sikmukho's Profile

對Transformer無感嘅我，其實喺佢啱啱開張嘅時候食過一次，當時真心大失所望，覺得用接近$300食兩個味道一般嘅burger簡直太唔抵。最近經過見到佢做$40起嘅lunch set，終於比多次機會佢，竟然有驚喜～👉🏼香辣海鮮意粉（$50）可選辣同唔辣，但辣真係超過咗譚仔嘅5小辣，佢都幾多辣椒粒，但又真係幾香辣下，食開10小辣嘅我食完條脷同個嘴都麻咗🥵海鮮有魷魚同3隻蝦，啲蝦大隻得嚟彈牙唔死實無雪味，魷魚都係大大條，唔錯，只係意粉嘅份量有啲少，食完其實有啲快肚餓🤣值得一提個環境，啲燈光突然會變色同埋有音效，好似突然置身喺迪迪尼嘅餐廳😂喺銅鑼灣幾難食到呢個氣氛~📍Transformers The ARK銅鑼灣羅素街38號金朝陽中心地舖至1樓A&B號舖✨如果想加餐飲，雪糕或餐湯，就要加$10，想加特飲就要加$20～同埋啲餐具好實淨，值得一讚🥳…Read More

愈來愈多中菜元素混入嘅泰國菜，唔係次次去都食到嘅平價午餐👇🏻銅鑼灣返工大多會喺呢間泰國菜食過，總統戲院執埋佢都仲屹立不倒，通常係多人之選，最近唔知係咪換咗廚房嘅關係，有時仲會見到啲港式小菜喺weekly lunch嘅menu度,呢日都係試咗weekly menu裏面嘅item～👉🏼辣炒烤豬肉寬粉（$63）寬粉仲以為係酸菜魚嗰啲，點知原來係腸粉😂😂真係估佢唔倒😂見到menu上佢特別有兩隻辣椒，以為佢好辣，所以叫咗少辣，點知食落一啲辣都無，不過夠鑊氣唔多油，食落唔太膩，都唔錯。烤豬都幾香口，但個份量真係少得可憐，只係啲烤豬真係少過滯，得嗰幾片，同埋腸粉嘅份量都唔多，食量大嘅唔推薦～📍泰簡單銅鑼灣謝斐道517號總統戲院頂樓✨️呢個價錢喺銅鑼灣已經算抵，仲要包野飲，順帶一提，揀汽水嘅話，佢地包埋冰底都唔加錢架～…Read More

夏日炎炎🔥唔想食熱食，又想飽肚，夏威夷蓋飯Poke係一個唔錯嘅選擇。👉🏼輕盈之選 Go Green揀咗一半沙律，加一半壽司飯，女仔食份量應該啱啱好，配料有三文魚刺身、青瓜、蕃茄，醬汁係蜜糖香醋汁，食落口酸酸甜甜，三文魚非常新鮮，係刺身份量唔多，未食晒啲飯已經食晒啲刺身，如果可以再多啲刺身就好，唯一美中不足係啲醋汁越食越酸，食到底有少少酸到入唔到口，結果係食唔晒啲飯。📍 Peek-A-Poke灣仔廈門街7-17號百旺都中心地下A號舖服務：👍🏻👍🏻👍🏻👍🏻環境：👍🏻👍🏻👍🏻食物：👍🏻👍🏻👍🏻👍🏻✨冇加飲品埋單$88，同區poke嚟講算幾抵食，係店舖比較狹窄啲，如果多人嚟食就難搵位，整體嚟講都一定會再翻桌…Read More

之前裝修無得食等佢開返即刻嚟dinner坦白講抵食大份勁飽味道又唔差，3個人都係500幾蚊埋到單👉🏼美國安格斯肉眼牛扒海鮮二人套餐（$328）啱啱喺鐵板上面燒好嘅牛扒Juicy又唔un,熟成度掌握得非常好只要點少少海鹽或黑椒牛嘅肉味即刻出晒嚟另外龍脷魚扒小元貝蝦仁同安格斯牛扒係同一個餐嚟架即係一個餐有齊牛，魚，元貝，蝦，仲有白飯，湯同埋鐵板炒油麥菜，仲包飲品呢個餐只係300幾已經飽到呢龍脷魚扒好香又嫩，小元貝同蝦仁個汁較得比較濃但食完又唔會口渴油麥菜比鐵板炒完又唔會好油成個餐超下飯👉🏼鐵板羊柳配紅蝦（$148）羊柳唔羶，不過有少少un,但接受到紅蝦就不過不失味道唔算鮮，但肉質尚可服務：👍🏻👍🏻👍🏻環境：👍🏻👍🏻👍🏻食物：👍🏻👍🏻👍🏻👍🏻📍圓鐵板燒大角咀海庭道18號奧海城2期1樓大食代內✨️套餐選擇幾多款嘅，不過環境因為food court關係，有啲嘈同有啲開揚…Read More

成日經過豆乳狂人，知道佢係好野嚟，但都會覺得奇怪點解佢咁少人喺裏面幫襯，終於有機會去買外賣，喺部機一揀，有80%嘅野係SOLD OUT，原來大部份人都係買外賣返去😂😂 👉🏼超煙韌豆花豆乳狂人真係要留肚食，第二個甜品胃係頂唔順嘅因為佢真係同正餐嘅份量完全無分別豐富嘅丸子、芋圓、地瓜圓，仲要有埋台式珍珠根本就係Q彈到個胃都填滿晒仲要下面係厚厚濃香嘅豆花簡直係超飽肚之選我都終於明點解呢個臨收工仲有剩因為食完晚飯再食佢真係挑戰緊個胃嘅極限不過真心好食，最欣賞係佢個膠桶仔實淨又唔驚漏，仲可以recycle裝其他野～～～…Read More

WFH又無住家飯食，唯有諗下食咩做lunch, 突然諗起好耐無食Pizza Hut嘅海鮮闊條麵，打算叫外賣時，先發現竟然出咗新品！即刻落單👉🏼喇沙海鮮闊條麵（$94👉🏼$54🥹）喇沙味係夠嘅，再辣少少可能會更香口，海鮮都係平時Pizza嗰啲雪藏海鮮嚟，鮮味就無要求，份量都OK多嘅, 啲闊條麵又唔會比啲汁黏到一舊舊，每條麵都索滿汁。但可惜嘅係份量同其他焗意粉一樣都係細細份，愈食愈開胃，最後有啲意猶未盡……我估我兩盒都食得落……寫呢個Post嘅時候為咗check返價錢，先發現佢依家做緊$54試食價，減成$40係咩玩法~~~我食嗰時仲做緊原價$94……咁唯有趁佢優惠價食多次🤪…Read More

＆btR在太古都有好幾年嘅時間之前成日幫襯但好快食到厭個餐牌好似嘅變化始終唔大無乜野好揀最近經過發現佢地個餐牌竟然多咗定食類決定比多次機會佢又試下👉🏼牛扒配蘿蔔酸汁定食（$120）份量比想像中大，佢塊扒夠厚仲要個熟成度係medium rare配上開胃嘅蘿蔔酸汁又幾唔錯不過咬嘅口感去到後面咬到有啲攰攤凍咗會愈嚟愈un整體算ok嘅有飯有湯又沙律幾抵食男仔食都夠飽👉🏼蒜辣海鮮意粉（$77）食開5小辣嘅我都只係覺得佢微辣所以怕辣嘅唔洗走辣都得個意粉煮得幾濃幾掛汁口感煙韌但係有幾條唔係好熟😶海鮮份量以呢個價錢嚟講算係咁有魷魚，蝦，同帶子但對我呢啲大食妹來說只食佢絕對唔飽👉🏼凍檸檬茶（+$12）飲過凍檸茶無數嘅我呢杯可以作為好飲嘅Top 10用嘅茶葉係伯爵茶底以前幫襯見過佢放啲茶葉盒出嚟上網搵唔到香港有得賣，係英國先有飲落勁重earl grey香又唔澀如果唔係太追求佢嘅香橙，荔枝，菠蘿同伯爵茶呢啲加$18嘅配搭只加$12配杯凍檸茶都已經夠～📍&btR太古太古城道18號太古城中心1樓136號舖服務：👍🏻👍🏻👍🏻👍🏻環境：👍🏻👍🏻👍🏻👍🏻食物：👍🏻👍🏻👍🏻✨喺溜冰場隔離，但多數係溜冰無乜點打冰球，所以唔會好嘈，坐窗邊仲可以欣賞人溜冰（當然人地都欣賞你食飯🤣)可以手機落單同櫃檯落單，2100準時清場，所以最遲2015就入座，如果唔係會有啲趕…Read More

lunch本身想試嗰間太多人咁啱有同事未食過三田帶佢去試下沾麵👉🏼黃金牛肉沾麵見到佢係期間限定又唔係好想食叉燒就試下呢個。一食啲牛肉。。。。。。吉野家牛肉丼嚟嘅喂🤣🤣🤣洋蔥同牛肉完全exactly吉野家嗰隻味豚骨魚介沾麵汁一如既往高水準夠濃又夠香唔會食完好口渴隻溏心蛋撈麵都好好味麵嘅份量女仔揀中size 350g都差唔多彈牙同埋都同汁match嘅～📍三田製麵所 (金朝陽中心二期 - Midtown)銅鑼灣登龍街1-29號金朝陽中心二期 - Midtown地舖服務：👍🏻👍🏻👍🏻👍🏻環境：👍🏻👍🏻👍🏻👍🏻食物：👍🏻👍🏻👍🏻👍🏻✨️可以試下其他款式嘅沾麵，黃金牛肉嘅除非你好中意吉野家，我唔特別推薦😂…Read More

喺尖沙咀K11 Musea睇完戲去下面個foodcourt睇下有無新野食無嚟一排有好多舖頭都唔同咗樣望咗一個圈比佢出餐位幾碟滑蛋叉燒飯吸引住見到咁多人幫襯就決定食呢間香港情懷啦～👉🏻星洲炒米（$78）身為炒粉控，見到餐牌有星洲炒米唔驚訝，而係佢夠膽將佢標誌為推介先覺得奇，星洲炒米好似好易整，但要有鑊氣同乾身又惹味其實難度幾高，仲要啲薑黃粉落得啱啱好，辣度適中又香口，米粉軟硬度幾啱啱好 👉🏼滑蛋叉燒飯（$88）食開滑蛋都好驚滯，但難得呢個完全唔滯，仲清晒碟，叉燒唔算厚，但肥瘦適中，有少少焦香，只係份量對於男生就有啲細，如果多少少更好。如果叉燒唔係太啱口味，都可以揀滑蛋蝦仁飯，價錢一樣嘅。📍香港情懷尖沙咀梳士巴厘道18號維港文化匯K11 Musea B2樓 Foodcourt服務：👍🏻👍🏻👍🏻環境：👍🏻👍🏻👍🏻食物：👍🏻👍🏻👍🏻👍🏻✨個餐5分鐘內就ready，可以先搵咗位再點餐，點餐後記得望下張單啱唔啱，嗰時被落錯單好彩望望，仲趕得切改到…Read More

同事行街經過新餐廳帶我地去試啱啱開咗無耐嘅浙江菜～本身對呢間野零期望只求唔好食完一次就blacklist本身想試拌麵最後改叫拌飯點知竟然係食過最好味嘅菜飯之一👉🏻黑塌菜豬軟骨拌飯（$66）啱啱上枱雖然賣相一般般，但啲黑塌菜同啲飯撈埋一齊出奇地夾，唔同一般嘅上海菜飯，佢仲要有大量嘅菜，每羹飯都係脆脆軟軟嘅配搭，黑塌菜仲有獨特嘅咸香，食落勁開胃。豬軟骨好腍，平時食好少飯嘅我，掃晒成個煲底仲有啲意猶未盡。餐廳都post咗好多黑塌菜嘅資料，等客人對於呢種菜有更多嘅認識，黑塌菜有超多豐富嘅營養，來自如皋出過500個長壽老人嘅地方，所以都有長壽菜嘅別稱，推薦比注重養生嘅你～👉🏻炸糍粑（$16／6件）食完同同事再share咗個炸糍粑，本身驚好大份，但原來只有6粒小方磚嘅size,飯後甜品啱啱好，最緊要只係$16，配嘅仲要係少見嘅桂花糖漿，先嘗香甜，脆皮下又來一啖甜糯口感，三重滋味，再嚟一份都食得落😳📍和府撈麵銅鑼灣羅素街24號2000年廣場地舖（Times Square對面）服務：👍🏻👍🏻👍🏻👍🏻環境：👍🏻👍🏻👍🏻食物：👍🏻👍🏻👍🏻👍🏻👍🏻✨可用the gulu排隊，但地方較細，較適合1至4人用餐會較易有位…Read More