肥趙's Profile

8位老友，相聚一堂，豪飲美食，談天吹水，一樂也。King Ludwig Beerhall 環境氣氛一流，侍應招呼勤快，德國啤酒及食物非常美味，還有菲藉歌手演唱，是一個聚脚的好地方，是晚消費如下﹕各類啤酒 20 公升 - 德國風味，好飲，正！:):)薯仔沙律 3 份 - 香、軟、好味:):)德國飽 1 份 - 嗅着有一種麥芽和焦糖的香氣，型狀可愛，好吃:):)德國雜腸併盤 1 份 - 賣相好，份量足、味道佳:):)德國燒豬手 2 份 - 好大隻、皮脆肉嫩，味略鹹，但配啤酒則好夾:):)德國燒豬脚 1 份 - 同豬手一樣大隻及同樣味道，但因骨較幼小所以肉較多且較嫩因老友是會員所以有 85 折總消費 $2500…Read More

珍珍生日，唔想食西式，於是定咗東園金閣枱，連兩個囡囡及她們的男朋友一共六人，今次食波士頓龍蝦全包宴，半席全包 $988，菜式如下：上湯焗波士頓龍蝦（伊麵底）:) 份量 OK 、好味日式燒鱔特式拼盆:):) 燒鱔脆口、燒腩皮脆好味、還有油雞、海哲，青瓜和叉燒等蜜餞勁蒜帶子和牛粒 :) OK、唔錯酥炸百花九州鮮蠔:) 外皮酥脆，味美鮮甜，蠔則略細京式花膠筒雲吞雞煲:):) 正！湯甜料足清蒸海石班:) OK 大，够鮮甜，够滑蟲草花浸十二金蔬:)清甜好味脆皮芝麻雞:):)足半隻，皮脆芝麻香，雞肉香滑、正！生炒臘味糯米飯:) 好味，食唔晒都要打包蒸馬拉糕:) 鬆軟甘香、唔太甜紅豆沙 普普通通…Read More

睇到 Flame 的食評唔錯，食物款式多又吸引，於是一家四口決定去試下。早一天訂定枱及訂咗一份西班牙豪華豚配香桃醬（因製作需時 45 分鐘），咁就唔使到時等到頸都長。晚上 8 時到達餐廳，接待區近門口，原來同進餐區完全分隔開，設計得幾好、因為咁樣進餐時就唔會容易被騷擾。進餐區唔算好大，但明亮典雅，安坐其中都幾舒適。待應殷勤有禮，經理Mr. Horace Lai 還親自介紹菜色，他對餐廳菜單上的各款菜式都如數家珍，用什麼材料，如何煮法，味道如何，都非常專業。好！閒話不說，開飯咧！:)伴餐麵包＊＊＊＊ 有多款，特式美味，配蒜味牛油，好味！:) 白汁煮法國青口 ＊＊＊＊ 體形略細隻，但肉質鮮嫩甜美。（Mr.Lai 說細隻的較入味）:) 法式酒香龍蝦湯 ＊＊＊＊ 香濃的龍蝦味，入口綿滑。:)香煎法國鴨肝伴無花果汁＊＊＊＊ 外層煎得香脆，內層甘香嫩滑。（ 2 客 ） :)明火清酒炆鮑魚配海膽三文魚籽＊＊＊＊ 鮑魚入味，海膽及三文魚籽鮮甜，上枱時伴以明火，正！:)扒澳洲和牛（8級）配黑松露菌燒汁＊＊＊＊＊ 份量大，多汁味美，口感超正！:)烤焗羊鞍配蒜味香草汁＊＊＊ 份量足，但珍珍不吃生，要全熟的，所以覺得羊肉的鮮味不太出。:)野菌龍蝦芝士扁意粉＊＊＊＊＊ 龍蝦及芝士味足，意粉有口感而不硬，超正！:)西班牙豪華豚配香桃醬＊＊＊＊ 皮脆肉嫩，味美而不濃，啱我食。:)幸福空氣 Flame Souffle＊＊＊＊ 各人肚皮已超飽脹，本想下次才試甜品，但 Mr.Lai 極力推荐〝幸福空氣〞，最終送了 2 客給我們嘗試；面皮略韌，但有很香的薑味，混和有香濃蛋味的內層和云呢那汁同食，非常美味，真的有幸福的感覺，正！多謝 Mr. Lai！這一餐，開心、滿足，正期待下次再嚟食嘢嘅機會。 …Read More

今日行山暫停，改為行街購物，和珍珍不覺地行到兩點幾，早前在開飯喇查銅鑼灣的素食店時發現一年前我曾評為笑臉，位於佐敦的波羅密素食停業後在銅鑼灣重開，於是去試下，店不大卻裝修得雅緻明亮，坐得舒適，待應招呼不過不失，點了下列食物：:):)草莓醬燒骨 $68 午市套餐：三色椒、菠蘿、草莓、素肉包着甘蔗，色香味一流。 跟例湯，一點也不例，湯濃料多無味精。跟白飯，軟硬適中。:):)蘿蔔榚 $18：三大件，真的很大件，每件 4 吋x 2吋x 1吋厚，軟硬適中，非常好味。:):)杏仁腰果露 $20：味香，甜度適中，正！茶 $5 位、免加一、共 $116…Read More

今日同珍珍午餐在天后區揾食，行咗一個圈，發現該區真係好多食店，最後決定幫襯紅果樹，因為見到它的裝修幾好，又多野食，價錢比其他小店略高但仍有好多客，應該唔錯，坐下後覺得幾舒服，待應招呼殷勤，在種類繁多的菜牌中點咗下列食物：:):)越南春卷撈檬粉 $40 春卷香脆、料多美味，檬粉爽滑、配上撈汁非常好味:):)冬蔭功脆皮燒雞湯檬粉 $48 湯底辣度適中而鮮美，燒雞皮脆肉嫩:):):)越南滴漏咖啡 $22 看着咖啡在容器中一滴一滴的落入下方的杯中，嗅着陣陣的咖啡香氣已是一種很高的享受，待滿杯後混和預先放在杯底的練奶，喝在口中香濃美味，飲後仍滿口餘甘，是一種非常獨特的南洋風味無加一、共 $110…Read More

妹妹回港，全家聚會，九大兩小，菜式如下：五福臨門大併盤鮮菇百合炒五仁羊肚菌扒鱈魚三絲魚翅羹盅芋頭素雞燜栗子菠蘿咕嚕肉油雞菌扒豆苗上海冷麵紅豆沙鍋餅每席 $1688 另加茶介 共 $ 1848:):)美味 :):)招呼好 :):)環境好 :):)素食健康、環保…Read More

今日午餐約咗珍珍去 JP 間意粉屋，去到見到隔離有一間戶井有大板燒，大板燒是珍珍的至愛，於是入去試吓，大板燒有八款，叫咗一個海鮮大板燒 $68.8:):)唔錯，多菜少粉，面醬香濃，有蝦及墨魚，幾新鮮又大份。我另叫一個鮮蕃茄帶子意大利粉午餐 $63.8:):) 先來一個日式沙律，幾片羅馬生菜加幾粒車厘茄，少少地不過够新鮮，配日式沙律油幾好味。再來一個是日特價湯 + $13.8（南瓜忌簾湯）:)有南瓜香又够滑。鮮蕃茄帶子意大利粉到:):)有鮮茄粒的汁配爽滑的意粉 + 五粒細細地嘅帶子，面頭有的木魚絲，好味、正。再來一個特價甜品 + $10（北海道牛乳蛋白）都 ok ! （够滑但奶香就欠少少）。 嘆埋杯跟餐嘅咖啡，非常滿足。（咖啡幾香濃但唔够熱）。係門口時收咗 $10 優惠券。連加一共 $172 - $10 = $162:(環境略擠廹及嘈吵:(大板燒及咖啡等得太耐要追（侍應唔够主動，又唔回覆結果）…Read More

行完山，都會經過香港水族廣場（東滙廣場），終於見到装修咗相當時日的滙江南開咗張，當然立即要去試下食。滙江南原來同聚滙小厨茶餐廳同一個門口入，聚滙小厨茶餐廳係出面，而滙江南就係裏面，坐低見裝修得唔錯，唔擠廹，待應招呼勤快，原來午晚市同一餐單，價錢由 $12 - $78，有涼菜、小菜、拉麵、粉麵飯、包點及甜點等，仲有多人的套餐。我和珍珍叫咗灌湯小籠包 $18（4只），鮮肉鍋貼 $ 18（4只），拍青瓜 $18，酸辣湯拉麵 $30。拍青瓜:) 青瓜鮮甜、蒜茸和芝麻够香，但瓜皮略厚影响口感灌湯小籠包:) 皮薄肉鮮，湯汁美味但略少，體形也略小鮮肉鍋貼:) 幾好，算 OK酸辣湯拉麵:) 麵質嫩滑，有口感，湯略淡而且太少，緊够撈麵整體上是可以一吃的，上述缺點已向店方陳述，期待改善。連加一共 $101 （$100 以上可簽咭）暫時星期一至五晚市免加一…Read More

很想體驗一下香港的小韓國，便和珍珍去尖沙咀金巴利街一帶行下夜街， 1845 時先到韓國宮晚膳，可能較早的關係，直至 1930時離開也只得我們一枱客，感覺清靜又豪（好似包咗成間餐廳）。內裏的裝修很有韓國舊古的感覺，韓藉女待應招呼周到，先來 10小碟前菜、有泡菜、泡蘿蔔、西蘭花、芽菜、蓮藕、土豆絲、魚仔乾、黑豆、翠玉瓜及煎蛋卷等都十分好味。雜錦石頭窩飯 :) $110 ，賣相靚，醬汁美味，辣度適中，有兩碗份量。燜牛肋骨煲 :) $130 ，有四大塊，肉厚味鮮甜。這是一餐傳統美味的韓式家庭菜。連加一共 $ 255。吃完晚餐再去附近行下，買咗 2 盒韓國米酒 $35 一盒，韓式炒粉絲 $30和黑豆 $30。珍珍還買了一些韓國護膚品。…Read More

素食健康，家庭會議後決定逢星期五為素食日，遇喜慶節日除外。今天早餐是五穀包 + 香蕉，然後去行大潭水塘，行完去到金膳素食已是 1430 時，剛好有下午茶供應。叫了一份雪菜金菇炆米:) 及一份酸辣三絲上海麵:)，份量不少，足够 2 人作午餐吃飽，味道也很好。店內裝修清雅整潔，店員服務也很周到。店前外賣部有多種精美的齋鹵味、點心及糕點，我們買了一份細的齋鹵味回家作素食晚餐的其中一樣餸（$18），份量和味道都不錯。…Read More

踏入九月，囡囡已猛話要食大閘蟹，但市面未有供應，直至 21.9 在報紙上睇到老三陽的廣告話今年首批大閘蟹在 25.9 上市，於是在 25.9 中午便去買。今年的太湖蟹都好靚，6 両重的賣 $ 380 一斤，比舊年貴咗的，買咗 5 隻公蟹（鍾意食軟羔及肉多）共 $730。當然有送紫蘇葉、薑、紅糖及醋等。今次用凍水浸煮法，聽講話是上海人的存統煮法，可使蟹味更鮮、蟹肉更嫩。先將蟹洗刷乾淨，凍水放入紫蘇葉及蟹，蟹肚向上，猛火煮滾後蟹轉紅色便可。果然，蟹羔軟滑甘香，蟹肉豐盈美味，:):):) 正！…Read More

平時行過都有留意到有這間韓國餐廳，今曰珍珍話想食韓國野，於是上去試下，差不多兩點，只有兩枱客，經理滿面笑容帶我倆坐窗邊的大枱，幾舒服，餐牌上的午市套餐有成 20 款，每款 $80 - $85，叫咗什錦肉類燒烤及炆牛肋骨。先來 8 碟各式前菜，都幾好味:)，由其是泡菜，味道及辣度適中，好啱我食。好快炆牛肋骨連湯及飯送到，先飲啖湯先，清清地、有的胡椒同肉味，都幾好:)。牛肋骨，嘩！有 6 大塊，又淋又好味，重好多肉:):):)，超正！連其中的青紅蘿蔔都好好味。跟住什錦燒烤都到咗，原來幫我地燒好咗，份量都幾多，味度都好正:)。下次一定要晚上來試下的燒烤和其他食物。…Read More

中秋佳節，想全家一聚，找一間較清靜舒適、食物美味、招呼殷勤的酒樓。因弟弟是會員的關係，便訂了金陶軒的一個廳房。果然沒令大家失望，菜式如下：白灼中蝦 :):) 雖說是中蝦，但卻是大蝦，每隻都有 5 吋長，鮮美嫩滑特式併盤 :):) 其中包括海哲、燒腩、叉燒及腐皮卷，每樣皆出色美味麗影紅紗卷 :):):) 得獎名菜，將秘制醬料，倒入香脆的海螺形竽絲脆筒內一起吃，正！西蘭花炒帶子 :)糖醋小排骨 :):) 甜和酸的平衡恰到好處，排骨鮮嫩入味油鹽水浸菜遠 :)清蒸大清斑 :):) 約 2 斤多，火候剛好，味鮮肉滑菜胆上湯雞 :):) 皮香肉嫩籠仔糯米蟹飯 :):):) 蟹味香甜、飯軟硬適中、正、正、正！！果盤及糖水 :)啤酒及鮮菓汁…Read More

囡囡上次去食過，話唔錯又抵食，仲俾咗 RMB150 蚊優惠券我，今日去完開平睇完碉樓返到深圳，一共 12 个老友一齊食餐勁嘅。去到離遠已睇見大大个招牌，上二樓但無 12 人枱，於是將兩張 8 人枱拍在一起，叫佐 2 个鴛鴦煱，幾碟前菜、羊肉片、牛肉片、烤羊架、烤羊腿、羊排、各樣肉丸、菜、啤酒汽水等等。食物好鮮美又好味，酒水又平，抵食。總數 RMB 752 - RMB 150 優惠券 = RMB 602…Read More

炎炎夏日，想吃美味而較清淡的午餐，中式的，還要有海景，跟據上述條件便坐進了世貿 2 樓翡翠拉麵小籠飽的臨海座位。美味的當然是皮薄餡鮮的小籠飽:):)，清淡的首選是雞絲粉皮、青瓜絲 + 雞絲 + 爽滑粉皮配上香而不濃的麻醬:):)、正！清淡而飽肚的是菜肉雲吞麵:):)。…Read More