Ashleylaulau's Profile

朋友係youtube發現咗呢間抵食嘅西餐，放假一放去試下。可能對於區內人黎講好出名，所以都好多人排隊食，當日2點去到都等咗大半個鐘先有位。餐廳有分室內位同室外位置可以揀，由於當日太大風所以我地揀坐室內。一邊等嘅時候大概知道最出名係邊幾樣主食，不停見到有店員出炸豬手，意粉同朱古力心太軟。Menu竟然星期六日都有平日嘅lunch set(餐包、餐湯/沙律、一杯飲品)，另外可再加購其他小食或甜品。我地叫咗一個大通粉、一隻豬手、鵝肝多士、焦糖燉蛋、凍咖啡、熱朱古力。好快已經上咗餐飲，餐包同餐湯。凍咖啡會預先落咗糖同奶，如果介意嘅人要講明分開上。杯熱朱古力好濃郁，仲有拉花。餐包係黑糖包，上枱嘅時候熱辣辣，帶有淡淡黑糖香。餐湯係蒜香薯仔湯，個湯好creamy，蒜味同薯仔湯平衡得好好，幾有驚喜。鵝肝多士都幾大塊，煎得夠香口，質地好滑，配埋黑醋食完全唔油膩。巴馬臣芝士肉醬大通粉大通粉夠煙韌，味道正常發揮，冇乜特別。脆皮德國咸豬手配蜜糖黑椒汁最有驚喜係以$116有原隻炸豬手，CP值十足，仲有薯角伴碟。份量完全係出面西餐廳食$200-300嘅質素，豬手炸到皮好脆，肉質保持軟嫩。唯一佢個蜜糖黑椒汁比較浠，配落一齊食冇好突出。由於佢即叫即做，同埋好多人叫，等候會比較耐，我地碟通粉食到尾聲佢先到。法式焦糖燉蛋燉蛋好輕身，好滑，面頭嘅焦糖略為厚咗小小。整體係間假日CP值高而又值得排隊嘅餐廳。我見3點幾都仲有人等緊位。不過餐廳位置都幾食風，如果坐室外要留意，亦可以係攞位嘅時候同店員講明只想坐室內。另外餐廳唔洗收加一。…Read More

有朋友外國翻黎，好想食鰻魚飯。香港專食鰻魚嘅地方真係唔多，我book mark咗呢間一直未有機會試，今次一於同埋朋友去試下。舖頭唔大，但裝修十足去咗日本居酒屋小店咁。好彩當晚冇乜人，walkin都可以直入唔洗等。店內menu提供咗唔同款嘅鰻魚同食法配搭，我地分別叫咗二重丼，三重丼同埋原條鰻魚丼。加$18有套餐(溫泉蛋，前菜，鰻魚肝白貝湯，飲品)。鰻魚餐一上到枱好有日式便當感覺，飯面舖滿咗紫菜絲，蛋絲同枝豆粒，鰻魚另外分開一格。原條蒲燒鰻魚蒲燒醬汁味道啱啱好，肉質算厚，皮亦好有彈性(放耐咗食就會變韌)。二重丼二重就係除咗有原條鰻魚外，再加多一條穴子海鰻，面豆再加咗山椒粉。穴子對比質地較軟淋，加埋山椒粉，風味再出啲。三重丼就係比二重嘅原條同穴子再加多一款生燒。佢將三款鰻魚砌晒上飯面，然後再砌到成朵花咁，比較啱打卡。但望落蒲燒鰻魚嘅分量就應該冇咁多。食到尾聲建議留1/3條鰻魚同飯，店舖會提供多一款食法: 鰻魚茶漬飯。可以主動問店員拎一碗昆布高湯，然後加入餘下嘅鰻魚飯，再因個人喜好加入紫菜，芝麻。鰻魚茶漬飯就完成。三款對比落二重丼嘅CP值係最高，但如果對鰻魚只係一般般，叫原條都好抵食。…Read More

約咗朋友食泰國菜，冇幾耐之前食過一次，覺得唔錯所以再黎食。餐廳有兩層但唔算好大，當晚高峰期都係7成滿左右。唔知係咪唔近地鐵站，所以冇乜人揀黎呢到食。我地4個人叫咗個貴啲嘅2人餐再散叫多咗其他野食share。套餐有齊前菜，海鮮，主食，小菜同飲品。另外散叫薄餅，雞翼，炒河同埋燒牛肉。泰式生蝦(6隻)幾大隻，個汁酸酸辣辣(偏辣)，夾埋個蒜片一齊食好開胃。飛天通菜正常發揮，夠惹味。泰式乾炒鮮蝦河粉上次食過佢地嘅乾炒河之後一直好想再食翻，佢地嘅河粉質地炒完好煙韌，即炒所以夠晒鍋氣，但蝦嘅份量就小咗啲。(上次食豬嘅份量感覺上反而多啲)惹味咖哩炒軟殼蟹又係一道上次食完念念不忘想再食翻嘅一味。個咖哩質地偏杰，微微辣一啲都唔咸，啱晒點包/薄餅/撈飯。主角軟殼蟹都差唔多成個碟咁大隻，另外仲有好多配菜。原本想叫個蒜蓉包配黎食，但可惜佢賣晒，所以叫咗薄餅。泰式蟹肉炒飯雖然炒到啲飯多乾身同粒粒分明，但整體好普通，蟹肉唔係好多，中間有幾條蟹柳咁。燒牛肉原本想叫蠔餅，但佢賣晒，所以轉叫燒牛肉。估唔到又幾好食，牛味都出，燒到5成熟口感軟淋。沾埋酸酸辣辣嘅汁一齊食，更有泰式風味。整體係間好食嘅泰國菜，裝修幾靚幾舒服，唔洗趕住你交枱。唯一係佢啲野好似好快賣晒(蒜蓉包同蠔餅)。…Read More

有朋友外國翻黎，當然要食大排檔，食翻啲佢係外國食唔到嘅味道，所以帶咗佢食妹記。自己以前久唔久一大班人都會去食。有大排檔風味之餘，環境又闊落舒服。今次3個人，冇訂到枱，18:15左右入座，咁啱有最後一張細枱(如果唔係就要搭枱)。真係太旺場關係所以8點要交枱。戰鬥碗啤酒先黎枝啤酒，一人一碗啤啤佢先。原隻脆皮炸豬手每次黎妹記都必叫炸豬手，份量十足，起晒肉切晒片。唯一佢個皮比較厚，所以炸完會有小小硬，但對我黎講依然係食唔停口。椒鹽豆腐炸野黎講，佢比較遜色，因為佢個外皮有啲厚，而且啲炸蒜同椒鹽味都唔夠出，下次未必會叫呢樣。咸魚茸飛天通菜煲正正常常嘅炒飛天通菜，好食，份量都多，但略嫌少少油。沙嗲金菇粉絲牛肉煲味道好濃，撈食飯一流，牛肉份量算多亦好淋。到8點埋單嘅時候已經全場爆滿，出面仲坐滿晒等入座嘅人。如果黎食，除非6點黎到，唔係嘅話就一定要訂位。另外值得讚嘅位係上菜速度好快，環境闊落，熱鬧起上黎好有氣氛，好適合一大班人聚餐。…Read More

呢間都係間念念不忘嘅餐廳，因為會恆常轉menu，而且會用啲特別啲嘅食材，所以間唔時就會想食下。醬漬蘭王蛋鹽麴燒牛小排丼飯想食牛小排丼飯的話，可以係book位嘅時候一早留定先。牛嘅份量幾多，鋪滿成個飯面。用鹽麴醃製嘅牛小排，肉質比平時軟熟，食落口竟然唔會有過份嘅咸，而係保留到牛小排嘅味道。中間隻蘭王蛋醬漬過，質地係流心半凝固狀態，撈飯一流。幽庵燒本灣懵仔魚我記得之前有試過佢地嘅幽庵燒，意外地好食。今次選用嘅懵仔魚係本土養殖，同樣用呢個方法烹調，肉質保持到扎實嫩滑，魚嘅油脂平均，但份量略少，因為太好食了。自家製GoldenRum焦糖忌廉芝士雞蛋布丁因為加咗忌廉芝士，所以整體係扎實型布丁，口感比較豐滿。而落咗golden rum酒，食落係大人口味嘅布丁。整體係一間間唔時想去食嘅餐廳，會期待佢嘅新Menu，新嘅食物配搭。今次因為生日去，撞正佢地嘅birthday promotion。…Read More

Bookmark咗一段時間嘅餐廳，食完覺得我發現得佢太遲了。佢係no milkshake no life 嘅3號店，似cafe mix居酒屋/酒場。店舖係條平時唔會行經嘅巷仔到，入到去氣氛、裝修同環境都好有feel。打開menu睇，全部都好吸引，想叫晒黎試，可惜今次只有兩個人，叫咗兩款大人氣嘅主菜，兩款小食同埋一杯milkshake。Hot spicy chicken mac&cheeseMac&cheese個醬好rich，雞肉少少辣，夾埋食好惹味。巴城爵士炸雞太陽蛋華夫鬆餅Chicken waffles 即焗即炸，一邊配牛油一邊配太陽蛋。雞肉炸完都keep到滑，倒埋糖漿咸甜咸甜好正 。大蔥雞肉煎餅煎餅都多料，旁邊配咗白蘿蔔絲配埋一齊食，口感食落會清新啲。但覺得如果配埋醬汁一齊食會更好，依架食落有少少乾。漬物盛盒比較適合配啤酒一齊食，酒漬蕃茄較濃，而漬大根個人略嫌唔夠酸。皇者焦糖花生醬真脆煙肉超肥仔又超好飲嘅milkshake組合。普通一個茶記嘅凍飲杯，裝住濃郁順滑嘅奶昔，而且煙肉碎比例啱啱好，飲完又唔會有好濟嘅感覺。整體都覺得係一間有實力嘅餐廳，係會想再去食。而且環境都舒服，無論係2個人或者一大班人去食都幾適合。因為餐廳係少少似居酒屋形式，夜晚可能氣氛會更好。…Read More

近排呢間燒肉多咗分店又多咗人食，心郁郁都想試下，始終都好耐冇食過正宗嘅韓國燒肉。去到都幾多人食緊，成個氣氛都幾好，被安排到坐4人枱。我地2個人食，都唔太知應該點叫，驚叫餐又太多，散叫又好似幾貴。最後叫咗一個肉嘅set再加多一個煎餅同埋兩杯飲品。啲肉好快就到，店員會係你枱邊幫你燒，先燒咗泡菜，五花肉同豬皮。燒嘅時候好香，但啲油係非常彈，一定要坐開一個位。五花肉烤到焦香，烤嘅時候都逼咗好多油出黎，夾埋啲配菜同菜包住食完全冇油膩嘅感覺。豬皮帶少少甜味，滿滿骨膠原，好有咬口，平時唔食皮嘅我都停唔到口。食到差唔多就到烤牛排骨，原條骨燒再剪細塊。香牛味，夾住少少油脂，都係建議用菜包住食。另外再叫咗大蔥煎餅，佢比我平時食開扁身唔同，佢係厚厚的，似西班牙蛋餅。對比落雖然厚身呢個多料啲，但就唔會香脆，同埋食落都會粉一啲。…Read More

之前上網睇話呢間甜品舖嘅冰好高好誇張，所以係附近食完飯就行咗過黎試。我地兩個人叫咗一個楊枝雪山冰，黎到果然比佢嘅份量嚇親。估計3-4人share 都夠食。但食落就有啲失望，整體個冰都唔係好夠楊枝甘露味，淨係食到啲練奶嘅甜，如果夾埋其他配料食，就只有配料嘅味。芒果算甜，紅豆份量都多，另外有一啲透透地明嘅配料，偏苦，可能係柚子？成個冰都好麻麻地，只係份量夠，上到枱嘩嘩聲，可以打卡外，味道都普通唔太出色。試一次就好了，下次食甜品未必揀呢間了。…Read More

試咗最近沙田新開嘅一人一鍋日式邊爐，知道新開一定好多人排隊試，所以我地都預早咗去食諗住可以小啲人。當日5點45分左右去到都已經有人圍住門口等緊位，我地大約等咗4,5個字左右。我地揀咗一個特選LE-TA-SU套餐配極.和出汁同烏冬，另一個特選壽喜燒套餐配特選壽喜燒湯同烏冬，另外追加咗芝士竹輪同一款牛一款豬(餐加購，follow 社交平台)。成個set好快就上到枱，啲肉用機切，所以全部厚度好平均同完整，切到一個小山丘咁上碟。望落啲肉嘅顏色都好新鮮，脂肪同肉嘅比例平均，牛肩胛有靚靚嘅雪花。另外套餐包埋嘅菜都好多款式，另外有升級咗限定嘅盛盒，一啲都唔hea ，有晒介紹係新鮮本地農場嘅蔬菜，野菜盛盒再加埋有5碟肉，好夠食。食落牛味算濃，脂肪都唔會令到個口好油，同埋份量都算多。蔬菜同菇都好好食。湯底就正正常常冇乜大驚喜，主打都係肉好食。…Read More

網上面見到呢間餐廳嘅銅鑼灣分店有半自助餐，有唔同嘅main可以揀，然後出面嘅salad bar就仼食。亦可以唔另外加main，就咁食出面嘅salad bar。我地都揀咗主菜，一個意大利飯，一個雞卷。牛肝菌意大利飯個人覺得整體味道偏咸同濕，面頭有兩片燒香咗嘅雞髀菇就幾好食。香煎雞卷配薯蓉西蘭花苗雞卷一條切開4塊，肉質有啲鞋口，普普通通。Salad bar有啲失望，salad嘅種類比我想像中少選擇，雖然都好大碟同keep住出，但款式都係偏普通同冇乜味。另外有兩款炸物(炸雞翼同薯條)，同兩款蛋糕。我係比價錢吸引到而去試，但整體食物都比較失望。如果係附近翻工，想食下沙律黎呢到係ok嘅，但如果突登黎食，就唔會有下次了。另外，我一早book好枱，去到嘅時候企咗係門口一陣都冇staff過黎帶位，示意過都冇人理我地，唔知係唔夠人手定係真係忙到睇唔到門口有客呢？…Read More

今日喺北角揾食，醒起之前見到呢一間，俾佢嘅牛排三文治吸引住，所以今次黎試吓。因為我唔熟北角啲路，佢喺條巷仔入邊，跟住地圖我都覺得有啲難揾。當日晏晝去到已經坐滿人，得返廚房隔離嘅一張枱仔。唔知係咪因為啱啱開門冇耐，成間餐廳都唔係好夠冷氣。果日有啲喉嚨痛，所以冇嗌到三文治配薯條，轉叫咗都係出名嘅費城芝士牛排飯，餐配咗個餐前漬物同冷泡茶。費城芝士牛排飯 芝士同牛肉鋪滿飯面，一上到枱勁香。牛肉切得比較碎，芝士融入埋一齊好好撈飯。其實食落有啲似碎牛撈飯，我期待嘅牛肉係薄片而唔係切到咁碎。而且我期望會係調味上豐富啲，依家就食落比較單一，只有黑椒味。份量對一個女仔嚟講啱啱好，因為芝士份量都多，食到最後會有啲滯。…Read More

之前喺沙田都食過一次覺得唔錯，所以今次lunch又返返黎食，發現原來佢哋平時都會keep 住轉下lunch menu，幾好。今次叫咗一份雞burger，一份西冷嘅lunch set。Set照樣包咗餐湯或沙律同埋一杯茶或咖啡。炸雞扒酸椰菜芝士漢堡配薯條雞扒好大塊，炸得外脆內嫩。包有兩個醬，其中一個係希臘乳酪，估唔到配埋一齊食又幾夾。但又因為太多醬嘅問題，麵包皮底比較濕。煎澳洲穀治西冷牛扒配燒薯仔啱啱煎好，一上到枱，塊西冷牛扒勁香。肉味好濃。我哋叫5成，但煎得有啲過熟，食落有啲啲鞋。配菜嘅薯仔都好好食。係商場嚟講，其實都算高質嘅一間西餐廳，價錢中等。見隔離枱食其他主菜都好似唔錯。而且環境幾好坐幾舒服，侍應人手都好足夠。…Read More

朝早過咗嚟北角做嘢，搵咗間新開分店嘅cafe飲杯嘢先開工。入到去環境好舒服，工業風得來有有好多植物，而且空間感都好高。幾組枱凳全部貼牆，枱同枱中間都有植物去隔住，感覺有多啲私隱度。原本想叫banana cake，但太早未有貨住，所以淨係叫咗杯long black。呢度舒服到可以坐一整日，唯一嘅意見係枱凳都比較矮，如果食主食或者比較高嘅人坐會有啲辛苦，但就咁飲杯嘢絕對冇問題。…Read More

終於有機會黎花華新開嘅日式烘焙店。和風復古嘅裝修感覺有啲神秘感，入到去1/3位置放滿唔同嘅麵包同糕點，另一邊都有少少位置比人堂食同飲啡。今次忍手拎咗幾款麵包蛋糕。Plain bagelBagel好軟熟，但保持到有煙韌嘅口感。附送咗盒cream cheese一齊食。White truffle cheese芝士麵包都係好軟熟，切開中開有層濃濃嘅芝心，佢唔係重口味，但食落係舒服嘅味道。Apple & rum pie呢款蘋果批比較大人口味，酒味偏濃，蘋果餡都好夠，批底鬆脆。…Read More

尖沙咀新開嘅西式麵包舖，款式除咗普通嘅酥皮，scone同bagel外，都有啲香港麵包舖比較少見嘅。L形嘅玻璃display櫃放滿麵包，全部都好精美。今次去到佢仲係soft opening，麵包只放咗7成，揀咗一個focaccia，兩款唔同味嘅bagel同一個scone。Focaccia with tomato, olive & garlicFocaccia都幾大個，面頭有齊蕃茄仔同欖同其他香料。焗都咗之後邊邊幾脆，包中心軟熟有煙韌度。Coffee Mexico bagel & Paprika & cheese bagelBagel質地較硬，我就麻麻地，正常咁焗翻熱食，都要好用力咁咬先咬得開。Green tea scone綠茶味幾濃，焗完好鬆脆。…Read More