auchi___'s Profile

生日飯梗係要試吓特別野！見佢係希臘菜就試吓呢間先～Hummus-鷹嘴豆泥$58睇佢咁細個碟，估唔到佢份量咁多✨好食係好食嘅，男朋友話簡單尼講佢係有酸味嘅蒜泥😂但係作為前菜值得叫嘅，我哋食嗰陣超級滿足～食淨都打包返去！Warm pita-麥包$32食Hummus就一定要跟pita！佢個包偏鬆軟，麥香同埋鷹嘴豆泥啲橄欖油夾埋一齊食真係好正🥺Tirokrocketes-炸羊奶芝士波波$138有成五粒🤤兩個人食會好飽肚！我本身唔係好食得全部同羊有關嘅嘢，嗰個芝士波波入邊係有少少羊味，但撈埋啲蜜糖嚟食嘅話就好好食！不過有一粒兩粒未炸透，同埋都可能係因為佢特登想放涼，唔好太熱辣親個口，所以有少少瑕疵啦🤏🏻(男朋友食嗰幾粒冇乜問題，佢話好完美）Prawns Saganaki-鐵板蝦$168最華麗菜式沒有之一！佢會到啲酒上去個鐵板度，啲火燒起嚟高過個米八哥哥⛄️佢啲料都幾足，啲辣椒一定浸晒汁好好食，但我哋唔食得咁辣，好可惜😭啲蝦好好味，蝦膏同啲酒夾埋好甜好正。可惜剩係得兩隻，不過明白擺多啲個盤唔會靚。（同埋幾乎台台都叫，嗰陣香味傳到過嚟一定會後悔冇叫😂）Chicken soulvaki-燒雞$128有洋蔥、蕃茄等配住食，幾好嘅，不過相對普通，抵讚係佢會整曬啲肉出嚟，方便啲食。侍應好friendly，會問吓我哋啲嘢啱唔啱食，又會傾吓計✨不過落漏咗一個沙律，但我哋最尾都太飽根本食唔落（所以好彩冇落姐😂）同埋落單，每一次上菜都會介紹菜式，唔係好明個餐單寫咩都冇問題！餐廳裝修好靚，偏暗暖色氛圍，客人有講有笑，好有小餐館個種溫馨嘅感覺。不過我哋聽唔到有tap water 就叫左 still water，埋單先知俾咗$75買支高級水😂成餐都係滿意嘅，只係我哋走嗰陣太多人入嚟，侍應唔得閒同我哋道別😢（想say bye bye！）同埋佢都有好多酒飲，同朋友/另一半/屋企人聚下都係一個幾好嘅選擇～然後hummus我哋食唔晒打包返去，個盒都好得意…Read More

初頭行過覺得裝修好舒服，又係我鍾意食嘅韓國嘢，於是搵日嚟食咗～炆牛肋骨 $168真係好好好好食！😭✊🏻甜甜地，啲肉唔會韌或者柴，好軟林，肥瘦相間，一夾會同啲骨自動分離。真係好出色！入邊有三四舊白蘿蔔，兩嚿冬茹，朔晒汁真係好正。不過有一舊肉有啲吸左太多糖，同埋整道菜都偏甜，同行男友咁啱唔係幾鍾意食甜嘢，有呢啲習慣嘅人就可能接受唔到～But for 大部份人，呢個真係好好食！有啲可惜嘅係冇白飯跟，有少少嘥咗咁好食嘅餸。下次一定會為咗呢個再嚟食！大醬湯 $78類似韓式味噌湯，有豆，兩隻蜆，一隻新鮮嘅蝦。其他配料有薯仔片，豆腐，好足料。足料得來又唔會霸曬個湯，唔係好辣，有跟飯，冬天食反碗好適合。有少少建議係可能係餐牌加返加白飯幾多錢，因為啲餸咁好食冇白飯真係好晒😭（個人睇法）不過前菜驚喜地好食，係韓國嘅感覺。見佢餐牌有燒肉、啤酒嗰啲，但今日冇乜心情就冇食。環境闊落，唔會為咗擺多張枱搞到冇位行，值得讚揚！有兩張地台位，啲枱好夠大，完全唔會擔心食燒肉冇位。裝修簡約得來又有韓國feel，完全有飛咗過去嘅氣氛。加上店內有韓國廚師，食物應該係正宗（就算唔係正宗都好啱香港人口味！）夜晚去，黃色燈好正，嘢食又好食，希望長做長有，保持素質！同埋店員都好有禮貌，講嘢有笑容，真係好好。下次一定會encore!…Read More

之前見人影相好靚就過嚟試吓，環境比相片細好多，應該剩係得五六張四人枱，好處係全部靠窗，early afternoon應該會有好多陽光☀️隨餐附送black/white coffee 。$0我哋兩個都嗌左white coffee，入口非常順滑，但係反之唔夠咖啡味。不過冇要求嘅話佢同隻手板咁大，同埋佢有拉花！跟餐來講係抵飲嘅👍🏻牛油味噌清酒大蜆扁意粉 。$148凍咗啲，但係一食落口的確食到好香清酒味！味噌就唔係好覺。（佢呢度啲嘢好多都係偏清淡🤔）蜆都有幾多隻嘅，不過份量細咗少少，一般扁意粉來講其實可以俾多啲。白酒巴馬臣芝士忌廉虎蝦扁意粉 。$158呢個除咗凍之剩仲要唔夠鹹，（可能我太重口味掛⋯⋯）不過問侍應攞鹽即刻都有比👍🏻啲蝦處理得唔錯，不過虎蝦得一隻，其他都係細隻蝦。啲蝦膏應該拎咗黎炒意粉，應該係想令個意粉鮮味多過鹹味，但係鮮味差咗啲，鹹味而唔夠，可以改善一下呢。試業優惠。焦糖香蕉番薯班戟 配榛子醬及鮮忌廉 。$0比起班戟，佢個厚度似甜嘅蛋餅皮多啲。有兩層，上面灑咗好多糖粉，忌廉偏軟，好流質。（流質嘅好處就係冇咁膩，作用似平時啲楓糖糖漿）鍾唔鍾意就見仁見智啦👍🏻抵讚嘅係每一塊香蕉上面都有焦糖皮，榛子醬都唔會太多死甜。如果正價（$78）咁叫份量過細，質素都未符合價錢。但呢個係滿$200送嘅甜品，希望正價叫嘅話會好啲啦。總結來講，環境係靚嘅，正午同朝早嚟應該最好陽光。空間闊落，侍應服務都OK，會主動幫人影相～但係上菜時間真係好慢，嘢食仲要係凍嘅。我諗佢係煮好啲意粉，先再煮啲配料，最後就會搞到分量多啲嘅意粉整凍咗個配料。份量偏小，體諒試業期間店舖啱啱起步，環境餐具都優秀，食物再進步就更加好啦🍓…Read More

好耐之前已經聽過話佢哋好好食，今次終於試到～環境乾淨企理，而且好有舊味！沙嗲牛肉麵。凍鴛鴦（+$3）。$35個汁好香好濃，牛肉係新鮮牛肉！撈埋落個湯度會稀左啲，但都算啱啱好，唔會無味～整體都算高質！雞批。$10佢應該所有麵包批嗰啲都係整好咗拎上嚟，不過仲係暖暖地嘅，如果朝早嚟食嘅話新鮮出爐一定好正！係擺到晏晝先來食嘅情況下，佢個批喺偏脆同鬆化，批底同埋啲餡嘅軟又有中和，真係好好食😭🙏🏻菠蘿油。凍檸水（+$3）$29佢單叫$13，下午茶餐$29⋯⋯下次要睇清楚餐牌🥲牛油有啲太薄，但個菠蘿包都OK好食嘅，個皮如果係新鮮出爐食嘅話真係無敵！…Read More

本人為得閒鍾意飲下咖啡，鍾意精緻美食嘅人（貴啲都冇所謂）。去土瓜灣影相想要個舒服涼嘅地方食晚餐，喺OpenRice見到，覺得價錢OK，環境又唔錯，就抱住去Café食環境嘅心態來到。軟殼蟹咖喱定食 $138隻蟹好得意😭💛個size都啱啱好。咖喱就係平時嗰隻日式甜咖喱，唔會唔好食。佢啲定食跟返前菜，麵豉湯同埋溫泉蛋，靚靚仔仔咁擺喺個盤度上。麵豉湯方便你飲仲會做埋杯嘅設計。個蟹好好食，成個定食都食得好舒服。唯一缺點就係啲前菜，有個類似蘿蔔嘅嘢太鹹（浸嗰豉油），個芽菜又唔夠入味。不過前菜唔係重點，冇乜所謂嘅。和風牛肉定食 $118牛肉勁多！肉質都唔係大家樂嗰種價錢，個飯有汁跟，加埋一齊好好食🥰佢個溫泉蛋可能係俾你放落個飯到撈，但係我攞咗嚟點牛肉食（壽喜燒習慣）本身覺得有少少呃錢，但估唔到佢好食又食得好滿足，最尾開心晒💛Dirty $45佢個杯係凍嘅，牛奶暖，咖啡凍，有嗰個層次感。不過不失。Grape fruit jasmine mix Fruit Tea $48壓軸出場最好飲💛本身覺得佢成$50一杯貴得好離譜，但男友好想飲就直接買咗。點知佢真係值呢個價錢，絕對唔係hea 茶。西䄂唔會太酸，賣相好靚。不過鍾意苦澀茶味嘅人應該唔會太鍾意。入面好多料，應該有寒天（啫喱之類），果肉都好多。下次會返嚟飲呢杯嘢。嘢食嘢飲嗰啲佢會送去你個位度，但係唔收加一！嘢食就自己出去俾錢先會落單，好喜歡呢種設定👍🏻💛環境靚之餘燈光都好舒服，啲位唔會太迫，空間夠廣闊。店裏亦有廁所，唯一缺點就係音樂有時候太大聲，同埋比起chill會比較多pop music。不過都冇乜嘢嘅，專心食嘢就唔會理到咁多🤝（同埋佢冇嗰啲係我細個返鄉下嗰陣成日都聽嘅嘢，所以冇特別討厭。）…Read More

行過見到佢裝修真係好靚，試吓啦👍🏻燉牛肉黑咖喱蛋包飯$118正常嘅，牛肉唔會太鞋，份量都多。個黑咖喱入邊係用咗墨魚汁，唔係好食得出，但係佢比一般日式咖喱淡咗，（墨魚汁本身係淡啲）都算食得出有其他嘢。呢道出名食蛋，係旋風蛋包飯，個樣夠靚，個蛋都夠滑，不過冇乜味，唔知係咪因為咖喱太濃蓋過咗。ok啦👍🏻法式焦糖疏乎厘班戟$88好唔夠熱😂但係個口感又好似冇乜問題，有焦糖喺上邊，中間嗰啲係類似吉士醬，自己本身好鍾意咁樣配搭，所以都冇話食到好失望。紅寶石朱古力特飲$48佢啲粉紅色係用天然梅果整啲色出嚟，咁冇咁甜都正常掛，我哋幾鍾意，不過$48一杯有啲貴😂總結係聚餐傾偈好地方，環境真係好舒服，侍應加水之前都會問你先（好重要）。不過食物正正常常，冇話特別亮眼。…Read More

間friend食開話好食，就一於試吓啦！1。潮州蠔餅$80最有驚喜係呢個！因為上一次食蠔餅真係好難食，所以好有陰影😂個menu話夠晒蠔氣，食落去又真係咁！佢會比魚露你點，夾埋真係好好食🥰應該係我食過最好食嘅蠔餅～2。啫啫通菜煲$81佢係用鐵板上，成座山咁高，又香又惹味！又夠汁，唔會太乾，又唔會太老（啲汁真係好好食😭）冇需多言，必嗌！3。水煮牛$108估唔到呢度都有水煮嘢食～但當然就冇專門店咁好食啦，不過都不過不失。4。凍食黃油烏頭 時價$188佢會俾個唔辣嘅豆瓣醬你陪住食，我本身唔係咁鍾意食，但係都覺得OK啦～5。雙拚 潮州炸蝦棗&炸蟹棗 $138好有蟹味同蝦味~每樣有四粒，正正常常臨走前老闆拎咗碟生蟹出嚟俾我哋睇，話好食過醬油蟹，下次可能試吓～…Read More

經過好多次，今日先第一次入去食😂同想像中都幾大分別🤏🏻鐵板雞扒餐 $100幾（唔記得咗幾多錢）上枱嗰陣仲燒緊，好正👍🏻但係個雞太鹹了😭睇落去真係好好食，好晒😭師傅唔該唔好落咁重手🙏🏻佢個鐵板餐可以揀要飯意粉沙律或者薯角，我哋揀咗飯，都幾多下。配菜佢有寫明喺餐牌上，加分👍🏻翠玉瓜同蕃茄可能可以比多一兩舊，因為個汁、油、肉都幾膩下～跟餐送紅豆冰 $0甜度啱啱好，紅豆冰細細粒，用吸管都飲到，方便👍🏻第一次見紅豆冰用幼身高杯裝，都幾新奇😂本身以為上到去就係黑白色，跟住一堆poster，但就同一般茶記差唔多，係靚啲嘅茶記😂多數都係卡位，枱上面印着古惑仔嗰啲人。其他餐嘅價錢都好茶記，見到個煉奶阿華田西多士幾吸引，今次太飽就冇試，下次有機會試吓～侍應都幾好，見到我哋整跌刀叉都即刻過嚟幫手🥰…Read More

朋友是但揀左間去食開sem飯，一睇係樓上Cafe就覺得唔係好嘢，但費事再揀，冇乜期待咁去咗。（&佢有得玩board game俾我哋hea）Lunch set送一杯熱檸茶或者水，平20到$40，OpenRice訂座有八五折。忌廉煙三文魚意粉 $92朋友個碟，啲忌廉蒸發晒唔知去咗邊，成個意粉好乾。意粉就係平時$20三包個啲，不過有兩大塊煙三文魚，食租金👍🏻黑松露雜菇飯 $95佢係偏向硬少少嗰隻Risotto，抵讚嘅✨不過落單寫兩個，佢整得個一個，等咗半個鐘以上先有😅其中咁耐先催到單嘅原因係啲員工長期喺廚房唔出嚟，出到嚟又見唔到我舉手，其實間鋪咁細係咪真係見唔到😂然後可能係落漏單，佢上嗰陣比起第一個大好多，食到我超飽😂榛子朱古力跟餐+$6最開心就係呢個，雖然唔係太濃，但好鍾意恰到好處嘅榛子味🥰美式炸薯角跟餐$25笑死，上到嚟變咗薯條，仲要問都唔問直接整😂仲要係放低唔講，我專登問先同我解釋返冇晒貨😀真係笑死想講佢哋放低嘢食，我哋落order，全部都有講唔該多謝，啲侍應放低啲嘢，幫我哋落單，就好似唔想我哋幫襯咁😂又漏野，嘢食又唔同，幫人落單又唔confirm，落單係客人寫喺塊白板上面拎出去，間鋪又細，侍應根本就唔使行好多，但係要收加一😂如果唔係因為訂位有八五折真係好唔抵食😀樓上Cafe，有board game，任坐，嘢食唔好食都冇乜所謂嘅，但係真係唔get收咁貴，服務都可以咁差😂 btw 差嘅係兩個女侍應，有個男仔幾好，中上水平咁。…Read More

朋友生日揀錯餐廳，臨急臨忙揀咗呢間，原本冇乜期望，點知好大驚喜👻首先一定要讚嘅係服務，店內大部份人都係講英文，有一兩個姐姐係本地人識講廣東話，有氣氛之餘又唔會阻住溝通。見到你杯水冇晒要即刻幫你fill，推銷甜品又唔會夾硬嚟，整體感覺好舒服。店內裝修好靚，無論坐咩位置都有各自嘅特色，同埋唔知係咪因為而家係夏天，店員着緊夏威夷花花衫，周圍都有掛上水泡等等裝飾。淨係環境好服務已經好滿意，聚餐、慶生絕對係一個好選擇。雖然會收$60切餅費，但佢唔係就咁成個蛋糕隊俾你，而係放好喺個盤上，再放一舊忌廉喺隔離放蠟燭，美觀又乾淨，亦都唔會比客人覺得求其收切餅費了事。講返食物啦，如果食物唔得，以上嗰啲嘢真係曬曬。➊。燒烤蜜糖雞肉薄餅 $128呢個一定係今晚冠軍，但仲有另一款同佢拍得上，陣間再講。個餅底係超薄嘅，脆脆地，咁啱比起厚批我鍾意食呢款。佢啱啱好放到溫度啱啱好就拎出黎，上面啲芝士同蜜糖真係夾到痴線，好食到我唔記得咗雞肉存在🥺佢切咗做六塊，我哋六個人食，六個食完都尖叫。（如果有啲人咁鍾意鹹嘢上面有甜野，就應該會覺得唔好食啦。➋。大閘蟹肉明太子忌廉寬條麵 $198呢個都係超級好食！上面有好多蟹肉，意粉掛汁，夠曬creamy，鍾意食蟹嘅一定會覺得好好食🥰198以意粉來講可能係貴咗少少，但考慮到佢咁多蟹肉，又咁好食，差唔多啦～➌。至尊海鮮西班牙炒飯 $398呢個就真係唔得了😂 雖然大家都話正宗嘅西班牙炒飯又係硬硬地嘅，但呢個唔係太啱我哋口味。除此之外，海鮮都好少，基本上就係餐牌上嘅一半。炒飯仲要好薄，睇個價錢以為三個人點都夠分，點知係兩個人份量少少少😂極度唔推薦，建議店家唔好要顧客咁不參考圖片，笑死。心太軟麻糬窩夫配雪糕 $98我哋四個人分，一人一塊。個麻薯融入左個窩夫入邊，唔係好覺佢喺度😂當甜品食下係唔錯嘅，不過冇乜必要嗌呢隻～熱情果烏龍茶$45有啲蘋果、生果粒係入邊，我覺得超好飲，正。（啱啱打完針冇得飲啤酒😢）整體來講佢個意粉同薄餅救咗佢成家，唔係嘅話淨係食咗個西班牙海鮮飯真係會覺得呢間係伏店。其實佢都係最出名嗰樣嘢最唔好食，其他都唔錯，尤其服務同環境真係好OK，已經諗好下次要帶埋屋企人嚟，不過有啲嘢就唔嗌啦😂（味道比少咗一粒星係因為嗰個垃圾海鮮飯，笑）…Read More

喺旺角行街，見到呢間新開冰室，就入嚟試吓～精緻晚餐A 燒汁香草羊扒煙肉配薯菜 套餐送蓮藕綠豆章魚湯 $73除咗薯菜之外仲可以揀白飯同意粉，湯方面亦都有羅宋湯揀。本身冇諗過冰室真係會做到精緻，點知上到嚟擺盤又靚，份量唔少。羊排有兩件，啲汁幾好食，連我尼個唔太食羊嘅人都覺得好食🤟🏻佢啲薯菜係炸薯角同西蘭花，仲有三粒車厘茄，朔埋啲汁超正🥰比較驚喜嘅係竟然有中式湯，仲要好好飲，有兩大舊蓮藕係入邊，比起羅宋湯真係10分推薦！泡菜鰻魚炒飯 $69上黎真係好大碟😂細食嘅話兩個人分都太多，佢有比幾塊泡菜，個飯有蛋，有菜粒，鰻魚切得大粒啲就再好啲啦～不過炒飯通常所有配料都好細粒，都冇乜所謂😂個飯都幾有鑊氣，係幾好食嘅。芒椰蜜桃冰 跟餐加$10好甜😂但佢有比幾塊蜜桃，上面又有椰奶，冰室來講賣相真係幾靚。因為係新開所以環境都幾靚，夠光猛，員工都nice。我哋唔小心倒瀉咗杯水見到都即刻過嚟抹，枱面上面啲辣椒醬都係獨立包裝，比較衛生。但始終係冰室所以環境會嘈咗少少，不過最重要嘅食物都好滿意！野又好食賣相又好，希望水準可以keep住有啦，旺角呢區晚市做到咁平，又好食又大份嘅已經唔多啦～…Read More

見係大叔的愛取景地就嚟朝聖一下～晏晝嚟食set好抵㗎🥰➊。扁意大利麵配澳洲烤魷魚及菠菜忌廉汁$138個魷魚燒得靚，但因為佢本身冇調味，要靠意粉個汁撈埋一齊食。意粉本身冇乜特別，但個汁嘅結度啱啱好，creamy 得來又唔會太膩，係成個意粉加分之處👍🏻佢有啲草喺入邊同上面，香香地，男朋友覺得OK，但我本身唔係幾鍾意，所以冇乜點食。整體來講呢個價錢係抵食嘅，推薦！➋。燒法國黃油半雞$148個雞賣相好靚，分別係雞鎚同雞髀肉嚟。雞髀嘅部份會多啲，兩者都好大分別，雞鎚又霉又柴，食到我哋嚇親😓好彩雞髀好食好多，多汁夠滑，但都係過左小小火🤏🏻配菜有三舊薯仔，細細舊幾好食，同埋一啲西蘭花同蘆筍嘅混合物（唔知咩嚟），味道正常，有菜不錯😂套餐係可以揀沙律或者湯餐，湯係薯蓉湯，幾好飲，但係凍咗之後唔知點解變咗另一隻味🤪，嘢飲揀咗草莓係知綠茶同菠蘿汁，茶係茶包，菠蘿汁應該係罐頭開出嚟，隔咗渣😂環境同劇入面出嚟差咗少少，但都明白電視劇係會調光場面，現場燈光偏暗黃，係靚嘅。啲枱都好大，夠朋友仔一齊聚餐放好多嘢食，啲櫈都坐得舒服，環境乾淨企理。咁嘅價錢咁嘅環境好好，服務中規中矩，係落單嗰陣時嗰waiter唔記得今日個餐湯係咩，其餘都冇乜嘢可以挑剔～…Read More

想食點心，男朋友帶我去食耶❤️金箔鮮蝦餃皇 $34皮唔會過厚，夠煙韌，入面隻蝦夠大，上面有金箔✨有四隻，好食又靚仔！順德脆脆雙皮奶卷 $23炸鮮奶啲Friend，有三隻，我哋等佢上枱幾分鐘先食，啱啱好，唔太熱，甜甜地幾啱小朋友食～花膠海皇灌湯餃 $39隻餃勁大隻，個兜入邊仲有成碗湯，本身都好好飲但有啲淡，加埋隻餃啲汁就啱啱好啦～個湯入面仲有一舊花膠，隻餃啲餡就唔係好食得出係咩，下次都應該會為咗佢個湯而嗌😂蜜汁叉燒腸粉 $28因為我哋平時食開嗰啲都冇芫荽，所以見到佢有芫荽當堂唔想食😂（當然最後都食晒唔好浪費食物）入邊啲叉燒又幾好食，芫荽味都唔係算好重，如果食得芫荽嘅話應該會覺得呢個腸粉幾好食😂同埋佢切好晒一排咁擺開，好方便，抵讚～香煎瑤柱臘味蘿蔔糕 $23蘿蔔糕有三舊，個皮唔知點解係煙韌多個脆，不過入邊唔係全部都係一舊嘢，有留返一條條蘿蔔，有層次感✨（PS男朋友覺得咁樣唔好食，見仁見智啦）整體來講環境都出乎意料嘅好，出面睇落去似茶餐廳但入邊有幾靚～擺污糟盤嗰啲位都好整齊，食點心多人傾偈就預咗㗎啦，不過唔知係咪因為下午茶所以服務員有啲攰，喺門口嗌左兩次先帶位，不過屋邨餐廳算係咁啦😂btw我哋禮拜六日食係冇折扣的，平日咩時段嚟食都會有咩九折八折，又無加一，住附近嘅話過嚟解決一餐都唔錯～…Read More

行過想食拉麵，又見佢環境幾靚，一於試先🤟🏻➊。唐揚炸雞豬骨濃湯拉麵 $50全部野係放喺一個木盤上邊上，炸雞有四件，但啲粉太霖，口感有啲似食緊炸魚柳，但個醬好好食😂有少少沙律菜同半個車厘茄，賣相好睇好多👍🏻豬骨濃湯配麵食有啲唔夠鹹，拉麵以呢個價錢來講唔錯，仲有半隻溏心蛋同紫菜，係抵食嘅😛➋。鮮菠菜濃湯拉麵配叉燒 $52菠菜湯底呈奶綠色，味道係清啲鮮啲嘅。醒翻起以前想再試下嗰陣已經落咗蒜，個味唔同晒就唔講太多啦～叉燒普通，有三塊，啱啱好，都係有半隻溏心蛋同紫菜，不錯👍🏻間野喺新開嘅，環境乾淨企理，侍應都有禮得體。播啲歌唔會一味播好hit 個啲，而係播日文抒情歌，襯返曬個環境，非常欣賞🥰食物賣相真靚，用木盤上、配料擺位都睇得好舒服！素質未話好perfect，（食百幾蚊個啲食刁曬個嘴😂）但性價比非常之高，拉麵好大份，食到取消糖水plan😂旺區晚市$50+，真心抵食🤟🏻如果老闆係走平價路線，益下打工仔，而家嘅素質同價錢都十分合理。新店大家多多支持，放工chill下唔錯架～…Read More

Book mark 左好耐，終於搵到機會食～➊。泡菜炒飯、飛魚子紫菜包飯food tray $53、$68泡菜偏酸，食落個飯都酸酸地，如果鹹返少少會好啲。飛魚子紫菜包飯有10件，每一件都塞滿晒料，女仔一個人食可能食唔晒Food tray 啲小菜有四樣，泡菜都係偏酸，豆芽菜好食，蓮藕片都唔錯。已$40-50嘅價錢來講不錯不錯❤️海帶湯清甜，好想encore多幾碗～但好似係午市先有呢個set，想食嘅話要留意下～➋。星星甜酸炸雞 $88上到嚟有五件，件件都好大隻，夠晒多醬，甜甜辣辣好惹味❤️整體來講都唔錯，我哋四個人分，最尾都食到好飽😂不過下次應該唔會再嗌泡菜炒飯，個人都係鍾意鹹啲或者辣啲嘅泡菜🤪周邊啲牆癡晒偶像海報，電視都係播韓劇，服務員都好似講韓文，環境係OK嘅！…Read More