PCWallis's Profile

疫情關係唔選擇落街食飯，午飯時間打電話落單外賣自取返公司同埋同事一齊食，好快有得攞！已經食過幾次，今次食熱拌刀削麵，個刀削麵有彈性，煙韌但唔會硬掘掘😋 拌麵個辣醬好食(我叫小辣唔辣)，但同事唔係好食得辣，叫咗小辣、辣醬放邊，但仍然話好辣😆😆😆！***手撕雞係每次必點，夠味同埋鍾意d青瓜絲！鍾意食大腸嘅朋友可以試吓，我鍾意佢無臭味又冇哂多餘的肥膏，正！同同事share叫小食，叫咗口水雞(醬好食、雞肉唔鞋)同埋炸素菜春卷$40/6條，係好食嘅，但咁細條來計就覺得貴咗d⋯⋯…Read More

一出地鐵站行過見到櫥窗貼左張紙蒸飯套餐加油菜$49超抵，諗住夜晚冇得叫！點知行入去問櫃檯姐姐佢話夜晚有！於是乎叫咗個鳳爪排骨飯同埋菜心，另外叫咗個鮮蝦菠菜搞同埋鮮蝦韭菜餃！蒸飯係真係做得好好食，飯粒軟硬適中吸晒排骨汁！排骨份量都算多，有十二粒😆味道唔錯幾好食(當然有乸過鬆肉粉)！鳳爪都係一＂損＂就皮骨分離，正！不過如果再多少少豆豉汁會仲香啲！炸鮮蝦韭菜角$28就有唔夠韭菜味少少失望，但薄脆炸皮加分 &佢入面嘅餡就真係好足料特別係大蝦仁👍🏻，同埋唔會有好多肥豬油！鮮蝦菠菜餃$27晶凝通透皮薄，入面都爆餡又係有大蝦仁！好食過炸鮮蝦韭菜角！兩個人食份量剛剛好😊讚：食物即叫即整完全夠晒熱，買完行返上公司仍然熱！收銀員姐姐好有禮貌，我慢慢揀佢冇催過我落單仲叫我坐低等外賣！彈：如果點心價錢平多幾蚊更佳！…Read More

趁假期同屋企人去大澳行吓放鬆下心情，行過見到呢一間華利小食，由於天氣太熱🥵立即買左幾枝不同款冰凍野飲解渴！我哋買咗紫貝天葵茶，檸檬薏米水、紅豆薏米水同埋羅漢果桑葉茶，全部都好夠味，唔係勁淡味加糖果d，所以不錯！特別推介紫貝天葵茶🉐同埋檸檬薏米水👍🏻好解渴同去油解膩！當我地企喺店舖旁邊飲住野唞涼嘅時候，望住啲糕點又被吸引住😍，特別係小朋友望住啲雪糕雞蛋仔就嘈住要買，於是買咗一個B款雪糕雞蛋仔，店主超好人＂畢咗＂超大球雪糕，雞蛋仔都幾香口👍🏻佢話淨係週末先至有架！我地好好彩！由於我未食過艾餅，所以就買咗一個試吓，當然唔少得雞屎滕啊，因為依家買少見少、越來越少地方有得買呢啲特色糕餅！呢度仲要係新鮮熱辣辣好濃味，同埋佢軟糯「煙銀」適中，唔會話好實好滯！推薦大家買👍🏻我媽媽就讚佢啲茶果整得好，囗味幾正宗😊…Read More