kelvinkelly1998的個人專頁

長沙灣好多抵食嘅餐廳， 呢間亦都係我嘅心水推介:)食物質素相當穩定， 價錢合理 ，份量亦都很充足， 味道也相當不錯。 但是座位較為擠迫， 要有快食的準備。 這間餐廳適宜作日常之選， 相當不俗…查看更多

飲靚早茶， 食好味嘅點心， 開工心情都好啲。 食左好多年，酒樓點心質素平均，樣樣野都幾好，自己最推介燒賣/ 蝦餃/鮮蝦腸粉。早上不會太多人，感覺不俗， 是早餐飲茶的首選。…查看更多

連鎖快餐店， 食物質素應以穩定見稱。但石圍角這間大快活， 食物是凍的，連早餐通粉的湯也是不熱的， 食物安全相當成疑。食物是否好味， 實屬主觀意見。 但是食物溫度，是最基本及客觀的。 光顧其他地方的大快活， 食物也是熱的(絕對不會是凍冰冰的)。作為連鎖快餐店的管理，食物質素不是有一定標準嗎？…查看更多

長沙灣出名小店多， 今日嚟咗呢間食牛腩嘅， 質素相當唔錯。 舖頭座位以小店來說， 坐得很舒服。 而且店舖內， 地方相當乾淨， 感覺不俗。 侍應(中年果位姐姐)態度親切友善， 亦都相當有禮貌。 食物方面， 崩沙腩味道不錯，麵也很好味。 支持小店，絕對會再幫襯…查看更多

餐廳環境舒服， 伙記好有禮貌， 熱情招呼。 早上人流不太多， 有適當嘅空間， 可以慢慢食。 食物有水準， 多士好脆， 火腿湯麵亦好好味。 上菜速度夠快， 環境舒服， 食物質素也很好， 是間不錯的茶餐廳…查看更多

今日喺荃灣， 見下午茶時段， 店舖內冇咩客人， 就入去食碗麵。 之前黎過一次， 服務體驗都係一般。但普通粉麵舖， 如果唔太過份，都冇咩所謂啦。但係今日食物非常一般，唔可以話好味，崩沙腩唔掂，麵好淋，但求其啦。 重點係服務及衛生超惡劣，有位高高瘦瘦， 紮起頭髮嘅亞姐，用客人的筷子夾枱上的纸巾和垃圾，很恐怖。另外，餔頭其實冇乜人，但佢係特登執晒其他枱食完果啲碗和杯，係正我張枱倒來倒去，啲水彈黎彈去，相當噁心。我望一望佢，佢個樣好囂張， 我諗應該係特登嘅。 見咁嘅情況，我都唔想繼續食。 用餐時間連坐低，少於20分鐘。 我終於明白， 點解間舖頭而家咁少人…查看更多

石圍角開咗啲間新嘅茶餐廳， 都係要試下， 睇下啲嘢o唔ok。 食物方面質素一般， 冇咩特別， 正常早餐一份，收$42。 但係絕對要留意嘅喺， 服務態度， 同埋你自己係唔係趕時間。 如果早上食完， 要趕住搭車返工嘅人， 真係要認真諗一諗。 點解呢？... 因為你入到去， 雖然冇咩人(可能我較早)， 大約只係幾枱左右。 但係所有服務員都唔會睬你， 冇人會幫你寫嘢， 叫極都唔睬。 佢哋會叫你搵第二個寫， 第二個又唔望你唔睬你， 總之冇人會理你， 態度差到一個點。 感覺就好似， 你食就食，唔食就走， 完全冇所謂。 個個都企喺度hea， 成間舖頭個個都一樣。 簡單嚟講， 成間舖頭都係超慢超hea 。如果你真係完全唔介意， 完全唔趕時間。 即係好等得， 好受得氣，就可以試一試。…查看更多

赤柱有唔少選擇， 但今日想食中菜， 就試下呢間。 原來地方都算寬敞， 坐得舒服。員工態度親切， 又有禮貌， 感覺相當唔錯。 食物方面， 一般中式食物，蝦餃和煷賣也不錯。價錢合理， 質素亦都算ok， 性價比不俗， 下次會再幫襯。…查看更多

好耐冇去石圍角食嘢， 諗住懷念一番。 記得廣發啲嘢食都幾好， 諗住嗌過午餐，外賣返屋企食。 原來而家午餐只係得三款選擇，其他炒粉麵飯都冇做。 都冇所謂啦， 叫咗個西式午餐， 叫俄羅斯牛肉飯， 加一杯凍飲。 打開睇落到幾靚，但係一食就大件事。 原來係用辣醬嚟煮，唔係一般一辣，係超辣， 冇可能食到。 其實建議可以寫清楚係超辣，客人就有預期， 不會浪費食物。 餐廳好似好少左好多人幫襯。知道老闆好好人，好親切。唔知佢有冇留意食物的味道係如此極端呢？…查看更多

4點半左右到潮龍園下午茶， 人唔太多，大約六成滿。 都唔想阻到人， 一坐低即刻落單。 大約一分鐘飲品先上， 三分鐘之內碗麵就上。對面食客食完走人，待應正常抹枱清潔。 過多一分鐘， 再過嚟清潔一次。 再多兩分鐘，再清潔一次。 最離譜係在我碗麵上面抹夾板，太嘔心了。 我諗緊碗麵食唔食好呢？ 我同佢講， 我三分鐘之內會走， 麻煩佢轉頭先再黎。 遵守承諾， 我在店舖裏面逗留少於十分鐘，立刻走。 我想問，幾分鐘之內食完一碗麵加一杯飲品， 都要畀人咁樣講趕走。 喺唔喺店舖嘅應有態度呢？明白客人快D走，翻枱嘅重要。 但下午茶時間， 大把空枱，客人只係食左幾分鐘，盛為50蚊的光速食麵體驗。…查看更多

假日到長洲走一趟， 天氣相當好， 決定到海邊食海鮮晚餐。 見到呢間唔係人太多， 就坐低試下。 呢間有散叫或者套餐 ， 諗住簡單啲 ，所以就揀咗個四餸套餐， 當中有唔少餸菜可以選擇 。我地就叫左椒鹽鮮魷， 蒸扇貝， 咕嚕肉， 同埋八珍豆腐煲。 餸菜都幾大碟， 呢個價錢黎講， 質素唔錯。 椒鹽鮮魷魚炸得香脆 ， 味道亦都唔錯 。 八珍豆腐煲幾好味，材料都很足。 咕嚕肉大大碟 ， 好味道相當抵食 ， 但係扇貝就一般啦。另外，男經理態度友善， 好有禮貌 ，招呼不俗。…查看更多

今日行過滿記，坐低食個甜品先搭車。叫左個甘露芒果布丁，芒果都幾好味。成碗唔太甜，整體都ok。因為天氣熱，如果楊技甘露可以雪凍啲(而家係近乎室温)，一定會好食好多。…查看更多

今日約左朋友早上去潮庭飲杯茶，傾下計。 手機落單， 點心等咗大約半個鐘，終於到齊。 食咗15分鐘，朋友仲食緊野，突然有位女經理拎左部機過黎，話限時個半鐘， 要立即埋單走人。 限時唔緊要，但入座之前冇講過， 完全預計唔到。 未試過野未食晒， 完全冇通知之下 ，要埋單走人。明白酒樓係多人等位，希望做多幾轉枱， 但尼啲咁無禮嘅方法，突然趕客人走， 真係要檢討一下。作為大集團， 如果有限時安排， 亦先應該通知客人，因為客人真係唔知。以後， 飲茶都要有食快餐嘅心理準備， 唔知個經理幾時要你埋單即走。…查看更多