alfredlihk's Profile

值得讚👍🏻免加一，免開瓶費及切餅費。個人意見👎🏻餐牌有3-4成 都係辣嘅菜，一點也不廣東粵菜大排檔，我們一行五星期六大約晚上6:30入場8:30離開，都不見有客需要等位入坐我估計初期有網民或者俾錢KOL推到上天花板，可能貪新鮮，但熱潮過後試過了返回地板了。其實搞乜嘢花臣都好，最尾食物質素及味道係最重要‼️-豉油王炒麵（份量好少+沒有鑊氣）辣椒油需要收$10🙀🙀-蜆肉蒸蛋 （成口沙+落咗好多油+上只有幾粒蜆）-優惠燒鵝王 $28 1/4 份（十分平，但燒鵝十分肥+勁臊）-蠔餅 （份量超少只切四嚿+超級不好吃似食緊蔥油餅）-蒜香骨/椒鹽豆腐 （正常發揮）其他不能盡錄如果你喜歡熱鬧+嘈吵可以一試，大約七點左右開始熄燈噴煙，有人唱歌🎤感覺好似90年代東莞disco咁（娘味濃）當天是張國榮+黎明+張學友金曲為主，現場有人唱歌當然可以比下利是仔🧧（自願的，不是勉強）最後一點侍應服務偏差（當然去得呢類型嘅餐廳不要有要求），當時店內還是沒有太多客人，但叫落單時侍應都不停叫等等啦～等等啦～等等啦～（明白已經等緊） 最後當然有漏單，兩杯超大檸檬茶差不多吃完才上枱🙀結論：可以一次但冇下次…Read More

太子食物質素平平無奇的小菜館，標榜免收加一免茶芥，但百幾蚊食十粒咕嚕肉，仲貴過去酒樓食！茶水要主動叫才給你一杯熱水，（係熱水不是茶）八九成餸菜都試過百元，羊毛出自羊身上面標榜免收加一，精明的食客已經知道價格已反映了！但食物味道還可以，但沒有衝動再次光臨，本人都常常光顧小店餐館，喜歡價錢親民，但石姐這樣的價錢及質素我寧願去美X集團旗下的酒樓，起碼坐得舒舒服服環境舒適，重點係有茶飲。但百貨做百客，大家都可不妨一試！…Read More

晚上在The one 睇完戲大約9:45pm，為了方便以及有白金AE 咭2人半價優惠的關係就選擇了尖沙咀The One 的峰景餐廳。餐廳內環境舒適可遠眺維港景。食物質素平庸，不過不失，味道presentation沒有驚喜。我們Order 了龍蝦湯，什菌長意粉及大蝦配魚柳，龍蝦湯味道十分好，很夠熱，很濃郁，龍蝦味很重，份量少，但都可以一試, 其他兩個主菜沒有什麼特別味道簡單平庸。服務方面一般中檔西餐廳服務質素。結帳後才發現餐廳私自把客人帳單上加了一蚊作慈善用途，但事先沒有經客人是否同意此收費，加上餐廳沒有提及會捐給什麼慈善團體，本人在此方面是感到十分不舒服，餐廳完全沒有尊重客人。最後我都沒有對餐廳要求退回此一蚊收費。總結：如果沒有AE白金卡半價優惠絕對不會選擇峰景餐廳，因為食物質素很一般，服務也不見十分貼心，但餐廳價格收費偏高，晚上人均消費大約在$400。…Read More