民以食為先's Profile

一行3人點了以下菜式飲料：1) 2支Pellegrino水 (點解而家收貴少少o既餐廳都只係提供呢隻水...)2) 36個月Parma Ham (價格不貴HK$228，自然質素也不能期望太高)3) Red Crab (味道唔差但亦都唔太識欣賞)4) Duck Terrine (無記錯有2道菜，第2道菜比第1道菜好吃)5) Scallops (味道幾特別但收HK$328下次我又未必會叫)6) Ravioli (完全唔掂，一定無下次，同枱的人只欣賞Ravioli下的菠菜...)7) Seabass (都唔係太掂，或者說我們預期應該係嫩滑的質感但結果係有少少o鞋)8) Grilled Pigeon (主菜中以呢個最好，如果再去此餐廳也會再點這道菜，但如果不太吃生的可能會不喜歡此菜式)9) Gelato (1個甜品3個人分都算多，值得點的1道菜，而且欣賞餐廳是用冰杯為我們分甜品)10) Petit "Four" (有6件小甜品，但沒有1件留下太多回憶)難怪此餐廳食評落差比較大，但總體而言，要吸引比得起錢食好o野o既人重覆去此餐廳仍需努力～…Read More

試過幾間失望o既扒房之後終於有機會重回呢間係度首先要多謝我o既前同事同埋佢女朋友訂o左枱,坐窗口位固然不俗,唯一缺憾係有窗簾,窗外風景不是太清楚不過其實窗外都無乜風景啦,哈哈~入正題,今晚叫o左以下幾樣o野,亦係上菜次序1) 水一支2) Cesar Salad - 食咁多扒真係要呢碟菜中和一下,但單計呢碟菜亦是好味的3) 12oz Ribeye - 牛味最重亦係我個人最喜愛的,但喜愛texture的這未必是好選擇4) Potato au Gratin - Side Dish其中一款,可隨意選擇叫與不叫,不叫不是損失,叫o左亦唔會覺得浪費5) 16oz New York Strip - 牛味無咁重但texture應該則較好,是介乎3同6的選擇6) 11oz Filet - 友人最愛的,牛味較輕但texture則最好~友人說與美國質素相差不遠~7) Bread Pudding - 應該係生日附送吧@@ 最感動是我第3次o黎第1次自己係主人翁食呢個呢!8) Molten Chocolate Cake - 呢個...真係最失望o既...唔流心都算,質感亦不好,下次唔會考慮!如果都係叫返呢3款牛,可能先食Filet,之後Strip,最後Ribeye比較好~最後門口剛剛發生小型車禍,幸好沒人受傷~雖然發生車禍是不幸,但此小型車禍將會令我更記得今晚謝謝你們！我o既目標仍然是希望每年最少幫襯一次 ^^…Read More

訂o左位所以唔駛等如果訂位即刻有位坐好似睇落人之常情但係其實而家唔係好多間做得到先讚一讚！一行三人先叫3樣o野,最後加o左個甜品1) 炒蛋三文治2) 白汁碎蛋三文治3) 炸海鮮拼盤三文治4) Choco Banana當然呢4款全部主打都係三文治都唔駛諗太多,o黎得必叫都係三文治,問題係配什麼而已炒蛋幾好食,仲配半個奇異果,果半個奇異果出奇地好食！白汁碎蛋本來正正常常,但係佢仲落o左沙律醬/蛋黃醬由於小弟唔太好呢樣o野,所以應該唔會有下次,同埋無奇異果 =_="炸海鮮比我想像之中好,不過始終唔係呢度主打,可叫可不叫~甜品幾好,不過始終唔計三文治出面唔難搵到,係配合三文治o既其中一個選擇~凍朱幾好,但比較細杯~熱檸茶本來幾好,但係竟然無白糖得咖啡糖就唔太可以接受...今日落大雨都好多人,大家可以想像食完都唔可以坐太耐就要走以呢個價錢來說就真係可惜少少,不過個三文治真係...回味無窮...…Read More

湯/前菜+主菜+飲品=148湯/前菜+主菜+甜品+飲品=168揀o左周打魚湯，真係有少少後悔唔係唔好但ｆｅｅｌ唔到有咪好主菜揀o左至愛千層肉醬闊麵好好好食丫！我唔否認我唔係食過好多其他餐廳o既呢道菜但我覺得呢度真係整得幾好，食o左呢個真係知道ｐｉｚｚａ　ｈｕｔ幾咁不濟。。。其實食完主菜已經好飽，不過同行二人都叫甜品我無理由唔叫吧～叫o左ｔｉｒａｍｉｓｕ，都不俗，但飽上加飽。。。最後叫o左凍咖啡，同行友人覺得一般～總括來說，有下次！…Read More

一星期兩次不快經歷,唔寫唔得首先第一次我夾好晒買$80,咁應該有4個印花跟住個收銀同我講$23先有1個我就話唔係嘛,$23第1個,之後$40第2個,如此類推,除非突然改o左o者之後後面有第2個女人話唔係,$23第1個,$43第2個,如此類推...結果要麻煩哥哥幫手教教佢兩條女真係唔明點可能自己員工都唔明公司推廣竟然要個客教返轉頭???跟住到今晚...想儲印花,咁買一份堂食一份外賣,咁外賣果份我問可唔可以遲D比我個女收銀話可以,咁我落ORDER啦首先我講到明要泡菜燒牛肉套餐,結帳時竟然無落單算,呢個小事,當妳聽唔到~之後我補返話要,咁收我錢但係無比單跟住我發現佢找少錢,我問返佢佢都好順攤比返我跟住D大問題先o黎料...我講明要堂食,等陣先o黎外賣,佢竟然一次過比我我已經黑面！咁外賣咪凍晒囉？咁佢都無o野拿返轉頭之後我拿堂食埋位,點解無泡菜o既?阿姐問我有無單?單都無張,如果佢唔肯比返我我都唔知點算...其實所有o野都係同一個收銀發夢所致我唔係想令人失去工作但如果唔正事呢個問題都唔駛旨意會再幫襯！不過公平一點,有彈亦有讚先讚一讚藍色衫o既哥哥仔,兩次都幫我解決問題再讚收拾桌面o既阿姐,我周圍望一望就知我有o野想問另外亦都教我點樣去整今晚我o既晚餐另外聽佢地對話都覺得佢地真係好鍾意吉野家絕對要讚！後生女學下o野啦！…Read More

同契妹契弟弟食晚飯由於佢地爹2應該算係熟客所以BOOK到枱係窗邊果個VIEW都真係幾正~講返食物先~之後由於叫o左太多o野,我都唔係太清楚係乜,只寫下較為好味o既~先o黎o左碟魚皮,好爽,不過亦都僅此而已...有少少wasabi味,不過最大問題係仲有魚鱗...銀盆沙薑焗走地雞,真係唔錯,必叫之選,唔算好滑但係個味道調較得幾好梅菜菜心,配搭好似有少少奇怪但味道又幾好喎,菜心都好嫩中間叫o左好多碟同魚有關o既o野,不過其實都只係一般,唔叫都唔係一個好大o既問題最後食o左梅菜肉餅鹹魚鯇魚飯,好正但鯇魚好多骨,我寧願無鯇魚...甜品係雙皮奶,由於我真係第一次食比較唔到,不過相信應該唔會差~今晚剩係試唔到魚腸有D失望下次希望試下自己訂位睇下質素是否能夠維持~…Read More

等20張2人枱雖然同學好肚餓想轉場但係個個場都咁多人最後決定都係留守呢度有ORDER枱本來好開心點知係坐出面環境幾好但熱到痴線...我頂得順但係希望同學都頂到...叫o左10樣o野,其實我覺得好少因本人平均係食7碟半但係唔知點解今晚最後10碟都食唔晒可能見到同學就飽o左了食物之中印象o既o野唔多海膽軍艦: 唔太腥亦唔太鮮三文魚子軍艦: 幾甜,我覺得幾好,但飯太多...帆立貝壽司: 好厚好大粒但其實唔夠甜,不過都算係咁龍蝦膏軍艦: 食唔出龍蝦味,無乜感覺我唔會覺得呢間好差但又唔會好好但服務就無大家講得咁差,或者改善o左?最後送o左2張coupon1張要外賣,1張就9半後用,都算係咁啦~…Read More

無乜食評唔代表唔好食皆因我相信這裡的食家甚少上網而已~先o黎椒絲腐羽通菜,辣辣地幾惹味~ (~$30)再o黎椒盬九肚魚就比較失望,一夾散晒又唔係特別脆~ ($42)見到人地叫楊州炒飯我地又叫,一碟分到8個細碗都只係$28好抵丫!!!最後又係參考人地叫o左古法蒸田雞勁好食,田雞好滑,屋企從未試過有咁o既感覺,等o左差唔多半小時係值o既 (~$50)隔離好多枱都係叫花甲同花蟹佐酒下次我又要試試!!!…Read More

本來想去吉野家繼續儲印花但係碰巧行經果度記得媽咪推介話即叫即整好好食咁我決定放棄印花試新o野首選想叫乳豬,但係竟然話賣晒???我入座時間尚未到8點耶...算,叫o左燒腩x叉燒諗住會即燒要等啦,點知唔駛一分鐘就上菜如果好食都唔緊要,點知...叉燒真係又乾又硬,我無主動要肥叉都唔駛咁丫...燒腩係OK o既,不過呢個味道我又唔會特地o黎食咁囉...朋友就叫燒鵝x燒腩燒鵝正正常常,不過朋友嫌肥打去同媽咪投訴,佢反口話剩係乳豬好食 >.<"我應該會比多次機會呢間餐廳,但係如果無乳豬就免問了~反正隔離仲有太興,呢間仲要貴幾元味道又唔係特別出眾環境在我而言未值呢個分,同埋果度音樂有種聲好騷擾...…Read More

訂o左7點,比我想像之中少人椅子雖硬坐落還好~間唔中有soft-sell新鮮魚,是可接受的程度,讚!由於佳人今天唔想食煎炸o野,叫食物有少少辛苦叫o左以下食物雜錦魚生拼盤2人前 ($428): 海膽,牡丹蝦,赤貝,"夜光魷魚",3文魚等等要同日本比當然還有距離,但呢個價錢呢個質素我覺得合理佳人好欣賞腥味較重o既夜光魷魚,靜靜再order多一客 (4片)不過唔夠凍,略為有少少失望,但佳人歡喜我也快樂 :)竹八壽司 ($90): 三文魚帶子卷物,本人自己唔鍾意有沙律醬之前唔知道有,要扣少少分,但係佳人鍾意沙律醬就無計啦味道係好的,比加州卷o既配合好多多聲 XD牡丹蝦頭麵鼓湯: 呢個要加錢的,由於每碗只有一隻蝦頭甜味稍稍不足如果有下次我應該只會叫佢整一碗,唔好浪費~牛舌 ($50): 有兩串,幾好味,不過有少少難"趾"出o黎不過呢碟o野上之前有段小插曲要扣服務分話說佢首先上o左碟貌似牛舌o既o野,咁我就即刻壓檸檬汁落去正想起筷時侍應話唔係我地o既,之後原碟拎o左去隔離桌...如果隔離桌唔落檸檬汁點算?就算落咁樣拎過去好似唔係幾好...蔬菜天婦羅: 每款都好似得一件,所以評語不多,OK但驚喜不足西京銀鱈魚 ($90): 呢樣係我同佳人覺得好有驚喜o既一道菜佳人覺得好吃,我本人就覺得以價錢來說佢比到value-add我雪葩 (@$50): 我叫o左菠蘿味,不過我首選係柚子味但係竟然無...; 佳人就叫o左蘋果味菠蘿雪葩我覺得唔多掂,個味比較artificial...但係蘋果則剛剛相反,超好味不過計算埋價錢就最多只算合理了~加菜換碟十分之勤力,除o左牛舌事件基本上滿分埋單送o左張$100 coupon,唔知6月底前有無機會再o黎一次呢...…Read More

連續2星期假日係蘇豪區午膳$78包湯,沙律,主菜,飲品&甜品湯係MUSHROOM & CHICKEN,不俗麵包賣相唔太好但係味道是不俗的,麵包不可以貌相沙律正正常常開胃,有蝦同三文魚,不過應該唔算太新鮮主菜3個人都叫o左烤豬,個皮好脆,正丫！甜品頗甜,普普而已飲品叫o左凍檸茶,不過佢地唔係好明milk tea第一杯差唔多全杯都係奶...但係佢地好醒最後識分開上茶同奶,抵讚！咁o既價錢咁o既質素就算無value-add肯定都無蝕先啦！…Read More

其實BOOK o左下星期二午飯不過呢個星期五晚同媽咪偷偷試菜先:)第一次去唔識叫菜,其實應該有set不過個menu無所以就散叫了~叫o左特上壽司拼盤,三文魚子壽司,牛舌&牛肉炒飯特上壽司拼盤: 鐵火卷+8件壽司(吞拿魚腩,海膽,帶子等)鐵火卷同帶子唔係出面一般貨色吞拿魚腩我自己無食,不過媽咪話有溶化o既感覺海膽顏色好靚,有海水味而唔係出面o既腥味,不過類鮮味就始終略嫌不足其他正正常常最大問題反而係價錢,4.5碟壽司收$300,但係如果可以散叫1件o既話我都計唔到點解要300,最貴o既吞拿魚腩都係$60一件,海膽係$34一件,其他唔肯定但唔應該超過呢個價...牛舌正正常常,當然要期望與日本味道接近是不可能,但在香港來說已算不俗中間等炒飯o既時間太長實在頂唔順,加上聽到壽司係一客兩件,所以叫o左三文魚子壽司,份量多,唔太腥,不過唔夠甜,但算很不俗的了~牛肉炒飯終於來到,份量係正常o既,即係o係同類食肆中算多的了,D飯食得出唔係港式米,一粒一粒,散叫要飽肚豈能沒有它???中間廚師送o左蛋比我地食,雖然本人對蛋麻麻地不過真係滑最後有生果,味道不俗的呢 :)P.S.其實魚生應該凍少少定室溫食呢? 呢間魚生普遍都係室溫左右,個人唔太習慣但不知這是否道地食法...2P.S.下次食完午飯SET再比評語^^…Read More

對比起高街,西營盤真係無乜新意今日本來可能會去明星,好彩中途見到呢間餐廳身為嗜食者o既我當然唔會放棄呢個機會叫o左肉碎飯,前菜台灣腸仔/日本炸帶子老實說,前菜比主菜精彩我諗我下次o黎會剩係叫前菜,哈哈~最後加錢配杯特飲都唔錯當然另外加分係佢播倉木麻衣o既歌…Read More

真係慚愧,鼎泰豐係香港開o左咁耐小弟都係今日先第一次去不過也難怪,去過台灣食就好難覺得香港會好食過台灣但係由於太耐無出門,近近地都要試下~晚上8點3左右去到,結果等到9點先入到去~一入去就聽到多國語言同埋類似歡迎光臨o既招呼語讚！兩個人開頭點o左3樣o野牛肉麵：牛肉好淋,但係個麵不濟,58個大洋無下次～紅油抄手(菜肉)：紅油我唔知點先算好/不好,但係雲吞係好食o既,應該同小籠飽個皮一樣,38個大洋6隻好合理～蟹粉小籠包：68個大洋6隻,真係好難同台灣價錢相比,台灣o既味道太耐無食真係唔記得,但係若然無食過台灣o既我覺得單係呢度已經好高水準,要係香港搵到拍得住o既都唔容易,正！真係唔飽,前後再後加o左兩次蟹粉小籠飽先離去走o既時候仍然要讚佢地o既態度,好多句謝謝光臨拜拜等,好窩心^3^…Read More

先實話實說，會試呢度有兩個原因１）星期一收到靚女派傳單，碰巧朋友記得個名２）首二選o既餐廳ｂｏｏｋ唔到位，幸好呢度有位前說講完立即講食物78+ set lunch, 有麵包,湯/頭盤,主菜,甜品及餐飲麵包係正常o既,塗o既醬應該係鮮蓄茄醬,令我憶起鰂魚涌mussells o添 :)湯係蘑菇湯,不過在場朋友一致認為有別的選擇我揀o左頭盤,不過係乜名我唔記得&唔識讀係2塊類似薄餅中間夾住芝士,呢個好好食,應該變為主菜,哈哈XD主菜我揀o左蕃茄醬意粉,可能我個人鍾意硬身少少同埋多D香草味o既所以我只係覺得一般,不過又唔係差咁啦~朋友就揀o左魚同鴨胸(希望無記錯),評語話OK,我自己無試~未食甜品先上佢話任飲o既港式奶茶佢係真係應該加港式同埋將呢個作為賣點好滑好好飲,係佢未賣酒o既時候單飲奶茶都抵,哈哈~最後甜品係rice pudding同我揀o左1個類似燉蛋o既甜品以後者為佳,前者他們說太甜~普遍來說食物不俗,頭盤同奶茶對我來說好有驚喜以咁o既價錢可說是值回單價不過坐位比較迫,而且上菜速度極慢,真係希望下次去會有所改善另外佢有個open kitchen係出面,都幾特別~張單最後原來打o左95折仲唔駛加一,多謝晒負責人Henry (唔係小人老闆)…Read More