angelhohoho's Profile

之前同朋友嚟食過晚餐，今日lunch time比較充裕啲時間，所以同同事揀咗呢間，今次可以慢慢嘆！！環境一流，而且空間感十足，兩個人都俾你坐四個人嘅卡位，坐得好舒服！最重要係冷氣好足，又播住K-pop，有種錯覺去咗韓國咁🤣玫瑰牛肉砂鍋湯麵 $128呢個係一個午餐set，所以仲有湯，四個前菜，飲品🤭性價比高咼😘個樣睇上去好creamy，係有奶白湯咁，但食落一啲都唔heavy!麵質好正，係粗粗地又有咬口！！不過建議如果鍾意食，晏啲就要早啲食，因為石頭鍋令到佢會繼續有煮緊嘅效果😂牛肉都好高質，肉紋好清晰！唔會太肥👍🏻八爪魚煎餅 $138超好食！煎到外脆內軟，同埋有啲蔥喺度令香氣味道增加💕八爪魚係粒粒，唔會太難咬！佢仲配咗兩個醬，紅色嘅係甜酸辣都有嘅味道，好得意！黃金蒜香炸雞 $198去韓國餐廳點會唔食炸雞😆呢個係佢嘅招牌菜！蒜香味十足，唔會太過肥膩！仲有檸檬減肥膩感😌側邊仲有啲蝦片同番薯條，都幾飽下芝士蟹子蛋捲 $135蛋捲上面有茄汁同芥末汁🤭入面包住勁多芝士同蟹籽🥶好鬼正！！！一啲都無手軟，落超多呀！！！！…Read More

好抵食嘅火鍋放題🤭人均300左右，可以無限時任坐任食，仲要有刺身食(雖然係一次性)😂唔搵唔知原來鴻圖樓3樓係火銅放題！見天氣凍返啲就去咗🤭雖然係平日，但係都算多人，一班老友鬼鬼食好西！！一黎就有花膠雞湯，同花膠半隻雞俾你，好正😆個湯頭好濃好厚身好膠，真材實料👍🏻飲咗成2碗湯呀！！雞肉係半隻雞，有齊雞髀雞翼雞胸💕里個似乎係按人頭俾嘅！花膠筒都有幾隻！！之後有刺身，三文魚，帆立貝，蝦，全部都厚切！好新鮮仲擺得靚👍🏻海鮮拼盤都係好得！好豐富🥰有鮑魚，蝦，蠔，蜆，白鱔，都係高價位又高質嘅海鮮！勁大隻！！！仲有個靚牛拼盤！係牛肩胛，好高質，肥瘦均勻，上面仲有啲牛肉粒x4!!我見人地6人份量係勁多，好吸晴，我哋里個就係2人份量嘅！！竟然仲有荔枝蝦球，又幾得意咼！！少見少食😂外面仲有勁多野食可以無限自取🥰小食:台灣腸，炸雞，炸洋蔥圈，響玲，魚皮，關東煮，炸蝦，炸三文魚頭飲品:啤酒，可樂，無糖可樂，韓國飲品，自家茶，百香果啫喱邊爐料:魚皮餃，餃子，雜丸，菜，三文魚頭，脆肉鯇，蜆，拉麵，稻庭烏冬，辛辣麵，豆腐….勁多野食🤭…Read More

工廈入面有咁有特色嘅日本丼飯🤭即刻放咗工同朋友去食！座位唔算多，所以好快就坐滿晒！！！手打和牛漢堡扒丼飯 $163我揀咗佢嘅秘製漢堡汁，好正！！少係外面食到，有少少酸酸地令漢堡扒冇咁肥膩，食落舒服👍🏻我哋加咗錢再要日本雞肝扒，食落唔算好大分別😂但感覺上特別啲同埋健康啲有營養🥰雞肝平時少食，煎到外脆內軟，好creamy!!!漢堡扒好厚身，食落去油脂爆哂出嚟😗好高質！！自家製吉列豬扒溫泉蛋飯 $78好耐冇食過呢個便當！吉列豬扒好大塊🤭有一個碗咁大！！！！唔算好油👍🏻佢配有沙律醬，柚子醬，可以任你點！！正😆✨今日有少少唔舒服，就無試佢啲飲品！！下次一定會試下先🥰…Read More

雞駅原來開多咗間係業運里邊，第一次上去好新，好企理，同駱駝漆個邊有啲唔同😂仲要大啲，位多咗好多，但係同樣超爆！我哋食到一半已經好多人要排隊🙈餐牌見佢多咗邊爐可以打，不過天氣太熱啦！我哋食咗米線😂同小食！！沙薑雞湯米線 $57我仲加咗$5要上海麵！好有咬口，好有質素👍🏻👍🏻湯底有得揀就揀咗蕃茄湯，好清酸酸甜甜，好開胃😆仲有啲蕃茄肉係面！雞就分開上嘅！！都算好嫩，略略覺得個沙薑醬太多，少啲都好夠味👍🏻口水雞擔擔上海麵 $52口水雞好正啊！唔會太辣👍🏻雞肉好嫩滑!!擔擔湯底花生醬味算重，仲有啲肉碎木耳，都幾有誠意！有唔同口感！蒜蓉牛油醬薯條 $32超抵食呀！！！勁多薯條☺️一大碟㗎，仲要新鮮炸好，脆卜卜！！蒜蓉牛油醬好有韓式風味，有啲甜甜地嘅感覺😍食到停唔到口！！金磚豆腐 $42里個無薯條咁熱辣辣😂不過豆腐外脆內軟，好味道呀！！！上面仲有啲七味粉😆好夾！！…Read More

怪獸多寶 $138我哋2個人想食多啲pizza嗌咗中批😛有成6塊㗎！！仲要無變要厚批，好正！！！個批底脆卜卜，熱辣辣新鮮整起即食好好味😝有好誠意！！係自家整同外面一般連鎖店嘅食得出好大分別！最正係有得自己揀醬😋唔一定跟住set咁悶添呀！海鮮焗意粉 $65好抵食😗仲要有野飲或餐湯！餐湯係蕃茄雜菜湯，微微辣辣地，仲要好多菜，感覺都好健康！焗意粉勁多海鮮，有好多蜆肉，蟹柳，魷魚😆好開心！！一個人食會食唔哂！！都幾大份！小食拼盤 $92里個有4款小食，包括雞翼，洋蔥圈，咖哩角，春卷😆每款有成4舊㗎！一啲都唔油，再點泰國辣醬，正呀👍🏻👍🏻我最鐘意係雞翼，唔會好重味或太多炸粉！！…Read More

駱駝漆內原來有一間泰國菜😂佢唔係平時去開嘅3期，今日轉戰1期，人流明顯無咁多，行都行得舒服啲，又唔使等lift😂2人餐 $398好多人嗌，基本上全部2個人嘅枱都係嗌里個餐，好抵食，齊唒前菜，湯，小食，主食，甜品💕酸辣鳳爪沙律味道適中，唔會太酸或太辣！鳳爪數量都幾多，又有沙律菜蕃茄仔，色彩繽紛，有食慾👍🏻椰皇椰青雞湯 好香椰子味，好清，飲落口好舒服！仲有勁多配料，菇椰肉雞肉香料！好高質😘難得佢唔會好重口味！！小食拼盤2人份量啱啱好！！！有雞串，豬串，烤豬頸肉，蝦餅☺️醬就有2個俾你揀，沙嗲同沙律醬！啱唒每個人每樣野食嘅口味！！沙嗲醬點豬頸肉，正🤭👍🏻👍🏻冬蔭海鮮菠蘿炒飯冬䕃海鮮係額外放起嘅，冬陰功味道偏淡，但海鮮份量十足👍🏻菠蘿炒飯，竟然有用臘腸一齊炒😘好好味呀！！馬拉盞芥蘭好大碟！！好正咼！又好香🤭唔會好辣！！芥蘭都大大棵，好豐富纖維，健康之選！！最後仲有個甜品🤭椰汁千層糕好軟綿綿！椰汁熱熱地好香，點糕食又好食😂炭燒豬頸肉炒金邊粉 $118見好多人推，今晚試試佢！炭燒豬頸肉好似烤得比小食拼盤耐啲脆啲！炒金邊粉偏油，但味道不錯唔會太酸！！👍🏻有乾豆腐一齊炒！！椰子水 +$4好多水，解辣解熱氣一流🤭…Read More

健康飲品之選！旺角都見到2間分店，每次行過都好想試下！！！！最近肥咗，又好口痕唔敢飲肥仔水，有里啲健康飲品一見到就心心眼😆行去睇下，價錢係有啲進取嘅，大概38-55左右！不過都試下佢啲signature再定論😂巴旦木牛油果乳酪 $54仲以為係咩品種嘅牛油果😂原來係杏仁加牛油果肉🥹OMG好正！仲有得少甜，食到佢地嘅原味！almond 有啲已經打碎，有啲大粒嘅就沉底，好有口感👍🏻有果肉嘅肥美味，又有乳酪嘅酸酸地中和番😍飲完唔洗食飯😂飽咗！芒果乳酪奶昔 $42竟然有楊枝甘露嘅味道😍好清新！芒果一啲都唔酸，好啱夏天食！！里杯沙冰感覺再出多少少，不過好食！！👍🏻…Read More

SOGO呢邊開咗好多新嘅餐廳，有間都幾靚嘅泰國嘢食，裝修有泰國風味！！人流都好旺😂夜晚七點幾都坐爆場！青咖喱雞入面配料好多，有茄子，彩椒，蘑菇，洋蔥，雞肉😍營養豐富又健康！青咖喱汁相對比較冇咁辣，椰香味十足，而且汁嘅份量都唔少！！用嚟配飯一流！！我哋額外再加咗個印度薄餅，點嚟食🤣感覺冇咁有罪疚感！好似冇咁肥膩😂但係同時又可以點啲咖喱醬食！海鮮喇沙米線呢個簡直係必食！！喇沙湯底好香，又唔辣！啱晒我呢啲怕辣嘅😂海鮮份量都好，有蝦，魷魚，魚蛋片，魚腐，勁吸湯！！！！好正😆生菜包豬肉另一個健康之選！！炒肉碎，酸辣味夠晒👍🏻好有泰國風味！！椰子沙冰呢個係每次去新泰我都一定會叫😂甚至乎我都推薦咗俾我好多朋友！！香港數一數二嘅椰子沙冰！！！！椰子味勁濃郁，估計係用椰奶打沙冰！！超好飲🥹🥹…Read More

2 Good 2 Chill 2人餐 $528餐非常之豐富，食物高質，食完仲好飽添呀😂位置唔算多，眼見晚餐時間大部份人都有book位！廚師用咗大量食用花，令每個上菜都係好靚令人好開心🥰是日餐湯南瓜湯黎嘅！好香好creamy，仲食到有南瓜蓉添👍🏻👍🏻湯上到好熱，慢慢飲好暖胃！柚子蜜糖雞翼有得3揀1！食肉獸我哋梗係揀雞翼，好多柚子蜜，個種酸甜酸甜感覺好好味😋日式鰻魚丼4揀1！里個好抵食咼！鰻魚份量好大條😂雖然飯嘅比例都多，但係佢攞咗啲鰻魚汁同紫菜碎，好好餸飯😍都好大碗下！唐揚炸雞楓糖漿班戟成晚嘅highlight!超好食！！！唔講我會以為佢係成間餐廳嘅signature food🥹炸雞又厚又唔油，入面juicy!配埋落班戟度同有幾片青蘋果，個種酸酸甜甜，又幾夾好refreshing! 頂層仲有個蛋，成個賣相好得！👍🏻100分柚子牛角窩夫最後仲有個甜品添！一啲都唔馬虎😂窩夫熱辣辣，好香牛油味！配冰凍嘅雲呢拿味雪糕，一流呀！仲有焦糖脆脆，食落唔會好甜👍🏻👍🏻花生醬奶蓋鮮奶latte 呢個真係好創新，第一次試！味道好夾👍🏻果然係推薦嘅飲品😍香蕉Oreo Smoothie呢一個都係推薦嘅飲品！飲得出唔係用香蕉糖精去打，係用真正嘅香蕉👍🏻味道好raw，唔會好甜，高質！仲要有Oreo脆脆口感🥹…Read More

觀塘廣場本身啲嘢都唔貴，今日行過就見到有一間六十零蚊就食到好多唔同部位嘅湯麵舖😆😆 牛三寶紅薯紐紐粉 $72入面有齊哂鮮牛肉，牛丸，牛爽腩，見到碗麵嘅時候有驚喜😂因為原來仲有豆苗同響玲😚👍🏻好有心思！！響玲吸哂成個湯，好好味🤤！好欣賞呢度能夠自己揀每個牛嘅部位，吊龍牛爽腩都好有特色，不過整體嘅牛肉牛肉味都好強！湯底都有雲南麻辣嘅風味，係注意小辣都真係已經有啲辣，所以唔食得辣嘅人留意😂荔枝茉莉花茶($7)跟餐點所以平啲！！食完啦，飲返杯茶舒服晒👍🏻👍🏻牛爽腩拼吊龍 $68里碗就叫咗牛骨湯，味道相對清淡啲！啱晒健康人士👍🏻爽腩有肥瘦好好味，又唔會好鞋！吊龍比較爽口👍🏻滾到啱啱好，仲有啲嫩👍🏻👍🏻豆漿 $7竟然係一支鴻福堂嘅低糖豆漿😍好抵咼！！📍雲理香港觀塘開源道68號觀塘廣場地下G29號舖…Read More

土瓜灣站勁近，行咗5分鐘內就到，好顯眼易搵👍🏻入到去係工業風嘅感覺，有皮嘅卡位又有好多燈膽吊燈，俾人休閑嘅感覺!!堂食中批餐 $239千島海鮮(中)餅底好好食，雖然係厚批，但係一啲都唔覺得好飽好滯👍🏻餐牌寫餅底係手掣，仲要每日新鮮製造，好有誠意，外脆內軟㗎！！千島醬非常之多，海鮮分別有蟹柳蜆肉菠蘿蘑菇💕好食！！建議盡快食咗佢新鮮嘅時候食係最好食！！炸雞2件上菜嘅時候熱辣辣，要放一陣間先食得到😂外面炸粉唔厚，好脆！！入面雞唔算好咸，而且好嫩好juicy!!海鮮焗闊條麵（白汁）正呀！！！有芝士係面，份量都唔少！！！闊條麵質地Q彈！！海鮮就同千島海鮮嘅Pizza一樣🤭好多不同類嘅海鮮！是日餐湯X2今日嘅餐湯係意式雜菜湯！黑椒味非常重，令到個湯嘅味道更加豐富👍🏻入面有西芹，蕃茄，椰菜，洋蔥，好健康！！柚子梳打水 $15有得跟餐叫，平好多！！好有誠意咼，賣相好靚，仲要有塊薄荷葉喺入面😂食完咁肥膩嘅嘢飲返杯梳打水好舒服👍🏻👍🏻…Read More

今日weekend 有時間去到錦田行，去咗一間住宅區附近既泰菜，有驚喜！一去到門口門面都已經幾搶眼，有好鮮明既招牌燈，店員服務都好唔錯，有適時加水以及幫我地問清楚甜品menu 有冇招牌香蕉薄餅！食物方面：鐵板蠔仔蛋（$148）當我見到佢上枱時，香氣撲鼻而來，熱騰騰嘅鐵板上面嘅蠔仔蛋，色澤金黃，睇落令人食指大動。每一口都係濃郁嘅海鮮味，仲有蛋香，口感滑嫩，完全冇腥味，真係好好味！金柚子蝦沙律（$128）呢道菜色彩繽紛，睇落就好開胃。金柚子嘅清新果香配合新鮮蝦肉，味道清爽之餘，仲有一絲微酸，令我一口接一口停唔到。唔會過甜，令整道菜更加清新，夏天食真係最啱。新鮮椰青 （$38）真心唔算貴，清涼解渴，椰肉鮮嫩，口感滑溜，而且包好曬都企理衛生新鮮！香蕉薄餅 （$68）呢道甜品簡直係完美嘅結尾！薄餅外脆內軟，包住香甜嘅香蕉，甜而不膩。每一口都充滿幸福感！…Read More

假期非常懶惰，唔想煮😂但係又有朋友嚟屋企食飯，所以就叫外賣！呢間外賣都幾抵食👍🏻可以買返屋企坐低慢慢嘆！X0醬蓮藕片炒肥牛 $59好香！蓮藕片爽脆，而且好似得好薄，好似食緊薯片咁！XO醬唔算好辣，味道都算濃送飯一流👍🏻👍🏻肥牛好多🥳啱晒食肉獸！茄子炆班腩 $59斑腩大大件，炸粉唔算好厚，入面啖啖肉，唔會好梅散晒👍🏻茄子煮到入晒味！超正！黑醋肉排 $59見到有人推薦😆肉排好大嚿，有啲有骨，有啲就全舊都係肉！黑醋唔會好酸，都好味道！仲要有啲洋蔥配菜，食肉獸必點！！每個客飯都配一碗湯同一個飯💕啱啱好，夠晒營養！碗湯係老火湯，唔覺好重味精👍🏻係至愛菜乾湯…Read More

人均220左右，有齊哂前菜沙律小食主食甜品😍今次入到去好多應援嘅貼紙，應該係韓團，但係我就唔識🤣真係多咗好多人，星期一都坐爆場！！👍🏻今日嘅湯係蕃茄湯，酸酸甜甜，有蕃茄肉，幾好飲💕是日沙律，沙律菜好新鮮，個醬好refresh！係個好好嘅前菜！蒜片白酒煮蜆賣相顏色豐富，用咗彩椒，杏鮑菇，冬菇去增加風味👍🏻好有誠意！蜆好大隻，啖啖肉，又無沙！波士頓龍蝦龍蝦汁意大利飯超高質😭好味！龍蝦汁好入味，食到停唔到口！而且仲有半隻龍蝦😍勁多龍蝦籽👍🏻我哋倒埋落個意大利飯入面將個意大利飯升級😆炭燒紐西蘭牛扒好大塊，有得揀幾多成熟！我哋揀咗五成，略略覺得有啲唔平均，有一邊比較熟🤣但係佢調味非常好，有海鹽同黑椒，好簡單，但係帶出牛扒嘅香味👍🏻👍🏻佢仲有西蘭花同焗薯！牛角窩夫拌雪糕(+$18)見到好多人都係食呢個，好似好吸引😂牛角窩夫脆卜卜，配雲呢拿雪糕一鹹一甜一凍一熱入口！感覺好特別😍鐘意！自家製麻糬Tiramisu(+$28)賣相好靚，好啱打卡！入面仲有一塊塊麻糬😳好創新！味道都唔錯，果然係夠晒特別！…Read More

入到去店員話佢哋新出咗個簡約晚餐嘅餐牌😂睇落去又好豐富好多嘢食，又有得鋸扒😗於是今晚試試佢！牛魔王雜扒 $138分別有牛柳，安格斯牛串同牛舌😍鍾意食牛嘅人一定好鍾意，因為啖啖都係牛🤭有得揀熟度，我就揀咗5成熟，里個熟度最好食🤤我揀咗蒜蓉汁，味道合宜！！個底仲有啲配菜，好得，有菠蘿，娃娃菜，粟米，炸蕃薯粒！！👍🏻👍🏻美式雜扒 $98食肉獸留意🤭一次過滿足晒你四個願望，非常抵食！！有雞扒牛扒豬扒，仲有腸仔同火腿😳絕對對得住呢個價！上菜嘅時候，成座山咁，好誇張😂同樣地都有嗰啲配菜👍🏻呢個餐仲配有餐湯，餐包，沙律，飲品，小食！超多嘢食，我哋放到成枱都係😂😂特別要讚吓個沙律，好有誠意！！有蘆薈粒，比較少見，仲要有啲鴨胸😍好食！…Read More