Yanyan Cat's Profile

五一假期當然不會浪費~和幾位朋友逛過街看完電影後已是晚上十時多了本身已經打算在銅鑼灣看完電影後就去circle plaza內的kozy鐵板燒吃遲來的晚飯但看見同場的鱈卵屋更改了營業時間至凌晨三時~所以便決定去鱈卵屋啦~~畢竟是十點多了, 到餐廳時人不多, 我們坐進了店內較隱閉的位置, 要聊天也很方便自己和朋友都喜歡喝酒, 所以首先當然要叫酒喝店員遞上酒類餐牌, 原來現在有推廣, 晚上10點至凌晨2點半有8折~!! Suntori生啤一杯也只是$44...真的算是便宜了~(暴露了我經常喝啤酒的事實=.=)而且, 這裡的啤酒選擇不止是一杯生啤/枝裝的, 還有...壺裝的!!紅色的水壺非常搶眼, 店員說一壺等於大概5-6杯生啤因此像我和朋友喜歡喝啤酒的, 就決定叫水壺啤酒了~而且神奇的是, 在用餐的時間我們慢慢添酒, 但在水壺的啤酒卻沒有變成室溫, 還是冰凍的~所以叫一壺放著也可以~不用擔心喝得不夠快會讓啤酒失去冰凍的感覺既然都叫酒了, 一定要叫一些跟啤酒相配的小食才可以上次去這裡已是上年的事了, 這次發現menu好像又有添加新菜式其中比較特別的是這道「鱈卵屋橄欖油煮蠔併法包」(另可選蝦, 價錢一樣)橄欖油中加上了蒜蓉和這裡的招牌明太子, 非常香口油煮感覺好像會很肥膩, 但吃上口又不會, 用法包沾上吃是剛好配上肥美的蠔, 超好吃的, 美中不足是只有三隻蠔, 份量是比較少一點menu特別提到這道菜十分適合配上酒享用的確, 在吃完蠔和法包之後呷一大口啤酒, 清爽度大增~另外也叫了這款「鱈卵屋多士拼盤」, 在多士上的是滿滿的明太子和蒜蓉香香脆脆的, 加上微辣的明太子, 也是和啤酒的最佳配搭~然後是這個「三文魚刺身3種」, 之前來的時候都是只叫「三文魚明太」, 但因為這次有幾個人, 朋友和我都很喜歡吃三文魚(香港人無誤), 所以便叫這個試試除了中間的「三文魚明太」外, 另外分別是刺身和火炙的料理方法刺身厚身而肥美是不用說, 而火炙的就更加把三文魚的油份迫出來, 入口更肥美不過最愛還是三文魚明太, 三文魚和明太子的味道真的很合~順帶一提, 這可以在家裡試做的 (他們有賣明太子...)接下來是第一次試的「炸明太豆乳餅」, 其實這就是台灣所說的可樂餅 (日語是コロッケ)餡料是薯蓉加上明太子, 我很喜歡吃コロッケ所以覺得很好吃不過要襯熱吃啊, 只顧拍照的後果是吃時已有一點冷掉...=.=最後介紹的就是兩道我好像每次都有點的菜式薯仔沙律和明太子灌湯蛋卷薯仔沙律把薯仔和明太子混合, 有濃濃的明太子味道, 是開胃的菜式至於明太子灌湯蛋卷就不用多介紹了, 每次必點, 真的超好吃吃吃喝喝一輪, 發覺原來已經凌晨一點多...怎麼就坐了三小時...這裡比酒吧要靜的多, 更適合和朋友談天說地 (就是沒有骰盅供應啦XD)209其實這裡真的是相當不錯, 唯一要顧慮是價錢稍高一點, 但整體而言是值回票價的staff也很有禮貌, 喜歡日本料理的人真的可以來試試看…Read More

OVO這個名字除了是一家售賣居家精品/裝飾品的design store外, 還有這家OVO Cafe~Cafe內有位置可以見到員工一直在弄著各式各樣的花盆~至於重點的cafe, 整家cafe以非常多的植物作裝飾, 身處其中有如置身一個小花園當中~單是拍照已可讓女生們樂上一會了~~不過cafe最重要的始終是食物本身, 這裡的食物選擇真的不算多, 主食只有三款, 還有一款all day breakfast及數款小食...倒是咖啡方面選擇比較多, 基本款的espresso, cappucino, latte, macchiato, 朱古力等,還有果汁...(後來問別的朋友才知道這裡的果汁不錯)點了溫泉蛋蕃紅花意大利飯及iced mocha macchiato...mocha macchiato反而先上, 完全沒有加糖, 也不見有syrup供應...我也沒所謂了, 反正平常吃的太多糖也不是好事咖啡和朱古力味也不太重, 我覺得普通, 倒是杯子挺漂亮的主食方面, 相信這裡是秉承著健康低鹽的料理方式吧溫泉蛋蕃紅花意大利飯賣相精緻, 味道清淡, 意大利飯沒有煮的過軟, 把溫泉蛋戳破後混著飯吃,感覺清新不膩口, 不過對於我來說有點太淡了, 是味蕾被平日味精和過多調味料的食物影響了嗎?整體味道方面是OK的, 只是我想男生未必太習慣這裡的清淡調味吧整體而言, 這家cafe也值得一試, 反正這裡應該是以健康素食為主打偶爾能在都市內找到一個小小花園歇息一下, 吃些清新蔬菜素食,也是放鬆心情和keep fit的好主意~…Read More

久違的和舊同事聚會, 朋友推介了這家座落銅鑼灣的cafe下午三時多到達, 店內客人稀少, 不計我們只有一檯兩位客人, 而且她們也很快結帳了, 因此整間店只有我們...這時有一點擔心, 這樣生意會做的下去嗎......這裡的餐牌以咖啡為主, 有數款不同國家的咖啡 (不過我也對咖啡不太認識就是=v=), 但這天沒有供應, 只供應些比較基本款式, 朋友說這裡的original blend咖啡挺不錯, 我則因為想喝凍飲而選擇了普通的凍咖啡, 出乎意料的香咖啡味又不會太酸, 就是挺適合我這種對咖啡不太有研究, 最重要易入口的人吧~這裡還有一款日式咖啡, 說是酸味較重, 不過就沒有試了~ 不好咖啡的也可選擇朱古力, 汽水等飲品, 看見店內有很多日本酒, 也有生啤機, 對愛好杯中物的人而言, 這間cafe入夜後應該也不會令你們失望。熟食方面, 這裡和我在日本去過不少的日式cafe小店一樣, 選擇真的不多, 有三, 四款意粉吧, 還有多士等輕食供選擇, 也可加配咖啡或茶作set~朋友先來了一份明太子炒意粉(沒有拍照), 上菜時味道很香, 但外觀上並沒有像一般的餐廳會在意粉上放上少量明太子作裝飾, , 而明太子其實在炒意粉時已經融入在意粉當中了, 因此這意粉的外觀就像沒什麼材料的十分平實, 但朋友說味道很不錯。至於cafe裡的甜品也算是重要一環, cafe中有塊板列出了各種甜品, 以蛋糕為主, 亦有一款日式的白玉丸子...這次和朋友就叫了抹茶紅豆芝士蛋糕和石板街雪糕蛋糕。抹茶紅豆芝士蛋糕($42)一入口便吃到濃濃的芝士味, 可見cream cheese的比例一定比平時的蛋糕要高不少, 相對綠茶味並不太濃, 是一口吃完後才散發出來的, 我會比較想綠茶味再多一點。石板街雪糕蛋糕就是自家製的雪糕 (即是用忌簾和牛奶打出來再雪凍的), 用料十足, 但朱古力味略嫌不太夠, 被奶味蓋過了, 但杏仁等配料很多, 也很大件, $56是合理的。這家店除店長外, 店員也應該是日本人, 而且還很害羞=v= 不過說廣東話是完全OK的~也可以用日文交談啦當然, 學日文的可以鍛鍊一下日文啊! 至於店內氣氛就是很日本cafe小店風的, 很舒服自在, 也不會有人打擾, 店內一直播著日文歌, 對於我這個喜愛日本文化的人而言是很不錯的。隨著時間過去, cafe的客人越來越多, 讓我們一開始對於客人不夠的擔心完全消失了XD 客人有日本人也有不少香港人, 有些應是熟客吧, 和店長有說有笑的~而且可能是日本人的店的關係吧, 即使人多了大家也安安靜靜的, 不用擔心會吵。對我而言, 如果要找個地方輕鬆和朋友說說笑笑度過下午, 或是晚飯後想和朋友情人再相處多一會, 這裡比起港式樓上cafe而言是更好的選擇, 感覺更有人情味一點。…Read More

放工久違的經過樂富, 7點幾已是晚餐時間, 便隨興的揀了這間唔太多人的M18試試。M18以飽點為主, 但晚餐選擇亦唔少, 都有6,7款套餐, 主要都係意粉之類。Set 1的「泡菜芝士撈辛辣麵」, 可選雞扒/豬頸肉, 我選擇了豬頸肉。套餐$62配餐湯及飲品(樽裝汽水/熱飲唔使加錢)。餐湯只有一款蕃茄湯, 入口幾酸下, 食到幾多蕃茄粒, 味道有點似羅宋湯, 還可以主菜一上, 見到係撈麵上灑上辣粉, 賣相唔錯。撈完之後就變成上圖, 辣粉唔算落得多, 所以其實唔太辣。豬頸肉有5塊, 可惜大多偏韌, 亦冇咩味道, 泡菜份量亦唔多, 不過可以接受嘅。至於個公仔麵就好明顯唔係韓國貨, 加上煮得太耐了, 麵身超軟, 完全冇韓式辛辣麵嘅彈牙口感(嘛不過佢又冇講明係「韓式辛辣麵」...) 猶幸芝士醬落得夠多, 不辱「芝士撈麵」之名, 令我對呢個麵加返啲分。其實$62擺明係偏貴, 係裝修好少少...不過味道整體都OK, 都可以一試嘅。…Read More

放題第二擊, 今次係去浦和日本料理的上環分店, 上環地鐵站A1出口直達, 非常方便, 而且放題時間無限, 所以決定一試~兩星期前book咗7點6位, 直到用餐當日中午天文台已掛3號波, 冇幾耐就收到餐廳電話confirm booking, 心諗夜晚轉8號波都冇所謂啦, 照去~當晚同2位同事一齊出發, 大概6:40pm提早到達, 到埗後覺得餐廳環境幾好, 檯同檯之間唔會迫, 有返私人空間先...但另一方面, 一坐低店員就同我地講如果晏啲掛8號風球餐廳就要關門, 同朋友都「打咗個突」 (雖然係正常)...之後一路食都擔心好快會改掛8號波......=.= 講返放題本身, 餐廳提供3種價錢選擇, 平日有$238, $318同$438(唔sure)三種, 好自然選擇了中價的$318(另計加一)的「升級放題新體驗」, 刺身多了油甘魚, 鯛魚等等選擇 (但帶子同海膽刺身則唔包括, 要幫襯最貴的一個價錢), 另有啤酒, 梅酒及各種飲品的無限任飲。罐裝麒麟啤酒任飲對喜歡啤酒的筆者而言非常好 (飲咗4罐=.=), 而且仲有梅酒同其他飲品包括忌廉溝鮮奶, 錫蘭紅茶, C+汽水等等...一開始我們得3個人時候, 上單速度較慢, 令我們心生懷疑, 但隨著我們6位齊人後, 侍應上菜速度即刻加快了, 之後叫的菜式都好快上菜。齊人後侍應立即送上惠顧放題贈送的刺身拚盤, 有$318放題食唔到的三文魚腩, 帶子, 海膽, 仲有其他包括甜蝦, 劍魚腩, 白玉豚, 螺肉, 油甘魚, 北寄貝等。各款刺身都夠新鮮, 尤其係海膽入口鮮甜, 不帶半點腥味, 非常好食! 三文魚腩亦夠肥美。$318放題冇帶子同海膽刺身唔緊要, 有壽司供選擇, 由圖可見, 份量當然偏少, 但味道搭夠, 唔會中伏先~蒜香焗蠔的蠔肉偏小, 入口幾香口, 尚可花之戀用的三文魚同樣好肥美, 落足料, 抵返晒~~日式火鍋我地選擇了清湯底, 有各種食材選擇(如牛肉, 豬肉, 豆腐, 菜等等可以想像到的食材都有), 我地淨係揀咗蔬菜類...牛肉粒是一般貨色, 焗露筍則相對較少見, 而且好味香芒焗帆立貝是驚喜之作, 入口食得出芒果味道, 配合帶子好開胃, 不過食多兩件會滯...仲有好多常見料理如天婦羅, 串燒, 吉列蠔等等都達到放題水準, 當然唔可以叫好好食, 但算是水準以上, 唔會食到中伏之作~值得一提係吉列蠔入口竟然仲有蠔的鮮味, 不過好似炸唔透, 令到我見到裡面的蠔仲有啲生 (嚇親我位唔食生蠔的同事=.=), 不過我又覺得冇咩問題, 但真係第一次食到唔係全熟的吉列蠔...另外, 呢度的甜品亦令人有好大驚喜, 選擇好多, 除了一般放題一定會見到的雪糕糯米滋外, 仲有焦糖紫薯, 焦糖燉蛋, 仲有心太軟同朱古力火鍋!!! 真係第一次見...而且仲有其他甜品的, 不過太飽冇叫了...焦糖燉蛋我冇試, 至於朱古力心太軟, 雖然上菜時已經漏了入面的朱古力漿, 但入口都係好好食的。(較極都較唔到張相轉90度角-.-) 朱古力火鍋的生果只有香蕉, 不過都明白唔好咁多要求, 本身有得食已經算係驚喜~而且有棉花糖, 雪糕糯米滋, 餅乾, 材料已經好足夠~感覺好豪華, 用的朱古力亦應該唔係太cheap的貨色, 冇煲到起粒粒...食到8:40pm, 經理走過來話10:40pm會改發8號風球, 叫我們盡快叫埋熟食令廚房可以早啲收工, 其他飲品之類可以繼續叫~不過對我們而言, 一來大快朵頤後本身已經好飽, 二來我們亦本著唔好阻人收工的心態, 因此都打算叫埋甜品, 食到9點幾就走...果然到9點幾已經得返我們呢檯客人 (本身星期一人客已經唔多), 當我見到甜品menu冇雪糕 (有咁多款式但冇雪糕都幾得意), 經理留意到就即刻話幫我們落埋, 有紅豆, 芝麻同綠茶選擇...最後食埋雪糕, 今晚的放題完滿了, 我們亦成為最後一檯離開的客人!$350($318加一)一位的價錢, 食物選擇多而質素理想, 另加飲品任飲, 都算值回票價。雖然今晚因為天氣關係而未能夠坐耐啲(本身訂的時候因為唔限時, 打算慢慢坐傾多陣計), 但天氣關係冇辦法, 而經理態度又OK, 所以都冇問題。總括而言, 係可以再去的選擇!!…Read More

最近突然心血來潮想試下唔同餐廳的放題, 第一炮就來到位於尖沙咀寶勒巷的石澗。我同朋友預先book咗2100-2330的時段, 準時到達, 唔使等位就可以入座~估唔到星期六食2100時段的人竟然唔多, 身旁的人都係食上一個時段, 所以食食下就越來越少人, 唔會太嘈。當然本身檯同檯之間都算迫的, 係咁好彩我地的一檯食到一半旁邊已經冇其他食客。食物選擇唔算少, 係冇焗蠔, 但有焗青口, 可惜我叫焗青口係漏單的, 無緣一試...食得放題我通常都係會選擇一啲比較穩陣的刺身, 例如三文魚, 劍魚腩, 螺片, 甜蝦之類...(希靈魚呢啲中伏之選就冇叫)刺身冇用冰底上, 但入口完全OK的, 三文魚有鮮味, 甜蝦比想像中大隻, 係普通蝦的size, 有一刻覺得"咁得意"嘅, 可能係我太耐冇食放題吧...甜蝦就唔好食蝦頭了, 會腥, 但蝦肉夠鮮甜, 好食!! 劍魚腩同螺片都好穩陣, 之後再叫多轉, 試埋吞拿魚, 同一般的差唔多, 會有少少腥。天婦羅一上時都仲係熱的, 粉漿略厚, 但食得放題我都冇特別要求, 起碼啲蝦係爽口, 南瓜同蕃薯都可以, 係乾左啲。其他例如左上的紫薯餅都好好食, 炒菜有啲過鹹, 但炒雜菇好香牛油味。而牛舌竟然唔難食同唔韌, 放題而言算難得(雖然賣相頗差), 而牛肉串都好食, 係有一舊好多筋。值得一提係芝士年糕, 連埋煉奶上, 入口真係好好食!! 雖然我相信呢啲食品間間放題都係咁上下來貨...但有煉奶加上熱辣辣的感覺好正!蟹子沙律一個細碗裝, 入面啲蟹子同蟹柳多到...抵食, 可惜青瓜絲雪的太凍, 影響了口感。另外冇影的一樣推介係枝豆, 呢度啲枝豆同出面日本餐廳的單品枝豆有得一拚, 我同朋友叫左三碟!! 整枝豆好容易, 但真係有放題會整得好難食的...=.= 呢度整得好好!!再要一提係呢度係有雪糕供應的, 係雀巢小杯裝, 不過侍應唔會主動提及, 我地都係見到附近有人食先問侍應, 然後佢就話我地知可以去雪櫃拎。服務方面, 可能因為我地個時段已經唔多人, 侍應好快手, 會主動幫你換碟同跟單, 漏單係得焗青口(我自己都唔記得有叫, 走左先醒起), 感覺唔錯。不過雖然放題至2330, 但經理2245已經同你講last order的。總括而言感覺唔錯, $240唔算平, 不過可以一試~…Read More

呢間位於Circle Plaza(銅鑼灣MTR B出口直達)的Kozy算係相當有人氣的日式餐廳, 店舖面積不大, 但環境及氣氛卻令我有身處日本的居酒屋的感覺~今次係第二次來, 訂了9:30兩位, 比預約時間稍早到達, 由侍應帶我和朋友去bar檯。其實如果係兩三位去呢度, 一定係坐bar檯較好, 因為可以睇住廚師即席炮製美食嘛!食物選擇唔多, 店名有的「大阪燒」只有三款, 而炒飯, 麵, 串燒, 前菜等菜式亦唔多選擇, 但咁其實同日本一啲比較小型的居酒屋相似, 都係menu選擇有限但味道搭夠~店舖由兩位日本廚師主理, 平時客人入座同離開時, 佢地都會用日文大叫 (因為真係日本人, 所以唔係一般日本料理的「234~」亂叫一通ww)芥辣八爪魚, 作為前菜份量剛好, 辣辣地醒胃枝豆已經係日本料理必有的食物, 尤其來到呢啲鐵板燒小店, 一邊食枝豆一邊飲啤酒簡直正呀~~(自從有次去食日式放題食到好難食的枝豆後, 而家食到好食嘅枝豆我都會好開心)記得第一次來時, 見到menu有燒蠔, 但張相只影住2隻, 覺得有點貴但都照叫, 然後上菜時發現原來有4隻時, 真係開心到...XD 燒蠔燒完個size都唔會太細, 不過一定要趁熱食, 否則會失去了嗰種「超好食」的感覺燒牛舌在所有日本餐廳都會見到, 而呢度嘅即使係攤涼了仍然唔韌, 仲保留到牛舌嘅爽口, 略為調味已經好好食~~以前唔鍾意食牛舌, 自從食過日式燒牛舌之後就覺得好好食了~奄列炒麵份量都幾多, 味道當然充滿日式街頭風味, 而我地坐bar檯, 能夠保持熱度廚師一燒好就已經幫我同朋友分好兩份, 送到我地面前, 所以影唔到全相。大阪燒(以及炒麵)可以隨意加topping, 如蛋, 蒟蒻, 芝士等, 上次同朋友食試過加蒟蒻, 唔多夾咁, 所以今次冇加任何topping~呢度食大阪燒同在普通日本料理食的有點唔同, 感覺粉漿冇咁多, 較足料, 不辱大阪燒之名~見到附近有客人叫燒蝦, 見到咁大隻, 就心郁郁叫埋一份~望住廚師燒的過程, 將蝦頭同蝦身分開燒, 蝦頭好脆而仲食到少少蝦膏的~蝦肉質完全保持到爽口, 唔會「鞋」, 而且有鮮味!! 食完覺得抵返晒~Kozy的甜品基本上只有兩款, 第一係燒年糕伴雲呢拿雪糕, 另一款就係燒蕃薯伴雲呢拿雪糕。兩款都試過, 但我更喜歡燒蕃薯蓉, 入口唔會太甜, 燒過有少少焦, 熱熱地好好味~雪糕亦唔會溶得太快~推介!同場加映燒鵝肝~先旨聲明我係冇點的, 只係見到師傅燒的時候, 實在太吸引, 所以影低左~鵝肝下面的其實係麵包, 睇住師傅開始烘麵包, 然後將一塊鐵製放上麵包以壓平, 烘到咁上下先燒鵝肝~見到都覺得好食, 下次要叫!!基本上兩位日本師傅都幾nice, 尤其係呢位離我近啲嘅, 感覺上比較風趣。筆者略懂日文所以會同佢用日文傾下計, 佢見我地食得慢, 又會作勢拎走我地啲嘢食, 問我地係咪唔要www 所以如果同識日文的朋友去, 坐bar檯同師傅傾兩句都幾開心!!總括而言, 雖然食物選擇比起一般日式料理真係算少, 但個人認為去呢類鐵板燒氣氛更重要~而且試過啲嘢食都真係相當好味, 推薦~…Read More

一般在尖沙咀區, 如果食完飯想去飲下嘢的話我都係去開諾士佛臺, 因為成條街都有十數間餐廳及酒吧~所以基本上去親諾士佛臺都係飲嘢, 甚少試嗰度啲餐廳嘅食物...今次食完飯後又去諾士佛臺飲嘢, 求其入咗呢間Wildfire~時間已經係晚上11點, 同朋友分別叫咗sparking wine同cocktail, 但又見到隔離幾張檯都有叫嘢食, 又好似幾吸引, 就決定叫返兩個appetiser試試~香煎帶子及風乾火腿配西班牙特色醬($88)在碟上鋪上數塊parma ham, 上面放上煎過的帶子及淋上醬汁的沙律菜parma ham的鹹香唔算一般, 但配上上面的沙律菜一齊食, 味道好配合而煎得剛好的帶子能保持肉質的嫩滑$88有三隻加parma ham我覺得相當抵食煙肉及雞肉墨西哥芝士夾餅(quesadillas)大家都應該食過了, 基本上我成日覺得煙肉x芝士x雞肉的配搭係冇可能唔好食的, 哎落口就係呢三種材料融合的滋味, 沾上必備的酸忌簾, 牛油果醬同墨西哥蓄茄辣醬(呢度的係微辣), 真係好好食!! 而且重點係夾餅好足料, $88的價錢亦都唔會覺得唔抵~飲品方面, sparking wine我覺得略酸, 至於我叫的cocktail係brain freeze, 其實都係rum加上mango juice, lemon juice之類, 酸酸甜甜, 普通的選擇~總括而言, 試過上面兩款appetiser之後就知道呢間wildfire絕對係食物比飲品要好~(飲品其實度度都差唔多, 而且呢度生啤種類得4種, 其中一種係嘉士伯.......-.-) 下次要來試下晚餐了~…Read More

下午2, 3點時間想食個tea休息下, 經過食甜品的甜牙牙,見到原來佢係有tea set的, 又唔使等位, 就入去食下~一入到去, 後生女侍應的態度麻麻, 可能因為我地哋得兩個人但想坐4人梳化位吧 (半圓形的梳化)但當時間店其實有好多位, 所以朋友先想坐梳化, 而侍應個表情好似唔想我哋坐咁...最後我出聲問, 年紀大啲的侍應就話冇問題...不過搞到我有少少唔好意思講返食品, tea set唔單止有主打的甜品 (以waffle / pancake為主),仲有茶餐廳類食物, 例如雞翼公仔麵等~最重要係價錢相宜,甜品類全部都係$35或以下, 熟食類就平均$35-40連當日特飲, 其他飲品好似檸茶奶茶就加$2(熱)/$5(凍)我同朋友最後食甜品set是日特飲係薰衣草花茶 (全名忘記了), 係凍飲, 味道尚可, 入口的薰衣草味唔會重到令人覺得飲緊香薰咁假, 還可以朋友點的香蕉雪糕pancake, 雪糕不可選, 試了pancake, 幾鬆軟而且賣相相當唔錯, 朋友都爭住影相XD賣相一流, 層層疊的窩夫係用牙籤固定, 伴以栗子蓉及雪糕窩夫係呢度招牌, 上碟時已經係凍, 但入口香脆, 係幾好食的, 唔會因會放耐左就變到好硬,但用牙籤固定住, 食的時候一定要用手分開件窩夫, 有少少麻煩栗子蓉清淡唔太甜, 感覺清新啲雪糕可在雲呢拿或朱古力中二選一, 我揀了朱古力雪糕雪糕放在紅豆上, 紅豆亦都係唔太甜的一種, 所以整個甜品唔算漏但可能天氣炎熱關係, 朱古力雪糕實在太快溶,好快已經同紅豆蓉變成一攤, 好難食到...總括而言, 賣相好OK (對甜品而言好重要嘛)但味道就未去到好好食的感覺, 但對比返價錢, 都值得去既~只要唔好期望下午茶有機會坐得耐就可以了, 因為後來越來越多人, 要等位…Read More

我想乾杯在香港應該算係幾出名的居酒屋吧~今次第二次來, 剛好是父親節正日, 本身擔心會唔會好多人去,到埗去發覺自己過慮了, 餐廳人流唔多, 可能因為居酒屋並非普遍的父親節晚飯選擇吧~檯同檯之間唔算太迫, 加上是晚人少少, 好有私人空間乾杯的菜單中, 串燒佔極大多數, 好似仲有好少量的烏冬之類的...但我諗應該冇咩人會食吧XD來得呢度, 一定係食串燒配啤酒XD 星期一的Asahi啤酒買一送一優惠今次就享受唔到了, 星期日係買七送一XD但始終都叫了幾杯冰凍啤酒嘆~是次叫了以下串燒同燒物:燒牛舌係非常令人欲罷不能的一款串燒, 口感爽口, 撒了調味粉(類似七味粉)的牛舌非常惹味,絕對係會encore之作~~不過呢度的牛舌一定要熱食, 唔可以有慢慢嘆的想法否則肉質就會變得好韌, 浪費晒~~(encore嗰轉就係放涼了, 味道打了唔少折扣)經調味的枝豆, 配啤酒一流~~記得曾經在某些比較平價的日本料理食過怪味枝豆...當然呢度的就全無問題~$35一大碗同樣地, 調味出色, 而且好爽口, 一點不韌~雞軟骨非本人喜愛之物所以冇咩意見, 相反大蔥就係本人至愛之一, 又係必點(當然如果你唔鍾意食蔥就唔好叫喇...)鹹食, 燒溶的芝士配上煙肉本身已經好香口,加埋煙韌而軟熟的年糕, 係冇可能唔好食的~~推介個人認為乾杯的燒茄子水準甚高 (比起我食過的另外兩間OK出名的居酒屋要好食相當多)因為調味好夠, 食落唔會口淡淡, 但亦唔會過鹹上面舖滿的蒜蓉令整道菜式更香口上次去食的時候唔覺意叫錯咗的一道串燒, 但出奇地好食, 所以今次都有叫用雞皮包著蝦肉部分, 中間的位置完全啖啖肉蝦肉爽口~至於蝦頭部分, 當然唔會奢望佢有蝦膏啦~不過我記得一隻蝦好似都要大約$40, 略貴燒日式甜年糕, 如同上文提及的燒芝士煙肉年糕一樣, 年糕非常煙韌, 配上煉奶係非常好食, 可作為小甜點~燒豬頸肉並未燒到過火, 令肉質唔會過韌之餘, 最重要係保持到肉汁又係超級惹味之作, 當然要配啤酒~叫呢款串燒時唔知點解自動覺得係燒車厘茄, 所以上菜時嚇咗一跳XDjuicy~簡單食法: 將蛋黃同日式甜醬油混合後, 就可以沾來食了~自家製免治雞肉串的雞肉份量好多, 超飽肚 (當然亦都因為呢道菜係我哋最後叫的幾款之一)上面有芝士, 配上醬汁味道幾夾, 但同時都覺得有少少heavy呢個其實係焗薯而非薯蓉...一個薯仔分開一半都係嗰句, 煙肉加芝士, 再加年糕或薯仔這些碳水化合物,一定好食的~~不過亦都相當heavy基本上乾杯的串燒質素真係相當高, 完全做到我覺得串燒最重要的~香口惹味當然價錢同食物質素係成正比, 所以乾杯就係較高質素(價錢)的享受了~今次冇食海鮮, 下次要試下~~…Read More

明太子在普通的日式餐廳是挺常見的食材, 然而我們平時見到的菜式多數都只是"明太子雞翼", "明太子飯團"等等, 而且明太子的份量都不多...所以現在香港竟然開了一家以明子太為主打的餐廳, 應該是第一家吧?今次其實是我第二次來此餐廳了~上次是三月中, 當時餐廳剛開張, 人流不多, 但今次再去時已經滿座!! 幸好事先有訂位...小店的位子數目始終有限, 看來以後要去時還是事先訂位比較穩陣~上次吃了不少菜式, 今次叫了以下幾款~今次就係為左明太子御膳先來食~$188價錢算中上除左有原條明太子之外, 仲有明太子薯仔沙律(上次食過非常好味), 博多芝麻醬油甘魚, 茶碗蒸蛋, 日式清湯同白飯。其中, 白飯原來係可以無限任添的, 非常抵食~原條明太子上菜時已切開6份, 方便進食~明太子係福崗明太子名店ふくや(Fukuya)直送, 辣味同鹹味適中, 而且完全唔腥, 配白飯一流!! 我覺得平時怕腥而唔食明太子的人都可以一試~明太子薯仔沙律的明太子同沙律醬好夾~果然明太子配咩都咁好食XD博多芝麻醬油甘魚有成7, 8塊, 不過當然每塊都比較細~~芝麻醬配油甘魚我都係第一次試, 入口有點唔夾的感覺, 但食多一兩啖又覺得味道幾特別......不過朋友就唔多鍾意呢種配搭~茶碗蒸蛋超足料, 好多冬菇...而且蒸蛋真係好滑~炸雞的粉漿幾薄, 入口唔會成舊粉。配上足料有好多碎蛋的他他醬, 配啤酒一流~明太子上灌湯蛋卷係我認為來鱈卵屋的必食之選~香港真係比較少見呢款菜式上年在福崗街邊的屋台食過, 一直念念不忘, 而家終於可以在香港食到!明太子夠多, 而且蛋卷浸過上湯更加鬆軟, 配埋蘿蔔蓉味道好正, 真係必食推介~鱈卵碗係餐廳主打的招牌菜, 有大碗($138)同細碗($98, 問過待應份量約係大碗的一半)可以選擇自己喜歡的食材, 今次選擇了三文魚拚油甘魚。魚生飯上舖滿蛋絲, 筍粒同最主要的明太子~menu上列明有三種食法, 先撈埋全部材料食, 然後加入附上的芝麻等配料再食, 最後加入日式上湯做湯飯~三種都好好食!!! 不過其中的筍粒未必人人鍾意食...可以叫侍應唔好落的~期望下一次可以試下其他不同菜式~不過明太子上灌湯蛋卷絕對會每次都去~~…Read More

成日搭車都經過呢間豚兵衛，一直都想試下，終於今晚就同朋友來食~見係星期五，預先打電話訂位，8點準時去到發現外面有為數不少的人排隊…幸好有訂位!! 可以唔使等即入~煎蛋卷本身並不太滑，但附上的蘿蔔蓉調味一流，配上煎蛋卷味道好夾，所以加分~胡麻豚肉冷烏冬的烏冬份量較預期少，但口感都幾煙靭，唔會過軟…而豚肉份量就好多，加埋配菜的洋蔥，紅蘿蔔同生菜，以每枱都有的胡麻醬撈埋嚟食，好開胃同好味~吉列蠔定食揀咗飯(另附麵豉湯)，蠔夠大隻而且唔會腥，入口爽滑，脆漿唔厚~薯仔沙律都好醒胃~特別要讚個沙律醬，入面有好多碎蛋，所以口感豐富咗之餘，又唔係只得沙律醬，感覺幾有誠意~唯一係椰菜絲同白飯並不是任添，要添就要$18一份~三文魚算係比較失色的一款，不過都唔係唔好食，只係比起其他菜式唔突出…但海膽應該用料幾好，入口綿滑甘甜，全無腥味~~4個人食，每人$138.5，都算幾抵食~而且食物有誠意，員工好忙(人手唔夠吧)但都勤快幫我哋加茶…會再幫襯!!…Read More

之前在openrice已經就呢間chicken n egg食過一次食評,本身印象麻麻, 都冇打算再來...但兜兜轉轉朋友生日, 三個人在九龍城行來行去, 最後壽星仔對呢間店幾有興趣,就決定入去試多次~今次有三個人, 可以叫多d野食, 分別叫了salad, nachos, 半隻烤雞同egg benedict~tuna salad, 用的吞拿魚並非一般罐頭那種, 感覺較高級...雖然食落第一啖好鹹(因為吞拿魚本身的調味吧), 但連埋雞蛋及沙律菜一起食就好美味~而且雞蛋的蛋黃有少少溏心, 好好食~~一向好喜歡食nachos呢款源自墨西哥的菜式, 因為有我至愛的芝士同脆粟米片及大量豆...超多蕃茄加牛油果醬, 配埋雞肉片, 芝士及脆片食係好滋味~~!不過本人唔多食得辣, 所以呢款比較辣的nachos食到我有d辛苦...(但我依然不停的食, 因為牛油果同芝士配搭真係冇得輸)egg benedict...個人始終有所保留, 我覺得egg benedict並非呢間店的強項而且薯條都係太乾, 不太好食...一般水平上次冇食過的烤雞, 今次終於有得食~~!3個人叫了半隻, 本身有原味同honey mustard兩款味道供選擇最後揀左原味~雞肉入口juicy而不韌, 而且外皮燒得香脆, 好食!!結論就係, 店名叫chicken n egg, 果然真係要去食雞先好~~而沙律都係一大推介~~比起上次剛開張時印象提升不少...…Read More

朋友為我補祝生日, 到了離家極近的九龍城~其實九龍城食肆林立, 選擇有很多, 但我們反正經過了這家餐廳,看見是以英國菜為主打, 便決定入內一試~~餐廳原來只是開了2星期而已, 可能因為新開而且位置較偏僻(並不是大街)連我們也只是有三檯客人, 要聊天的倒是自在舖面以木為主調, 感覺也不錯的餐牌方面, 餐廳名為Chicken & Egg, 因此主要是雞和蛋的菜式看見了雞可以選擇香草或Mexican style, 可選1/4, 1/2或全隻...但因為和朋友只有2人的關係, 就沒試了我點了"A very big breakfast", 朋友則點了egg benedit...A very big breakfast, 不如一般的英式早餐有焗豆/蘑菇,而是以肉類為主, 包括bacon, 香腸, 免治雞肉配烤過的蕃茄, 另外還有炒蛋配麵包, 以及薯條麵包是厚切的, 而且感覺應該加了牛油煎過, 吃來挺香口的, 但也有點油...炒蛋不算太滑但份量很多薯條是厚切的, 當然比薄的要好至於肉類方面, 香腸塊煎的太乾身了, 而且很鹹, 要一邊吃一邊喝水bacon沒有特別, 至於免治雞肉同樣太乾身, 蕃茄因為沒有什麼技巧可言, 挺好吃的朋友點的Egg Benedict我並沒有試, 但朋友說覺得蛋不夠流心......另外點了熱cappucino...沒太大特別, 還不錯其實這店的菜式選擇不算多也不算少, 沙律, 小吃的有很多,但我覺得這店可以嘗試加多一些english breakfast的種類吧好像我吃的這個, 如果可以有多些非肉類的會較好另外香腸是整道菜的敗筆服務方面算是不錯~~~…Read More

今日係筆者的生日, 一班中學同學同我慶祝~既然大家都鍾意食日本料理, 我決定帶佢地去食下津屋~~今次係我第二次黎, 上一次印象最深刻的除了令人喜出望外的食物質素外, 還有侍應非常親切的態度, 結果今次都冇令我失望~由打電話訂座開始, 員工非常有禮的幫我安排, 令我未食已經有良好印象津屋並不是以價錢作招徠, 而是以食物質素取勝, 因此價錢算是中上...然而餐牌既有貴價的食物, 亦有價格相宜的款式, 我地叫了幾款後, 問侍應有何推介, 佢就推介了「鹽燒牛舌」同新出品「冰鎮三文魚」~~呢個係兩人份的前菜, 左邊的竟然是蒜頭~~但經過醃製之後, 冇左嗰種強烈味道, 好好食~~至於冬瓜同右邊的都好美味~夾起三文魚片, 點醬油(應該係柚子味的)後放入口, 由極冰的感覺在口內融化, 感覺上更能豐富三文魚的魚油味!! $40一客, 幾乎每檯都有叫(推介嘛...~)基本上牛油果同軟殼蟹的組合係一定好食的...大件夾抵食津屋其實主打串燒, 每串$15-30, 如果你目的係要食到好飽肚, 就唔多會揀串燒喇~...所以其他檯都唔係叫好多~不過講味道就好喇, 全部都好食好惹味~間間日本料理都會有的菜色, 炒得香口而且飯粒唔碎, 又係好食~爽口入味, 總之就好食~香芒三文魚反卷...又係水準之上然後令人感動的時刻來了!! 有個侍應聽到我地講我今日生日但冇預備蛋糕同我慶祝, 於是佢就叫廚房整左件花之戀俾我當蛋糕!!! 小小心意但卻令客人窩心, 呢d先係做生意架嘛...待客之道!!其實餐飯我地仲叫左中華冷麵(好足料), 山椒豚肉片石燒飯...同埋每位客人都有免費飯後雪糕一客...芝麻雪糕好好食~~總括而言, 津屋除了食物有水準外, 仲有一班用心待客同有禮的員工...大家有機會都去試下啦~~…Read More