grandpa0413's Profile

喺香港要食特色點心既地方越來越多，有新餐廳更加做到中西合璧又或者可以望住無敵大海景食點心，但保留到傳統"推車仔"式既點心店，真係寥寥可數。憑印象中仲保留搶點心呢個特色既應該有中環既美心皇宮、旺角既倫敦大酒樓、荃灣既川龍茶樓同中上環既蓮香。好耐無感受搶既快樂，所以都忍唔住黎感受一下。蓬香既知名度真係揚名海外，所以每次都可以見到外國人同好多中國遊客，咁當然，老一輩既香港叔叔都佔好大部分。兩個人黎食，搭枱當然無可避免，另外茶位可以揀單人或者一壺壺既茶，如果你係沖茶新手，我勸你都係要一壺壺既茶，如果唔係抹枱都有排抹。戲肉黎喇，要食好西，當然要夠醒目望住點心姐姐架車既落腳點同埋夠快衝出去，一定要圍到架車隔離/點心姐姐附近先搶到食物！我今次就好好彩搶到好多正野！最好食既係馬拉盞同蝦餃，馬拉盞SIZE好啱女孩子食，因為份量細，甜度適中又軟熟，蝦餃雖然未算好薄皮，但蝦既份量好多而且彈牙，以傳統老店黎講幾唔錯。不過我最想食既千層糕今次就無緣食到，又有動力下次再去！…Read More

如果將呢間新四寶同舊四寶相比，最值得欣賞既一定係裝修同高水準早餐。呢一頭最多人食既茶記真係要數四寶同半島，其他既質素都麻麻地，連鎖既大快活更加係令人好失望。講番呢間新四寶，呢一個沙嗲牛肉麵餐真係無得頂！點解咁令人印象深刻？全因為佢既奶油脆豬！呢間既奶油脆豬係我食過咁多間之中既number 1，真正做到鬆化香脆，而且奶油份量恰到好處，唔會太多太甜但又唔會太孤寒唔夠味，所以黎食野，緊記要試脆豬！另外沙嗲牛既味道都同一般茶餐廳唔一樣，呢間既味道偏帶咖哩味，我自己就幾鐘意。…Read More

炮台山想食日本野真係唔係咁多選擇，茶餐廳實在係周圍都有，所以今日無意中發現呢間吉豚屋既時候真係好興奮，可以用好抵既價錢食到日式野。最好彩既係午餐時間都唔洗等位！！！餐廳有多款炸物套餐選擇，最平既4~50蚊有交易。不過最抵係而家做緊特價既套餐，包括滑旦豬扒飯（梅）＋野菜豚肉湯（大）＋飲品都只係$59!呢間餐廳最抵讚既係豚肉湯，因為湯真係好足料，入面有多塊豚肉、紅蘿蔔片、白蘿蔔片仲有薯仔等煮成，味道鮮甜。主角既滑旦豬扒飯亦保持到水準，豬扒唔會太軟而加左旦之後好香，飯上仲有洋蔥同豬扒汁，好惹味，三兩下就可以食曬！…Read More

住左紅磡幾年，見證新忠記由舊鋪搬去新鋪，但因為每次都見到好多人等位而無緣一試，今次終於因為新鋪多左好多卡位可以比我有機會一嚐呢間超人氣餐廳！食潮州野，點可以唔食胡椒咸菜豬肚湯！呢間除左有傳統既咸菜豬肚湯，仲有豬肚雞版本，咁我當然係揀豬肚雞啦！果然好好食！雞夠嫩滑之餘，湯底真係不得了！胡椒味非常濃，夠辣先飲得過癮！！！另一款特色潮州野一定係蠔仔粥，但兩條友好難食到咁多野，所以我地叫左一碗細既happy share, 但其實一啲都唔細，可以一人分到兩碗滿既飯碗！仲有蠔仔夠多之餘又粒粒漲卜卜，夠鮮甜！想食香口野的話，椒鹽鮮魷又係好正！夠惹口又彈牙…Read More

最近同女朋友拍拖時發現呢間應該新開無耐既元氣，位於九龍行上面，隔離係油麻地地鐵站而前面就係巴士站，位置真係非常就腳！近排食過銅鑼灣，旺角既元氣都覺得質素有下降既跡象，可能人太多顧唔到質素，所以有D失望，但呢間元氣樣樣都做到應有既水準。呢間既質素無論係食物新鮮度同服務都好好，店員姐姐係充滿笑容地帶位，真心欣賞。三文魚腩刺身一客6件，件件肥美而唔會過分油膩。時令秋刀魚非常大件，魚味超重，上面有薑粒中和番魚既味道，我自己就好鐘意。最有趣既係因為我係一開門就入去，呢個WASABI波波真係好得意，唔講以為係綠茶雪糕！…Read More