dayoff's Profile

店員態度奇差，全程西面，唔知邊個得罪佢。收你五十幾蚊一杯咖啡，但你要預咗self service，西面店員會點你叫你自己清番所有野😂 咖啡味道還可以，但唔係話好香咖啡味，同埋size偏細，一小杯。環境就正常啦，岩岩冇乜人，亦都冇乜冷氣。白色為主似工業風，但查實冇乜裝修😂位置勝在都方便，下面歌賦街食完飯行上小小就係呢間coffee shop。但附近其實有好多質素好好既coffee shops，價錢差不多，但態度環境一定好好多。…Read More

首先一開頭因為比咗風口位我地坐，之後我地見有人走就想轉去嗰張二人枱，個waiter就話落咗單轉唔到位，仲話陣間食烏冬會好熱就唔會凍。好明顯係懶，都算，諗住如果食物好食就算。兩碗烏冬到咗，一試啖湯，完全係劣質味精湯，仲衰過出前一丁/辛辣即食麵，兩碗都係味精到爆。一碗係雞扒烏冬，d雞扒雞皮好厚，係嗰d頹雞扒。另一碗係蜆烏冬，d蜆好多沙，食到我成口沙。同老闆反映咗蜆有沙既問題，佢話佢地d蜆不嬲都係咁處理，會叫伙記下次浸耐d，hea9我地就算，冇誠意。總結，唔明d like係點黎，因為真心差，仲要唔係特別平，生意唔係咁做的。講真要食味精湯底我番屋企煮個即食麵都得。…Read More

Cheesecake唔好食，咖啡ok，環境幾好，服務都不錯。價錢中上位。同朋友傾計係唔錯。有得揀nutty/fruity coffee beans，但nutty 好似好飲d。…Read More

第一次落單，嗌咗一個熔岩蛋糕，兩杯野飲，等咗十五分鐘乜都未到，再問另一個waiter原來漏咗落單😅 但見佢地好有禮貌就算，再落過單。個蛋糕好快黎咗。本身好有期待個蛋糕，因為喺觀塘嗰間食過覺得好好味。但今次呢個，第一啖未食落口就已經知道係好乾好硬。。。勁難食，應該係擺咗幾日已經唔軟熟同唔新鮮。同上次食係差好遠，好失望。飲品就正常既，環境都算乾淨闊落。但我覺得個蛋糕真係好差，dry得緊要，中咗伏!!!…Read More

前後食過兩次，兩次都係咁差。第一次order咗個wrap，淡而無味，d雞又乾又硬又鞋。自問唔係食得重口味，平時都會食d健康wrap/salad box，但呢個wrap好乾又冇味。第二次諗住order番個有香料既雞salad應該會好d。但其實唔爭得遠，d雞依然係勁鞋勁乾，已經硬到好似橡筋咁，又唔切細小小，點食？d salad菜就正常啦，冇咩好讚，講完。總括，唔會再食，佢賣得呢個價錢，應該要offer 好d既質素，而唔係d乾曾曾又硬既雞。…Read More

叫咗百香果愛玉蘆薈四季春個底得d百香果籽，完全冇百香果陣甜醉味，得四季春茶d苦味，麻麻地。可能佢d黑糖珍珠飲品會好飲d，見到有得揀豆奶/米奶，下次比多個機會試下啦。…Read More