橘一粒's Profile

呢個檔位餐廳，thaw咗舊牛油好基本都冇做到。麵包非常之硬，唔係一兩舊，係全部麵包。口味做唔到大眾嘅喜好，除咗pork之外，其他都係睇Menu又唔係呢個樣，食落去完全唔係想像中嘅味道..唯一可以就係服務態度，侍應好親切。…Read More

晨早流流，因為通宵工作，打算落公司樓下食個早餐，叉個電再繼續返工。去到餐廳點咗個成日食嘅沙爹牛肉餐肉鮮奶炒蛋豬骨湯螺絲粉。$35唔貴，同附近餐廳比，呢個算性價比高，每次黎食早餐都係食到勁飽。先講個面，唔硬唔軟，煮得啱啱好，沙爹牛肉規規矩矩，牛肉味重，一碗麵落勁多料，沙爹牛肉最後都係食剩咗少少，因為飽得濟。炒蛋午餐肉同埋多士飛邊，上到檯都係熱辣辣，唔似其他餐廳咁，一上檯就凍晒。另外好快上檯，我點完餐後10分鐘內到。總括而已，呢個餐性價比高，質素高。早餐食得咁飽，一日工作都開心D。…Read More

由於試過呢間舖頭嘅新蒲崗分店，對食物資素好有信心。所以二次光顧。果然呢次都冇令我失望。海鮮部分，都係好多選擇，海鮮尺寸都係咁大隻，特別係隻蝦，有我手掌咁大，肉質好彈牙，蝦肉都好新鮮。同市面賣嘅蝦比，明顯大隻好多。最出色嘅係扇貝，肉超厚，超大件，肉質好鮮甜。鮑魚係我每次黎都必點，件件新鮮而且比市面買到嘅大好多。食得差唔多，我地點咗D蔬菜，好快就上咗檯，種類比想像中多。為咗清腸胃，我同朋友都係搏命食XD，最後都係冇剩。蔬菜部分，好新鮮，洗得好乾淨，蔬菜都係時令，食落爽口。…Read More

好耐冇食海鮮。今次同朋友去屋企附近食海鮮，大快朵頤。去到門口就見到好多人排隊，人好多，但係見店員都維持到秩序，都算有條理。我地叫咗好多海鮮，其中鮑魚同龍蝦值得一讚。刀功處理得好乾淨，方便入口，都唔洗麻煩到我地用手整。另外海鮮好新鮮，鮑魚入口好彈牙。食得出好新鮮，體型好大，加埋醬料簡直一流。龍蝦肉都好鮮，味道唔錯，我同朋友食完對龍蝦都讚，龍蝦必點！烤完嘅龍蝦肉好香好鮮甜，其他海鮮都唔錯，好多選擇。食物質數非常唔錯，難得一見嘅好吃而且性價高嘅舖頭。會再幫襯！！…Read More

經過間鋪頭心血來潮 叫左杯野飲店員手腳慢 問佢大概要幾時得 佢悔氣到一個點態度差到咁真係俾錢受氣俾一粒星都多左杯野飲講真就幾岩我口味不過不失 我點的是加大的黑糖珍珠鮮奶$40有少少貴 但幾好飲店員將成間鋪指數直線拉下…Read More

今日同班親戚去幫襯，見到個裝修都唔錯。入左去坐，落完單，等左15分鐘左右，野食都未到，催催單，員工樣就串串共。最為深刻係當時我親戚心大心細，想取消剛才點嘅野，有禮貌地同個年輕店員講想取消個order，店員就勁大力咁cha左個order，大力到我以為張紙要穿底。沒有笑容是肯定的。野食質素方面就平平，沒什麼特別，叫左滷水雞翼，雜果賓治，公司三文治同香蕉船。質素麻麻。合共$105。價錢尚可接受。第一次發文，原因卻是該店店員質素。感到十分之失望，絕無下次。:(…Read More