willy_lam's Profile

知道呢間餐廳新開一星期，阿仔又想吃卡邦尼意粉，特意前來一試。 好多餐廳都有卡邦尼意粉，但每間餐廳的味道非常不同。 呢間餐廳煙肉夠多，白汁非常creamy，正正係我喜歡的那種口味，覺得不錯。另外點了一個酥皮牛柳，確實有點驚喜，牛柳非常大件，但係 肉質非常軟淋，容易入口。薯條亦都幾好味。另外我哋亦都點了一個豬手，個豬手外皮非常脆口，好難得，呢個價錢絕對超值。 其實佢每碟嘢都好大碟，份量 十分充足，嚟緊一定會多啲幫襯！…Read More

呢間餐廳位於市中心近水坑尾或白馬行附近，亦近大三巴。附近有好多運動舖，行完街又唔想食咁貴可以考慮這一間餐廳。餐廳環境闊落，選擇十分多，有一般台式麵飯，亦都有湯麵及各式各樣小食。另外出名雞蛋仔，又有台式珍珠奶茶等等。一碟飯或湯麵的價錢大約50元，飲品都在30元內一杯，以呢個價錢又想坐得舒服，呢間就係最好不過。 我來過這裏很多次，食物都是不錯，當然不會有驚喜，但也不會令你失望。附近泊車就不用想了，因為咪錶不多，或者可以泊 附近的銀座停車場，大約十蚊一個鐘。…Read More

呢間係一間韓國fusion菜，食物選擇很多，有韓式湯麵，pizza，壽司，漢堡包及蛋包飯等等，每樣食物質素都很高，保證不會令你失望。來過呢間餐廳好多次，已經試過很多款菜式，每款都好好味，特別推介辣海鮮湯麵，個湯其實唔係好辣，但係好好飲，而且用料充足，十分大碗，兩個人都夠食。另外他們的甜酸雞卡邦尼意粉亦很特別，好好味，其他餐廳 都沒有這個菜式。 還有他們的蛋包飯亦係我的最愛，隻蛋炒得好滑，裏面啲汁亦都好好味。附近泊車十分方便，很多咪錶，值得一試。…Read More

上次路過大三巴，見佢成日有人企喺度棟個牌招客，就試一試。餐廳地方不大，但係菜式選擇多，今次係第二次嚟，上次點了個焗阿里巴巴雞扒飯及葡汁焗雜菜，味道正常， 份量亦夠。但今次點了雞扒燴意粉就有點失望，因為雞扒同意粉都只係少少暖，唔知係咪放咗好耐先送過嚟還是怎麼。吃了第一口已經覺得 只係暖暖地， 在吃落去已經唔想食 有廢事叫佢再炒過 最後決定打包 用多兩蚊 返屋企再煮過。 其實呢個意粉同一般茶餐廳的質素冇乜分別，所以不要有太大期望。…Read More

呢間餐廳雖然地方不大，但係食物質素幾好，廚師主要是菲律賓人，老闆是日本人，主要食日本咖啡室的菜式，例如蛋包飯及各類意粉。我最喜愛的就是煙肉白汁意粉Carbonara. 呢個意粉我已經食咗好多次，次次都覺得好好味，因為非常creamy，份量亦非常多，還有很多汁，就算吃完 還有很多汁在碟上。雖然知道好肥，但係真係忍唔住食曬啲汁，試過澳門很多餐廳都冇咁好味，除咗 carbonara，他們的蛋包飯也非常好味，雞蛋非常滑，好開胃的。就在皇朝區，旁邊就是金沙酒店，附近很多咪錶泊車。…Read More

嚟澳門輕鬆一下，行得耐可以黎呢間餐廳嘆咖啡。雖然呢間餐廳食物種類不多，但風景一流，戶外有個露天茶座，就在巴黎鐵塔的旁邊，環境非常優美。飲杯野，吹吹風，都幾寫意。餐廳很多網紅都來這裏打卡，影相一流。食物方面，主要是美國的食品，例如漢堡包，意粉 及各類飲品。食物質素還可以，但老實說，來這裏不要對食物期望太高，食個環境已經夠數。酒店設有免費泊車三個鐘，絕對有足夠時間再行下街。不過由於戶外只得五張枱，可能要等一等位。如果唔想等，室內的座位都幾得別，有些座位是模仿坐在汽車上，小朋友一定鍾意。…Read More

澳門本地人推介，所以專程到訪試一試。發現真係有驚喜，標榜是前澳督府廚師主理， 所有食物質素都很不錯，而且用料新鮮。聽說這家餐廳曾經是有錢人才可幫襯，之後搬到來這裏價錢才變得親民。 八百幾蚊四人餐，的確不貴，而且食物質素及選擇 都好啱我哋口味，頭盤的扒大蝦確實很好味，非常大隻，而牛肉亦煮得好冧，容易入口。四人餐還包括木糠布甸作甜品，所以基本上不用再花費就可享用所有葡國美食，的確抵食。餐廳環境闊落，可以慢慢坐，服務亦非常周到，附近又多商店，所以食完飯行下街都唔錯。另外好近大三巴。 不過泊車就要泊去附近的停車場啦。銀座泊車$12一小時。…Read More

有親戚由澳洲到訪，說想食葡餐，特別帶他到這一家老字號平民葡餐一試。 餐廳可以預約，服務不錯。 餐牌非常清晰，有很多圖片參考，食物種類很多，價錢亦相當親民，我們四個人埋單才五百幾元。食物質素亦不錯，很啱香港人食。點完野食就有免費餐包奉上，特別推介馬介休球，細細粒好好味，而且不太鹹。另外，馬介休炒飯亦很入味，很新鮮。最後推介焗葡國雞，撈飯一流。附近很多泊車位，如果自駕遊的非常方便，唔使泊去停車場，泊咪錶位行兩步路就到，附近還有觀音像，食完飯順道瀏覽都不錯呀！…Read More

放假成日都會來這裏，因為環境舒服，有我最喜歡的露天茶座，食物質素亦ok，特別係咖哩牛筋腩蛋包飯，啲牛腩牛筋都炆得好冧， 而且份量十分多 ， 滑蛋亦非常厚身，而且我通常都會特別提出要炒滑啲。另外，這家餐廳有All Day Breakfast, 分份十分足，六十幾蚊一set 包飲品係幾抵。 餐廳食物選擇非常多， 聽說他們的西多士也不錯，大家放假不妨一試。 最近如果想坐帳篷底用餐的話，要自己取食物，因為那部分不屬於餐廳的範圍。…Read More

2022年才開始營業，這家餐廳環境優美，部分座位設在戶外，喜歡露天茶座的朋友應該會喜歡的。食物種類不算多，主要是西式美食， 有漢堡包， 葡國雞飯，牛尾飯，卡邦尼意粉或沙律等等，食物質素也不錯，一碟意粉價錢大約80蚊內， 一杯咖啡都係三十蚊內，所以算是便宜。如果去開觀音像或者科學館的朋友可以過來試試，餐廳旁邊有個好大遊樂場，畀小朋友放電也不錯。 大人就可以留在戶外的座位休息，店員都不會理會的，所以大家可以輕輕鬆鬆嘆咖啡。…Read More

這家餐廳雖然很出名，但係食完今次真係唔會再去。 我嗌咗碟叉燒燒鴨飯，啲叉燒非常差，肥到肉都冇，我好少可會食剩叉燒，但今次真係唔得了， 建議打算去幫襯的朋友都係食返燒鴨飯算了。…Read More

夜晚同一班同事來火鍋，見佢新開冇幾耐，所以特意來試試。價錢非常合理，只係$158蚊另加一收費，一人一鍋，非常衛生。 首先，每人可以揀自己一個鍋底，大部分都唔使加錢，亦都好好味。我點咗個蕃茄鍋底，食到最後個湯都好好味。揀完鍋底就可以揀，海鮮同肥牛。海鮮雖然得幾種，但係味道都唔錯，肥牛亦有兩三種選擇，食落絕對唔係下等肥牛，我覺得肉質非常好，又有鮮味。除咗海鮮同肥牛，另外有好多菜色都可以在雪櫃那邊自取，款式都唔少㗎。蔬菜的種類亦好多，又有 出前一丁同埋其他麵類，感覺老闆都肯花成本。食到最後仲可以每人揀一款 haagen dazs雪糕！…Read More

一般人都好少去酒店食飯，仲要係五星級，永利酒店呢間餐廳真係好抵食，一百蚊左右就可以吃到一個高級餐，有時想坐得舒服啲去呢間餐廳真係唔錯，又有免費泊車兩小時，我已經來過三次，每次都會吃他的常餐，包一杯冷熱飲品。常餐好豐富，都可以說有三道菜，我特別推介牛肉蛋三文治，啲牛肉好淋及好有牛味，薯條有卜卜脆，蛋撻又好好味，食完曬再慢慢嘆杯咖啡真係唔錯。其實就算其他菜式 都好抵食 例如焗骨飯都係98蚊，小菜都係一百至二百蚊左右。坐得舒服，服務又周到，冇嘢做呢當食個high tea都幾好！…Read More

就在大三巴附近，這家餐廳環境寬敞，座位舒服，連洗手間都好靚，很乾淨。由於餐廳夠大，一枱坐6人也可以。行累了入來吃飯一流，以西餐為主，有英文音樂，所以感覺很relax, 在澳門可一邊傾計，一邊聽歌的餐廳實在不多。我點了個午餐，雞扒蛋包飯MOP50包飲品。啲雞扒是吉列的，好翠口，雞蛋都算滑，不過建議可份量多一點，因為覺得雞蛋包住啲飲不夠厚身，有點單薄。下次再來試下個All Day Breakfast, MOP78。…Read More

肥珊出名人多，要吃午餐對我來說近乎無可能，一定排長龍，等外賣可能要30分鐘以上，所以我只會來吃早餐。 今天點了個咸牛肉三文治，超級大件，啲雞蛋又厚又多汁，鹹牛肉裏面仲加埋洋蔥炒，所以好香好入味，佢個包裝亦都好精緻，用錫紙包，所以食起上嚟很方便， 唔怕污糟，夠貼心。$25咋！…Read More