一手飯食家's Profile

很小在星期一至五晚外出去吃好的，今天與朋友相約在這裡吃點好的。可惜工作太忙，我又一次遲到了。我們匆忙地落單叫野食，因為工作令人身心疲倦，心理平衡的渴求下，想要大吃大喝。首先，黎個前菜”牛油蒜蓉包配黑松露忌廉野菌”，味道不錯，算是不錯的前菜。再來是”酥皮盒”，三文魚他他及黑松露野菌，歡喜這裡的酥皮。主菜也是我最愛的”紅酒澮牛臉面配黑松露薯溶”，歡喜這樣的牛臉肉，既入味又不會過份熟，很歡喜這樣的口感，軟軟的又不費力（可能因為我懶）再來是”香煎吞拿魚扒配香草意大利黃瓜汁”，皮煎得有溶過熟，但不影響口感，尚算ok。在這裡有很多喜歡的，喜歡這樣的牛臉肉；喜歡這樣的酥皮盒；喜歡這裡的裝潢；更喜歡在我身邊的你。如果你有喜歡的，不妨與你喜歡的尋找你們喜歡的。…Read More

我總會偶爾的想吃鰻魚飯，因為我總會偶爾我想起在日本我鰻魚飯。很多時，我成日同自己講，唔好係香港食鰻魚飯，但總會偶爾的去左食鰻魚飯。今日lunch叫左個鰻魚飯加蜆殻湯（108加1，大概120蚊）個餐一黎到，我總會偶爾的失望。鰻魚飯既醬汁太”杰”，我總會想起日本既鰻魚飯既醬汁濃得黎好似水狀，食落去唔會檔左炭燒既香味。依個鰻魚飯醬汁太甜，真心唔好食，但比左錢冇理由唔食架。反而我幾鐘意個蜆貝湯，幾清新。不過板長其他野我都有嘗試過，其實ok，可謂不過不失，但依個鰻魚飯會哭泣。（注：此評論只針對鰻魚飯）…Read More

工作總是令人在辦公室流連，晚飯也隨之留待至宵夜。忙碌工作後，帶著被疲勞沖洗的身體回家。矛盾既心情，唔想食飯，但又應該食啲野，每當有依種諗法既時候，粉面係一個好選擇，因為有宵夜既感覺。今日叫左個牛肚湯米粉 多蔥（35蚊）價錢算粉面中比較貴，但都要食架，肚餓有辦法。但碗面黎到面前，我已經覺得佢值依個價。牛肚紋理分明，一睇就知口感爽口彈牙，唔似街邊小食店煮到淋既。食落都真係幾入味同爽口彈牙，再加埋辣椒油既配搭，衝擊性既味道，粉面的確好岩做宵夜既角色。…Read More

今年天氣反覆無常，昨天的涼快，今日的悶熱。那天走過荃灣，迂迴的天橋令人鬱悶，想尋找激動的感覺，走進了這間川辣的店面。坐下後依然悶熱，除去外衣，看看餐牌，點了蘭州麻辣牛肉拌面，渴望那涼快但激盪的味道。從來都喜歡涼拌，喜歡那涼快的感覺。涼拌著麻辣的味道，伴隨著被辣剌傷的溫度。牛肉令我想起兒時的味道，零食包裝的牛肉干。拉面的口感彈牙，拌著蒜頭及麻辣醬，剌激著味蕾。後來才知道這店子，已不是從前的人經營。涼拌，還是涼拌，依然是帶著溫度的涼拌。…Read More

辦公室生活離不開Food court，因為午飯時間人多而時間短。有時我慶幸太古treats依間food court。性價比與其他food court比，十分出色。今日叫左個50蚊既沙嗲牛肉麵餐（常餐）個人認為算係比較出色既常餐，牛肉食落口感細滑，絕對唔會豬肉扮牛肉，而且分量不小，十分飽肚(稱得上肥仔餐既上品。而面底亦可以加錢轉出前一丁，但個人認為佢本身跟餐既公仔面口感已經夠彈牙，因為佢唔會煮到太熟，至少我外賣拎到上去都唔會軟淋淋。最後要讚一讚外賣包裝有誠意，treats the taste之餘，仲賞心悅目。…Read More

返工放lunch偶爾都會食碟頭飯，每星期總有一日都會冇原因咁去左食華昌既燒味碟頭飯。今日叫左個燒肉+燻蹄雙拼飯（加埋茶價55蚊） 眾所週知燒肉皮脆係基本既要求，燒肉皮至少由我開始食既一刻都仲係有硬硬地既感覺（我諗應該係脆既），而燻蹄皮脂同肉質分布口感唔錯，配上酸酸味味既醬汁，返工食一流，至少可以醒下個胃。我最鐘意依個配搭，因為冇骨，食落個人冇咁攰。燒味，依舊的味道；服務，依舊的參差；茶水，依舊的無味；而我，依舊的去食。…Read More

平日返工放lunch選擇唔多，但人就好多。每次諗唔到食咩既時間，我都好自然去左大家樂，儘管食佢我一啲都唔快樂。今日叫左個55蚊既去骨海南雞飯椰香飯 + 去骨海南飯（雞既分量都算多）一打開有陣獨特既味道（我覺得係臭腳味），令我有d卻步去食。但我最後都係選擇食左，因為我好肚餓。但落都幾好味道，椰香飯比我想像中有椰香味，而海南飯道好似下面張圖咁帶點脂肪，好味道，原來佢係大家樂既臭豆腐。總括黎講我會食多次大家樂既臭豆腐。…Read More