或者蕃薯,點知2樣野都唔靚冇得食:(:(:(今次呢餐又係好飽好飽~老婆仲請埋我食~我唔駛比錢添班同事各有各反應~有人影足全程相機食先我就掛住玩電話~影得少少野~…Read More

自從係老蘭寫完之後都冇機會再寫~今次食到好野~梗係要寫寫佢啦...連埋我有4個人,到左安美大廈,比我既感覺真係好住家FEEL,入口唔太難搵,但係就好難上.因為門口乜都冇.得個惡到死既看更係度...搞到又要打電話先上到去.雖然門口就冇乜特別,但係入到去就唔同哂感覺.裝修唔係豪華果種,但係感覺好舒服.一入到去就有個樓面係度等緊我地.原來成晚得我地一張,又係包場...哈哈~~可能係因為得我地冇其他人.個老板成晚係咁同我地傾計...今次因為地點問題,我地4個都唔係太敢飲酒.同埋呢度既酒水真係弱左少少.除左紅,白酒啤酒之外都冇野飲既.坐唔夠5分鐘就有湯飲啦..係個冬瓜石榴果蟹肉羹,清清地幾好.之後有個南瓜芋頭卷同個炸豆腐!個豆腐佢地話係潮州新鮮黎既,咁食落又真係幾滑,幾好食.至於個芋頭卷就好甜身~正!!再黎個滷水鵝同鵝肝.隻鵝就冇乜特別.但係個滷水汁好正.老板話個滷水汁成10年架啦,仲要由唔知外國定邊度一路用,一路煲到而家.鵝肝就一D都唔肥又"流"超正.同係法國菜食果D感覺完全唔同...跟住有個炒魚麵,開頭仲諗住係粗麵果D咁既野黎.原來係將魚攪爤,整到一條條好似面咁.幾特別.到左個雞鬆生菜包就好似食泰國菜咁,要自己包黎食.我就唔係太鐘意.但係個汁幾好,甜甜地.都幾配味黎左個成晚我最鐘意既金不換炒龍蝦.個名又係好似泰國菜咁,但係唔理佢係咩都好.個龍蝦真係好正...勁香,又有口感!!食埋個菜之後就上甜品,反沙芋頭就有食過,反涼蕃薯真係未試過...食落真係好正.呢個真係想另外打包,但係老板話呢D要即食.唔KEPP得:(成餐飯都好飽~好好味...雖然要480蚊加一,但係物超所值...但係我搵得唔多>O<"九唔九一次都OK既~應該會返轉頭掛= ="唯一真係地方唔係太"就腳"同埋酒水太弱...雖然冇野揀係私房菜既特色.但希望下次黎有多D野揀下啦~…Read More

訓醒都2點幾,加上前一晚成3點先收到工~十分累~唔想郁,所以就叫外賣食,又見最近個人多左d粒粒~所以就決定食粥啦!呢間鋪我之前都食過~都ok la~今次就有少少驚喜啦!我叫左個牛肉,肉片粥...雙拼!足料,唔會因為雙拼而比少d料你~仲有個炸兩,雖然唔記得叫佢加甜醬,但係都好好食.係個炒米粉今次真係衰左,又(濃)又冇味,感覺只係乾米粉咁~只係食左2啖就冇食啦~但係整體黎講都ok既~而且價錢都係51蚊咋!!哈哈!!注:我叫左既有牛肉肉片粥,肉片粥,炒米粉同炸兩!4樣野架!另一個係我女朋友食左!o!"不過冇問佢意見!但係佢都食哂~都只係話個炒米粉唔得~哈哈~…Read More

今日同事食lunch果陣見到呢間鋪晚餐做緊酒類/飲品 7折,食飯仲可以68蚊食埋個鵝肝添!4個人一收工就去試下係咪咁抵!雖然我有係呢度食過lunch,(雖然都係食左2,3次/.\"鬼叫自己搵得少咩><")但係dinner就冇試過啦!見咁抵梗要試試佢啦!佢地個後門位比我之前黎食lunch果陣好左.多左d閃燈,走(朗)位多左幾張相,同埋去食晏既時候都總有人行出行入.係度車d唔知咩咁.今次就清哂~感覺好左......入到去真係張張枱都有蠟燭,幾靚.今次都坐梳化位!舒服d既!!!第一次係度食dinner,唔知叫咩好~好彩有2個同事有食過~就交比佢地話事啦!總之有鵝肝同肉我就咩都得架啦!o!"食野前開左支紅酒.唔係好識飲佢靚唔靚,不過就覺得佢幾易入口.唔太酸咁囉!!!一黎4個頭盤,一個係我好鐘意既鵝肝!跟個溥溥地既白包!正!好味!(仲有一個鵝肝佢地食,我自己食一個)仲有一個係雜菌炒蝦同ham密瓜沙律(唔知有冇記錯,有野包住舊密瓜架!)呢2個都好好!唔錯!跟手飲左個湯,呢個黑松露真係得,我見到好多人都話得!原來真係得!:)哈哈~最飽既main就係我呢個食肉獸最鐘意既牛柳啦!仲要係4成熟.件牛真係唔錯,不過我個人唔多鐘意食薯條姐!我仲偷左同事既豬扒,sea bass同春雞食添!注:我係冇比返d牛佢地食架哈哈~食完飽到咩咁.我就冇胃口食甜品啦~d同事都叫左個好似係朱古力蛋糕咁既野.因為我冇食所以唔係咁清楚~不過佢地都話好食既!食完都成9點幾就10點,有個經理問我地:[我地一陣會轉飲野,做酒吧,音樂可能會大聲少少.唔知你地介唔介意呢?]我地見都食完野咪冇所謂囉,順便睇下轉左會點佢地都好細心,唔會一下子就開大個音樂,而係一d一d咁加大.呢點值得讚既!到左10點過d,個場暗哂,不過多左落d果d射燈,都幾靚,所以就開多支酒飲,我就飲cocktail好啦,唔係會貓架埋單果陣d酒/水/同cocktail真係7折.雖然折左,但係都要400蚊左右一位!我自己就覺得一個月食1,2次都ok既!整體黎講都唔錯,食物好食,環境比我之前黎食lunch好左.氣氛都唔錯,我同事話佢地上次黎冇其他客人架- -"今次有其他客人係度...d員工既服務都好好,做野好細心...如果有朋友請我實到…Read More

今日有同事約食lunch,我地成點鐘先到.去到之後勁多人,好彩仲有位(下次想食都係訂定枱好D)佢個餐牌有5個主菜你揀,有意粉,牛肉千層麵,魚,羊扒同牛柳,樣樣我都想食.最後揀左牛柳.我先飲左個湯同食包,D蒜容包好好食呀!!之後食個海鮮沙律,真係正!!足料果隻~有蝦,帶子,油魚等....加埋D菜同泰式果個酸辣汁.真係好好味...到食主菜果陣都係好正!!我覺得最好既地方係有甜品!芒果味既蛋糕跟多個雪糕,跟手嘆個咖啡...飽哂呀!!到埋單果陣就真係驚啦,我地4個人...都係食左3百幾蚊.原來佢地做緊優惠,4位黎食LUNCH收3位錢!最平果個餐FREE左....咁食法4個除開都唔駛一百蚊......真係正!!!埋單果陣仲跟單送左100蚊既現金劵比我地,不過就只係FOR DINNE有機會要試埋LUNCH個千層麵同個DINNE先~唔知貴唔貴呢…Read More