Natalie_Hin的個人專頁

我地三家人去餐廳食飯，總共分開左3枱，點餐同送餐服務都好差。1.我地叫左一個2人餐，其中一個係牛柳，咁QR CODE落單後就即刻叫左個職員埋黎，因為想選擇熟度。我：請問份牛柳可唔可以選擇個熟度職：我唔明你講咩我：我既意思係3成 5成果啲，因為我想食3成熟職：哦，即係你想問個牛可唔可以煮5成定7成熟？我：係呀，因為我想要3成職：arrr…我幫你問吓然後佢行去望住部電腦一陣，跟住行返過嚟職：你可以揀5成或者7成我：即係我可以選擇個熟度啦，咁我想要3成職：好嘅，冇問題10秒後行返黎職：你係想要3成？我：係。。。2.因為我哋三台枱分別點餐，所以其實都唔知其他枱係叫咗啲乜嘢，當我哋食晒正餐之後，就叫餐廳啲職員起甜品，點知等極都仲有兩份甜品未送到，之後就問啲職員點解仲未送到。然後就有個職員出嚟話已經送齊甜品，但係其中A枱的確仲有兩份冇收到，然之後就同佢講到底嗰兩份甜品去咗邊，佢就話已經送咗俾我哋，然之後佢就指住B枱，話我哋送咗過去。咁A枱就表示點解會將我哋份甜品送咗過去？問返B枱，佢就話我哋的確係有兩份兒童甜品，亦都食咗份甜品落肚。職員就表示佢真係送咗過去，感覺態度上認為自己完全冇責任。後來發現原來職員將二人餐嘅甜品當成兒童甜品送咗俾B枱。可能職員認為我哋互相認識，所以胡亂送都冇問題。而且事實上B枱已經食咗份甜品，B枱就表示我哋唔會知道兒童餐嘅甜品係咩樣，你送得過嚟咁我哋就會食。事實上的確係職員送錯甜品，所以會導致呢個誤會出現。如果我哋三枱係用同一個QR code落單，我認為呢個錯誤出現都有機會，但我地3枱係分單叫，所有正餐都出餐正確，唯獨是甜品送錯了，咁樣就好明顯係職員出錯，而唔係我哋有問題。職員一直強調已經送齊六份甜品，但細想一下其實佢仲欠我哋兩份甜品，但當時實在太混亂，而且因為小朋友生日不希望掃興，所以當時只追回一份兒童甜品。去到後期職員發現自己做錯了，非常不服氣地說「可能真係我哋啲職員送錯啦。」然後完全沒有歉意地幫我哋落返一份兒童甜品。3.發生以上事件之後，每一位職員都逃避我哋三枱，由於切蛋糕需要餐具去食用，但職員收起晒我哋所有嘅餐具，而食蛋糕需要餐具，所以我哋亦有叫職員提供返餐具俾我哋。呼叫嘅聲線同埋動作都好肯定在場嘅所有職員都見到，而且很正常地「唔該，可唔可以比啲餐具我地食蛋糕」，但佢哋全部人都扮聽唔到睇唔到，最終要我哋自己去拎。結論係呢間餐廳既食物其實不錯，但員工態度很差，如果我地3枱不認識，其實你都應該要補回甜品比我地。因為的確送錯，如果誠懇地講聲唔好意思，我地都會原諒，但職員態度係客人自己唔識分，我送錯沒有問題，錯的都是客人。…查看更多

話說今天星期六 1:45落單2:00取去到嘅諗住拎時候先話冇芫荽墨丸其實如果冇 落單位置可以封鎖項目咁咪確保到冇人叫呢樣嘢囉都算 其實你明知道冇點解接咗單之後唔打俾我去到先至話俾我聽冇咁樣唔係會慳返更加多嘅時間咩？午飯時間唔係長 去到仲要等咁其實我提早落單有咩意義呢？你話因為多外賣/堂食單 做唔切可能我要等多陣我都仲可能理解 因為唔係直程skip咗我張單其實提早嗌外賣自取嘅意義就係唔想等好啦 最尾我改咗做黑墨丸咁佢收到我改嘅order之後就直接放咗張單入廚房但係冇同佢講話係急單之後同時有好多堂食同外賣嘅單廚房根本冇時間去留意呢張單因為職員冇特登交代廚房一定係會跟返順序去煮其實我一早叫咗話明兩點拎點解職員唔識得主動同廚房講做咗呢張單先呢？既然你一直唔處理我唯有企喺你哋餐廳度等以免我出去等 就等同於出面現場叫嘅外賣單唔知係咪後期職員終於醒覺先至識得主動同廚房講煮咗我張單先最終遲咗成10幾分鐘先拎得走Btw啲野幾好食 但雙併墨丸得2粒外賣盒又收$2 成張單加埋成$50仲要有咁既經歷應該就冇回頭 下次不了…查看更多

11/11/2017本人於7時左右到達餐廳準備食用晚餐，當時餐廳有大量空位，而餐廳外面沒有任何人輪候入座，所以立刻入座。因為想和朋友一同座梳化位，所以坐在同一邊，但是某待應立刻要求我們打對面坐。表示晚市好多人，不能坐同一邊。重點當時現場沒有顧客，大量空枱。完全不理解為何一定要分開，最終我們也是分開了坐對面。但坐坐下覺得整件事不應該這樣，所以我們坐回同一邊，等多人時再分開。誰知有一位待應極不禮貌地要求我們坐同一邊，更強行分開2張枱。因為不受尊重，所以立刻離開，希望紅蔥頭加強對員工培訓，學懂尊重顧客。…查看更多

員工服務態度好好-因為咁岩坐著冷氣位，我地話調枱。佢地十分樂意幫我地，而且仲幫我地搬曬啲野過去，完全冇黑面。-朋友唔食莞茜，打開蓋見到咁多有啲驚訝。雖然我地冇叫到員工幫忙拿走，但竟然有員工留意到我地，主動幫我地拎走佢，十分細心。-食到一半自然會有啲熱，員工可能聽到我地話有啲熱，主動話我地熄左部冷氣，如果真係熱開聲，開返比你。-食完埋單職員依然好好笑容，服務態度好好。食品美味-開始時睇餐牌覺得比想像中貴，因為湯底都要收一個比較貴的價錢（窮學生😂），點知食物一黎就覺得這個價錢幾值得。-點了一個$198單鍋雞煲全隻小辣，個汁好食到一個點，啲雞啖啖肉，但重點係啲豬皮，吸曬啲汁超級好味道，搞到我地個個都爭住食。-之後加左個雞湯變打邊爐，味道不錯。另外佢個芝士丸值得一讚，平時我唔鐘意食外面啲芝士丸，因為覺得有陣腥味。但呢間果啲有金黃色既皮，入面啲芝士好濃郁，仲有啲黏牙，實在太好味🤗總括：價錢的確貴（消夜時間7折），但食物質素和服務十分良好。…查看更多

1。服務態度今日係25/9落好大雨，我同班朋友(3個靚妹仔)一齊食呢間野，因為淋左啲雨，所以個身濕左小小。我地入到間餐廳，佢安排左張枱比我地坐低，咁岩對正個風扇位，吹到我地應一應。因為淋左啲雨有啲凍，所以我地好好禮貌想佢熄左佢。點知個(員工)呀嬸話佢好熱，又話我地成個廚房都好熱，所以唔可以熄。當時佢身上著住件一睇就好薄嘅衫，同時間餐廳冇咩客人完全唔忙，成班仲不停玩手機，而且當時都有開住冷氣。重點個風扇係貼係牆上掛到好高，而佢企嘅位置同廚房係係牆後面，根本冇可能吹到，所以我地覺得佢係有心唔熄。唔夠一分鐘，坐係我地隔離枱(一位比我地早黎嘅情侶)個女再次要求熄風扇，可能個呀嬸知佢明明聽到頭先我地問過都再叫，所以佢睥左佢一下，再口窒窒話佢好熱。之後佢女嘅開始串串地講咁我依家凍你熄唔熄，呀嬸又話我地好熱，個女就話咁一係你固定左佢去另一面囉，呀嬸話佢咁高我固定唔到，個女就話咁你熄左佢囉，之後個呀嬸就口upup自己好熱就熄左個風扇。我真係好多謝個女俠義相助，同時我覺得個呀嬸好有問題，但睇佢個樣應該係高級，所以其他職員唔出聲。2。食品佢地最近加左價都算，佢餐單送一個叫粉紅佳人嘅啫喱，食完真係畢生難忘。首先，我地食完個餐勁耐佢都冇比個甜品我地，我地就追佢地咁岩又係個呀嬸過黎，佢聽完之後話拎黎，但拎左成5分鐘都拎唔到，周圍行黎行去唔知做咩，最後企係度望實我地。見佢又想玩野，於是我地就搵另一個員工，佢1分鐘唔洗就係雪櫃拎左比我地。個啫喱黎左，睇落冇咩野，但一“不”落去就知係伏。完全係水狀，之後食落去我地3個個樣一齊變，我都忍唔住講左句粗口。都唔知咩味黎嫁，勁難食。中間有啲唔知係咪提子乾，溝埋仲難食，成pet野咁。雖然係跟餐送，但呢pet野比錢我都唔會再食。:(:(…查看更多