dradra_eat's Profile

📍泰國婆 (將軍澳)想食吓辣嘢，不過又唔想食川菜最尾喺屋企附近揀咗呢間泰國嘢裝修都唔錯 啱啱新裝修新開環境舒服泰式冬陰功湯酸酸辣辣好開胃 入邊都好足料 有原隻大蝦草菇洋蔥等等最緊要唔會太油 好開胃泰式燒安格斯牛肉成日都好驚啲燒牛扒會好靭呢度整得啱啱好 肉質唔多渣七成熟粉粉地 啱啱好配埋啲辣汁 酸酸地 泰式青木瓜沙律咁多款沙律最鍾意食青木瓜口感爽脆 配上蘿蔔絲花生等配料多重口感 最緊要都係好開胃原隻椰青雪得夠凍 椰青都好甜椰肉嫩滑 正呀總括嚟講價錢適中，平民 ，兩個人都係$200人均都係一個晚餐嘅好選擇📍📍將軍澳坑口重華路8號東港城2樓238號舖…Read More

前幾日同朋友去左尖沙咀牛駅麻辣火鍋，估唔到驚喜十足！我地去到都已經好夜，所以一坐低就把握時間叫左湯底先，朋友介紹我地揀龍蝦頭底，上到枱發現真係有隻龍蝦頭喺入面，十分足料，而且龍蝦味好濃，野食都未叫我地就已經飲左碗湯先。火鍋料方面，我地揀左個中價位嘅2號餐，當中已經包括咗好多牛肉同海鮮，夠晒食。叫得牛駅，牛肉緊係重點啦，而且估唔到放題都有和牛。我最中意嘅就係美國極黑和牛，肥瘦均勻，又夠牛味。餐廳仲好貼心咁寫埋每款牛要碌幾多秒，咁就唔驚煮得太耐變老啦。海鮮方面，都有好多款揀。海蔘細細條，一口一條食得方便，墨魚頭大粒又彈牙，而我最中意就係花甲，鮮甜又冇沙，我一叫就叫左成兜，結果成枱都爭住食，前後叫左幾兜都唔夠喉。如果仲係未夠飽，仲可以出去自助區夾野食。有丸有菜就唔少得，連香港比較少見嘅水蓮同冰菜都有。除此之外仲有熟食。最驚喜嘅係甜品區，有我最中意嘅焦糖味Haagen daz！喺便利店買，一杯都三十蚊，而家見到一定要食多幾杯回本啦！野飲櫃都好多款揀，連港式奶茶同珍珠奶茶都有，仲有樽裝理泡茶，食完都忍唔住飲返幾支消下滯。中意打邊爐嘅一定會中意牛駅，多款又好味，大滿足！期待下次再黎！…Read More

發覺年紀大咗都真係開始幾鍾意食中菜😂出去食嘅話，一般都會揀食中菜咁啱見到東港城新開上海婆婆裝修都幾唔錯 原木同埋植物裝飾感覺都幾舒服估唔到喺上海餐廳都有得叫水煮牛肉無辣不歡嘅dradra 梗係即刻叫$148份量，超多超足有好多新鮮嘅牛肉，另外入邊都有好多配菜仲有粉條 食材索曬啲紅油同埋麻椒 辣得過癮麻得香另外梗係唔少得叫返小籠包小籠包一籠四個皮薄餡靚又多汁Juicy 配埋啲黑醋一流銀芽炒鱔糊鹹鹹地配埋銀芽 鱔肉都算彈牙新鮮唔梅唔小心又扒多幾啖飯水煮牛肉辣得滯即刻叫咗個黑糖冰粉$28抵食一定要叫冰粉凍冰冰，配埋黑糖 即刻解辣解膩另外結尾叫多個高力豆沙大推 即叫，即整熱辣辣好香蛋香又疏乎入邊嘅豆沙餡唔會太甜 食落一啲都唔Heavy 人均都係$200左右晚餐嚟講算係幾抵食，環境又唔錯，會再嚟多次。…Read More

臨近中秋，一班同事一齊慶祝中秋節我哋揀咗喺尖沙咀嘉芙中心既二鍋頭。 同事們又想打邊爐又想食烤魚，滿足唔到咁多人咁多個願望。 點知原來二鍋頭有雞煲烤魚同埋任食火鍋三合一套餐，價錢仲要幾平298就可以食到咁多款。一開始我們可以先選擇麻辣雞煲或香濃黑椒豬手煲或者秘製火焰牛尾煲。牛尾煲比較特別，外面比較少，所以我們這次選了牛尾煲。秘製火焰牛尾煲是這次晚餐的絕對亮點，令人垂涎欲滴。這道菜的特別之處在於它使用了玫瑰花露，讓湯底散發出淡淡的花香，增添了獨特的風味。在上菜的時候，廚師將牛尾煲即場火焰燒，火焰瞬間升起，令人驚嘆的視覺效果不僅讓人心跳加速，也讓牛尾的香氣更加濃郁，肉質變得更加鮮嫩多汁。牛尾的肉質吸收了湯底的精華，口感醇厚，與玫瑰花露的香氣相得益彰，讓每一口都充滿了層次感。這道煲的調味也恰到好處，讓人感受到一種微妙的平衡，既不過於濃烈，也不失風味，讓人忍不住想要再來一碗。吃完牛尾煲之後我們可以開始吃烤魚，海鱸魚烤魚，香味四溢，魚肉鮮嫩，外皮微脆，根本停不下來。烤魚可以選擇幾種口味麻辣味香辣味酸辣味和醬香味我們這次選擇了醬香味，特製的醬汁，讓人一口接一口，不得不讚魚肉，非常之嫩滑，亦都很厚肉，每一啖也很滿足。吃完烤魚後，已經半飽，我們點了川椒麻辣鴨血鍋和懷舊沙嗲鍋的鴛鴦湯底，兩者的口味截然不同，讓我們的味蕾得到了充分的滿足。川椒的麻辣刺激了我們的味覺，而沙嗲鍋則帶來了一股懷舊的香氣，最後一定要配上韓國公仔麵，朔晒所有沙嗲湯汁非常邪惡又很入味。此外，這裡還提供了超過100款火鍋配料，讓我們可以隨心所欲地搭配。無論是新鮮的海鮮、各式蔬菜，還是美味的肉類，例如巴西和牛A8，沒有肉渣，另外很重牛香味，放題質素算是不錯。最後當然不少得甜品，雪糕有很多款選擇，分別有曲奇香蕉拖肥芋頭朱古力等等，最推介沖繩鹽雪糕，鹹鹹甜甜非常解膩，完美作結。…Read More

工作太忙碌，dradra 好耐冇出過chill 下，今個星期得閒少少，約咗朋友去蘭桂坊食吓嘢飲吓嘢蘭桂坊咁多間餐廳，最尾揀咗呢個主打地中海菜式既 Beirut主菜方面揀咗-摩洛哥烤紐西蘭羊架配石榴汁、薯蓉及彩虹甘筍。羊肉烤得恰到好處，口感非常棒，配上石榴汁酸酸甜甜都幾解膩，另外最驚羊好蘇，呢個唔會太蘇，可以接受得到。另外，仲叫咗海鮮薄餅，上面鋪滿了新鮮的蝦仁和魷魚。餅底酥脆，海鮮鮮美可口，非常多材料，口感豐富。最後，點多款小食拼盤，入邊有三種比較特別嘅小食，分別有烤芝士，蘑菇同埋蔬菜菜餅，蘑菇烤得好Juicy。至於飲品，Sweet Melody，幾清爽，混合草莓、香蕉、橙汁和紅石榴糖漿製成。朋友叫咗杯Virgin mojito，薄荷汁、青檸汁、糖漿和汽水 mix 一齊總的來說，我非常推薦這家餐廳。無論是菜品、飲品還是環境都非常出色！…Read More

今晚同一班閨蜜去咗海膽之夜呢間餐廳主要係海膽為食材裝修都以木淡黃色為主一開始上咗個竹炭麵包，唔係麵包咁簡單，佢配左海膽醬，海膽醬非常之濃郁，食落一啖接一啖。另外都叫咗生蠔試吓，南非、黑珍珠、愛爾蘭、法國蠔等等，由淡口食到濃味，仲叫咗兩杯mocktail ，好refreshing ，生蠔拼盤上邊仲有海膽，海膽配上生蠔又係另一種風味。另外仲有油甘魚刺身，刺身非常之新鮮厚肉，少少即磨山葵👍🏻牛油果他他沙律，健康又飽肚，酸酸甜甜好開胃 。另外到咗重頭戲，海膽刺身，好誇張佢真係一版過咁樣俾你，海膽質素好好，一啲都唔腥，有幾種食法，除咗刺身俾咗紫菜包住食之外，食到佢嘅鮮甜。另外仲可以試吓佢哋立鄰燒+海膽醬，魚皮用熱油炸一炸，非常之脆口，另外點埋海膽醬，成嚿魚即刻升級晒。除咗一版嘅海膽之外我哋都試咗佢哋嘅紫海膽壽司，一啖落口真係好滿足，仲好啱打卡添。磯煮花螺，都非常之唔錯，好入味，螺肉唔會好韌。白酒煮蜆，蜆肉非常大隻，鮮鮮甜甜。另外都仲叫咗佢啲串燒試吓，蘋果豬肉串、牛舌，蘋果豬肉串我好鍾意酸酸甜甜，中和左豬肉嘅油膩。牛舌好厚身，咬落去好juicy. 魚子醬海膽帶子意粉，最後都叫咗個主食，成個意粉用海膽醬煮，超級滿足，仲有魚子醬同埋帶子，識落好happy全餐非常之滿意，本身都好少試到餐廳轉食海膽，名副其實嘅海膽之夜，其他唔係海膽做主角嘅嘢食都好出色，一定會回訪…Read More

爸爸媽媽就嚟結婚周年🥰🥰👰🏻‍♀️👰🏻‍♀️👰🏻‍♀️ sweet sweet forever 帶佢哋提早慶祝吓 過節最鍾意黎 @mrsteak.hk 慶祝佢哋嘅海鮮山 狀容鼎盛有蟹腳 原隻龍蝦 🦞 蟹鉗 非常之鮮甜 啖啖肉 超足料另外一定要試吓佢嘅飛𤩧牛 超香嘅油脂 佢唔止單單一種煮法 有壽喜燒 和牛刺身 燒和牛片 同埋唔同嘅熟食 我就最鍾意佢哋嘅壽喜燒，將啲油脂迫晒出，唔誇張真係有入口即溶嘅感覺。食完海鮮同埋和牛已經大滿足，不過最鍾意mr steak 佢哋熱食都有好多選擇 佢哋嘅燉湯都出色，飲完唔會太口渴唔係太多味精，酥皮龍蝦湯，花旗參排骨燉雞，中式西式，一樣出色😜 平時比較少飲酥皮湯，喺度飲咗兩碗，酥皮沾埋啲龍蝦湯，龍蝦香氣十足。另外佢哋嘅比目魚熱食都唔錯，魚油味好香，仲有好多其他中式菜印度菜，食極都未食完好多嘢都仲想食。佢哋連甜品嘅種類都好多，有10幾款以上，當中最推介佢哋嘅，香蕉班戟，creamy ，同埋唔少得佢哋嘅招牌心太軟😛…Read More

Majo香港有數不勝數嘅西班牙菜，但唯獨呢間非常口我心水。地理位置位於中環，啱晒上班放lunch或者放工過嚟同朋友聚餐。坐位舒服唔會同側邊嘅一枱坐得好近。前菜叫咗Albonsigas肉醬肉丸，餐廳將wagyu打碎整成肉丸，肉丸嘅牛肉味好濃厚，配合蕃茄醬十分夾味道。另一款前菜Pulpo Y papas，整條八爪魚鬚呈現眼前，旁邊有薯蓉同mojo醬，口感煙韌，沾上醬料更加豐富口感層次！最後一款前菜 Gambas ajillo，鮮蝦配蒜油，中間仲放咗cream，每一粒蝦都好大隻，好鮮甜肥美！主食有Picana steak，300g 等級9嘅wagyu食落非常fulfilling，和牛上面鋪滿由茄子同蒜油打成嘅醬。個人比較鍾意唔點醬料，肉質鮮嫩而且油脂豐富，肉控一定要試試！甜品叫咗Torrijas，最經典嘅法式西多士，帶點西班牙嘅風味，非常特別！雖然冇叫西班牙特有嘅sangria，但Martin millers同Majo martini都相當有驚喜。…Read More

細細個都知道九龍城最出名食泰國菜，喺九龍城食泰國菜簡直係我兒時回憶，每當想食泰國菜嘅話就一定會過嚟九龍城，呢幾年最鍾意去小曼谷，一嚟價錢合理，二來款式好多，每次都會叫唔同款式。一嚟到梗係要嚟個泰國名菜冬陰功，呢個冬陰功非常之足料，有大大隻虎蝦，非常之新鮮，彈牙一定係㗎啦，仲要都幾鮮，一啲都唔會霉，平時飲親冬陰功啲蝦零霉都係好常見嘅事，呢一間嘅蝦要俾個讚，冬陰功佢哋有得減少辣或者平常嘅辣度，由於唔係太食得辣所以我哋就叫咗小辣，酸酸地辣辣地非常之開胃❤️另外近排都努力做gym，唔可以攝取太多澱粉質，燒安格斯西冷牛扒就啱晒我啦，唔好以為剩係得泰國菜食呀，多多款式啱晒每個人嘅口味，呢個西冷牛扒都做得非常之唔錯，有得五成六成七成，我鍾意食生啲就揀咗五成，見到啲肉質咁粉嫩都知道燒得唔錯，仲要有啲炭烤味，炭燒味配上Juicy肉汁，好食呀，另外佢嘅醬汁酸酸地都好夾。飲品方面我哋都叫咗個椰青，清清甜甜，解膩…Read More

天下第一豬豬🐽🐽 粵藝館 每次經過時代廣場都俾呢一間天下第一小豬豬吸引 一路都想試吓天下第一豬有幾犀利朋友生日一於邀請埋佢一齊試吓 估唔到每樣菜式都非常之精緻味道有驚喜之餘 每道菜都感覺到廚師嘅心思涼子十八斬 （話梅醉乳鴿） 18斬究竟係乜嘢？原來係將乳鴿分成18份 涼子即係話梅 本身乳鴿嘅話味道比較淡將話梅攞嚟醃 酸酸甜甜非常之開胃乳鴿都唔會話老 都算Juicy 即燒無花果天下第一豬呢個小豬豬非常之期待 乳豬一個例牌有六件真係幾出色 特別係佢哋嘅無花果醬 乳豬個脆皮非常之脆 果然係即燒另外乳豬嘅口感好多層次 第一層係個脆皮 之後到第二層肥膏 再到第三層嘅肉 每一層都係唔同嘅口味 口感第一啖先食佢嘅原味 一咬落去 油香爆曬出嚟 之後再點一點佢哋嘅無花果醬 又係另一個風味 無花果醬嘅果香中和左乳豬第二三啖油膩雖然未必係天下第一 1️⃣但係都可以話喺香港食過頭幾位最好食嘅乳豬🐽🐽🐖🐖一蟹兩藝 ： 皇室焗蟹蓋 蟹蓋入邊有好多蟹絲 在配上少少沙拉醬 鮮味十足 另一藝 就係 陳醋野菜沙律蟹件 炸軟殼蟹炸得鬆脆 稍嫌油膩嘅時候再食啲陳醋沙律菜 又中和返 配搭得好不時不燉湯食完錢財梗係要飲下碗湯啦 不時不呢個名比較特別唔知係咩嚟嘅呢原來入邊有金華火腿有別於平時嘅佢哋係成片拎嚟燉 分量控制得啱啱好一啲都唔會太鹹或者搶咗啲味另外入邊仲有一個超大花膠 非常足料金沙鳳尾蝦鍋巴 呢一道又係必叫嘅 蛋黃炸鳳尾蝦 非常之惹味鳳尾蝦新鮮之餘 非常之爽口花膠天白菇菜膽呢個花膠真係一啲都唔慳料 超大塊 仲要都煮得夠淋 又入味❤️瓦煲啫啫生菜🥬瓦煲整熱之後 生菜本身係半熟狀態然之後利用瓦煲嘅餘溫慢慢整熟佢一路炒一路將蝦醬肉碎撈埋一齊 完美作結…Read More

疫情期間，好長一段時間無出過香港，dradra 特別掛住日本嘅刺身同炭燒鰻魚。最近睇朋友IG見到中環office旁邊，有一間主打日本空運直送鰻魚飯既餐廳 - 炭家。我地一行兩人提前一星期book左枱，希望可以坐到廚房近距離既位置，直接睇到日式師傅即時炭火燒串燒。值得一提既係，所有串燒都係即叫即燒，全部食材都好新鮮同惹味！以下呢幾款特別推介❤️白燒鰻魚串炭燒過後既鰻魚，皮脆肉嫩，鎖緊魚汁，外皮香脆可口，一口一件，層次分明，絕對推介！雞胸肉配紫蘇卷雞胸不會干身柴口，口感頗為嫩滑，配埋清爽的紫蘇卷，油膩感恰到好處鰻魚厚燒玉子玉子燒濃郁蛋味，配上香濃鰻魚魚串，組合匹十分和諧，十分，再，很喜歡，而且份量十分多，兩個女生非常十分足夠。鰻魚重 唔好睇小呢一盒野，係今晚嘅mvp，一整條肥美鰻魚，除咗油脂好香之外，炭燒味重，每一啖都係炭燒鰻魚味，好滿足，特別一提佢哋嘅醬汁唔會太過搶味，一啖鰻魚一啖醬汁一啖飯，人間仙境😝…Read More

初嘗生酮火鍋❤️❤️ 打邊爐都可以健康地打？渝味曉宇有新搞作，想健康飲食或者減肥嘅，或者生酮嘅朋友，可以試吓佢哋嘅生酮火鍋，我哋就揀咗個養生花膠雞鍋，材料非常之豐富，除咗有大量雞之外仲有好多花膠，名副其實嘅真材實料。 另外因為鍾意食辣所以都叫咗個重慶辣鴛鴦鍋，小辣都已經辣到飛起，鍾意食辣嘅一定要試。一開始叫啲蔬菜類打下底先，話曬特登過嚟體驗生酮火鍋，本身見裝修都幾靚以為價錢都比較貴，但係都幾合理喎，海帶$28 海帶頭 $28 大刀筍片 $28 蔬菜類一般都係$28 特別推介 大刀筍片 $28 ，大刀顧名思義切得大大塊，食落比較爽口，口感👍🏻另外都叫咗海帶$28 海帶頭 $28 ，爽爽脆脆，無論放咗去花膠雞鍋定係麻辣火鍋，都非常之夾。重頭戲叫咗重慶炸酥肉 半份 $38，值得一讚即叫即炸，半肥瘦豬肉 ，炸得啱啱好，即刻食又得放落去打邊爐又得。食得辣辣地咁梗係要叫杯嘢飲，估唔到嘢飲都有生酮系列，生酮雜莓梳打 &青檸梳打 $48 ，非常之解辣，前者酸酸甜甜，後者爽。另外小朋友口味嘅我就最鍾意叫魚蛋，滑類既野，鮮蝦滑 ，重蝦味，彈牙，松露墨魚滑 ，好香黑松露味，仲有豬肉貢菜滑 ，食咗咁多我哋都飽飽地，黎個結尾叫個主食先，生酮有咩主食可以食？第一次聽呀！海帶麵$38 ，食落都有啲似薯粉，冇咁煙in ，比較爽口，都幾特別。…Read More

人生第首次食Steak omakase ❤️❤️ 一流❤️❤️平時就食開日本omakase， Steak omakase🥩 就真係好少聽過啦!!咁岩行過灣仔新鴻基中心見到有廣告Steak Omakase，好奇心驅使下就上試下佢地既廚師發板晚餐套餐。首先前菜會有四款，包捨經典既食韓菜小碟，季節鮮蝦沙律，原個麻醬蕃茄，韓式蒸蛋🤤！！前菜黎講算係十分豐富！ 原個蕃茄切開，加埋麻醬、紫菜，一塊塊咁食好fresh好fresh 👍🏻 韓式蒸蛋就配埋蟹柳、冬菇、蟹籽， 熱辣辣，大滿足！❤️主菜方面，最吸引嘅係原隻西班牙八爪魚🐙，仲有熟成醬油牛肋肉🥩同埋40天熟成北海道五花肉🐷原隻西班牙八爪魚好有驚喜！！ 手掌咁大隻嘅八爪魚， 即使燒完之後，肉質都係十分Q彈！絕對唔會覺得乾身/粗糙，肉質都好肥美！啖啖肉！牛肋肉同埋熟成五花肉，店員好友善，會問我地要唔要幫手燒埋，有人幫手梗係要啦！兩款肉類小哥哥會剪好一細份一細份，一口一份，牛肋肉油花重，口感濃郁，入口溶化，而且牛味超濃！！🤤🤤40天熟成北海道五花肉肥瘦適宜，但都建議包住生菜食，一大口一塊，配埋韓式大醬，絕對回味呀！！ 😍😍主食就有熟成炸醬麵、大醬湯配飯，食埋主食大食既我都有成8，9分飽！…Read More

父親節快樂👨🏻🎁🎉唔想出去同人迫，呢幾日就約埋父親大人爺爺去食父親節大餐，今次揀呢間大公館真係揀得好岩，一嚟裝修高雅，環境感覺大氣，啱晒過嚟慶祝父親節，特別爸爸知道而家食手工火鍋，只需要加480就食到西澳龍蝦🦞，勁興奮😝火焰酒香薑蔥鵝鍋我哋叫咗呢個特色鵝鍋，味道非常之特別，鹹鹹香香之餘，加咗啲酒，非常有酒香，仲要好靚，一炒嘅時候有啲火焰，另外入邊啲薑蔥好好食朔晒啲味道。 入邊嘅鵝類似燒鵝皮嘅質地西澳龍蝦而家只需要480 可以優惠價叫西澳龍蝦刺身，龍蝦非常之鮮甜，啖啖肉好彈牙，另外因為今次同埋爺爺嚟食，老人家食咗幾個刺身之後順便留低淥黎打邊爐，估唔到鮮味更出，用嚟打邊爐或者刺身好正，仲要好大體。招牌四寶丸非常之有特色，以為係普普通通四種味道丸烏雞丸: 黑色仲以為係墨魚丸，口感比較soft ，咬落去口感好得意。XO醬豬肉丸: 豬肉丸入邊有乾瑤柱，XO醬 ，非常惹味芝心墨魚丸: 墨魚丸手打非常之彈左牙，入邊仲有芝士牛肉球:同點心牛肉球嘅味道好相似 本身諗住買單走人不過職員就推薦甜品和牛雪葩 $58，一上到枱俾佢d仙氣震驚到，非常非常之靚，以為自己入咗仙境，個名咁特別叫做和牛雪葩，我哋就問職員係咪真係和牛做嘅甜品，點知佢講笑叫我哋試吓先，原來係藍莓味嘅甜品，但係外型整到好似係和牛咁樣，好有驚喜又好食，推薦。總括嚟講今次大公館，環境非常之高雅，職員服務超好，價錢仲要合理，為我哋今次父親節晚餐畫上完美句號。…Read More

Nez Wine Bistro 朋友生日，想飲啲酒慶祝吓，又想坐低傾吓計，放工喺中環H Code，見到有間新嘅餐廳，一於試吓新野。裝修風格都係以黑金色高尚為主，環境都好舒服，有吧枱俾人飲杯嘢傾吓計，另外枱與枱之間嘅空間都比較闊落，私隱度都幾高，我哋就揀咗角落頭位。 一開始上咗法包同牛油，牛油都幾香，仲夾左d鹽味，我哋仲叫咗杯紅酒同埋gin，微醉住食。Starters方面我哋叫咗牛肉他他配法式薯條，薯條即叫即炸，非常之香，配埋自家製醬汁，呢個係廚師特製，以雪梨，酒，醋， 茄汁，芥辣，喼汁，都幾特別個喎酸酸地又甜甜地，用嚟點薯條一流。生牛肉他他，平時最驚佢有啲血腥味，配有啲洋蔥，調味，一啖薯條一啖牛肉他他，再飲啖gin ，傾住計都幾爽。另外都叫咗個鵝肝焦糖燉蛋，鵝肝就食得多啦但係鵝肝焦糖燉蛋真係第一次，本身以為係燉蛋入邊有鵝肝切一粒粒，原來唔係喎 係類似鵝肝醬咁，面頭就好似焦糖燉蛋咁樣有一層焦糖，入邊仲有少少酒味，我仲發現咗個新食法，原來用嚟點埋薯條都好好食個喎。Seafood main 我哋就叫咗海鮮濃湯，呢個海鮮濃湯湯我想像中嘅唔一樣，佢係介乎喺龍蝦湯同埋忌廉湯嘅中間，有忌廉湯嘅滑，又有龍蝦湯嘅濃味。另外反而佢哋海鮮濃湯除咗湯係最重點，仲有另一個重點，係有好多海鮮，有原隻大蝦，呢個蝦非常之新鮮彈牙，好爽口，絕對唔似平時湯入邊嘅霉霉爛爛，另外仲有鱸魚，唔會過熟都算嫩。Meat main 我哋就叫和牛側腹肉配焦糖洋蔥，薯蓉。和牛叫咗medium啱啱好，肉嘅質素算係中高，唔會咬落去有肉渣，另外煎得啱啱好，好香牛味，另外值得讚賞佢哋嘅薯蓉做得好香牛油味同埋好creamy ，呢個好值得要同埋都會想繼續encore最後甜品我哋就叫咗朱古力雪糕配雜莓sobert，朱古力都幾香濃，雜莓酸酸甜甜都好解膩，另外我哋都叫咗個檸檬撻，檸檬撻餅底好香牛油味而中間都酸酸地，啱啱好恰到好處 。總括嚟講呢間餐廳一嚟啱啱開新裝修，環境非常之舒服私隱度好高，好適合情侶拍拖或者慶生聚會，我哋差唔多由六點食到10點 ，另外食物嘅質素都唔錯，主菜有驚喜。…Read More