爆炸男's Profile

去開元朗 特登揸車入去食午餐 因為午餐比夜晚抵食好多今日落雨很不幸地沒有開放露天空間，不過室內環境都可以，有著音樂伴隨，加上裝修很不錯。Set lunch 多數$68 包野飲，不過要加一，咁既環境其實很合理。叫了香葉肉碎煎蛋飯加炒金邊粉，另加$38 各要了一個飛天通菜和芒果黑糯米。野飲要凍檸茶加青檸梳打。野飲方面，正正常常冇乜特別。金邊粉有2隻蝦，味道冇乜特別，金邊粉甜甜酸酸，但做不到最理想果種比例，不過這價錢算是合理。肉碎飯帶甜不辣，這不是我最喜歡的香辣口味。芒果黑糯米份量很少，是正常版的一半，的芒果很酸，椰汁比較稀不濃味。通菜太多水，也是不辣也香，比較像中或做法。總括來說也會再回來如果時間許可加上天氣好，因為環境真的不錯，食物比較普通。晚市真的比較貴。…Read More

一早聽聞灣仔的總店很出名，招牌是波蘭梅肉做的叉燒，之前也試過一次在哪裏吃，但結果是叉燒明明落了鬆肉粉很重又冇什麼特別的。今次晚上禁堂食，特地過去買了一盒肥叉燒腩仔飯，沒錯我是指明要肥叉燒，$52雙併飯送一個例湯，很正常的港島價，但這裡卻很進取。但不重要最重要是質數。回到家中打開一看，瘦到不能再瘦，咬落口好硬，更不說什麼味道，因為瘦叉燒一定是比半肥瘦叉燒冇咁好食的個味道。但老實講任何一間燒臘店的叉燒都比依一間好。燒腩仔公道的說真的脆，肉味道剛好，也不算硬。另外白飯是未熟，硬到不知能否消化。老實說燒腩仔比香港大部份地方也好，但叉燒真係不敢恭維。指明要肥叉燒你俾咁瘦叉燒我，其實都幾嬲。老實說不會再去了。…Read More

本身唔唸住寫食評所以冇特登影相，後來食到一半因為真係太普通了，同埋全部個份量都係細到爆炸，忍唔住要寫，所以相都係食到一半的。平日晚上不用等位，4個人直接可以入去。叫了5個菜，蛋炒飯，排骨湯麵，蒜蓉炒通菜，小籠包，甜酸川雞。通菜先來，細份到一個點好似係平時優惠價加$20蚊送既青菜咁，但而個收$78。味道非常之淡口，蒜蓉味都非常之少。招牌小籠包$66 6隻，11蚊一隻，皮真係好薄，肉都算嫩，個湯有少少酸，醋比起現成嘅好似更淡口，同台灣最原始版本有分別。蛋炒飯真係非常之細，味道普通到一個點就係炒飯，而且都係好淡口。排骨湯麵個湯就非常之清嘅湯，排骨我覺得好似漢堡扒咁質地再鞋少少但味道更加淡口。甜辣川雞其實有少少似韓式嘅甜辣炸雞，但淡口嘅版本，非常之奇怪。買單要$550，其實四個人係食唔飽的，但最緊要係連個味道都咁普通。老實講如果係正常我覺得半價就差唔多。其實本身如果係一間普通嘅餐廳正常啲嘅價錢咁呢個質素都冇乜特別，但你依個級數嘅餐廳收得呢個價錢個質素真係唔得。不過見食評絕大多數都係好評，唔知究竟係我太窮定係口味太獨特嘅問題。就算係台灣嘅版本其實都冇好多年前咁好食但係都算係唔錯，雖然香港嘅分店做唔到台灣嘅質素，但都仍然係客似雲來。…Read More

聯和墟越來越多新餐廳，裝修也越來越新潮，今次看見這裡新開了一間燒味鋪，跟傳統燒臘鋪完全不同，和北角的chopchop食神叉燒一樣是全新模式，新派燒味，於是試試質素如何。疫情之下這裡的座位正好發揮作用，因為大多數也是面牆，不用與人對望，空間不算小但座位不多，在這疫情下也是好事。門口的燒味模型擺設櫃相信是因為沒有了傳統企檔而讓人知道是賣燒味，有點可惜沒有了那宏偉震撼嘅燒味圍牆。很喜歡門口那個霓虹燈，整個感覺不同了，它的logo也很有玩味，很特別。這裏主力買四款最大路的燒味，切雞，燒鵝，叉燒跟燒腩仔。很有信心的一間燒味鋪因為只賣四樣東西是很少有的，它的賣點是慢煮，那我先試試雞加叉燒，一個叉雞飯，$48 在市區來說差不多很平常，但這裏卻顯得比較貴因為其他燒味舖賣得超級便宜，$26-30一個外賣飯盒薄利多銷，這裡要$45-$48實在勇氣可加。堂食叉雞飯整個擺設包裝也很有工業風有設計的感覺，最重要的味道方面，切雞但有點點的鹹香，肉質非常嫩滑，雖然給我的是雞髀，但真的很滑，叉燒有一種好特別的香味，應該是用了跟別人不同的醃料，肉質也是比較嫩，不會很柴。最驚喜的是白飯竟然很軟硬適中得來有咬口，也有陣香味，飯汁也跟別家的完全不同，味道很送飯，薑蓉很香，吃得出飯汁跟薑蓉也是特別配方，不是一般普通燒味鋪貨色。在這個肺炎下新開餐廳真的要讚它一個勇氣可加，如果這個模式可以開在市區，更多辦公室客人，相信客人會更多，下次再試試他的燒腩仔跟燒鵝，聽說燒腩仔最出名是爆脆跟燒鵝的煙熏香。…Read More

星期日晚市揀左而間有位的餐廳，碟頭飯連餐飲4x到5x不等，唔算貴。叫了個生炒骨飯，凍檸茶。凍檸茶藉著通通，茶味偏淡。生炒骨同白飯分開上，份量差點以為係單點小炒，小驚喜。白飯偏林，平價貨色。賣相ok, 味道不是很突出，甜酸味不夠濃，外層不脆，但總體是可以接受。48+3 價錢來說算係唔貴，好過出邊叫一個70蚊小炒再加白飯又冇野飲。…Read More

又到早餐時間，今次試了這間樂斯餐廳，早餐常餐的選擇中有黑椒鴨胸揀，幾特別，但反而肉丁要加3蚊。揀了黑椒鴨胸麵，餐肉腸仔，厚多士同熱咖啡。餐肉都唔算薄，算係咁。厚多士算厚但又係烘過頭，入面都乾身埋。熱咖啡正正常常。黑椒鴨胸有黑椒味，仲有d菇，其實冇乜特別，勝在多個選擇，唔洗次次食沙嗲牛肉或者五香肉丁。麪岩岩好，唔會太軟。$32 其實算平，當然食物質素都係好普通嘅茶餐廳。…Read More

這間餐廳早餐最特別的可算是有得揀司華力腸。早餐我最常揀既都係麵餐加2個餸，多士跟餐飲。今之要了五香肉丁麵，司華力腸跟芝士腸，多士，咖啡。咖啡都係正常港式咖啡。肉丁麵正正常常，但麵有d林。司華力腸有半條，算係大份量，炸就一定的了，芝士腸有3條，不是炸的，味道正正常常，勝在唔算少。多士又係犯左最常犯既毛痛，烘得太乾身。總括來說而個價錢都算正常,Ok la。…Read More

新開了幾個月，一早食左而家先記得未寫。聯和墟近排其實都已經開始多咗唔同嘅有裝修嘅餐廳，譬如係意樂，good time , 依間車仔麵都算係有少少裝修。$38 3餸一麵，揀了腩肉，芝士腸，魚皮餃，腩汁湯底，加了4蚊要了個豆漿（以為係一支支，原來係維他豆漿😂） ，米線底。我見佢廚房有慢煮機，咁我都對佢食物有啲期待，豬腩肉係入味嘅算係OK但肯定冇用慢煮，浪費了。魚皮餃芝士腸就好難會好特別嘅，所以都係正正常常， 湯底係冇乜特別。米線都係正正常常，不過啲麵嘅份量真係少少少。我見到有人話佢個向窗門位同面壁位好奇怪，其實我覺得佢用盡個空間係完全正常，有得向窗其實好多人鍾意。呢個價錢來講就正正常常。…Read More

踩單車經過而個軍地，早餐時段在這間唯一一間有早餐嘅餐廳，對面都有間餐廳不過係做午市。偏遠嘅地方早餐嘅價錢都同出邊差唔多，叫一個叉燒麵餐， 烘底多士煎蛋腸仔加杯熱咖啡。$35叉燒麵個叉燒係街市質素, 當然啦係正常嘅，面係我鍾意嘅大光面。多士烘到過咗龍。腸仔係用平價版嘅腸仔不是廚師腸。熱咖啡就正常。通常呢啲位置嘅餐廳都係叫做人情餐廳，因為通常黎親嘅食客都係老顧客老街坊，現場所見都係啲上咗年紀嘅老爺爺同老婆婆。…Read More

早餐經過這裡，隨意選了一間試一試。依間啲早餐價錢普遍都算便宜，叫了個肉丁麵要餐肉腸仔加個多士（加了$2要奶油），熱咖啡先$32。熱咖啡先到，味道偏淡。肉丁麵佢話係一丁，咁好送一丁俾我？試落好似真係一丁但偏林身。肉丁正常份量。腸仔炸丁到皮都甩埋，不過好似係廚師腸？！餐肉算唔薄身。奶油多，烘到乾得滯，好少奶油，早知叫多奶。呢個價錢其實就一分錢一分貨，你唔可以話佢差， 性價比都算係咁。…Read More

呢度聽講出名過懸浮下午茶， 加上新開便同屋企人來試一試。佢有豪華版同普通版嘅tea set 選擇, 豪華版當然係用啲矜貴嘅食材，但今次就要個普通版先，豪華版加一差唔多成$2000，普通版都要690加一。原來懸浮嘅意念都只不過係將個三層架放上側邊條擺設，其實冇乜特別，我以為真係同磁石有關係。餐飲要了一壺花茶，味道普普通通，分量亦都唔算大。先來鬆餅，聽我係用半島酒店嘅配方，一樣跟兩小瓶果jam同埋忌廉，但係個忌廉好淡，鬆餅偏林，唔算鬆化，食落口一pat野，好失望。三層假基本上有兩層都係甜食，一層係咸食，甜品我最有印象係一個類似奶黃餅嘅東西，鬆鬆軟軟嘅奶黃餡都不錯，其他嗰啲賣相OK大個味道就冇乜特別。去得這這些地方high tea , 打卡，同閨蜜傾計不錯，因為都係果句，high tea 通常都係食個環境而唔係啲食物。不過依間餐廳個位置喺商場嘅中間一小部份，其實冇乜景色，呢個價錢其實夠你去好多五星級又有景色嘅餐廳high tea ，所以價錢上就見仁見智啦。…Read More

剛巧下午茶時段經過第一城，揀咗間有下午茶又唔係貴嘅餐廳，台灣麵都好多分店但係就一間未試過所以就試吓去啲台灣菜。下午茶都好多選擇而且價錢唔貴，揀咗個豆卜滷肉飯，要有杯熱椰子台式奶茶，表面上呢個價錢都算係抵因為又有滷肉飯又有台式嘢飲。奶茶先到，係好重人工椰子味，奶茶其實就唔係好feel到，好淡淡然。豆卜滷肉飯個豆卜係炸出來的，好有煎釀四寶風味，滷肉好瘦，好鞋，小小鹹味，白飯好林，成個配搭係食得好辛苦， 最後一半都食唔晒。基本上我覺得依個係港式滷肉飯加煎釀三寶。30幾蚊唔係貴但個質素真係一個伏。…Read More

上海姥姥上次食完覺得個份量細，價錢又貴，味道又唔係特別好，今次見佢晚市有套餐所以就來試一試。晚市套餐平均要80幾蚊連埋+1 茶位費基本上都係$100最少埋單，話貴唔貴話平唔平。今次點左我最愛嘅黑醋小排骨套餐，嘢飲要左紅棗燉雞湯， 另外仲有個桂花糕甜品。雞湯味道算係濃，味道帶點清甜，唔係敷衍就算。黑醋小排骨份量比想像中多，呢樣野要讚讚，唔知係剩係今次咁啱係咁定係平時都係咁，味道方面就正正常常， 味道唔係最好食嗰種濃厚嘅黑醋甜酸味，但係都不錯，白飯用嘅米唔係普通泰國米，應該係中國嘅白米，口感還可以。桂花糕就正正常常啦。結帳$100左右，平一定唔係平，但比起平時散叫會化算一點。始終係商場鋪，呢啲咁嘅裝修，一定會平。…Read More

依間餐廳永遠都係任何時候都好多人排隊，冇計，因為實在真係好便宜， 2019年佢嘅菜單上面基本上大部份嘅Pizza，意粉，飯類，小食等都係30蚊以下左右，係鐵板類貴d, 咁嘅價錢真係唔知邊度搵到。今次就冇加任飲，因為$13基本上凍飲得汽水，叫咗個黑松露雜菌意粉，雞肉pizza，中華沙律，水牛芝士，辣香腸配薯角，仲加咗個提拉米蘇，芝士餅。黑松露雜菌意粉好香，意粉軟硬度適中。雞肉pizza芝士係唔少，焗得啱啱好。最驚喜其實係嗰兩個甜品， 10幾蚊個質素非常之好，非常之有口感，都夠濃味。其他食物正正常常。裝修雖然已經開始有少少殘舊，但係因為基本上都好多卡位，所以都算坐得舒服。叫咁多嘢埋單都係$150左右，其實喺香港真係唔知點樣搵到，所以依間連鎖餐廳真係前無古人後無來者暫時都係。…Read More

早餐在聯和墟N咁多間的茶餐廳求其揀一間試吓，因為聯和墟的茶餐廳多如天上的星星，但間間都裝修都係差唔多，味道我覺得應該都係差唔多。早餐價錢都是30頭，唔算貴算平，叫咗個五香肉丁麵，紅腸腸仔半塊多士同一杯熱啡。其實呢個早餐基本上都唔使逐樣去點評，因為基本上可以用一句說話就已經可以描述到，就係非常之普普通通，咪就係普通茶記嘅早餐。咁當然啦呢個價錢去得依啲餐廳其實都唔會有要求，純粹係方便就食完返工。…Read More