雪儀's Profile

係朋友介紹下,第一次黎呢度食,叫左個三文魚親子丼定食,快到呢…上完前菜立即黎個飯,好似一早整定咁,不過好在三文魚生都唔錯,唔會腥,幾新鮮,雖然薄切,但係都有近十片,鋪滿飯面,唔錯,三文魚子亦都大大粒,整體黎講幾好味!之但係,我覺得最好食竟然係個甜品,一睇似豆腐花,上面舖左紅豆,但係一食落去,好大奶香,我估係奶凍,奶到呢…而且奶味好濃,真係好好味!唯一不之處,係趕住交枱,要一點前離座,所以有點倉促呢!…Read More

午市好多人呀!以為呢類工廠區餐廳會粗製濫造,點知又唔係喎!都算OK喎!午餐有個牛腩飯,姑且一試,牛腩唔靭,雖然唔算十分美味,但係份量足,少筋,汁入味又唔油,真係算係咁喎!上菜速度快,唔會阻時間,唔錯!唯一係服務,個阿姐有少少惡,同埋有催人快的落ORDER的感覺,不過真係客多,所以咁係可以接受既……Read More

去飲茶,點心好普通,但係叫左碟煎蠔餅,真係好得呀!好脆好新鮮,但係唔太油,好多脆邊,蛋同蠔都好味,唔會腥,七十蚊一碟份量好足,夠五六個人食,絕對值得叫!另外推介蠔仔肉碎粥,一窩七十蚊,夠六個人分,又係好足料,食左一碗都飽左一半,不過唔及煎蠔餅咁吸引。點心係普通,不過都可以試下千層馬拉卷,一籠四係,好似迷你瑞士卷,唔太甜,唔太漏,一件細細岩岩好,OK啦!服務方面麻麻地,可能午市多客啦,有時唔係好搵到人理你咁囉……Read More

見到件件CAKE都好靚,唔知點揀,最後食左一件MANGO既,圓柱形,白色,有黃點點綴,唔花巧,但都好靚…味道方面,好LIGHT,一切開已流左好多芒果餡出黎,好香芒果味,但係唔會好甜,外層係好LIGHT既MOUSSE,我覺得有少少芝士味,但唔重,食完成個都唔覺得好飽好HEAVY,得推介!…Read More

食左個Set Menu內的選擇,唔記得個名,係三百幾蚊果款,可在三個範疇內每個範疇選一樣食物,我揀左三文魚,野菜,同埋芥茉牛肉,其中最好味又最特喇係芥茉牛肉,值得推介,雖然話係芥茉,但係唔會攻鼻,唔太食得辣都可以食到,三文魚一般,而套餐內既日式蒸蛋反而有點令人失望,因為唔算十分美味,亦唔係好多,係好普通果隻…由於人多,叫左好多甜品share,其中最喜歡綠茶tiramisu,上面有cream又有紅豆,好靚,但係唔漏,好creamy,雖然同正式tiramisu唔同,但係食落好似食雪糕咁,好得意;焦糖燉蛋拼盤有三種味,分別係expresso,綠茶,同薑,都算唔錯,唔會太甜;至於心太軟就好重朱古力味,實實地,唔算好流心,配呍呢拿糕,個雪糕都係一般貨色。我見menu有wasabi雪糕,其實都想試下,因為唔係度度有得食,或者下次試啦!整體上,個set都值得推介,尤其芥茉牛肉,甜品可試綠茶tiramisu。…Read More

真係超唔掂囉!第一,食物無特色可言,又唔係特別好食,最慘係果段時間已經唔係多客,但係竟然等左差唔多成個鐘都未上菜,要三催四請,雖然侍應好有禮,但係都唔可以等咁耐呀!上菜次序又奇怪,竟然最後上魚!連甜品都上埋先上魚,真係佢至得!我諗應該唔會再幫襯咯!…Read More

同屋企人食呢度既任食放題,有張點菜紙,但寫明每次限叫三樣野,雖然有分小食、主菜、沙律、湯、飲品、甜品等,但係小食同主菜的size係無分別,一樣係的的骰骰,份量好才,反而飲品好大杯...食物質素方面,真係唔好有太大期望,雖然自稱法越餐廳,但係食物亳無特色可言,係一般西餐廳甚至快餐或茶餐廳都食到咁既質素!尤其係魚柳,根本係一細件吉列魚柳加少少汁,我係快餐店都食到!仲有咖喱角,好似美心大家樂都係咁既質素...比較好既係南乳雞,雖然細份,但係個汁唔錯,好夠味!另外都可以試下煙鴨胸,唔肥,幾好味!越式粉包都可以,但係唔知點解我食到同潮州粉果一樣味,個餡好似係潮州粉果的餡,如果鍾意食潮州粉果的人,一定會鍾意越式粉包囉,呵呵!反而燒豬頸肉同坊間果d唔係好同,主要係好瘦,又唔係好似豬頸肉咁...蒜茸炒野菜呢,就勁油呀!甜品方面,真係旳骰到不得了,榴槤班㦸細到我地以為係畲碟的花!哈哈!椰汁什麼糕又切到一岩一蠶,好醜樣!飲品只係可以啦,紫米冰可一試,即係將紅豆冰的紅豆變左紫米,味道都唔錯!不過,所謂芒果沙冰,根本唔係沙冰,只係芒果味的普通飲品!其實總括黎講,唔可以話好好食,但係勝在任點任食囉!同埋服務都唔錯既...…Read More

我覺得完全唔掂呀!以呢個價錢,唔應該係咁既質素!第一,上菜太太太慢,話說我地十二點十叫野,只係叫set lunch,但係等到一點半都未有頭盤,只係得包同牛油,要我地三催四請,又話幫我地追,先係一點七八有個頭盤!主菜仲耐,食完頭盤都仲要等,成一點九一點十先黎!仲要好慢!即係由叫野到食主菜要成個鐘呀!太唔掂啦!佢話自己係法國菜,但係亳無法國特色可言,食物份量大大件,頭盤燒雞沙律已經有成件雞扒,另一頭盤吞拿魚三文治竟然有三件,好多呢!主菜方面,我揀左煎龍利魚,都算幾香,又唔油,好在無之前其他食家講話腥既情況,都唔錯,三大塊,啖啖肉,算係OK!朋友的長通粉都份量唔少,不過好似幾多汁,睇落有少少漏,佢話味道都幾好喎!但係我見佢d粉好似好粗身咁既....意大利咖啡好香,好滑,唔錯!食物只係一般,同普通西餐廳無分別,但係服務唔得,最差係太慢,所以我覺得唔值呢個價錢!…Read More

真係好唔明,點解只係一個方魚肉碎潮州粥,叫左一個鐘先至黎?問佢係咪漏單,佢又話整緊,實在好過份!雖然以味道論,個粥係好食,但係以服務計,點都唔會格!公平點說,呢度有一味點心唔錯,係素菜餃,比紫肉蘭的更好!又多菜又香又清又唔油,食多幾件都得!反而蝦餃燒賣都係麻麻地,有一味排骨陳村粉,以為好特別,但係食完覺得"咪又係咁"囉!另一味值得推介係章魚什麼石頭飯,好夠味,粒粒飯都入晒味,又夠熱,黎左大半個鐘都仲熱架!…Read More

COVA新出既檸檬雪芳蛋糕,第一次食!店員話呢個蛋糕係light之選,好岩女仔食...食落的確好有檸檬味,好香,不過都係覺得甜左少少,同埋cream太多,蛋糕本身好軟熟,好好味,可惜忌廉令佢比較漏...餅底有點怪,係一個唔脆既餅,好難切又難咬開,而且比較甜,我覺得脆餅底可能好些!…Read More

點左個魔芋西柚綠茶(凍),甜甜地得黎又有西柚味,雖然係西柚,但係唔酸喎,魔芋竟然係紫色長方形,仲有甜甜既提子味,真係無諗過係咁...魔芋份量唔算多,我覺得應該加多一點...茶太重柚子味,無綠茶香,不過叫做合格啦!小牛杯芒果雪香好似好大杯咁呀!仲有好多胚芽係面,好吸引!唔怪得貴我果杯咁多啦!(佢果杯$27,我果杯$22)…Read More

我真係無諗過係咁貴架!一個麵餐$36,只係得一碗麵同埋一碟菜,飲品都無...可惜個麵好細好小,雲吞都只係三小粒,菜得幾條咋!份量真係好少囉!根本唔夠飽!味道只係一般,唔係真係特別好味囉!魚片粥就有少少腥,而且成日食到骨,份量又係唔多,但已經收成$32!三十幾蚊一碗普通大小的碗,好貴呀!…Read More

呢度自助午餐主打咖喱,幾乎味味都係咖喱,我唔太食得辣,咖喱菜只選擇性試一點點,其中有一味beans同埋另一味菠菜係無咁辣,同埋味道都唔錯。牛肉就辣到飛起,唔受得千期唔好試;有味羊肉丸好特別,值得試下。不過我覺得一定要試係廚師即整的好似pancake卷的一種食物,好得意,即整,熱辣辣,好似食整咸pancake,最重要係,竟然唔辣架!另外,食印度薄餅可試下點青豆醬,又係唔辣,但係清新好味!反而有一樣好似咖喱角咁既野,雖然唔辣,但十分一般。其他菜色,普普通通,印度飯係長身,出面少有,都可以一試。最最令我興奮係甜品,麵包布甸必食!仲熱架!哈哈哈!熱完又一定要食movenpick雪糕,竟然有三口味咁多呀!但係好甜好漏呀!朱古力味係有好多真朱古力,最少一半份量都係呀!焦糖味雪糕仲好味,好好好好焦糖呀,可以食到一粒粒哽口既焦糖添呀!另一款有杏仁粒又係好正,所以我係咁食係咁食,食左十球,呵呵呵!檸檬撻,朱古力撻,栗子蛋糕都係普通而己。這頓午餐不錯!但我最喜歡甜品(雪糕)那part!…Read More

黎呢度食野,係因為老豆老媽子大讚佢既粥好食,點知一去到,個老闆鬼咁惡,招呼超級差!點粥前問一問有無油炸鬼炸兩果d,原來係無架!即係無晒食粥既mood...於是,我同小牛反而一人點左一碗粉麵,分別係鮮牛肉米粉同雲吞伊麵,前者都幾多牛肉,都算有鮮味,不過個湯底的確鹹左少少,我諗都係味精作怪;後者只係三粒雲吞,又細隻,麵唔多,都幾細碗下。食完之後,我地要過去隔離檔買一串串燒賣,下次未必再幫襯咯!或者最多試下粥,睇下係咪真係咁好啦!…Read More

今次我要讚一讚個經理,佢拘一種彈性的態度待客,令客人滿意,呢種服務態度值得嘉許!話說未到九點買外賣,想要足三両,問個店員,仲有三個字先九點,可唔可以叫呢?佢答唔到,但個經理一聽到,立即話可以特別做,誠意可嘉!令人十分滿意!我覺得很好!講真,呢間麥當勞少有地今人覺得好的...…Read More