wincylauuu's Profile

星期六原本約左朋友野餐，點知落雨就係附近搵間餐廳坐下食野，係故宮博物館附近，唔係好多人，靚靚地傾計幾舒服👍🏻一入去Staff都好nice 熱情有禮貌😄“Complete” Crepes $108(Ham, cheese, egg) 呢幾樣嘢夾埋一齊唔會差得去邊，熱辣辣好香口Salted butter caramel $88(Caramel ice cream & caramelized apple) 朋友揀嘅，佢話個汁好好食，好夾蘋果同雪糕Nutella banana roll $78唔好睇佢細細件，都幾漏同埋飽肚Carbonara $158都係朋友揀嘅，睇落都好多料Sweet potato with sour cream $78切得幾粗，係用新鮮番薯，好香甜脆口😋總結：食物好食嘅，環境都舒服，唔知係咪落雨關係冇乜人，佢既座位數目都唔算好多，我哋坐咗兩個鐘😂不過食物選擇唔係好多，如果好天坐喺度飲杯咖啡都幾relax…Read More

🧡呢排見到好多Foodie都有介紹呢間餐廳就book mark咗，星期六嘅晚上本身想食個Early dinner，先知佢六點先開。我哋6:00上嚟坐咗個幾鐘，計埋我哋有三台客，唔算好多人，不過靚靚地坐得舒服，個人鍾意坐吧枱多過榻榻米，鋪面都唔係好大，啱晒約會朋友傾偈👍🏻Menu 得兩頁，菜式選擇唔算好多兩人叫咗兩個主食+$58 set, 有小食，飲品同甜品小食：今日係三文魚腩，油脂豐富，一燒出黎都幾香意粉：天婦羅魷魚龍蝦汁意粉(廚師發辦) $138意粉硬度適中，龍蝦汁偏淡，整體唔錯明太子八爪魚配北海道帶子刺身 $138雲朵打卡一流，入面有青瓜，粟米，蟹柳絲，配埋蝶豆花味嘅飯，本身撈埋佢啲汁嘅味道都幾特別，個人口味覺得加埋Wasabi同少少豉油更加惹味👍🏻佢啲嘢飲打卡全部都岩晒打卡，但如果40幾蚊就覺得唔值豆腐咖啡：店員會問你想豆腐定咖啡味多啲，我地揀左豆腐味多啲，但都覺得冇咩豆腐味😂同平時既奶啡差唔多蜜桃蝶豆花鮮奶：味道幾有果香味，配搭埋蝶豆花嗰個飯都幾清新柚子蛋糕：不過不失，但唔會特登叫😂整體食物質素唔錯，環境乾淨坐得舒服，主食幾特別，但飲品，小食同甜品普通，如果下次再來就唔會加錢轉配餐…Read More

下午茶時間黎食，見佢唔使等位就入咗嚟話明餃子店，當然會覺得佢嘅招牌菜一定係餃子，但有少少失望。🍜擔擔面 $38 + 韭菜餃三隻 $14 🥟首先擔擔麵睇落平平無奇，一撈個底有好多麻醬，面量都幾多，個人超級鍾意食麻醬，所以加咗分。朋友試過話覺得個湯唔夠熱，同埋唔夠辣。我個人怕熱+唔太食得辣，就覺得OK，真係睇個人口味。另外韭菜餃唔知係咪因為套餐加配，覺得煮得熟得滯，咬落去已經散晒，同埋啲料好少。🥟金玉滿堂豬肉餃 淨餃8隻🐷 $40佢嘅餡係豬肉同粟米，呢個啲料多過韭菜餃，不過都係煮得有啲熟，咬落去比較林。總結：食左兩款餃子都係煮得熟得滯，韭菜餃嘅料就比較少，粟米餃就正常d，只係咪因為套餐加配嘅關係，或者下次可以試吓佢嘅煎餃。另外個人覺得佢嘅擔擔麵都唔錯，前提係你要係一個鍾意麻醬+唔太食得辣+唔介意湯只有70%熱既人。…Read More

一入到間餐廳覺得有d唔係幾乾淨嘅感覺，因為周圍都有啲烏蠅飛來飛去，不過諗返馬來西亞/泰國餐廳都係差唔多😂😂同埋佢唔算好貴就試下🍍Pineapple Gaarden🍺 $58用新鮮菠蘿，酒味都幾濃，唔好當普通啤酒飲，唔飲得嘅我飲咗大半杯都有啲wing🤣🐥無骨海南雞喇沙🍜 $76啲雞都幾滑，不過喇沙個湯可以再濃d🍛 咖喱牛腩🐮 $78個咖喱中規中矩，要配飯或包先好食🥖蒜蓉法包🥖 $28特登為個咖喱叫既，不過焗得燶咗少少，太脆一咬個包就散晒，根本點唔到啲咖喱黎食🦐杏仁蝦餅🦐 $68最唔抵就係呢個，同飲宴食嗰啲冇乜分別🥭芒果糯米飯🥭 $52佢整到成舊壽司咁，所以夾嗰陣一定會散，不過啲飯太熱，芒果就常溫，如果飯同芒果都凍啲會好食啲總結：覺得所有嘢都中規中矩，有時特別想食馬來西亞/泰國野都可以去食過吓癮，嘢食普通，不過價錢唔太貴，而且冇加一。環境都寬躺嘅，不過要接受到有啲烏蠅飛來飛去…Read More

呢條街都好多嘢食，望見餐牌唔錯，又唔算好貴就入咗去原來仲有上層上咗都幾舒服，仲要咁啱冇人，好似包場咁🤣🤣撳鐘仔店員就會上嚟幫你落order我哋四人叫咗兩個lunch set, 兩個tea set🍔🍕☕️午餐🥤😋😉 $88 跟餐湯或沙律，包咖啡或茶個湯比想像中OK，唔係好淡嗰種，個人比較喜歡食菜，佢都算多菜🤣🤣🍕🍕🍕辣肉腸pizza🍕🍕🍕有4塊，啲料都算多，熱辣辣脆卜卜，不過真係好薄身，一個人食晒4塊都可能未必夠飽🍔🍔🍔豬仔包安格斯🍔🍔🍔啲料都幾足，第一次食豬仔包嘅burger，塊包同塊肉都dry左少少🥩🥪下午茶🥖🧀$58，跟咖啡或茶朋友叫咗個吞拿魚豬仔包同煙三文魚豬仔包，佢哋都表示唔係太出色，不過都唔錯，對得住個價錢總結：佢嘅價錢唔係話好平，不過喺西貢來講都算係咁，包類黎講都多料，不過我哋今次冇食過飯，可能下次會試吓，順帶一提佢啲薯條都好香脆🍟…Read More

行街行到咁上下，見到佢有下午茶都好似幾抵就試吓啦坐低咗先揀嘢食，再去門口俾錢，店員就會送餐上嚟揀咗麻醬乾伴面、鹽酥雞、台灣腸、甘梅脆薯首先個面就咁睇都覺得冇咩色，撈勻佢之後有少少色，但係食落去係完全冇味，麻醬味少少都食唔到，有啲失望。啲小食3樣都唔係好夠熱，炸嘢真係要熱先好食😕 去台灣就係最鍾意食佢街邊啲炸嘢朋友都係揀咗麻醬麵，小食就揀左鹽酥雞、木魚炸豆腐、滷蛋同樣問題炸嘢唔夠熱，木魚炸豆腐一咬就散開、蛋就偏淡總結來講，所有嘢都麻麻地，唔知係因為下午茶比較平，所以質素就差啲定係點。見其他人食dinner/ lunch d comment都唔太差。不過呢個價錢都冇expect過太多嘢，當求其搵個地方坐下食啲嘢會開心啲🥲…Read More

如果唔係食佢，都唔會特登黎呢度我哋大約1點嚟到，比較多人食碟頭飯感覺上似係大排檔/茶記，但午市都有得叫小炒一路食緊嘅時候，都見到好多人慕名而來因為臨近父親節，有啲食物嘅價錢都貴咗少少明太子炒飯 $57幾香口，飯粒粒分明，不過啲蟹柳太大粒有啲搶味啫啫通菜煲 $78本身就咁一個煲，上菜嘅時候係你面前炒，望住佢「炸」一聲，其他枱啲人都望晒過嚟🤣🤣 幾eye catching 椒鹽九肚魚 $98 (原本$88)太大份，如果可以叫半份就好，同其他嘢食相比，就比較冇乜特別，出面都食到嘅質素火焰蜜椒牛柳粒 $118（原本$113）都係其中一點打卡菜，碟上面有啲類似蠟嘅燃料，黎到嘅時候係你面前點火，所以夾嘅時候都要小心啲。 呢個餸用嚟送飯好好，因為佢比較多汁，連其他嘅配菜都好甜南乳炸豬手 $98 （原本$88）大約有5-6舊，記得要趁熱食，啱啱嚟到脆卜卜好好食👍🏻見人人都叫呢個朱古力加忌廉，其實咩都就冇乜特別，不過係一間茶記/大排檔嘅餐廳黎講，就比較少見有得賣總結：食物有鑊氣，有啲餸都幾特別，整體食物比較濃味，鍾意濃味嘅朋友可以黎試吓，不過食完之後會有啲口乾…Read More

朋友介紹呢間食魚生飯，門面都有少少日本feel午市時間，我哋早到所以唔使等位定食大部分都包埋沙律同麵豉湯隨餐附送，唔好咁大期望海膽魚生飯$78三色丼$98 （自選：三文魚腩、海膽、吞拿魚腩）總結：佢有bar位同樓上位既，但午市時間都多人等位。魚生合格，不過唔係特別出色，海膽有d腥，飯唔夠凍+飯量少(男士未必夠飽) …Read More

星期六試吓嚟飲茶，walk-in等位，大約等咗半個鐘。店員叫我哋入去嘅時候有啲呼呼喝喝，服務態度唔係幾好🙄一路等都有睇吓有咩食，見佢都唔平，估唔到一坐低竟然比對木筷子，成個level即刻降咗一級。蟹肉扒伊麵 $143都幾細份，四個人一人都食唔到一碗，不過啲蟹肉都唔少嘅蝦餃 $49普普通通，啲蝦都大粒橙汁卷 $36幾特別，有淡淡嘅橙味，個質地有少少似水晶腸粉，好滑而且擺得幾靚蝦卷炸兩 $49腸粉皮好滑，唔錯安格斯炒河 其實同乾炒牛河冇乜分別，只係用咗安格斯炸鮮奶$39一嚟到熱辣辣👍🏻流沙包$49一啲都唔流沙😵總括嚟講，佢啲嘢食有啲唔錯，但有啲真係唔得，但係價錢就偏貴。啲嘢食係擺得幾靚嘅，不過得個樣，味道唔OK幾靚都無用。服務態度真係麻麻地，我哋想攞多對筷子做公筷，店員都黑口黑面。加上收得呢個價錢，真係冇諗過會比木筷子🤧…Read More

豬軟骨野菜咖喱飯$66個人覺得咖喱一定要配飯先好食，因為可以撈汁呢間小店出名豬軟骨，確係幾好味，又林又入味，而且啲豬軟骨唔需要好大力都咬到。佢啲汁都算多，可以每啖飯都有豬軟骨/蔬菜同汁佢啲蔬菜都幾多，感覺唔會咁heavy另外啲米都係日本米👍🏻朋友叫咗豬軟骨胡麻湯烏冬$66佢表示覺得叫飯嘅豬軟骨多啲，而且個湯唔係十分出色，如果兩者同樣價錢來講飯會比較吸引另外見到其他人表示覺得呢間野嘅服務態度差，我當日午飯時間去都算多人，等咗一張枱，但感覺職員都正正常常，如果下次去開附近都有機會再嚟試吓👍🏻…Read More

朋友介紹話呢間食日本嘢價錢唔貴又好食香蔥拖羅魚蓉丼$68朋友走蔥，佢話魚蓉足料，每啖飯都可以有一啖魚蓉粒粒角切魚生飯$68正正常常，d料既份量比例都合理三文魚親子丼刺身定食$68佢一份包埋生菜沙律、中華沙律、麵豉湯、魚生飯同埋蛋，個人認為都對得住個價錢有多。不過生菜沙律就冇汁，個人鍾意淡口味都覺得OK，但朋友就覺得唔夠味。另外個蛋原來係甜品，暖暖地，覺得似食緊無焦糖嘅焦糖燉蛋，不過都唔錯唔係太甜。午市黎講$68都幾豐富，雖然啲魚生唔係話10分實出色，不過好過放題質素，以呢個價錢來講都覺得合理，而且冇收加一👍🏻…Read More

首先肉骨茶係必定要叫，我哋揀咗豬腳灣$48個人好喜歡一啲中藥味，佢呢個肉骨茶飲落甘甘地，飲完個喉嚨好舒服😌飲完仲可以再添另外個豬腳彎正正常常，啲肉都林既，同埋好入味咖央多士$28欣賞佢個包焗得好鬆軟，而且佢啲醬都冇留手，起碼食到啲角位都仲有醬👍🏻老鼠粉$84主要係銀針粉，夠兩個人食，佢唔算好濃味，不過所有嘢加埋一齊就好香口，食完一碗會想再添。而且記得嚟到嘅時候快啲撈勻佢，如果唔係就會癡底㗎啦馬來西亞拉茶(優惠價$8)總括嚟講，所有嘢都幾好食，而且價錢都合理，為返一個人都唔使$100，不過兩個人食唔到太多，下次嚟嘅話想試埋辣死你嗎同湯面🤭…Read More

呢間野開咗好耐，之前次次經過都好多人排隊，所以一直未試。今日下午經過，見冇乜人，終於可以試下👍🏻睇食評，好多人話收銀店員態度差，可能我當天冇乜人，感覺店員態度都正常。叫左杯芝士奶蓋烏龍茶走甜👍🏻👍🏻👍🏻等咗大概2-3分鐘，個人唔鍾意太甜，走甜到啱啱好，芝士奶蓋好邪惡，有少少漏，不過好厚滑😋😋大滿足但$30偏貴…Read More

平日6:30到嚟到，都好多位，如果遲少少大約7點令鐘到就要等位便當都大份，同朋友share都食唔晒，不過可能我哋叫得太多嘢食😆塔香鹹酥雞$38啱啱一嚟到食熱辣辣，好香脆👍🏻記得嚟到即刻食，攤凍咗就唔好食呢個香腸麻麻哋，本身以為係反晒光嗰種而且食落有啲乾，可以唔使叫芋泥蛋餅$38佢有個醬汁有d蒜頭味，個人認為唔點醬都好食入面啲餡有少少溶溶地，芋泥味重，食落有少少拉絲嘅感覺原本想叫埋青瓜，不過食唔晒就冇叫，唔知食咩好可以跟住佢嘅推介嚟嗌佢嘅食物絕對對得起價錢，四個女仔share食咗 $23x，每人$60有找，而且質素都唔差，比阿元來了出色…Read More

店舖細小，堂食只有三至四個座位（見圖右手邊）朋友點的，佢買個包夠熱，喜歡芝士溶溶地嘅感覺Full Day Breakfast 普普通通，不過不失，大致上所有嘢都係暖暖地，唔夠熱整體來講，對得住價錢，但唔好有太大期望，咖啡偏酸…Read More