chan248的個人專頁

落單個陣講清楚要走蔥韭菜韭黃。炒到出黎都係有。 同老闆講，佢叫自己夾出黎。我同佢講好難夾，所以我落單先同你地講清楚。之後老闆就好晦氣咁同廚師講咩都同佢走嗮佢，連蛋都唔好俾佢，芽菜都唔好俾。於是我聽到就同佢講我要，我只係唔要韭黃韭菜蔥。結果芽菜係有。不過xo醬同蛋都冇左。我想問咁我錢可唔可以俾少D其實開餐廳係咪真係唔知有人係唔食呢d 蔥 啊 韭菜啊。你唔可以走你咪叫我唔好叫你自己話ok。轉頭錯左又黎發我脾氣係咩玩法？…查看更多

好耐冇寫過好鍾意酸辣米線所有食過好多間唔同嘅酸辣米線呢間都算難食加埋酸汁都冇酸味小小辣但係辣到飛起湯底冇其他味只係又辣又淋嘅米線唔好試絕對失望成碗冇點食走左完完完 …查看更多

區內唯一高汁西餐野食講究，菜品叼鑽，你平時食開嘅行嘢唔會有。雖然唔係話服務態度好好，但係好有講究，book左檯唔會話有人黎就畀張檯其他人先。叫lunch set 係一樣樣嘢咁上畀你，唔會趕你快d食完。餐包自己整就唔需要講啦，但連煮落risotto嘅配菜番茄粒，都會先用醋醃處理其實中午都係講緊$150-$250一位可惜可惜，再見啦…查看更多

好耐冇食，行過荃灣要串魚蛋。戴住口罩都特登停低去買。滿心期待諗住睇阿姐淋d汁上去，點知落得兩滴，我叫個阿姐俾多d汁。佢個樣勁冷漠，話 你知唔知你自己俾緊幾多錢啊？7蚊買串魚蛋仲想多汁？你俾50蚊就要咩汁都得。 我都唔知講咩好。但，唔會有下次。「呢到本身仲有幾句，但openrice提醒我可能造成誹謗，所以刪除。」但點都唔變係我唔會再去呢間咁嘢。係咁多。…查看更多

只剩下失望 在外留學，經常想起呢間嘅味道。食左起碼8，9年，儘管d味道真係每況越下。但今日又山長水遠特意來食。叫左碗粉。黎到唔辣又唔酸，甜到死，會唔會太貨不對辦。同佢哋講，居然就西口西面俾左辣椒油同醋我叫我自己加。之後佢囉返張單話我唔記得圈酸，所以當我走酸。真係冇嘢好講。冇圈你係咪應該問下我，就算唔問，你賣酸辣米粉，點都係默認普通酸唔係走酸掛。同埋辣我有圈，點講都唔係好似清湯米線咁嘅味掛。算啦 唉或者緣分完了…查看更多

本身大愛酸辣米線。食開嘅星林居不復當年勇。唯有繼續覓尋另外一間。豬排出色！但其餘都唔多掂。酸辣湯底如果當係茶餐廳港式黎食就還好。但如果期望係雲南口味就唔洗黎試。明顯係清湯加辣加酸菜。完全係行貨。米線太硬。我覺得不如食三哥仲好d。…查看更多