甜CC心CC's Profile

平日排長龍嘅餐廳，今日星期一 3pm 經過門口，無人龍，所以走入去試吓。點了一個鰻魚蛋包飯、及一杯搽茶拿鐵。先講講個「推介」鰻魚飯，與其命名為「蛋包飯」，個人覺得用「蛋蓋飯」更加貼切。蛋顏色好深，但蛋味沒有特別濃。鰻魚份量還對得起價錢，但太淋身，根本無法從蛋上移走（一搬就散）。飯好乾身，無汁，唯一有點安慰係飯裡有些少海鮮，有番少少誠意。然後講講杯搽茶拿鐵，像是喝了一杯奶水而已，絕對沒有綠茶味（大概是只灑了一點搽茶粉）。完全係「中伏」之選。到最後，講講服務。我只是問問可以調去一個冷氣沒有那麼大的位置，但她的回覆是「已經熄左冷氣」（無尾音）然後就走開咗。🤷🏻‍♀️ 明白復蘇後客量可能增加，但服務員那種「嫌你很煩」嘅態度真是令人很不愉快。總括，過江龍又點，無論食物、飲品、服務、價錢、性價比，都不推薦這店。…Read More

每次經過都想試，終於在除夕晚因為提早收工所以趕得及關門前光顧。我是因為報道文章中的彩虹bagel而被吸引，所以一到店只查詢彩虹bagel。相信店主心明大家打卡為主，所以彩虹bagel 不能單賣，只可以買 box set 裝。set 裝有5個bagels，盛為 $128，平均每個$25.6，屬中等價格。因為是box set 又沒有 display 得圖片，所以買的時候沒能查看實際大小。當回家後打開，果然有驚喜，那5個bagel 又細又乾（附上圖片參考）😑 想打卡的諗頭立即打消了！凡事不能看表面，就抱著這心態按指示翻熱，竟然發現這個比自己親手整的bagel 還要硬的東西！天呀！為何這樣也開以開店賣！！！完全是個伏！…Read More

呢間野裝修唔錯，好有小店feel。可惜食物質素九流，而且圖片與事實不符合。我點了綠茶蛋糕及芋圓奶茶。先講綠茶蛋糕$30，除了外表有一點綠色，跟本與綠茶扯唔上關係，蛋糕偏硬，兼沒有絲毫綠茶味，有點「食之無味棄之可惜」的感覺。再說到杯芋圓奶茶$45，淡而無味，所謂嘅芋圓是淺啡色，有點似軟身珍珠，應該不是芋圓吧。明明圖片茶身偏白，茶上面的芋圓是淺紫色，但我那杯只像一杯普通珍珠奶茶，仲要係超淡沒茶味的奶水。最後渴了半杯後就放棄。實在太難飲！這店絕對不推介！…Read More

唔係第一次幫襯，今日放假所以買咗咖啡同麵包做早餐。態度及銷售問題：踏入餐廳，見到 bagel 於是點了一個 plain bagel（$19）。店員游說買埋咖啡會平d，於是我點了杯 Creme brûlée latte（$44）。結帳是 $65。好奇問點解會貴咗？原來咖啡外賣是要加$6，原因是外賣杯大d。😓 心諗咁小家架！咁請問之前店員講嘅「買埋咖啡會平d，究竟平咗係邊？！）食物質素：咖啡好一搬，無驚喜！但個 bagel 就完全唔得。口感同法包無分別！本人極之喜愛 bagel，但呢個 bagel 又乾又硬，好難食。此外，如果你去連鎖咖啡店買 bagel （都係$19）通常會幫你開邊兼烘熱，而且附送果醬，但呢間完全沒有幫你做一連串嘢嘅動機，連問都無問。是次經驗實在太差！…Read More