Eatmoreeee's Profile

超級無敵抵食(個人覺得)兩個鐘想食咩就拎咩(有分兩個套餐)，食物尚算新鮮，壽司都可以，唔可以話唔好，畢竟帶一張紅色就可以食咁多嘢，係呢個價位已經好好，想識嘅朋友仔我覺得可以試下，都唔係好貴，食物又幾多，基本上喺嗰度淨係食肉都已經可以回本，當然你叫多幾個朋友仔去，如果胃口大嘅話，肯定回本，去過好多次啦！就算搬咗屋都想同啲朋友仔搭車去食，三個朋友仔都係幾百蚊，服務都幾好，環境一般般啦，唔可以話係好好，畢竟張枱可以見到油跡，食完啲服務員都係掃一掃就走算，唔會抹得好仔細。環境比較黑，不過我覺得呢種feel都幾好。…Read More

真實食評😌🙏🏼外賣同堂食都等得有啲耐(rush hour)，希望可以改善一下。薯條唔熱，麥樂雞還可以，麥旋風嘅份量都幾多，味道可以。廁所感覺成日壞，今日去就話冇水，體驗有啲差。坐靠窗果一邊，衞生有啲差，食物殘渣都冇掃走(睇落去都放咗好耐)，希望老麥可以改善下，但我覺得整體都可以。…Read More

等外賣平均至少要等半個鐘(rush hour)入去睇咗一次少兩三次，今日去買外賣，1:40幾分落單 2:20左右先拎到，希望可以改善一下外賣速度😌🙏🏼喺呢間譚仔都已經食過N次，想去食既都可以試下。味道可以，湯好飲，麵好食，配料都好好，美中不足的就是不知道什麼時候加了芫荽之前我都堂食過，我都講下感受，平均都係要等10-20min，有時候如果你嗌左嘢飲，所有嘢食到咗，嘢飲都未到，需要你去吹啲姐姐，希望譚仔都可以改善一下，不過服務好好，有次去同朋友食嗰陣，原本佢要加竹笙，但係碗麵上到黎嗰陣，冇竹笙，啲服務員哥哥姐姐都好貼心幫你送返去廚房嗰度。…Read More