may.lai.9619's Profile

從未如此超級中伏過，朋友上網搵到話試試當日中午打電話去訂位時話當晚個場event 但話都有枱比我地，但食物可能會等耐少少咁我哋話無問題照去，去到安排我地坐廚房近門口前，還感覺有點兒熱添，不過都算吧，知道今日佢地包場有event，跟住有個侍應叫我哋19:15前要落哂單，咁食物方面就會早啲到，咁我地都配合19:15前落哂單，叫了以下食物。01）燒青椒仔串燒= 食落苦嘅02）香蔥豚肉串燒= 完全感覺好似微波爐叮熟再成火槍燒幾下咁，啲肉好嚡03）燒帆立貝串燒 = 完全無諗過係呢隻款04）刺身盛 = 三文魚腩出哂水咁，仲要超肉酸，令一款刺身點解會用火槍燒過？三文魚子味道怪怪嘅，成個刺身我地只食咗吞拿魚腩05）鹽燒雞中翼 = 完全無味06）燒白鱔串燒 = 又係好似微波爐叮完用火槍燒幾下07）鰻魚炒飯 = 成個炒飯係好濕嘅，唔知以為食緊意大利飯咁08）鹽燒油甘魚頭 = 正常09）忌廉蟹肉薯餅 = 正常10）可樂 = 正常我地向一位經理或是老闆的一位男士投訴食物質素，佢話因為今日有event ，可能廚房太忙所以先會咁，最後佢幫我地取消咗個香蔥豚肉串燒2客 & 燒白鱔串燒，同埋話比返個九折我地，但成餐飯，我地只食到三份一都無就無食，因為完全好難食，餓住咁走，問你死未😏 總括黎講，點解比人包場攪event，你仲接枱呢？你接得枱嘅乜可以比咁嘅食物質素人地？由其個刺身盛完全接受唔到可以咁，三文魚刺身完全唔敢食落口，真係未試過伏到如此地步🤦🏻‍♀️…Read More

上兩星期前，同朋友在九龍灣德福廣場二期分店食下午茶，叫了兩個牛根腩麵，食物上枱後，發現啲粗麵好硬，就告訴給個侍應知，點知個侍應話係咁㗎啦，你地落落單嘅時候應該改另外一隻幼麵，果隻無咁硬，咁我就話，你個餐牌都冇寫到有另外一隻麵選擇，而樓面亦都冇提及過，我地點會知呢，但一直個侍應都冇諗過幫我換過個麵，咁我話而家個麵咁硬咁點食，係唔係唔換比我，咁先至死死地氣換過個幼麵俾我，換到過嚟，要我自己將舊果碗啲牛筋牛腩，夾返落新果碗幼麵度，仲要催促我快啲，因為佢要攞返舊果碗硬粗麵走，成個過程，得到咁嘅服務態度，超級激氣，好似比錢受氣咁，希望貴公司好好地增值下班員工服務態度及質素。…Read More

今晚本身同幾個朋友諗住去九號水產，果間海福樓食晚餐，但經過這間前身係《 宏 》的餐廳，現在竟然變了一間西日式餐廳🤭，朋友即刻話不如試一試，所以就入了這間餐廳一試，我們4個人，叫了生蠔，餃子，一口炸芝士，鱆魚餅，帶子意粉，蘆筍茄汁意大利飯，安格斯肉眼扒，還有一支白酒，味道整體不錯😋，幾好味，坐得都幾舒服，一定會再來幫襯😊…Read More

見這間車仔麵鋪裝修了一段時間，今日放假見佢終於開張了，立即一試，點知，超級中伏.......🤦🏻‍♀️，一行到門口見要排隊，心諗應該唔差啦，所以就走去排隊買票，佢地有2個收銀，但就手足好慢，因為佢個收銀位置在門口，所以係排到出門口架啲人，我心諗，咁嘅天氣會唔會令到啲食客熱到暈架呢，終於買到票，但又唔會有員工話比我知點去取餐或交票之類，因為我是外買的，最後係要自己開口問先知道，到等外買時，明明我眼見我張票個號碼到了，但沒有人叫我張票，反而叫了後過我的號碼來取餐，但我又見到我個外買其實已經出了枱面，只是沒有人叫我張票，最後又是我自己開口問才給我😒，當回到家中開餐時，竟然遺留了沒有給我牛孖根，而牛舌就只得2小件，而個麻辣湯底，完全唔麻唔辣😤，其他拳頭菜味道都是好一般，在屋村車仔麵黎講，收咁嘅價錢，但得咁嘅服務，真心超級唔值囉～😡…Read More