肥灰灰's Profile

約朋友相聚當然搵間又舒服又無限時食店，但當開始見到店舖門口已經開始唔妥😰，入到店內已經聞到陣陣酸臭味🤮，周邊雪櫃及窗口勁污漕同生銹，見到椅子周圍是爛的及見到牆上及枱面有🪳曱甴行過，我和朋友想離開但又不好意思，於是硬著頭皮開始叫餐，先來雞煲🤢，雞肉怪味🥺及蜆是臭的，之後出蒸海鮮都還好，再嚟打邊爐，Bar台好臭🤮同啲菜好多是爛的，見到隔離枱有燒物食，就嘗試叫來食，燒雞串可以接受，但再叫其他燒物時，已乜晒單，冇嚟過，唉～今次好彩冇食到肚痛🥴…Read More

這間小店從電視飲食節目中介紹，自己未去過泰國旅行，所以對這間有篤篤車特色座位特別感興趣，加上食物賣相精緻，就即刻從openrice訂位。今日與朋友早到這間小店，店內女侍應非常有禮請我們暫坐其他座位，待有顧客結帳離開才安排我們坐篤篤車卡位。等了一陣，我們安排入座並點菜，我們選了一個2人套餐並加配飲品，包括一個拼盤（炸物外脆內軟），泰式海鮮菠蘿炒飯（甜甜地）及炒蕹菜豬頸肉（微辣），一杯椰汁冰及一杯珍多冰（濃濃椰汁味），整體好滿意，會有下次…Read More

我們諗住係頌富買野，順便在這裡吃午餐，亦冇諗住專登搵邊間食，就見到呢間有位就入去食，呢間餐廳11點便開始供應午餐，入到去只有2枱顧客，侍應有2位只忙著整外賣，沒有人招呼入內，我們自行坐低後，就有位女侍應遞了2杯水及餐牌給我們，發現食品選擇唔多，貴錢偏貴，餐廳內冇乜冷氣。我們大約11點16分落單後，陸續都有其他顧客點餐，等左20分鐘，後來嚟既食客都有野食，我們嗰2份唔知去左邊，又等左一陣終於有得食，又發現米線份量少:(，西洋菜蜜偏淡，又越食越熱，之後食完覺得好口喝，因餐廳太熱，我要出動電風扇撥涼，隔離2枱食客就要用餐牌撥涼，好似坐係街邊食野，唉…！總括來說，呢間只幫襯一次亦都是最後一次。…Read More

一早過隔離屋邨食早餐，就試下呢間餐廳，首先攞籌，不過職員就安排座位有啲亂，一時要我們坐呢邊跟住又話坐另一邊。到點餐時，沒有太多選擇，另外我們想加配粉麵類都沒有。仲有，有位男職員好惡好大聲話我隻手突左出枱邊，叫我縮番埋，我只是手㬹突左啲啲出嚟，都未至於阻住成條通道，真是都嚟埋。之後早餐送嚟，份量少又迷你，加埋咁貴既價錢，一點都唔值，都唔明仲有人幫襯…Read More

今日要到旺角攞野，就之前聽聞有間基隆茶餐廳，就決定在這間食晏晝，其實一落巴士唔使行好遠就搵到。一入到餐廳，其實都差不多滿座，好彩都望到最後一排卡位，有位姐姐好快介紹是日特價午餐，但我們覺得想嘗試其他炒粉麵，之後有位好有禮貌既叔叔幫我們落單，我們就叫左一碟揚州炒飯及干炒豬扒意粉，先講炒飯，飯粒炒得好爽，味道唔錯。炒意粉仲好味，一出來就熱辣辣，好好味，好夠火候，豬扒好淋唔咸，其實總括嚟講，呢間茶餐廳又平又好食，正！…Read More

昨晚因工作關係，只有半小時晚膳時間，行經渣甸街找餐廳吃飯，搵左好多間食肆都排滿隊，就見到一間冇乜人等既麵檔就即刻入去食，一坐低望見張餐牌，WA...使唔使咁貴AH..$40一碟撈麵，選擇又少，想走又唔好意思，之後咪叫伙計落單，我話要一碗雲吞米，個伙計冇禮貌講話:「冇米喎」「得河同麵咋」，咁我就指住個餐牌話「"粉"麵同價」，咪叫左碗雲吞麵及京都炸醬撈麵，之後麵嚟到嚇一跳，從未見過咁細碗，麵味與其他麵家沒有分別，雲吞極迷你，又充滿胡椒味，味道好怪，後來聽人講話呢間好出名，真係唔係好覺!!…Read More

途經上環海味街，見有d肚餓，就諗住喺附近食嘢，發現有間太平洋酒店，見到食下午buffet只係約$128，價錢都ok，就決定就呢間。一入酒店，要上二樓IP CAFE吃BUFFET，晏晝嚟講人客唔多，但環境幾優雅、寧靜及乾淨，不過地方就細左小小。最緊要就係食物方面，先講食物種類，有三文魚、各款刺身、冷面、沙律、煙燻雞、凍大蝦、龍蝦仔、煙三文魚、羊肉卷、pizzle、烤豬肉、燒賣、荷葉龍俐柳、粥、中式湯、小籠包，以及各款甜品及水果等....而我覺得最鍾意食就係佢地既凍大蝦，又鮮甜、又爽，d三文魚刺身都好新鮮，任食及不斷供應，唔似其他d酒店，話就話任食其實要配給先有得食。d燒賣好彈牙，龍俐柳食落有荷葉味，好香!!d粥既火喉啱啱好，唔會水潢潢，又係好味!!總結來說，雖然呢間酒店位置唔係好顯眼，但係佢地既食物水準都比我原先估計既高，所以值得再來!!…Read More

平時行街都留意呢間食店(任食放題/打邊爐)，但就未幫襯過，今次終有機會!!妹夫及妹妹之前話嚟過，話好好食，咪試下囉!!大約下午6時，一入去，覺得環境比較暗，以為呢間食店未開始營業，跟住就有個女侍應行過來招呼，坐低後，就用紙點嘢食(刺身、炸物、串燒、燒三文魚頭、冷麵、天婦羅，炸雞翼等等....1.先來一客刺身，三文魚OK，帶子太細粒(冇乜味)、最唔得就係D吞拿魚，未完全解凍就比客人食，得D雪味及仲有雪粒，好差!!2.d壽司好好味，特別係焰燒三文魚壽司，都有水準!!3.d天婦羅都ok，炸漿份量適中，唔會食到成口炸漿粉!!4.蟹子沙律味道鮮甜，另外d冷麵味道適中，ok!!如果唔係要求高的話，又想食多類日本美食，呢間都ok!!…Read More

昨日，約了阿妹到旺角吃飯，咁就順路入左呢間餐廳食嘢，一入去，感覺環境好暗、懷舊，一坐底，都未諗到食乜，就有個侍應企係側邊就問:「紅湯、白湯?」，我都未嚟得切反應，就要答佢，真係犀利!!之後佢地出食物都出得快，白湯味道一般，咁我叫左個粟米'石斑'飯 ，d白汁太少，個"石斑"既肉質似"龍利柳"多d，凍檸茶味道ok，仲有個啫喱加花奶，都幾好味。我地差不多食完，就有個侍應好快咁收晒d碟、杯，好似趕客咁，真係想坐多一陣都唔得，食完好走喇!!希望佢地改善下d服務態度啦!!…Read More

事緣今次到呢間吃自助餐，是因為妹妹話有折才去，她在電話裡問左幾次，個職員都話有折，以及阿妹話d嘢食唔錯，咪試下囉。一入去d環境都不錯，都幾大，食物種類都超多，例如有大大碟新鮮三文魚、吞拿魚(不斷供應)對我地咁鍾意食魚生係好滿意架:)，仲有多款中、西美點(例如小籠包、魚翅餃、燒賣等)都好好味，D酥皮魚翅湯~好正(一出就囉晒)，D小炒類都幾有鑊氣，D芝士蛋糕都好味，不過就少款D:(，飲品方面，可以到近門口取，有位侍應會幫你整好，唔使自己溝。因為太飽了，其餘D粉麵類、生蠔、沙律都冇機會試，可惜!!!!!!!!!!但唯一最唔滿意就係最後找數時，個侍應話今日係冇DISCOUNT，我地都幾嬲，好似比人欺騙!!不過如有機會，都會再去品嘗!!!…Read More

我朋友介紹左呢間壽司店，咁咪去試下囉!當晚大約6:30，我地到左呢間壽司店，裡面都唔算多人，d 侍應都識得招呼我地，坐低後，就選壽司食啦，d 款都幾多，(如比起元氣)，碟碟$11都可接受，d三文魚都有d光澤，唔係好差，d炸蝦壽司都幾新鮮，另外d海膽壽司味道ok，唔苦。但芝士蟹柳壽司既蟹柳，好似唔係咁新鮮，其實大致都ok，如果大家唔要求太高。服務都差dd，有兩碟叫左好耐都未有，咁就叫侍應跟進，咁佢地有同我地跟，話唔好意思，d壽司會盡快嚟。咁都算做左嘢。…Read More