大根青年的個人專頁

今日lunch嚟食咗個叉蛋飯lunch set，五十個大洋包嘢飲，個飯味道一般，蛋就唔錯，但叉燒得四、五片，其實都預咗係咁上下。不過，凍飲話明加＄2，叫咗凍華田，最後埋單變咗加＄10(有單有真相)，而餐牌上亦唔見有講明凍田係要再加錢！Fine, 如果佢夠好飲都算，但係非常淡！好強烈俾人搶錢嘅感覺！去過咁多間茶餐廳同冰室，真係未試過華田係會收得比其他凍飲貴，可能華田呢排加咗價，或者係我見識少，呢次真係大開眼界！…查看更多

豬扒食法有好多, 有焗豬, 咖喱豬, 白汁豬...但呢度最叻 XO 豬...先將豬扒煎到香口, 油香十足, 再配上 XO 醬, 撈飯十分惹味...豬扒夠大塊, 而且已經切開, 好易食...伴碟仲有 2 條菜, 四十幾, 算係咁...…查看更多

是晚友人罕有的對晚餐有意見, 要求吃 burger, 不用多想...本想到 iSquare 草草了事, 但友人再提出要求到 BLT, 又即時動身...一到達, 門外輪候的人不是太多, 4 張檯不消10分鐘便可以入座...其實多等一會都不成問題, 因為門口有個標緻可人的侍應生, 笑容十分好看...老實就, 這令環境及服務分數增加了...一坐下, 侍者已即使為我們加水, 十分周到. 有選擇困難的我, 想都不想再多想, 到 BLT, 何不嚐嚐招牌菜? 就點了 BLT Combo, 再選了 Fat Fries...不消一會便到...Fat Fries 沒什麼特別, 香口, 薯味卻不足, 但尚算滿意. 主角BLT Burger, 菜十分新鮮, Medium Black Angus 肉汁充足, 口感不錯, 整體來記算是美味...但單售要近百元, 其實可以有更好的...尖沙咀高級商場食府, 百多元消費, 服務不俗, 還求什麼?…查看更多

因工作關係, 到帝苑午膳, 是日到了「最優秀開飯酒店自助餐」得獎食店 - 雅苑座......吃了個自助免費午餐.是得獎的威力? 是優惠券的威力? 座無虛席, 天呀, 工作天的lunch buffet 都有如此多人, 可見港人消費力之高...一坐下, 侍者已問到要點什麼飲品, 不多想, 要了橙汁. 十分新鮮的說...再選選食物, 冷盤有蟹腳, 是蟹腳...但沒有選到, 懶了, 不想花時間拆殼...要是像 yamm 一樣開了邊的大概會狂吃...青口, 是新鮮的, 不錯. 煙三文魚亦很鮮味.刺身, 十分新鮮, 但選擇不多, 只有三文魚, 吞拿魚, 章魚, 同另一種...始終自助午餐一般都只有這些選擇, 質素高便可以了.熱盤選擇十分多, 大都不錯, 但日式燒物最吸引, 特別是燒牛肉, 油香十足, 吃了數次...是次完全沒有吃過甜品, 下次有機會再嚐...以自助午餐來說, 很不錯了.…查看更多

一切都安排好, 什麼都不用想...是晚到了試食晚宴, 吃的盡是名貴菜色, 說實在, 我根本不懂得有多好有多高級, 什麼用料都不重要, 吃下去最後都是一樣, 分別只在吃的時候的感覺...第一道菜是清宮明火雞煲翅, 說實在, 近年都沒有真真正正的吃過翅, 吃的都是茨汁加素翅, 有幸在茨汁中找到一小根翅狀物已經十分令人振奮...是次的翅, 用料多高級我不知, 亦不打算知, 只知沒有偷工減料就是了...一排排連裙的翅佔了7-8成, 十分足料. 但朕喜愛它的湯多於翅, 不是茨汁, 是湯, 十分清甜的味道, 沒什麼要挑剔. 就是用於煲湯的雞吃下都很滑.北方菓木烤紐西蘭羊鞍...中菜比較少有這菜色, 是次個人認為羊羶味不足, 都被調味蓋過了...XO醬碧綠炒雙蚌...是炒的十分爽口, 但個人十分討厭西芹...豉油皇生煎海花竹蝦, 這個很不錯, 殼都沾滿了豉油皇的味, 而蝦肉亦爽口, 只是殼能再脆一點會更好...接著是即席表演的名廚古法五頭鮑魚扣花膠...是晚自動升級至三頭. 其實如何計算我都不清楚, 只知鮑魚肉質很淋, 但咬下亦不失彈牙感覺, 而鮑汁的味都不錯...到了是晚沒有被大會放在著眼點的福祿臨門沙巴海老虎班...這個是最精彩的一道, 魚肉起片折骨, 十分方便懶人, 而且魚肉肉質鮮嫩, 豉油的味道亦剛好吊起魚的鮮味...平日飲宴都會怕骨而放棄魚班菜色, 是晚卻意猶未盡...黃金脆皮文昌雞...肉質不錯, 皮脆, 略嫌肥油不足...不理健康因素, 吃雞時又怎能欠缺肥油?金柱鮮竹泡翡翠...用上的湯十分清甜, 菜亦新鮮, 無渣, 是水準之上的...西施龍蝦肉泡飯...侍者即場將飯倒到湯, 全場即時起哄...湯及龍蝦肉都不錯, 但吃時實在太熱, 不能好好一嘗真正味道...最後的甜品環節宮廷桂花糕...說實在, 吃不出有什麼特別...很淡的...燕窩椰汁壽桃包, 有如平日吃的流沙包, 只是流的是燕窩椰汁, 十分澎湃, 椰汁味十分香濃, 是晚眾甜品之冠...還有北海道3.6牛乳布甸, 很好, 芒果肉特多, 奶味亦濃, 布甸很香滑...可惜都是同一時間上菜的關係, 接著的生磨蛋白杏仁茶被糟蹋了...我吃不出其味, 亦吃不下了...免費的試食晚宴, 服務用料都令人滿意, 還求什麼?…查看更多

早於 08 年尾初試這裡的晚餐, 是晚與友人相聚, 友人作東, 在灣仔亦沒有好提議, 故再臨 DAP.是晚抱恙在身, 沒太大胃口, 亦不想友人太破費, 點了海鮮意大利飯. 份量夠大, 不同海鮮如三文魚, 大蝦, 青口, 帶子等基本材料都齊備, 絕無欺場, 汁的味道不錯,是晚口淡淡都覺十分鮮味.友人要了帶子刺身, 亦指帶子新鮮, 配上柚子食落有少少酸, 但兩者很配合, 是晚抱恙, 實在不敢吃生冷食品, 只見帶子很大很吸引, 至於是否如友人所說的好吃, 不得而知...另各點了牛尾湯伴鵝肝. 味道夠濃, 湯內有鵝肝粒,兩者配合的效果都不俗, 不太膩. 猶記得上次在這店嘗過一道蒸鵝肝的菜色, 感覺麻麻, 這次的鵝肝卻是大有進步, 大概是煮法不同所致, 始終比較喜歡濃味一點的菜色.環境裝修是無可挑剔, 只是看到下層酒吧, 酒癮又發作, 可惜抱恙之身不能沾酒, 大煞風景.服務方面, 都是中高檔餐廳的水準, 侍者亦算有禮, 但可以更好.位位三百大元左右的消費, 食品及環境水平亦不錯, 服務都可以了, 何必太多要求?…查看更多

我一再強調，我對食冇咩要求，唔難食就可以...唔難食就係我o既底線。而我個人亦對放題冇期望。今次因為同事睇左食評而去，去到是全場爆滿，但個人認為是沒有太多選擇的放題。基本上只有 5 套單面的點菜紙，壽司/刺身、串燒、揚物/熟食、飲品及雪糕。一坐下來，就有個比較話得事o既人話送呢樣送果樣!任點任食的情況下，都點了很多大路的食品，日本菜當然少不了刺身，質素不過不失，不新鮮，但不難食，始終不需烹調，好難會難食。三文魚算是可以。甜蝦亦爽口。其他的都不太好，吞拿魚口感十分失望。劍魚腩沒有油香，咬落只有水流出，比較腥。鮑片則是一般的。壽司/刺身這個環節，好壞參半，算是收貨。手卷，軟殼蟹手卷，內餡是不俗的，軟殼蟹仍脆，可是紫菜已經稔了...吃時感覺很差...揚物之中，炸蝦天婦羅是不錯的，正常水平，唯炸漿比較厚，但不難食。炸蠔卻令我十分反感，蠔不新鮮, 有腥味, 炸漿厚, 吃了一隻就放棄...炸海鮮卷，感覺不到海鮮的餡，算吧，但實在是太油了，式夾起時尚有油在流出，不是滴出，是流出的...熟食我只點了燒牛肉飯，一入口，有好強o既燶味，一口都吃不下，我真的覺得自己十分折墮，平時成日話人食唔晒 d 野，今次自己直情食到冇食就唔要...另外送左焗三文魚及焗蠔。焗蠔真係極咸，芝士再加煙肉完全影響味道。焗三文魚，係好滑，不過唔好食，三文魚滑到o甘，口感好怪，加上美極汁，我個人真係唔識欣賞。串燒菳之中，蒜頭幾香口，墨魚丸同照燒雞串都係。菇就勁乾。羊扒勁韌...同事的特色飲品蘋果綠茶好難飲，要了啤酒，最安全。環境麻麻，有不少小昆蟲在場中飛，牆上亦有。座位算好，不會太迫。果個比較話得事o既人，全場走，同 d 客好似好熟， 同 d 客好多野講，但我覺得好煩。我想講，呢套唔係個個受。員工服務亦有禮，換碟又快，叫 order 亦上足。幾近 $180 一位，根本與質素不附。一餐飯好唔好，有好多因素，服務固然重要，但基本更重要，餐廳的基本就係食物質素. 與其大花時間做 PR 工作，不如先改善食物質素。…查看更多

好耐冇食過一餐可以o甘差...基本上, 一間扮西餐廳o既茶記, 係唔應該有期望, 不過, 做人可以冇要求, 但要有底線.就由杯水講起, 係凍水喉水...係生水, 去茶記都有杯茶啦, 呢度扮晒西餐廳, 竟然比生水客飲, 未免太離譜掛, 水都煲滾先啦唔該!餐包係蒜蓉包, 冇期望之下, 入得口啦, 唔脆, 冇味.餐湯要左白湯, 配料就叫做有有 3 幾片白菌, 但個湯極稀, 係極稀! 主菜要左西冷配元貝, 先唔講質素. 我一檯 5 個人, 有 3 個食完我個餐先到, 但我地同時落 order, 唔會差o甘耐掛? 都算, 我當唔同食物要唔同時間...但我隔離檯, 遲我十幾廿分鐘 order, 同我同時間上菜, 完全唔明點解會o甘.我餐都未到, 就叫我 order 餐飲......連客o既 order 未到都唔知, 服務可想而知.茶記o既扒, 預左麻麻, 都係熟透難鋸, 完全冇味. 不過, d 元貝勁腥.盛惠 $46, 本來冇咩o既, 但竟然要加一...唔好食唔緊要, 貴唔緊要, 但冇服務, 扮西餐廳o既茶記要加一...真係......…查看更多

週日下午熱的要死, 海旁吹風都唔夠, 啤啤佢...近日深受喜力一班麻甩佬狂叫喪嗌廣告影響, 一飲就飲喜力.5 點幾時段, 冇咩人, 海風可以吹到較入位置, 坐 d Hea 爆o既位, 剝花生, 飲冰凍啤酒, "感覺良好". 雖然酒吧飲酒比自己買貴出 n 倍, 但有環境氣氛感覺, 抵比.坐一陣已經吹左2 枝, 酒一拎來果陣夠凍, 但冇冷氣就好快唔凍; 口痕叫左 d 小食, 炸薯角不過不失......酒到找數枝枝清, 都幾掃興, 不過令你唔會飲大, 都好o既.難得休閒飲酒, 此刻無價.…查看更多

是日與另一同事應約到君悅酒店用膳, 同事選擇了日本餐, 朕亦無異議. 對於不善點菜的我來說, 日本餐是比較多款式適合我的菜色.一入餐廳, 室內設計十分優雅, 大量木製傢俱及牆壁裝飾, 濃厚的日本風味. 但檯櫈的編排及半層的高階加上暗暗的燈光形成一種西式的風格.侍者放下午市套餐的餐牌, 真是難以選擇, 天婦羅, 壽司, A3 佐賀牛, 都合朕口味. 最後逃不出牛的誘惑, 始終較有實在感, 有"飽"的保證. 只怕天婦羅未能滿足胃口, 壽司又未能滿足"想食熱野"的要求.在主菜之前, 侍者奉上了自家制的綠茶豆腐, 綠茶味淡, 但口感比平常吃的黏身. 亦不是弱不禁風的質感, 相比其他一擊即破的豆腐, 要稍微用點力才可將它分解.刺身, 不是套餐附送的, 厚身, 吃得出是新鮮, 但沒什麼特別.主菜上場, 有如平時的定食, 一整過的上桌. 前茶沙律十分爽口, 醬料是有淡淡的芝麻味, 十分合朕口味. 麵豉湯比較淡, 慣了味濃的, 這個感覺一般. A3 佐賀牛, 可選鐵板, Shabu Shabu 或鹽燒. 在炎熱的天氣, 加上懶散, Shabu Shabu 率先被放棄; 再因為不想鐵板熱力影響牛肉的生熟程度, 最終要了鹽燒. 7 成熟, 肉質鮮嫩多汁, 脂肪比例亦夠, 油香十足. 調味水準不錯, 鹽分均勻散佈在肉的表面, 沒有偏重於某一部份. 加上其他食物, 整體份量是剛好的.附有的蒸蛋, 沒有特別, 反正一向不太喜愛, 不作評論.甜品是自家制的雪糕, 點了芝麻味的, 芝麻味足, 口感與自家制豆腐相近, 口感比較黏身. 十分不錯.是日的免費午餐, 實價是接近 $500 大元的套餐再附加額外刺身...的說. 一般情況之下, 沒太多如此"豪"的機會呢...未可說抵食, 只說食物仍覺有點貴, 但吃的不只食物, 還有服務及環境吧. 有時付出的, 大概就是為了一點心思及周邊的配合......…查看更多

因工作關係, 到帝苑午膳, 是日到了 OpenRice 評價十分高的 Sabatini......如不是免費午餐, 朕大概沒什麼機會到這類高級餐廳用膳......是次為半自助形式的午餐, 頭盤是自助形式, 選擇不少, 最吸引的就是 Langhirano ham 配哈蜜瓜, 非常新鮮的配搭, 咸中帶甜, 哈蜜瓜的汁中和 Langhirano ham 的咸, 十分特別. 其他的有煙三文魚, 芝士等看似普通但水準不俗的食品, 每款少少已叫人有飽意.對意大利餐全無認識, 全由侍者提議. 第一道主菜是雙拼的 Antipasti, 一款是茄汁的, 另一款是蒜味的. 份量不多, Antipasti 的咬口不錯, 不太稔, 不糊. 茄汁的味道不太濃, 蒜味的卻十分香口. 兩者配搭有點怪, 朕較喜歡蒜味的, 茄汁的不多不少影響了蒜味的香.主菜是羊架配燒大蝦. 大蝦十分鮮咩, 肉質爽口, 感覺很好. 羊架非朕所好, 不過是日的質素不錯, 7 成熟, 肉質鮮嫩, 沒有羶味.伴碟的芝士薯仔, 十分香濃的芝士味; 兩片小黃瓜及青瓜亦燒得恰到好處, 熟透仍帶有水份.甜品是推介的聖安娜, 鬆脆的餅底, 配上大量忌廉, 另有朱古力慕絲, 味道不太甜, 但十分膩口...另點了藍莓芝士蛋糕, 芝士味十足, 略嫌口感太軟. 優質食品配上優雅格調的環境, 對一般食客而言, 可說是很高級的享受, 除個人口味及價錢, 沒什麼可挑剔了......…查看更多

話說約左 d 舊同學食飯, 原本 4 個人諗住食盛八, 燒下肉熱氣下, 點知其中一個人突然有事唔食飯, 得返 3 個人, 唯有轉陣......因為公作關係, 知道有間叫近又o既物體食吉列野...又吹到幾勁幾特別, 又同盛八同一個集團, 見近近地, 就去試下...OpenRice 食評同什麼金融海嘯根本影響唔到人流, 劣評如潮但依然等到九彩, 經濟唔好一樣成街都係人...其實只要係旺區大商場, d 野唔係極度難食根本唔愁冇生意......一間講明每人最少要 order 一個定食, 講緊每個都要舊幾水, 3 個人9 點去等都要等到 9 點 9 先有位......大家o既消費力果然強......朕日理萬機, 晒曬 d 寶貴光陰等位...入座, 舖位唔大, 座位唔多, 坐得幾舒服, 燈光就暗左 d, 環境唔太嘈, 算係o甘. 檯面刻意提示自己為"定食限定店", 令人有被迫叫定食o既感覺......扣分!餐牌上, 話要每本 $500......真係有人會要咩....小二幫我地落完 order 之後, 細心講解醬料及芝麻的特點及使用方法, 如此這般......上菜, 小二小心地安排檯上食物的位置, 唔會放低就算, 服務態度有禮......同窗點了吉列千層芝士黑豚肉定食, 賣相吸引, 分量十足. 可惜"食不知味"...肉味, 唔覺有...芝士味, 欠奉...口感, 好多層, 好鬆. 只係食左一件因為加入左芝士而膩口的鬆化炸肉...朕點了吉列千層蒜味黑豚肉定食, 同上, 賣相吸引, 分量十足. 又係"食不知味"...肉味, 唔覺有...蒜味, 欠奉...口感, 好多層, 好鬆. 呢次係食左一件話加入左蒜味而中間有層綠色野的鬆化炸肉...另一位同窗點了滑蛋豬扒定食, 多汁, 入味, 不過好快凍, 因為個盆o既關係? 表面積大散熱快? 點講好, 真係冇咩特別......同其他餐廳滑蛋豬扒定食一樣, $50貨仔有交易果隻...樣樣都好, 但主菜唔好, 呢個真係要改善一下百幾蚊消費, 係可以有更好......不過係朗豪坊想食得舒適, 差唔多啦......未至於喊, 消費者不應對百幾蚊期望過高, 餐廳亦不應只著意宣傳而本末倒置...食物本身好, 又何愁生意及名譽?…查看更多

是次老細請食飯是因為 project 完成 (算係掛.......)由部門同事選定地點, 由於人多, 開左間房, 夠十幾廿人坐.其實格調類近韓燒, 都係自己攪掂自己食, 不過價錢貴好多. 由於唔使自己比錢, 大家都好狼, 唔理價錢, 咩都叫, 多到自己都記唔晒.盛八腸, 其實應該係大腸, 辣辣地, 好稔, 唔錯.牛就咩都叫左 d, 和牛刺身, 一口牛舌, 厚切和牛......其實燒果 d 野真係食唔出有咩分別, 都係o甘上下, 當然比平時韓燒果 d 好好多, 但佢再分門別類, 食完都唔知邊隻打邊隻.燒帶子, 原隻上, 好香牛油味, 份量夠, 一定要點, 好食.叫左幾款沙律, 當中蕃茄沙律係必點品, 蕃茄新鮮多汁, 加上蒜頭味, 十分香口, 是日 encore 左 3 次.羊同雞都冇咩特別, 反正燒肉主打必定是牛, 其他的都不會太在意. 甜品要了奶凍, 不過不失, 奶味夠, 口感滑, 冇咩特別.由於老細請食飯, 酒自然少不了, sake 凍熱都叫了, 個人認為凍爽了, 飲慣凍. 熱o既唔識欣賞. 而且所謂熱, 都只係暖, 加上溫度令酒精或多或少都揮發了, 感覺總係差 d.服務不俗, 收野同換網都自動自覺, 亦有講解各食品的特點.埋單差唔多 9 千, 計返位位五百幾...開心過就算, 自己比錢再食, 機會唔大. 畢竟是奢侈的一餐.…查看更多

公司遲到罰款製, 部分罰款會用作員工聚餐基金, 是是地點就是 Yamm先說裝修, 一流, 格調十分高, 燈光適中, 空間感十足, 惟食物放置點感覺比較少食物, 而實際上有好多菜色是要落 order (任叫), 所以感覺有點不同.自助餐最重要的, 當然是冷盤. 生蠔我不太好, 亦不太懂, 淺嘗 3 隻, 口感不錯, 海水味濃, 惟少量殼碎影響. 蟹腳真是不能錯過, 一添再添, 肉質咬口一流, 多肉汁, 而且十分粗身, 肉亦十分易起, 沒有可以挑剔的...小龍蝦肉質咬口一流, 十分爽口, 亦是不能錯過.刺身是要 order 的, 海膽當然不能放過, 十分鮮味; 吞拿魚及三文魚都十分新鮮, 可惜不夠厚身.熱盤選擇比較少, 2 款飯, 咖哩羊, 咖哩蝦, 不太特別. 但有主菜可以 order (任叫), 要了大蝦, 熱度剛剛好, 蒜味夠. 仍有太多未試.甜品選擇多, 芝士蛋糕是本人必選, 味道濃, 質感實, 不錯. 士多啤梨蛋糕則太易散, 偏酸. Tiramisu 的朱古力及咖啡味都十分濃, 而且夠凍. 除果撻外, 其他的都好味.環境氣氛及食物都是頂級水平.…查看更多

機緣巧合下, 一試泰國人海南雞.自問對食要求唔高, 而且是免費, 一試無妨.4 人點了:泰式海南雞飯, 黃咖喱牛腩飯,泰式船仔金邊粉,泰式炸蝦餅,串燒牛肉（4串）, 特式青蘋果梳打, 特式水蜜桃梳打, 椰皇, 泰式春卷（3條）, 泰式海南雞（半隻）,泰式燒豬頸肉, 泰式豬肉碎生菜包, 泰式椰汁千層糕（2件）, 香葉椰汁西米糕（2件）泰式海南雞飯絕非「沒有雞味」,雞肉亦嫩滑,雞皮與肉中間更有透明的啫喱. 油飯味道偏淡,飯比較硬,唔熱, 暖啦.黃咖喱牛腩飯, 牛腩很"稔", 唔錯.黃咖喱椰汁味濃,撈飯一流.泰式船仔金邊粉, 好重的胡椒粉同藥材味, 麻麻, 食左 d 豬肉丸就唔想食 d 粉.泰式炸蝦餅最掂, 外層夠脆,內裡肉質彈牙,推介.串燒牛肉（4串）,牛肉燒得好韌, 咬都咬不開, 又唔惹味, 好差.泰式春卷, 又脆又熱, 夠惹味, 略為太油.泰式燒豬頸肉, 麻麻, 好似食肥豬肉o甘, 係個汁令佢好返 d.泰式豬肉碎生菜包, 芫茜味蓋過一切, 其他咩味都食唔出.總言之, 泰式海南雞作為招牌菜只係不過不失, 燒o既就好唔掂, 炸o既就冇咩問題.一般啦, 要掛正宗泰國菜呢個招牌, 仲有進步空間.…查看更多