CapriCheung's Profile

因為想食牛排，所以問到呢間餐廳。見到呢間既T-bone steak好吸引，所以就book左。1kg T-bone steak超級驚喜。我地叫左7成熟，係啱啱好。牛排好軟但唔韌，仲要好juicy。本身以為1kg兩個人食唔晒，但係最後好快俾我地清左。不得不提個牛排醬汁，有別於一般既醬，好特別，同塊牛排好夾。另外，前菜既免費mini bread都好驚喜，配搭埋自家製既芝士醬就好perfect。我地仲叫左蜜瓜配ham，加左九層塔落去配，好特別，好fresh。…Read More

行街見到距個牛排好吸引，價錢又合理，7:45pm後入座仲有85折，所以就入去食。柚子新蝦沙律沙律用做左醋，酸酸地，幾開胃。蝦都算彈牙，不過份量唔多。柚子份量比較少，有少少失望。封門牛柳我怕食生，所以叫左7成熟。牛柳生熟程度剛剛好，好juicy夾埋個汁，好match。另外配菜都ok，有幾款蔬菜，女仔黎講份量都足夠。草莓熱情果蘇打玫瑰荔枝蘇打兩杯野飲都好飲，唔係死甜，尤其玫瑰荔枝蘇打，玫瑰既花香再加荔枝，好fresh。而草莓熱情果蘇打比較甜，草莓味都好出。個人比較推介玫瑰荔枝蘇打。6月脆豬手仲有特價$98，不過今次我地得兩個人，食唔晒，所以無叫到，下次可以試下。…Read More

今天無意經過呢間泰國餐廳，見到個2人套餐幾抵，於是入去試下，味道出乎意料好味。下次再去。1. 泰式素翅魚肚羹類似普通碗仔翅，有冬菇粉絲同素翅，味道唔算好濃，加埋醋飲，酸酸地幾開胃。2.沙嗲雞肉串燒（四串）四串雞串都幾大串，沙嗲醬好野味，雞肉本身已經燒得好入味，就算唔點醬都好好食。3.香脆馬來豆腐豆腐皮脆內滑，出面淋上魚露同埋甜酸醬，配埋青瓜絲，酸酸甜甜唔油膩。4.原個椰青咖喱軟殼蟹拌印度烤餅呢個係最驚喜既菜式！青咖喱好足料，加埋青紅椒同埋椰子絲，好香而唔膩。將印度烤餅點青咖喱食，非常夾！除左有炸得酥脆既軟殼蟹之外，仲有2隻大炸蝦，份量一啲都唔少。仲有配埋一杯椰青，一個菜式可以食到幾樣食物。5.薑汁炒芥蘭薑汁味不算重，但係芥蘭炒得翠綠爽口！6.龍眼冰龍眼冰味道普通，勝在唔算太甜。…Read More

這間燒烤店已經試左3次，這次終於忍不住要分享俾大家！燒烤款式有好多，尤其推介糖烤牛奶方包！外脆內軟，非常滋味。雞泡魚乾也是必食之選，配上蛋黃美乃滋，簡直是絕配。而且雞泡魚乾燒得香脆，沒有一點腥味！老闆同店員服務態度好好，關心客人對食物的意見，環境舒適，值得一試！…Read More