yaunagn721's Profile

最喜歡同老公去元朗試小店；今日去開千色廣場，就到後面街發掘一下，離遠見到呢間門面都已經好有特色既拉麵店（掛哂大紅燈籠，日色建築門面）😂😂已經被吸引行左入去 一入去係木場枱木凳，仲有好多日本罐裝飲品同日本poster 擺設我地order 左一碗鹽雞白湯拉麵，一碗海老味噌湯拉麵（），一碟餃子兩碗拉麵都好濃味，但唔同平時豬骨湯底咁漿住個口雖然雞白湯先係招牌拉麵，但我本人10級推介海老味噌拉麵，試飲第一口湯底覺得好驚豔，有d似龍蝦湯拉麵，麵質麵好彈牙，每一碗都有紫洋蔥，慢煮雞腿肉，一隻溏心蛋，最特別係最不起眼既木耳，都有另外醃制 餃子味道都不錯，不是脆口的質感，但皮薄餡靚最後埋單都有小驚喜，竟然係日文字賬單，真係好有心思呢…Read More

今日天氣好凍，收工又餓又凍，好想食d熱呼呼既晚餐，途經一間排長龍既龍蝦湯泡飯，本住香港人排長龍就一定好既精神，一於照等差唔多排到，老闆已經比餐牌我地落單。我地揀左個套餐《極上海鮮龍蝦湯泡飯》&《鮑魚花膠蟲草花雞煲翅》，小食《黑毛豬片平豬肚尖》。一上枱我地都嘩嘩聲勁大份勁足料，龍蝦湯真係有鮮味，入面仲有蜆、青口、帶子粒；花膠雞湯入面有翅，鮑魚、花膠、蟲草花、同半隻雞！勁好飲，我地飲左一大半先泡飯，但都已經飽左一半兩個湯都好濃郁，仲要冇加味精超正黑毛豬肚尖都好正，又爽口仲要厚切，啖啖肉，再配埋村。爺爺秘製辣椒豉油，好野味最後，我哋叫咗兩杯餐飲，《熱情果梳打，菠蘿梳打》係用玻璃樽七喜沖既，大大杯，飲完gur 口哂埋單先每人二百蚊左右，性價比高，可以一試…Read More

聖誕節，唔想出去同人迫，又想帶小朋友食聖大餐，又返黎chef’s stage 食牛扒慶祝一早打電話book定枱，去到都仲要等一等，可見幾受歡迎🔺炭燒美國1855肉眼牛扒（12安士） $258叫左medium rate，上到枱啱啱好，又鬆軟，又有好濃既牛味本身跟餐叫咗薯條，但係當日應該實在太忙，變咗焗薯，同返侍應講，佢即時上返一個熱辣辣嘅脆薯條，服務一流🔺炭燒日本豬腩（$268）呢個豬腩都係我地每次必食之選，好鬆化，入口即溶，超高質素🔺卡邦尼通粉通粉好彈牙，醬汁味道都好好…Read More

炭燒豬頸肉·酸辣青醬好鍾意食炭燒既食材，所以呢個係必選之食唔會好乾身，肉質都juicy,酸辣青汁略嫌太濃味，但整體都ok馬薩拉香料牛肉咖喱咖喱味道好出色，配菜亦都好特別（茄子，薯仔，秋葵）蒜蓉炒芥蘭賣相吸引，有炸蒜鋪面，更加惹味配咖哩一流，又熱又脆，即叫即做百香果soda青檸soda…Read More

約朋友在朗屏食飯，一路走到俊賢坊，有一家店面都頗有特色的日式餐廳。入到店內，另有一番風味，竟然係走日本漫畫風，所有回憶返哂黎我和朋友各點了一個定食🔺招牌蒲燒鰻魚（原條）呢個定食一望已經好驚喜🤩鰻魚超厚肉，燒得又好靚，色澤均勻，魚肉好鬆化，兩則仲要燒到脆邊，必食推介🔺照燒雞扒定食好juicy既照燒雞扒，味道調校得很好，而且鋪滿紫菜碎，賣相都極吸引兩個定食都有關東煮小食，蜆肉麵豉湯，珍珠米飯；所有食物都係熱辣辣，成個定食都勁有誠意🔺熊本和牛串🔺原隻汁燒魷魚筒串燒都係高質之作，唔會干身亦食到本身食材之鮮味去開元朗既朋友絕對可以一試，支持小店…Read More

今日天氣超凍，行完一輪飢寒交迫，好想食好多熱騰騰既食物，咁啱出到旺角，就再去御滿屋食日本lunch放題好在今日閒日唔洗等位，職員好快已經安排入座。掃QR code揀哂熱食先，個海鮮粥好鮮甜，入面真係好海鮮架，有蝦，花甲，粥底又棉，食完就成個人暖哂，之後再戰一輪熱食（雞翼，牛舌，羊膝，辣子雞，牛柳粒，薄燒牛肉），再飲埋梅酒🍶成個人都超滿足，我朋友無咁怕凍，有叫刺身蝦，一黎到超驚喜好大隻丫，淨係呢隻蝦都encore左幾次，完全無漏單情況！最後職員提我地叫埋甜品，我地再食個movenpack 雪糕先再行街街。…Read More

又係晚餐時間，度度都爆滿，竟然發現呢間串燒店有位，即刻4個人衝入去，樣樣都好想試，睇隔離枱既食物都好吸引叫左豬腩肉，有d燒蔬菜，雞腎，魚子豆腐，燒鱔…..壓軸有龍蝦（呢樣平時原來要預訂），味道其都係一般般，但吹水飲酒氣氛一流…Read More

片皮鴨 -我覺得有少少奇怪:(咁樣食肉多過皮，雖然味道還可以，但咁少皮，食得唔夠爽螞蟻上樹,味道一般，唔夠辣整體味道一般，而且偏油膩，成晚係咁飲茶祛油膩感。不過唔洗等位，呢樣加分不少…Read More

平時都好少食熱氣野，但呢個日個人要食d熱氣野沖擊下最後係元朗揀左呢個韓國過江龍“Nene Chicken"其中炸雞漢堡同炸雞飯比較好味，其他都一般般啦炸壽司好油膩，亦都唔係即炸即上；鮑魚海鮮豆腐湯-都足料，但就係辣湯再求其加海鮮落去咁。入座後都等好耐先有人落單，人唔多，但待應們好似好忙，之後等食物都等左45mins*做緊買3送1優惠*如果下次再想食熱氣野，應該唔會再揀呢間…Read More

我呢個芫茜控出開深水埗就緊係要黎迷你毛cafe 啦，可惜今日帶住兩個唔鍾意食芫茜既小朋友唯有暫停一試，叫返兩個甜品補數卡邦尼扁意粉$95-一向去cafe都係食卡邦尼，呢個都算係出色既卡邦之一，個汁好香濃，而且每條都掛到汁，扁意粉好彈牙，值得推介茄汁煙豬面肉貓耳朵粉$95-呢度菜味道都不錯，但比較平庸炸雞煎蛋窩夫$95-炸雞外脆內嫩，但略嫌乾身；煙肉都脆口，味道偏咸，但同個楓糖漿窩夫都幾夾，個流心煎蛋都幾有特色法式多士$72 -呢個甜品需時制作，最好一開始就叫定，食完正餐就剛剛好。味度都幾好，唔會太甜，擺盤又靚，抵等咁耐…Read More

極喜愛甜品的我，甜品係每日第四餐天氣咁熱，最啱食雪糕。朋友仔未食飯，又唔想食太多，就係大飯糖叫埋小食。士多啤梨+3.6軟雪糕+原隻鮮椰皇果凍$65雪糕奶味好濃，而且雪得夠耐，唔會擺出黎弓陣就變左液體，士多啤梨有少少酸，同椰皇果凍既甜味好match蜜脆雞翼（4隻）$35雞翼好入味，又唔會好油膩，加埋蜜糖少少甜味，好野味腸粉（5條）+咖哩陳皮魚蛋（12粒）$10腸粉本身order左多醬，再加埋個咖喱汁最正係煙韌既陳皮魚蛋，因為而家都好少地方食到陳皮魚蛋啦，一般都好係普通魚蛋酥炸燒賣（12粒）$24好少少乾身，唔會太油而又超脆口…Read More

等左呢間野好耐啦放假即刻約埋朋友去試，不過我無試到最出名的梳乎厘，而係食左意粉同全日早餐，睇圖好吸引，好在都名副其實，好好味黑糖鮮奶咖啡$42All day breakfast$108煙三文魚忌廉汁扁意粉$88…Read More

屯門新開呢間新加坡餐廳叫LeeLaksa,咁啱到左下午茶時間（2：00後）即刻入去坐底。一打開餐牌，都好多選擇，有喇沙，有架央多士有小食，有飯。。。最後叫左班蘭椰漿飯配巴東肉，以及係新加坡食過，都好想食返果陣味仲有叫左個保守d既海南雞飯海南雞雞肉好滑，油飯略嫌過咸，冬瓜湯味道都ok,唔會好大陣味精味班蘭椰漿飯配巴東肉~肉好滑，飯好香，好正…Read More

熱到死，唔想食正餐咁豐富，去左元朗食餃子雖然都係熱辣辣，但係我叫既驚［芝士粟米煎餃］真係好開胃另外朋友叫既［芫茜鮮肉煎餃］，朋友話肉同芫茜比例啱啱好,好足料另外再order左［四拼湯餃］相對煎餃，我覺得既刻遜色左，不過味道都ok最特別係配埋冇添加味精老火湯一碗呢度既椒鹽粟米&特色土匪雞翼都好好味，全餐都好開胃，食得好滿足…Read More

到我啦，到我啦，book左好耐都無位，隔左兩個星期，終於都book到啦，所有野食都好好味，牛扒最出色，肉味既濃，煮既熟度又啱我地既要求甜品仲要好啱影相極推介大家黎呢間黃店…Read More